Koronavirus testi, arxiv şəkli

ÜST-ün nümayəndəsi koronavirusun iki əsas əlamətini açıqladı

66
(Yenilənib 10:27 25.03.2020)
Vuynoviç qeyd edib ki, əgər kimsə xoşagəlməz epidemioloji vəziyyətin hökm sürdüyü ölkələrdə olmayıbsa, digər simptomlar onda qorxu yaratmamalıdır

BAKI, 25 mart — Sputnik. İki əsas əlamət vətəndaşlara koronavirusa yoluxub-yoluxmadıqlarını anlamaqda kömək edəcək.

Sputnik Azərbaycan bildirir ki, bu barədə "Rossiya 24" telekanalının efirində Ümumdünya Səhiyyə Təşkilatının (ÜST) Rusiyadakı nümayəndəsi Melita Vuynoviç danışıb.

Onun sözlərinə görə, söhbət yüksək temperatur və güclü nəfəs darlığı fonunda quru öskürəkdən gedir.

"Bu o deməkdir ki, ayaqyolu yataq otağınızdan üç metr aralıda yerləşir, amma siz oraya gedib çata bilmirsiniz: sadəcə nəfəs almaq həddən artıq çətin olduğuna görə", - Vuynoviç izah edib.

Vuynoviç qeyd edib ki, əgər kimsə xoşagəlməz epidemioloji vəziyyətin hökm sürdüyü ölkələrdə olmayıbsa, digər simptomlar onda qorxu yaratmamalıdır. Bu əlamətlər başqa xəstəliklərin nişanəsi ola bilər. Məsələn, COVID-19-da zökəmə nadir hallarda rastlanır, ancaq o, koronavirusun başqa tipinin əlaməti ola bilər.

Bir müddət əvvəl koronavirusun dünyada yayılmasının iki senarisi açıqlanıb. Bunlardan birinə görə, epidemiya bir neçə ay çəkib, sonra tamamilə itə bilər. Digər senariyə görə isə, hər mövsüm təkrarlana bilər.

66
Sputnik V peyvəndini, arxiv şəkli

Ekspert "Sputnik-V" peyvəndinin digər preparatlardan yenilikçi fərqini açıqladı

3
(Yenilənib 14:28 22.01.2021)
"Yüksək effektivlik fərziyyəsi səbəbindən adenovirusun müxtəlif vektorlarının istifadəsi strategiyası hər zaman bizi maraqlandırıb və indi bu, öz təsdiqini tapdı"

BAKI, 22 yanvar — Sputnik. Rusiyanın koronavirus əleyhinə "Sputnik-V" peyvəndi birvektorlu preparatlardan daha yaxşı nəticə göstərir – bu fikri Rusiya vaksini üzrə beynəlxalq elmi məsləhət şurasının mütəxəssisi Karlos Sala səsləndirib.

"Yüksək effektivlik fərziyyəsi səbəbindən adenovirusun müxtəlif vektorlarının istifadəsi strategiyası hər zaman bizi maraqlandırıb və indi bu, öz təsdiqini tapdı, çünki eyni platformadakı peyvəndlərlə müqayisədə nəticələr daha yaxşıdır", – deyə RİA Novosti ondan sitat gətirərək bildirir. Ekspert bunu "yenilikçi nəticə" adlandırıb.

Qeyd edək ki, "Sputnik-V" peyvəndi SARS-CoV-2 virusunun spark zülalının daxil olduğu adenoviral vektorlar əsasında yaradılıb. Adenovirusların özləri çoxalma qabiliyyətindən məhrumdur - onlar insan orqanizminin hüceyrələrinə genetik material (antigen) çatdırma funksiyası daşıyır.

Rusiyanın COVID-19 əleyhinə peyvəndi

Avqust ayında Rusiya Səhiyyə Nazirliyi Qamaleya Mərkəzi tərəfindən hazırlanmış və Rusiya Birbaşa İnvestisiyalar Fondu ilə birlikdə istehsal olunan COVID-19 əleyhinə dünyada ilk peyvəndi qeydə aldı. Ona "Sputnik-V" adı verildi. Preparat üç həftəlik fasilə ilə iki komponentin tətbiq edilməsini nəzərdə tutur.

Koronavirusa qarşı ikinci rus peyvəndi olan "EpiVacCorona" "Vektor" Novosibirsk mərkəzinin preparatıdır. Bundan başqa, Rusiya Elmlər Akademiyasının Çumakov adına İmmunobioloji Tədqiqatların Araşdırılması və İnkişafı Mərkəzində "canlı" peyvəndin klinik sınaq mərhələsi davam edir. Artıq qeydiyyatı üçün sənədlər Səhiyyə Nazirliyinə təqdim olunub.

Xatırladaq ki, bir qədər bundan əvvəl Sputnik radiosu Macarıstanda bu məsələləri tənzimləyən qurumun "Sputnik-V" peyvəndinin təsdiqlənməsini tövsiyə etdiyi barədə məlumat vermişdi.

 

3
Teqlər:
Sputnik-V peyvəndi, vaksin, vaksinasiya, Koronavirus, epidemiya, COVID-19
Mövzu:
Yeni tip koronavirus pandemiyası
Məktəblərin birində, arxiv şəkli

Azərbaycanda koronavirusa yoluxan müəllim şagirdlərin sayı açıqlandı

8
Yanvar ayının 1-də virusa yoluxan şagirdlərin sayı 20 nəfər olubsa, təhsil işçiləri arasında bu rəqəm həmin dövrdə 5 nəfər təşkil edib.

BAKI, 22 yanvar — Sputnik. Azərbaycanda sentyabr ayından bu günədək koronavirusa yoluxmuş müəllim və şagird kontinentinin sayı açıqlanıb. Sputnik Azərbaycan bildirir ki, bu barədə təhsil nazirinin müşaviri Rüstəm Ağayev xüsusi karantin rejimi dövründə təhsil müəssisələrinin fəaliyyətinin təşkilinə dair keçirilən brifinqdə məlumat verib. O bildirib ki, sentyabr ayından indiyədək 14 758 nəfər şagird koronavirusa yoluxub. Təhsil işçiləri arasında yoluxma sayı isə 7090 olub. I-IV siniflərin arasında yoluxan şagirdlərin sayı 2246 idi. Bu da ümumi virusa yoluxan şagirdlərin cəmi 15%-dir. V-IX siniflərdə 4411, X-XI 7525 olub. Bu da ümumi şagirdlərin 51%-dir" .

Onun sözlərinə görə, yanvar ayının 1-də virusa yoluxan şagirdlərin sayı 20 nəfər olubsa, təhsil işçiləri arasında bu rəqəm həmin dövrdə 5 nəfər təşkil edib.

8
Teqlər:
Koronavirus, şagirdlər, müəllimlər
Mövzu:
Azərbaycanda koronavirus: son xəbərlər
Teatr səhnəsi, arxiv şəkli

Şuşa Teatrı haqqında film çəkilib

0
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

0