Ət, arxiv şəkli

Qida "möcüzəsi" - boşqabımızdakı mal əti keçmiş həyatında at, donuz, toyuq olub

850
"Etiketdə konservin hansı ət məhsulundan hazırlandığı haqda yazılır. Lakin nə qədər hissəsində başqasından istifadə olunduğu qeyd olunmur. Əslində etiketləşmədə standartlar bunu tələb edir" - İbrahim Əhmədov

Nigar İsgəndərova, Sputnik Azərbaycan

BAKI, 23 fevral — Sputnik. "Rusiya Keyfiyyət Sistemi" şirkəti ("Roskaçestvo") pörtlədilmiş ət konservlərində ("tuşonka") antibiotiklər və at DNT-si aşkar edib. Təşkilatın yaydığı məlumata görə, ekspertlər tərəfindən Rusiyada istehsal olunan 23 ticarət markasının məhsulları yoxlanılıb və məlum olub ki, 5 ticarət markasının məhsullarına antibiotiklər qatılıb. Mal əti konservlərinin 6 markasında donuz, üçündə toyuq, birində isə at DNT-si aşkarlanıb. Tədqiqat zamanı 7 markada ət bulyonunun 50 faiz su ilə qarışdırıldığı üzə çıxıb.

Rusiyadan Azərbaycana bu cür məhsullar idxal edildiyinə görə problem ölkəmiz üçün aktualdır. Dövlət Statistika Komitəsindən Sputnik Azərbaycan-a verilən məlumata görə, ötən il ərzində Rusiyadan ölkəmizə 9 639 min ABŞ dolları dəyərində 4 min tonadək konservləşdirilmiş ət, balıq, toyuq məhsulları gətirilib. Maraqlıdır, Rusiyadan ölkəmizə gətirilən məhsullar arasında belə keyfiyyətsizləri varmı?

Qida üzrə ekspert İbrahim Əhmədov Sputnik Azərbaycan-a açıqlamasında bu haqda danışıb: "At əti təhlükəli olsaydı, Asiya qitəsinin bir çox ölkələri ondan delikates kimi istifadə etməzdilər. Sadəcə olaraq bizdə müsəlman adətlərinə, yanaşmalarına görə, bu ətin, ondan hazırlanan konservləşdirilmiş məhsulların satışı, istehlakı olmur. Lakin konservləşdirilmiş məhsullarda mümkündür ki, at ətindən də istifadə olunsun. Bunun heç bir təhlükəsi yoxdur. Sadəcə olaraq bu haqda malın etiketində məlumat olmalı, istehlakçı nə aldığını bilməlidir".

"Məhsula sertifikatı, gigiyenik sənədləri, satışına icazəni verən müəssisələrin üzərinə düşən yük, vəzifədir ki, etiketdəki məlumatların düzgün çatdırılmasını təmin etsinlər. Biz bu məsələyə qarışa bilmərik. Sadəcə olaraq onu deyə bilərik ki, at ətinin hansısa məhsulun tərkibində olmasının heç bir təhlükəsi yoxdur", - deyə o əlavə edib.

"Bəs Rusiyadan, eləcə də digər ölkələrdən Azərbaycana gətirilən bu cür məhsulların etiketlərində bütün məlumatlar yer alırmı?" sualına cavab olaraq isə ekspert bunları deyib: "Etiketdə konservin hansı ət məhsulundan hazırlandığı haqda yazılır. Lakin nə qədər hissəsində başqasından istifadə olunduğu qeyd olunmur. Əslində etiketləşmədə standartlar bunu tələb edir. Biz bir məhsulun DNT-sini çıxartmadan deyə bilmərik ki, onun tərkibində at əti var. Bu işlər ciddi maliyyə tələb edən məsələlərdir. Bu, yalnız ehtiyac olduqda aşkarlanır".

Yerli biznesmenləri sevindirən qadağa: bir məhsula dörd-beş qiymət qoya bilirlər>>

İ.Əhmədov qapalı şəkildə ölkəmizə gətirilən bu məhsulların təhlükə mənbəyi olub-olmayacağı haqda isə bunları deyib:

"Xüsusi müəssisələrdə müxtəlif növdə konservlər istehsal olunur. Onların tərkibinin bütün göstəricilərini təyin etmək üçün metodikalar var. Belə olmasaydı, bu məhsulları istehlak üçün satışa çıxarmaq olmazdı".

Onu da qeyd edək ki, "Rusiya Keyfiyyət Sistemi" şirkəti konservlərin tərkibində kif, maya, patogen mikroorqanizmlər, bakteriyalar tapılmadığı üçün ət konservlərini təhlükəsiz hesab edib. Bu isə Rusiyadan gətirilən belə məhsullardan insan sağlamlığına heç bir təhlükənin olmaması deməkdir.

850
Əlaqədar
Nə yeyəcəyinizi bilin: qida zənbilimizin tərkibi və normaları açıqlandı
Yarpaq xəngəli, əlli qəpiyə çay, balqabaq mürəbbəsi, yararsız xidmət...
Qonşudan sərt qərar: Onların cibi dolacaq, bizim cibimizdə isə siçanlar oynayacaq
"Alagözün identifikasiyası": bundan sonra heyvanlara 100 gün ömür bağışlayacaqlar
Azərbaycan bazarında paradoks: ətin qiyməti qalxıb, kolbasa ucuzlaşıb
 Koronavirus testi, arxiv şəkli

Azərbaycanda koronavirus testlərinin sayı açıqlandı

10
(Yenilənib 16:57 27.05.2020)
Ötən müddət ərzində yeni yoluxma hallarının müəyyənləşdirilməsi ilə əlaqədar ölkədə 280 663 test aparılıb.

