Qrip, arxiv şəkli

Terapevtdən xəbərdarlıq: Qrip üçün olan toz dərmanları qarışdırıb içməyin

1419
(Yenilənib 12:40 18.01.2020)
Bütün dünyada qaraciyərin toksiki zədələnməsi üzrə birinci qrup dərmanlar qeyri-steroid iltihabəleyhinə preparatlar hesab olunur. Bunların arasında parasetamol və nimesil ən təsiredici sayılır

İradə Cəlilova, Sputnik Azərbaycan

BAKI, 18 yanvar — Sputnik. Qış - xəstəliklər fəslidir. Havaların soyuması ilə kəskin respirator virus infeksiyaları və kəskin respirator qrip infeksiyası – yəni yuxarı və aşağı tənəffüs yollarının xəstəlikləri yayılmağa başlayır. Bu xəstəliyə yoluxan şəxslər həkimə müraciət etmədən aptekdən müxtəlif toz dərman vasitələri alaraq onları qarışdırıb içirlər.

Xəstələr bu zaman düşünürlər ki, içdikləri bu qarışıq onları sağaldacaq.

Həkim-terapevt Mətanət Cəfərova Sputnik Azərbaycan-a açıqlamasında bildirib ki, bu dərmanların doza həddi aşılsa da, bir neçəsi bir-birinə qarışdırılsa da, heç bir güclü təsirə malik deyil. Bu qrup preparatlar virus və bakteriya əleyhinə heç bir təsir etmir.

Həkim vurğulayır ki, virus və bakteriya orqanizmə düşübsə, immunitetdən asılı olaraq, hansısa bir formada özünü göstərəcək: "Bu preparatların tərkibində parasetamol olduğu üçün qəbul edərkən hərarətin qarşısını alır, ağrıları götürür, iltihab əleyhinə təsir göstərir. Belə preparatlar orqanizmin iltihab əleyhinə çıxan mediatorlarını tormozlayır. Nəticədə orqanizm özü həmin bakteriya, virusla mübarizə apara bilmir, üstəlik onlarla mübarizə üçün tələb olunan maye də bədəndən çıxır".

M.Cəfərova qeyd edib ki, dərmanın təsiri keçəndən sonra isə xəstəlik özünü daha ciddi şəkildə göstərə bilər. Bu qrup dərmanlar böyüklərdə hərarət 38.5 dərəcə C-ni keçərsə, hərarət salıcı kimi istifadə edilə bilər. Ona qədər isə bol maye içərək, bədəndə maye miqdarını artırmaq lazımdır.

Qripin "əlifba"sı ilə peyvənd üst-üstə düşməyəndə - "İmmunitet yarada bilməz">>

Bu dərmanların birlikdə, qarışdırılaraq istifadə edilməsinə gəldikdə isə, həkim bildirib ki, bu, qaraciyər hüceyrəsinin nekrozuna səbəb ola bilər.

Bütün dünyada qaraciyərin toksiki zədələnməsi üzrə birinci qrup dərmanlar qeyri-steroid iltihabəleyhinə preparatlar hesab olunur. Bunların arasında parasetamol və nimesil ən təsiredici sayılır. Bu dərmanların birdən-birə yüksək dozada qəbulu qaraciyərə toksiki təsiri artırır. Bu, eyni zamanda böyrəklərə də mənfi təsir göstərir. Bəzən xəstələr aspirin, analgin alır və bunları da qarışdırıb içirlər.

"Bu, uşaqlarda özünü daha acınacaqlı şəkildə göstərir. Uşaqlara eyni qrupdan olan bir neçə dərman verirlər. Bu isə qaraciyərə zərər verməklə toksiki hepatitə səbəb ola bilər. 3-6 aya qədər olan körpələr, böyrək və qaraciyər çatışmazlığı olanlar, xroniki xəstəliyi olanlar, hamilə qadınlar üçün belə preparatlar çox təhlükəlidir. Nimesulid tərkibli preparatlar çox geniş yayılıb. Bu dərmanlardan 12 yaşına qədər uşaqlar və hamilə qadınlar istifadə edə bilməzlər. Bu, əks göstərişdir. Amma baxırıq ki, bunu vitamin kimi suya qatıb içirlər", - M.Cəfərova xatırladıb.

Terapevt bildirir ki, bu dərmanları qarışdırıb içmək xəstələrə apteklərdə məsləhət görülür: "Bəzən xəstələr müraciət edirlər. Deyirlər ki, biz bu dərmanları qatıb içirik, heç bir faydası olmur. Soruşanda ki, bunu sizə kim məsləhət görüb, aptek satıcılarının məsləhət etdiyini bildirirlər. Vətəndaşlar bilməlidirlər ki, aptekdə xəstələrə hansısa dərmanların məsləhəti qadağandır".

1419
Teqlər:
aptek, dərman, infeksiya, qrip
Əlaqədar
Qonşuda həyəcan artır: Qrip qurbanlarının sayı 8-ə çatdı
Özünüzü qripdən qoruyun – Yolları var
Uşaqlar arasında yayılan naməlum xəstəlik - Mənfur virusun əlamətləri müşahidə olunur
Azərbaycanda kəskin virus yayılıbmı?
Soyuyuruq - 36,6 artıq norma deyil
Rusiya Prezidenti Vladimir Putin

Putin koronavirus peyvəndlərinin effektivliyindən danışdı: "Sovet məktəbi sağdır"

21
(Yenilənib 22:53 29.10.2020)
Putin vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar.

BAKI, 29 oktyabr — Sputnik. Rusiyanın koronavirus əleyhinə olan hər iki vaksini təhlükəsiz və effektivdir. Sputnik Azərbaycan RİA Novosti-yə istinadən xəbər verir ki, bunu Rusiya Prezidenti Vladimir Putin bildirib.

"Rusiya vaksinlərinin sınaqları davam edir, ümid edirəm ki, bu ilin sonunda kütləvi vaksinləşməyə başlaya bilərik", - deyə Prezident qeyd edib.

O vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar. Lakin Rusiya vaksinlər üzrə intellektual mülkiyyətin satışını həyata keçirməyə və ya xarici tərəfdaşların meydançalarında onların istehsalını təmin etməyə hazırdır.

Putin eyni zamanda qeyd edib ki, Rusiyada koronavirus əleyhinə vaksinin hazırlanması ölkədə elmin inkişaf etdiyini, sovet məktəbi sağdır.

21
 Koronavirus testi üçün burundan götürülən yaxma, arxiv şəkli

Yeni antirekord: Azərbaycanda bir sutkada COVID-ə yoluxanların sayı mini ötdü

105
(Yenilənib 15:42 29.10.2020)
Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir

BAKI, 29 oktyabr - Sputnik. Azərbaycan Respublikasında koronavirus (COVID-19) infeksiyasına 1015 yeni yoluxma faktı qeydə alınıb, 483 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 9 nəfər vəfat edib.

Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir.

Ölkədə son sutka ərzində 11813, hazırkı dövrədək isə 1331287 test aparılıb.

105
Mövzu:
Azərbaycanda koronavirus: son xəbərlər
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0