Bakıda tibbi maskada olan qız, arxiv şəkli

ÜST Azərbaycana nümayəndə göndərdi - koronavirusa görə

852
(Yenilənib 11:57 26.02.2020)
"Koronavirusun müalicəsi və müayinəsi ilə bağlı dünyadakı ən son yeniliklər öyrənilir. TƏBİB-in xüsusi infeksion xəstəliklərlə bağlı çalışan işçi qrupu yaradılıb. Bu işçi qrupunda ÜST-ün Azərbaycana ezam olunmuş eksperti də təmsil olunur"

Zülfiyyə Quluyeva, Sputnik Azərbaycan

BAKI, 26 fevral — Sputnik. Azərbaycanda koronavirusla bağlı Tibbi Ərazi Bölmələrini İdarəetmə Birliyində (TƏBİB) xüsusi infeksion xəstəliklərlə bağlı işçi qrupu yaradılıb. Bu işçi qrupunda Ümumdünya Səhiyyə Təşkilatının (ÜST) Azərbaycana ezam olunmuş eksperti də təmsil olunur.

Sputnik Azərbaycan-ın məlumatına görə, bu barədə TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva məlumat verib. O, koronavirusla bağlı son vəziyyət barədə məlumat verib: "Çində virus epidemiyasından sonra koronavirusun ölkəmizdə yayılmasının qarşısını almaq məqsədilə bu ilin yanvar ayının 30-da epidemiyaya qarşı fəaliyyət planı hazırlanıb. Epidemiyaya qarşı zəruri olan bütün tədbirlər görülüb. Məqsəd koronavirusun Azərbaycana keçməsinin qarşısını almaqdır.

Sərhəd-keçid məntəqələrimizdə, eyni zamanda o ərazilərə yaxın olan rayonlarımızda tədbirlər görülür. Həmin rayonlardakı xəstəxanalara yerləşdirilənlər sadəcə koronavirusa şübhəli olan vətəndaşlarımızdır. Onlardan xüsusi material nümunələr götürülür, müayinə olunur. Bu günə qədər onlardan heç birində təsdiq olunmuş yeni koronavirus infeksiyası aşkar olunmayıb. Koronavirusun müalicəsi və müayinəsi ilə bağlı dünyadakı ən son yeniliklər öyrənilir.

TƏBİB-in xüsusi infeksion xəstəliklərlə bağlı çalışan işçi qrupu yaradılıb. Bu işçi qrupunda ÜST-ün Azərbaycana ezam olunmuş eksperti də təmsil olunur".

Y.Qarayeva həmçinin bildirib ki, bütün tibb müəssisələri xüsusi dezinfeksiyaedici vasitələr, tibb işçiləri, eləcə də 103 və 113 təcili tibbi yardım briqadaları fərdi mühafizə vasitələri ilə təmin olunub. Əhaliyə İran İslam Respublikasına xüsusi məcburedici hal olmadıqda səfər etməmələri tövsiyə edilib.

Qeyd edək ki, 2020-ci il yanvarın 28-də Çin Xalq Respublikasında yayılmış koronavirusun Azərbaycan ərazisində yarada biləcəyi təhlükənin qarşısını almaq məqsədilə Azərbaycan Respublikası Baş Nazirinin sədrliyi ilə hökumət komissiyası yaradılıb, yanvarın 30-da epidemiyaya qarşı Fəaliyyət Planı təsdiqlənib.

852
Əlaqədar
Azərbaycanda koronavirusa görə xəstəxanalara yerləşdirilənlərin sayı açıqlandı
Adi maskalar koronavirusdan qoruyurmu, yaxud da N95 tipli maskalar niyə tapılmır?
Koronavirus dollar və avronun məzənnəsinə təsir etdi
Gözlənilməz gəlişmə - Nazir müavini də koronavirusa yoluxdu
Koronavirus: özümüzü və başqalarını necə qoruya bilərik?
Koronavirus testi, arxiv şəkli

Azərbaycanda koronavirusa yeni yoluxanların sayında ciddi artım var

9
Son sutkada Azərbaycanda koronavirusa 988 yeni yoluxma faktı qeydə alınıb, 11 nəfər isə bu xəstəlikdən vəfat edib.

BAKI, 28 oktyabr — Sputnik.Azərbaycanda bu gün koronavirus infeksiyasına 988 yeni yoluxma faktı qeydə alınıb, 340 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 11 nəfər COVID-19-dan vəfat edib. Hazırkı dövrədək ölkəmizdə 52 min 137 nəfərin koronavirus infeksiyasına yoluxması faktı müəyyən edilib. Onlardan 42 min 033 nəfər müalicə olunaraq sağalıb, 699 nəfər vəfat edib. Aktiv xəstə sayı 9405 nəfərdir. Ötən müddət ərzində 1 milyon 319 min 474 test aparılıb. Bugünkü test sayı isə 11426-dır.

9
Teqlər:
Koronavirus, epidemiya, COVID-19
Əlaqədar
Alimlər koronavirus zamanı karantin rejiminin tətbiq olunmasına qarşı çıxdılar
Daha 20 şagirddə koronavirus aşkarlandı
Azərbaycanda koronavirus xəstəsi yaşayış yerini icazəsiz tərk etdi
Koronavirus daha tez öldürməyə başlayıb
Koronavirus da öz işindədir: Azərbaycanda bir sutkada 230 nəfərdə COVID-19 aşkarlandı
Qoca erməni

Astronomik rəqəmlər - Ermənistanda yoluxanların sayı artır

26
(Yenilənib 13:19 28.10.2020)
Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

BAKI, 28 oktyabr — Sputnik. Ermənistanda koronavirusa yoluxanların sayı 82651-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2241 nəfər artıb.

Ermənistanda son gündə daha 21 nəfər ölüb. Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 44 milyonu keçib, 1,17 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

26

Bakı Metropolitenində sərnişindaşıma fəaliyyəti daha bir ay dayandırıldı

0
(Yenilənib 18:23 28.10.2020)
Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişikliklərə əsasən Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

BAKI, 28 oktyabr - Sputnik. Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

Sputnik Azərbaycan-ın məlumatına görə, bu, Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişiklikdə əksini tapıb.

Qeyd edək ki, qüvvədə olan qərara əsasən, bu il oktyabrın 19-dan 2 noyabr saat 06:00-dək Bakı Metropolitenində sərnişindaşıma fəaliyyəti dayandırılmışdı.

Azərbaycanın bir sıra şəhər və rayonlarında ictimai nəqliyyatın hərəkətinə qoyulan məhdudiyyət də noyabr ayının 28-dək uzadılıb. Nazirlər Kabineti yanında Operativ Qərargahdan daxil olan məlumata görə, Bakı, Sumqayıt, Gəncə, Yevlax, Mingəçevir, Şəki, Şirvan, Lənkəran şəhərlərində və Abşeron, Göygöl, Samux, Sabirabad, Quba, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarda aşağıda qeyd olunan tarixlərdə həftəsonları ictimai nəqliyyatın hərəkəti dayandırılır:

31 oktyabr saat 00:00-dan 2 noyabr saat 06.00-dək;

7 noyabr saat 00:00-dan 9 noyabr saat 06:00-dək;

14 noyabr saat 00:00-dan 16 noyabr saat 06:00-dək;

21 noyabr saat 00:00-dan 23 noyabr saat 06:00-dək;

28 noyabr saat 00:00-dan 30 noyabr saat 06:00-dək.

Həmçinin 29 oktyabr saat 00:00-dan etibarən Lənkəran şəhəri, Cəlilabad və Masallı rayonlarına operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

0