Kanalizasiya lyuku, arxiv şəkli

Koronavirus heç gözləmədiyimiz yerdən çıxa bilər, yoxlamaqda fayda var

1254
(Yenilənib 22:02 21.02.2020)
A.Məmmədov deyir ki, tələblərdə kanalizasiya borularının dezinfeksiyası nəzərdə tutulmayıb. Amma ehtiyac olarsa, bunu edə bilərlər

Zülfiyyə Quluyeva, Sputnik Azərbaycan

BAKI, 21 fevral — Sputnik. Koronavirusa yoluxanların sayı artdıqca dünyada bu virusla bağlı profilaktik tədbirlər gücləndirilir. 

Çində yeni tip koronavirus ("COVID-19") xəstəliyi ilə mübarizə və qabaqlayıcı tədbirlər üzrə yaradılmış ekspertlər qrupunun rəhbəri, respirator xəstəliklər üzrə tanınmış mütəxəssis Con Nanşan "COVID-19"un kanalizasiya sistemi vasitəsilə də yayılmasının mümkün olduğunu deyib. Çin Mühəndislik Akademiyasının akademiki Con Nanşan bu səbəbdən ictimaiyyəti ev və iş yerlərində, ictimai binalarda, xüsusən xəstəxanalardakı kanalizasiya borularının normal işləyib-işləmədiyini yoxlamağı tövsiyə edib. O, kanalizasiya borularındakı tıxacların tullantı sularında ehtimal olunan virusun havaya buxarlanmasına və beləliklə insanlara yoluxmasına imkan yarada biləcəyini deyib.

Akademikin rəhbərlik etdiyi qrup koronavirusa yoluxmuş bir neçə xəstənin nəcis nümunələrində "COVID-19" ştammını aşkar edib. Bu, koronavirusun həzm orqanları və nəcisdə yaşamağa davam etdiyini, bu yolla yayılma şübhəsini ortaya çıxarıb.

Bəs görəsən, Azərbaycanda bu virusa görə kanalizasiya borularının dezinfeksiyası aparılırmı?

Bakı Şəhər Dezinfeksiya Mərkəzinin rəhbəri Akif Məmmədov Sputnik Azərbaycan-a açıqlamasında bildirib ki, hələ ki onlara kanalizasiya borularında dezinfeksiya aparılması barədə göstəriş verilməyib:

"Koronavirus Çində yayıldıqdan sonra müvafiq göstərişlərə əsasən, insanların sıx olduğu yerlərdə dezinfeksiya tədbirləri gücləndirilib. Artıq uşaq bağçalarında, təhsil müəssisələrində dezinfeksiya işləri aparılıb. Teatrlar da hazırda dezinfeksiya edilir. Bu həftədən isə məscidlərdə dezinfeksiya işlərinə başlamışıq".

A.Məmmədov deyir ki, tələblərdə kanalizasiya borularının dezinfeksiyası nəzərdə tutulmayıb. Amma ehtiyac olarsa, bunu edə bilərlər.

Onun sözlərinə görə, hazırda ölkəmizdə "COV" virusu qeydə alınmadığından, kanalizasiya xətləri vasitəsilə bu virusun yayılma ehtimalı da yoxdur.

A.Məmmədov hələ ki planda kanalizasiya xətlərinin dezinfeksiyasının nəzərdə tutulmadığını söyləsə də, sakinlərin özlərinin bunun üçün müraciət etməsinin mümkün olduğunu deyib: "Amma sakinlər özləri mənzillərinin, kanalizasiya borularının dezinfeksiyası üçün müraciət edə bilərlər. Belə halda bizim qurumla Mənzil Kommunal İstismar İdarələri arasında müqavilə bağlanılır. Təxminən hər kvadratmetrə 50 qəpik ödəniş edilməklə dezinfeksiya işləri aparılır".

