Siçovul, arxiv şəkli

Hansı daha təhlükəlidir - koronavirus, yoxsa hantavirus?

273
(Yenilənib 14:09 25.03.2020)
Virusoloq bildirib ki, hantavirusa görə narahat olmaq lazım deyil, çünki onun yaratdığı xəstəlik profilaktika və nəzarət oluna bilir

BAKI, 25 mart — Sputnik. Neyrofiziologiya sahəsində mütəxəssis, alim Simayya Şeyk Twitter hesabındakı açıqlamasında hantavirusun insandan-insana keçməsini nadir hal adlandırıb.

Sputnik Azərbaycan bildirir ki, alimin sözlərinə görə, bu virusun törətdiyi xəstəlik hələ ötən əsrin ortalarında, Koreya müharibəsi zamanı yaranıb. Şeyk əmin edib ki, hantavirus əleyhinə peyvənd var və buna görə panika yaratmağa gərək yoxdur.

​Uhan Universitetinin virusoloqu Yan Çjantszyu isə hantavirusdan ölən çinlinin olduğu avtobusdakı insanların da bu mərəzə yoluxma ehtimalının çox az olduğunu bildirib.

“COVID-19-dan fərqli olaraq hantavirus əksər hallarda nəfəs yolları ilə yayılmır”, - Global Times-a müsahibə verən Çjantszyu əmin edib.

Ancaq onun sözlərinə görə, virus yoluxmuş insanlardan digərlərinə ifrazat və qan vasitəsilə keçə bilər.

Virusoloq bildirib ki, hantavirusa görə narahat olmaq lazım deyil, çünki onun yaratdığı xəstəlik profilaktika və nəzarət oluna bilir. Bundan başqa, şəhərlərdə hantavirusun yayılma dərəcəsi də azdır, daha çox kəndlərdə rast gəlinir.

Hantavirus böyrək, qaraciyər və digər daxili orqanları zədələyə, eləcə də titrətmə və geniş qanaxma yarada bilər. 

Bu günlərdə məlumat yayılıb ki, Çində bir kişi hantavirusdan ölüb. O, sifarişli avtobusla işə gedirmiş.

Yoluxma daha çox gəmiricilər və onların həyat fəaliyyətinin nəticələri ilə təmasda olarkən baş verir. İnsandan-insana keçmə hantavirus üçün xarakterik deyil. Belə hallara ancaq Çili və Argentinada rastlanıb.

Ümumdünya Səhiyyə Təşkilatı (ÜST) martın 11-də yeni koronavirusun (COVID-19) yayılmasını pandemiya elan edib. ÜST-ün son məlumatlarına görə, dünyada artıq 372 mindən çox insan koronavirusa yoluxub, qurbanların sayı 16 mini keçir.

273
Əlaqədar
Bu çağırış koronavirusa son qoya bilər
Türkiyədə koronavirusdan ölənlərin sayı artdı
Putindən qəfil addım: koronaviruslu xəstələrlə görüşə getdi - VİDEO
İtaliyada koronavirusdan ölənlərin sayı niyə artdı?
Lotereyada udan qadından koronavirus aksiyası: pulsuz kartof payladı
Koronavirus testi, arxiv şəkli

Rekordlar qırmağa sanki söz vermişik: 379 yeni yoluxanımız ölənlər var

36
(Yenilənib 18:10 06.06.2020)
Hazırkı dövrədək ölkəmizdə 7239 nəfərin koronavirus infeksiyasına yoluxması faktı müəyyən edilib, onlardan 4024 nəfər müalicə olunaraq sağalıb, 84 nəfər vəfat edib

BAKI, 6 iyun — Sputnik. Azərbaycan Respublikasında 379 yeni koronavirus infeksiyasına yoluxma faktı qeydə alınmış, 153 nəfər müalicə olunaraq sağalmış və evə buraxılmışdır.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 1941 və 1956-cı il təvəllüdlü iki nəfər vəfat etmişdir.

Посмотреть эту публикацию в Instagram

6 iyun, 2020-ci il tarixinə olan rəsmi məlumat

Публикация от Sputnik Azərbaycan (@sputnik.az)

Hazırkı dövrədək ölkəmizdə 7239 nəfərin koronavirus infeksiyasına yoluxması faktı müəyyən edilmiş, onlardan 4024 nəfər müalicə olunaraq sağalmış, 84 nəfər vəfat etmiş, 3131 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 72 nəfərin vəziyyəti ağır, 86 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 334.863 test aparılmışdır.

36
Mövzu:
Azərbaycanda koronavirus: son xəbərlər
Əlaqədar
Britaniyanın keçmiş kəşfiyyat rəhbəri: koronavirus Çin laboratoriyasında yaranıb
Bakıda koronavirusa yoluxma ən çox bu rayondadır
Hava və koronavirus arasında əlaqə varmı? Akademik izah edir
Koronavirusa yoluxanların sayı durmadan artır
Azərbaycanda millət vəkilinin yaxın qohumu koronavirusdan öldü
Bakıda tibbi maskada olan insanlar

ÜST maska ilə bağlı fikrini dəyişdi

213
(Yenilənib 16:28 06.06.2020)
ÜST hökumətlərə yeni növ koronavirusun yayılmasının qarşısını almaq üçün ilk dəfə ictimai yerlərdə üz maskaları taxmağı tövsiyə edib.

