Xəstəxana işçisi tibbi yazıları doldurur

desələr də, ayrı-seçkilik olacaq Bakı hamı üçün deyil prinsipi aparılır

738
(Yenilənib 13:52 28.11.2019)
Bölgələrdə yaşayan əhalinin digər ərazilərdə yerləşən tibb müəssisələrində tibbi xidmət alması mümkün olacaq. Amma buna görə vətəndaş ayrıca ödəniş edəcək

Zülfiyyə Quluyeva, Sputnik Azərbaycan

BAKI, 28 noyabr — Sputnik. Azərbaycanda "Tibbi sığorta haqqında" qanuna yeni dəyişiklik təklif edilib. Həmin təklifə görə, icbari tibbi sığortaya qoşulan vətəndaşlar sığorta paketinə daxil edilən tibbi xidmətləri ancaq yaşayış yeri üzrə tibb müəssisələrindən ala bilərlər.

Bu təklifdən belə məlum olur ki, regionlarda icbari tibbi sığorta zərfindən yararlanacaq əhali, tibbi xidmət almaq üçün Bakıdakı tibb müəssisələrini seçə bilməzlər. Bu isə müxtəlif müzakirələrə səbəb olub. Ekspertlər bu dəyişikliyin bölgələrdə yaşayan əhali qrupu üçün müəyyən çətinliyə səbəb olacağını söyləyiblər. Mütəxəssislərin fikrincə, yeni dəyişiklik regionlarda əhalinin keyfiyyətli tibbi xidmətə əlçatanlığını məhdudlaşdıracaq. Bu, regionlarda paytaxtla müqayisədə tibb müəssisələrinin avadanlıq baxımından köhnə olması, kadr çatışmazlığı ilə izah olunur.

Sputnik Azərbaycan sözügedən dəyişikliyin regionlarda yaşayan əhaliyə tibbi xidmətin keyfiyyəti və əlçatanlığı ilə bağlı necə təsir göstərdiyini araşdırıb.

İcbari Tibbi Sığorta Agentliyindən Sputnik Azərbaycan-a bildirilib ki, icbari tibbi sığorta mərhələli şəkildə həyata keçiriləcək. Hazırda regionlarda icbari tibbi sığortaya keçidlə bağlı hazırlıq işləri aparılır. Regionlardakı əhalinin paytaxtdakı tibb müəssisələrində sığorta paketinə daxil edilən tibbi xidmətlərdən yararlanıb-yararlanmayacağına gəlincə, Agentlikdən bildirilib ki, bununla bağlı qanunda müəyyən şərtlər göstəriləcək. Bu məsələ barədə ictimaiyyətə geniş məlumat veriləcək.

Milli Məclisin Səhiyyə Komitəsinin üzvü Kamilə Əliyeva Sputnik Azərbaycan-a açıqlamasında bildirib ki, bölgələrdə yaşayan əhalinin digər ərazilərdə yerləşən tibb müəssisələrində tibbi xidmət alması mümkün olacaq. Amma buna görə vətəndaş cüzi məbləğdə ödəniş edəcək. O ki qaldı bölgələrdə icbari tibbi sığortanın tətbiqindən sonra keyfiyyətli tibbi yardım məsələsinə, deputat deyir ki, bölgələrimizdə kifayət qədər müasir diaqnostika mərkəzləri tikilib. Həmin mərkəzlər müasir tibbi avadanlıqlarla təmin olunub: "Hazırda bizim bölgələrimizdə elə diaqnostika mərkəzləri var ki, paytaxtdakı tibb müəssisələrindən fərqlənmir. Onların hər birində müasir avadanlıq var. Kadr məsələsi isə icbari tibbi sığortaya keçidə hazırlıq prosesində həll olunacaq. Hansı sahələrdə həkim çatışmazlığı varsa, həmin sahələr üzrə regionlara həkimlər göndəriləcək. İcbari tibbi sığortaya keçiddən sonra tibb işçilərinin əmək haqqı artacağından, onların bölgələrdə işləməsi üçün stimul olacaq".

K.Əliyeva deyir ki, bölgələrdəki xəstələrin sığorta zərfinə daxil edilən xəstəliklərin müalicəsi üçün paytaxta gəlməsinə ehtiyac yaranmayacaq. Ehtiyac olarsa, cüzi məbləğ ödəməklə onlar paytaxtda icbari tibbi sığortaya cəlb olunan xəstəxanalarda müayinə və müalicə oluna biləcəklər: "Düşünürəm ki, tezliklə belə bir problem yaranmayacaq. Xidmətlər zərfinə daxil olan xəstəliklər üzrə regionlarda yaşayan əhalini yüksək tibbi xidmətlə təmin etmək mümkündür. Gələcəkdə xidmətlər zərfinə daxil ediləcək tibbi xidmətlər artarsa, bəlkə belə məsələ ortaya çıxar".

Qeyd edək ki, dövlət büdcəsi tərəfindən ödənilən adambaşına illik 90 manat vəsait də eyni qaydada mərhələlərə bölünməklə sığortahaqqı və ya saxlanma xərcləri qaydasında Agentliyə ödəniləcək. Həmin vəsaitlər vətəndaşların xidmətlər zərfi çərçivəsində tibbi xidmət əldə etmələri ilə yanaşı, tibb müəssisələrinin hazır olması üçün lazım olan sərmayə qoyuluşlarına, informasiya texnologiyaları infrastrukturunun gücləndirilməsinə yönəldiləcək. 2020-ci ildə ölkə üzrə icbari tibbi sığortanın mərhələli şəkildə tətbiqini təmin edəcək. Nəticədə vətəndaşların tibbi xidmətlərə əlçatanlığı artacaq.

Məlumat üçün bildirək ki, "Tibbi sığorta haqqında" qanunun 15-7.2.7. bəndində göstərilib ki, tibbi xidmətlərin maliyyələşdirilməsi haqqında müqavilədə nəzərdə tutulmuş ixtisaslaşdırılmış tibbi yardım xidmətinin göstərilməsi mümkün olmadıqda, təcili və təxirəsalınmaz hallarda tibb təchizatçısı və ya tibbi ərazi bölməsi tərəfindən öz maliyyə vəsaiti hesabına sığortaolunanı bu xidməti göstərən digər tibb təchizatçısına və ya tibbi ərazi bölmələrinə göndərmək mümkündür. Bu layihənin 15-8.1.5. bəndində göstərilir ki, qanunla və tibbi xidmətlərin maliyyələşdirilməsi haqqında müqavilədə nəzərdə tutulmuş qaydada vəzifələrin tibb təchizatçısı və ya tibbi ərazi bölməsi tərəfindən yerinə yetirilmədiyi və ya qismən yerinə yetirildiyi təqdirdə, icbari tibbi sığorta çərçivəsində göstərilmiş tibbi xidmətlərin dəyərini ödəməmək, qismən ödəmək və ya tibb təchizatçısından və ya tibbi ərazi bölməsindən ödənilmiş vəsaitlərin geri qaytarılmasını tələb etmək mümkün olacaq.

738
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

3
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

3
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

17
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

17
Cəbrayıl və Zəngilan rayonlarının işğaldan azad olunan kəndləri

Cəbrayıl Zəngilan rayonlarının işğaldan azad olunan kəndlərinin videogörüntüsü yayıldı

0
Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb.

BAKI, 25 oktyabr — Sputnik. Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb. Sputnik Azərbaycan həmin görüntünü təqdim edir.

 

0