Qeyd edək ki, Con Nanşan 2003-cü ildə Şiddətli Kəskin Respirator Sindromu (SARS) epidemiyası zamanı kanalizasiya sisteminin qüsurlu konstruksiyası səbəbindən Honkonqda 300-dən çox adamın xəstəliyə yoluxduğunu xatırladıb. Fevralın əvvəlində isə yenə Honkonqda çoxmərtəbəli binanın müxtəlif mərtəbələrində yaşayan iki nəfərin virusa yoluxması aşkar edildikdən sonra binadakı bütün sakinlər təxliyə ediliblər. Hazırda səlahiyyətli qurumlar yaxın təmasda olmamış həmin iki nəfərin necə virusa yoluxduğunu araşdırırlar. Bu məsələdə ekspertlərin kanalizasiya borularının virusu yaymasının mümkünlüyü barədə şübhəsi də nəzərdə saxlanılır. Çinin Hubey vilayətinin inzibati mərkəzi olan Uhan şəhərindəki dəniz məhsulları və vəhşi heyvan əti satılan bazardan yayıldığı güman olunan koronavirusun yeni ölümcül növünə (COVID-19) yoluxanların sayı Çin və digər 25 ölkədə ümumilikdə 75 mini ötüb. İndiyədək 2247 nəfər Çində, o cümlədən 2 nəfər Honkonq xüsusi inzibati bölgəsində və bir nəfər Tayvan adasında), 3 nəfər isə xaricdə (Filippin, Yaponiya və Fransa) bu virusdan ölüb.

1254
Əlaqədar
Çində koronavirusdan ölənlərin sayı durmadan artır
Virus təhlükəsi bizə çatdı – İranla sərhəd avtomobillər yoxlanılır
Çirkli pulları "yuyurlar" - rəsmi icazə verildi
Koronavirusdan da dəhşətli bəlanın qarşısı Azərbaycanda alınacaq
Koronavirus testi, arxiv şəkli

Azərbaycanda koronavirusa yeni yoluxanların sayında ciddi artım var

12
Son sutkada Azərbaycanda koronavirusa 988 yeni yoluxma faktı qeydə alınıb, 11 nəfər isə bu xəstəlikdən vəfat edib.

BAKI, 28 oktyabr — Sputnik.Azərbaycanda bu gün koronavirus infeksiyasına 988 yeni yoluxma faktı qeydə alınıb, 340 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 11 nəfər COVID-19-dan vəfat edib. Hazırkı dövrədək ölkəmizdə 52 min 137 nəfərin koronavirus infeksiyasına yoluxması faktı müəyyən edilib. Onlardan 42 min 033 nəfər müalicə olunaraq sağalıb, 699 nəfər vəfat edib. Aktiv xəstə sayı 9405 nəfərdir. Ötən müddət ərzində 1 milyon 319 min 474 test aparılıb. Bugünkü test sayı isə 11426-dır.

12
Teqlər:
Koronavirus, epidemiya, COVID-19
Əlaqədar
Alimlər koronavirus zamanı karantin rejiminin tətbiq olunmasına qarşı çıxdılar
Daha 20 şagirddə koronavirus aşkarlandı
Azərbaycanda koronavirus xəstəsi yaşayış yerini icazəsiz tərk etdi
Koronavirus daha tez öldürməyə başlayıb
Koronavirus da öz işindədir: Azərbaycanda bir sutkada 230 nəfərdə COVID-19 aşkarlandı
Qoca erməni

Astronomik rəqəmlər - Ermənistanda yoluxanların sayı artır

26
(Yenilənib 13:19 28.10.2020)
Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

BAKI, 28 oktyabr — Sputnik. Ermənistanda koronavirusa yoluxanların sayı 82651-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2241 nəfər artıb.

Ermənistanda son gündə daha 21 nəfər ölüb. Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 44 milyonu keçib, 1,17 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

26
Körpə

Hərbi əməliyyatlar gedən müddətdə doğulan oğlanlara qoyulan adlar açıqlandı

0
(Yenilənib 18:55 28.10.2020)
Bir ay ərzində 41 oğlana Yusif, 41 oğlana Əli, 36 oğlana Uğur adı verilib, qız adlarında isə ilk yerlərdə Zəhra, Aylin, Məryəm yer alıb.

BAKI, 28 oktyabr — Sputnik. Son bir ayda, yəni Ermənistan-Azərbaycan arasında Dağlıq Qarabağ münaqişəsinin daha da gərginləşdiyi bir dövrdə dünyaya gələn körpələrə qoyulan adlar açıqlanıb. Ədliyyə Nazirliyindən Sputnik Azərbqaycan-a bildirilib ki, 27 sentyabrdan 27 oktyabradək Azərbaycanda 2353 uşaq dünyaya gəlib ki, onlardan 1282 nəfəri oğlan, 1071 nəfəri qız olub. Bu müddət ərzində doğulan əkiz uşaqların sayı 28 olub.

Nazirliyin məlumatına görə, bir ay ərzində 41 oğlana Yusif, 41 oğlana Əli, 36 oğlana Uğur adı verilib.

Qız adlarında isə ilk yerlərdə Zəhra, Aylin, Məryəm adları yer alıb.

0