BAKI, 6 iyun — Sputnik. Ümumdünya Səhiyyə Təşkilatı (ÜST) COVID-19 virusuna nəzarət üçün maskaların istifadəsinə dair təlimatını yeniləyib. Sputnik Azərbaycan-ın məlumatına görə, Ümumdünya Səhiyyə Təşkilatının Baş direktoru Tedros Adhanom Qebreyesus maska taxmaq üçün verilən tövsiyələrin dəyişdirildiyini bildirib. Onun sözlərinə görə, bu təlimat yeni əldə olunmuş sübutlara əsaslanır:

"Aşkar edilmiş dəlillərə görə, ÜST hökumətlərə virusun geniş yayıldığı və fiziki məsafə saxlanılmasının çətin olduğu yerlərdə maskalardan istifadə etmələrini tövsiyə edir. Belə yerlərə ictimai nəqliyyat, supermarket və digər qapalı məkanlar daxildir".

Bununla da ÜST hökumətlərə yeni növ koronavirusun yayılmasının qarşısını almaq üçün ilk dəfə ictimai yerlərdə üz maskaları taxmağı tövsiyə edib. Qeyd edək ki, indiyə qədər ÜST tibbi maskanı yalnız koronaviruslu xəstə insanların taxmasını tövsiyyə edirdi.

213
Əlaqədar
Azərbaycanlı ixtiraçının yeni kəşfi kliniki sınaq üçün ABŞ-a göndərilir
Koronavirus əleyhinə daha bir mübarizə metodu - deyin, "pendir..."
Əzrayılın köməkçiləri: ehsan boşqabını sayanlar, ürəyiyuxa polis və öldürücü mehribanlıq
“İnanırsan, ya inanmırsan”: günümüzün ən mühüm sualı
“Maska rejimi? Xəbərimiz yoxdur”: Bakıda karantinə necə riayət edirlər
Qaz xəttinə qanunsuz qoşulma

Qaz sayğacları ilə bağlı görünməmiş olay

0
(Yenilənib 17:23 06.06.2020)
Başqa yerlərdə layihə əsasında quraşdırılmalı sayğaclar gətirilərək bu ərazidə yaşayan vətəndaşların istifadəsinə verilib

BAKI, 6 iyun — Sputnik. “Azəriqaz” İstehsalat Birliyi (İB) Abşeron və Suraxanı rayonlarında işbazların əməllərini üzə çıxarıb.  İB-dən Sputnik Azərbayacan-a bildirilib ki, Abşeron rayonunda Xırdalan şəhəri, Mehdi Hüseynzadə küçəsi 1 A ünvanında yerləşən “R+R” Mənzil Tikinti Kooperativinin (MTK) inşa etdiyi binada qazdan qanunsuz istifadə edən mənzillər aşkarlanıb.

Bina 2 blok, 66 mənzildən ibarətdir. 55 mənzildə yaşayış mövcuddur. Həmin binanın yalnız 31 mənzilində qaz sayğacı quraşdırılaraq qeydə alınıb, abonent kodu təyin edilib. Digərlərinə isə qaz açılışı ilə bağlı hər hansı rəy verilməyib. Bu vəziyyətdən istifadə edən bəzi sakinlər kimlərinsə vasitəçiliyi ilə müxtəlif yollarla qaz xətlərinə müdaxilə edərək qanunsuz qoşmalar aparıblar. İki fakt binanın fasadından aydın göründüyü üçün tam təsdiqini tapıb. Daha 10-a yaxın mənzildə də belə halların mövcudluğuna dair ciddi əsaslar var. Karantin rejimini əsas gətirərək sakinlərin mənzil baxışına şərait yaratmaması da binada çox sayda qanunsuz qoşulmanın olduğunu deməyə əsas verir.

© Photo : Результаты поиска Все результаты AzeriGas Production Union
Qaz xəttinə qanunsuz qoşulma

“Azəriqaz” İstehsalat Birliyi ünvanı qeyd edilən bina sakinlərindən xahiş edir ki, MTK nəzarətçisi (komendant) ilə əlaqə saxlayıb, mənzillərində qanunsuz qoşulma varsa, həmin xəttin ləğvinə şərait yaratsınlar. Əks halda bu cür vəziyyət təkcə həmin ailə üçün deyil, bütün bina sakinləri üçün təsəvvür edilməyəcək dərəcədə qəzalı durum yarada bilər. Suraxanı rayonu, Hövsan qəsəbəsi, Məktəb küçəsində isə qanunsuz şəkildə qaz xətti çəkilərək 4 fərdi yaşayış evinə qaz verilib. Dövlət Neft Şirkətinə məxsus pay hasilat torpaqlarının ərazisindən qaz xətti çəkilməsi qadağan olunduğu halda, bu işi podratçı təşkilatlardan biri icra edib və nəticədə vətəndaşlar aldadılıb. Başqa yerlərdə layihə əsasında quraşdırılmalı sayğaclar gətirilərək bu ərazidə yaşayan vətəndaşların istifadəsinə verilib. Qeyd edək ki, bu cür ərazilərdə daşıyıcı qaz xətləri yaşayış evinin yaxınlığından keçdiyi halda həmin evə qaz verilişinə icazə verilə bilər.

 

 

0
Əlaqədar
Xətti təmir edənə mane oldular - indi 100 ailə qazsız oturub
Sosial şəbəkədə "şeytan ovu" - hamını 10 manatın cəriməsinə salan axtarılır
"Azəriqaz" sayğacla bağlı məsələyə aydınlıq gətirdi
Azərbaycanlı bu fırıldağı ilə Ginnessə düşə bilər - VİDEO
“Azəriqaz” abonentlərə müraciət edib