BAKI, 27 may — Sputnik. Azərbaycanda indiyə qədər koronavirusa görə aparılan testlərin sayı məlum olub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Ötən müddət ərzində yeni yoluxma hallarının müəyyənləşdirilməsi ilə əlaqədar 280 663 test aparılıb.

Hazırkı dövrədək ölkəmizdə 4 568 nəfərin koronavirus infeksiyasına yoluxması faktı müəyyən edilib, onlardan 2 897 nəfər müalicə olunaraq sağalıb, 54 nəfər vəfat edib, 1 617 nəfərin xüsusi rejimli xəstəxanalarda müalicəsi davam etdirilir.

10
Koronavirus xəstəsi

Daha 165 nəfər yoluxan aşkarlandı, ölənlər var

45
(Yenilənib 16:50 27.05.2020)
Hazırkı dövrədək ölkəmizdə 4568 nəfərin koronavirus infeksiyasına yoluxması faktı müəyyənləşib, onlardan 2897 nəfər müalicə olunaraq sağalıb, 54 nəfər vəfat edib

BAKI, 27 may — Sputnik. Azərbaycanda 165 yeni koronavirus infeksiyasına yoluxma faktı qeydə alınıb, 78 nəfər müalicə olunaraq sağalıb və evə buraxılıb.

Azərbaycan Respublikası Nazirlər Kabineti yanında Operativ Qərargahından Sputnik Azərbaycan-a bildirilib ki, COVID-19 üçün götürülən analiz nümunələri müsbət çıxmış 1949 və 1957-ci il təvəllüdlü iki nəfər vəfat edib.

Hazırkı dövrədək ölkəmizdə 4568 nəfərin koronavirus infeksiyasına yoluxması faktı müəyyənləşib, onlardan 2897 nəfər müalicə olunaraq sağalıb, 54 nəfər vəfat edib, 1617 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 49 nəfərin vəziyyəti ağır, 63 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 280.663 test aparılıb.

45
Azərbaycan bayrağı

Azərbaycan Xalq Cümhuriyyətinin yaranmasından 102 il ötür

5
(Yenilənib 22:20 27.05.2020)
Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi.

BAKI, 28 may - Sputnik. Bu gün Azərbaycanda Respublika Günü qeyd olunur.

Sputnik Azərbaycan xəbər verir ki, 28 May 1918-ci il tarixində müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından 102 il ötür.

1990-cı ildən Respublika Günü dövlət bayramı kimi qeyd edilir.

Bakıda Azərbaycan Xalq Cümhuriyyətinin şərəfinə İstiqlal bəyannaməsi abidəsi ucaldılıb.

1917-ci ildə Rusiyada baş vermiş Fevral inqilabı nəticəsində Çar İmperiyası devrildi. Ölkədə çarizmin məzlum vəziyyətə saldığı xalqların milli hərəkatı başlandı. 1918-ci il mayın 28-də Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradıldı. Bu respublika azərbaycanlıları tarixi yaddaşında Azərbaycan dövlətçiliyinin ilk təcrübəsi kimi iz qoyub.

Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və İslam dünyasında ilk parlamentli respublika və ilk demokratik, hüquqi və dünyəvi dövlət nümunəsi idi.

Azərbaycan müvəqqəti hökumətinin ilk başçısı isə Fətəli Xan Xoyski idi. 10 gün Milli Şura Tiflisdə işlədikdən sonra Gəncəyə köçürülüb. Yalnız 1918-ci ilin sentyabrında Türkiyə ordusunun rəhbərliyi ilə – Bakı daşnak-rus qüvvələrdən təmizləndikdən sonra milli hökumət Gəncədən Bakıya köçdü.

Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə edib. İlk dəfə qadınlara seçim hüququ tanıyan və qadın–kişi bərabərliyini təmin edən cümhuriyyət o cümlədən milli ordu, milli pul, demokratlaşma, milli bank, azad seçkilər, beynəlxalq əlaqələr və beynəlxalq ictimayyət tərəfindən Azərbaycan istiqlalının rəsmiyyətə tanınması, Azərbaycanın bütövlüyünü təmin etmək, iqtisadi islahat və s. müstəqil Azərbaycan Cümhuriyyəti təmin edib.

Azərbaycan Demokratik Respublikasını rəsmi surətdə tanıyan ilk dövlət Osmanlı dövləti olub (4 iyun 1918-ci ildə).

1918-ci il 9 noyabr tarixində M.Ə.Rəsulzadənin təklifi əsasında Azərbaycan Demokratik Respublikasının üç rəngli bayrağı qəbul edilib. O zamana qədər Azərbaycan Demokratik Respublikasının bayrağı qırmızı rəngdəydi.

Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi. Təəssüflər olsun ki, müstəqil Azərbaycan Cümhuriyyəti iki yaşına çatmadan bolşeviklərin hücumuna məruz qalıb müvəqqəti olaraq devrildi. Sovetlər Birliyi, Azərbaycanı məcburi surətdə öz tərkibinə daxil etdi. Bolşeviklər tərifindən devirlməsinə baxmayaraq, istiqlal ideyası yenilmədi və 1991-ci ildə Sovet İmperiyasının dağılması ilə Azərbaycan yenidən öz müstəqilliyini elan etdi.

5