Xəstəxana, arxiv şəkli

Dünyanı bürüyən bəla haqda ümidli sözlər: immunitet yaranır

320
(Yenilənib 01:12 24.03.2020)
Martın 23-də məlumat yayıldı ki, fransız alimlər COVID-19 xəstəliyini törədən SARS-CoV-2 koronavirusuna qarşı dərmanı uğurla sınaqdan keçiriblər

BAKI, 24 mart — Sputnik. "Rospotrebnadzor"un başçısı Anna Popova bildirib ki, COVID-19 koronavirusuna yoluxanlarda xəstəliyə qarşı immunitet yaranır.

Sputnik Azərbaycan RİA Novosti-yə istinadən bildirir ki, bu barədə Popova Birinci kanalda Vladimir Poznerin verilişində olarkən deyib.

"Bugünkü tədqiqatlar onu deməyə əsas verir ki, yeni koronavirusun yaratdığı infeksion xəstəlikdən sağaldıqda immunitet yaranır", - Popova deyib. Qurumun rəsmisi "Rospotrebnadzor"un apardığı tədqiqatlara əsaslanır. Alimlər xəstəlikdən sağalanların qanında yenidən yoluxmanın qarşısını alan M və G immunoqlobulinlərinin yarandığını təsbit ediblər. 

Son məlumatlara görə, Rusiyada 438 koronavirusa yoluxma halı aşkarlanıb. Onlardan 17 nəfər sağalıb. Bütün dünya üzrə yoluxanların sayı 360 min, sağalanların sayı 100 mindən çoxdur.

Martın 23-də məlumat yayıldı ki, fransız alimlər COVID-19 xəstəliyini törədən SARS-CoV-2 koronavirusuna qarşı dərmanı uğurla sınaqdan keçiriblər. Bildirilib ki, infeksiyanı malyariya əleyhinə hidroksixloroxin və azitromisin kombinasiyası sağaltmağa qadirdir. 

320
Əlaqədar
Karantində olmaz! - Moskvalılara maraqlı yasaq gəlir
Bu gündən xüsusi karantin rejiminə keçirik: QADAĞALAR
Koronavirus dəhşəti: Buz meydançasını morqa çevirirlər - VİDEO
Gürcüstanın azərbaycanlılar yaşayan iki rayonuna hərbi texnika yeridildi - VİDEO
Tənha qocalar üçün xüsusi nömrə: evdən çıxmadıqları üçün qeydiyyat vacibdir
Qadın yatır, arxiv şəkli

Yatmaq üçün necə yataq seçmək lazımdır?

20
(Yenilənib 20:13 26.09.2020)
Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

BAKI, 26 sentyabr — Sputnik. Bəziləri sərt yerdə yatmağın faydalı olduğunu hesab edir. Sputnik Azərbaycan xarici mətbuata istinadla xəbər verir ki, sərt yerlərdə yalnız ciddi onurğa xəsarətlərindən sonra və həkimin tövsiyəsi ilə yatmaq məsləhət görülür.

Bu barədə danışan həkim Stanislav Unmut bildirib ki, sərt yataq osteoxondroz və spondiloz xəstələri üçün təhlükəlidir.

Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

Mütəxəssisin fikrincə, onurğa xəstəlikləri olan insanlar və bu cür xəstəliklərdən əziyyət çəkməyənlər üçün ən yaxşı seçim yarı sərt ortopedik döşəkdir: "Almazdan əvvəl bir neçə dəqiqə üstündə uzanın. Hər zaman müstəqil yayları olan döşək seçin. Bu, döşəyin bədənin hər hərəkətinə uyğunlaşmasına kömək edəcək".

20
Koronavirusa qarşı  peyvənd, arxiv şəkli

COVID-19 peyvəndi yaşlı nəsil üçün bir o qədər faydalı olmayacaq

13
(Yenilənib 23:05 26.09.2020)
''Ad26.COV2.S'' adı verilən peyvəndin tək dozasının iki dozaya bərabər təsirə malik olduğu bildirilib.

BAKI, 26 sentyabr — Sputnik. Bütün dünyanı təsir altına alan koronavirus pandemiyasına qarşı peyvəndin sınaqlarını həyata keçirən ABŞ-ın dərman firması xoş xəbər açıqlayıb. Sputnik Azərbaycan-ın xəbərinə görə, firma, yayımladığı məlumatda qeyd edib ki, koronavirus peyvəndi kliniki sınaqlarda güclü immunitet yaradıb.

''Ad26.COV2.S'' adı verilən peyvəndin tək dozasının iki dozaya bərabər təsirə malik olduğu bildirilib. Artıq 1000 nəfərdən çox şəxs üzərində bu peyvəndin sınağı aparılıb. Lakin poeyvəndin hələlik ki, yaşlı nəsil üzərində təsirinin bəlli olmadığı da bildirilib. Yəni, kliniki sınaqlar zamanı gənc və orta yaşlılarda immun sisteminin virusa qarşı 64 faiz həddində olduğu deyilsə də, 65 yaşdan yuxarı şəxslərdə bu rəqəmin 36 faiz civarında olduğu bildirilib. Peyvəndin ümumi olaraq peyvəndin 60 mindən artıq şəxs üzərində sınağı aparılacaq.

Bir neçə mərhələdən uğurla keçdikdən sonra bu peyvənd 2021-ci ilin əvvəlinə qədər təqdim olunacaq.

13

Prezident İlham Əliyev Azərbaycan xalqını təbrik etdi

0
"Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər"

BAKI, 27 sentyabr — Sputnik. “İşğal altında olan bir neçə yaşayış məntəqəsi işğalçılardan azad edilib. Bu münasibətlə bütün Azərbaycan xalqını təbrik edirəm”.

Sputnik Azərbaycan-ın məlumatına görə, bunu Prezident İlham Əliyev Təhlükəsizlik Şurasının iclasında deyib.

Dövlət başçısı əmin olduğunu bildirib ki, bizim uğurlu əks-hücum əməliyyatımız işğala son qoyacaq:

“Əminəm ki, bizim uğurlu əks-hücum əməliyyatımız işğala son qoyacaq, ədalətsizliyə son qoyacaq, 30 ilə yaxındır davam edən işğala son qoyacaq. Çünki Azərbaycan xalqı öz torpağında yaşamaq istəyir. Azərbaycan vətəndaşı vətən həsrəti ilə yaşayır. Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər”.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

0
Teqlər:
Azərbaycan ordusu, cəbhə, erməni təxribatı, Prezident İlham Əliyev, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Ərdoğan Əliyevə zəng etdi: "Türkiyə Azərbaycanın yanındadır"
Cəbhədə yaralananlarla bağlı son məlumat
İlham Əliyev: Azərbaycan torpaqlarının işğalı Ermənistanın planındadır və bunu gizlətmir