QİÇS testi, arxiv şəkli

Gürcüstan istiqamətindən qapının ağzını kəsdirən bəla: Vəziyyət hələ kritik deyil

954
(Yenilənib 16:37 18.11.2019)
“Son vaxtlar isə Rusiya və Türkiyədə İİV-ə yoluxan azərbaycanlılar daha çoxdur. Gürcüstanla bağlı hələlik ciddi təhlükə yoxdur”

Zülfiyyə Quluyeva, Sputnik Azərbaycan

BAKI, 18 noyabr — Sputnik. Gürcüstanda Qazanılmış İmmun Çatışmazlığı Sindromuna (QİÇS) yoluxma faizi artıb. Bu barədə Gürcüstanın İnfeksiya Patologiyası, QİÇS və Kliniki İmmunologiya üzrə Elmi-Praktik Mərkəzindən bildirilib.

Qurumun xəbərində qeyd edilir ki, ölkədə QİÇS-lə bağlı 570 yeni hal qeydə alınıb. Hazırda Gürcüstanda bu infeksion xəstəliyə yoluxanların ümumi sayı 8004 nəfər təşkil edib ki, onların da 43-ü uşaqdır. Xəstəliyə yoluxanların 6006-sı kişi, 1998-i isə qadındır. Həmin şəxslərin böyük əksəriyyətini 29-39 yaş qrupuna daxil olan şəxslər təşkil edir. QİÇS 4184 xəstədə inkişaf edib, 1619 nəfər isə ölüb. HİV infeksiyasına yoluxma hallarının böyük əksəriyyəti (2956 fakt) paytaxt Tbilisidə qeydə alınıb. Onlardan 87-si xarici ölkə vətəndaşıdır. Azərbaycanlıların yığcam yaşadığı Kvemo Kartli bölgəsində 452 nəfər QİÇS daşıyıcısıdır.

Qeyd edək ki, Gürcüstan Azərbaycan vətəndaşlarının gediş-gəlişinin intensiv olduğu ölkələrdəndir. Əgər Gürcüstanda xeyli sayda azərbaycanlı yaşadığını, üstəlik onların ölkəmizlə sıx əlaqədə olduğunu nəzərə alsaq, QİÇS təhlükəsinin qapımızın ağzını kəsdirdiyini də deyə bilərik. Bəs görəsən, Gürcüstanda QİÇS-ə yoluxanların sayı ölkəmizdə də İİV-ə yoluxma sayını artıra bilərmi?

Minlərlə QİÇS xəstəsinin məlumatları oğurlandı>>

QİÇS-lə Mübarizə Mərkəzinin Epidemioloji nəzarət və profilaktika şöbəsinin müdiri Afət Nəzərli Sputnik Azərbaycan-a açıqlamasında bildirib ki, Gürcüstandan ölkəmizə İİV-lə bağlı ciddi təhlükə gözlənilmir: "Xaricdən İİV-ə yoluxma əsasən Rusiya, Ukrayna və Türkiyədən gələn miqrantlar arasındadır. Miqrasiya yolu ilə İİV-ə yoluxanlara əsasən Rusiya və Ukraynada olan azərbaycanlılar arasında rast gəlinir. Son vaxtlar isə Rusiya və Türkiyədə İİV-ə yoluxan azərbaycanlılar daha çoxdur. Gürcüstanla bağlı hələlik ciddi təhlükə yoxdur".

A.Nəzərli deyib ki, hazırda Azərbaycanda İİV-ə yoluxanların nə qədərinin miqrant olduğu barədə məlumat yoxdur. Çünki ölkəmizdə İİV-ə yoluxan miqrantların ayrıca qeydiyyatı aparılmır: "Biz söhbət zamanı onlardan öyrənirik ki, bu virusa Rusiya, Ukrayna və Türkiyədə cinsi yolla yoluxublar. Burada isə gəlib öz cinsi partnyorlarını yoluxdururlar".

"Hüquqi İnkişaf və Demokratiya İctimai Birliyi"nin sədri Zülfiyyə Mustafayeva da Sputnik Azərbaycan-a açıqlamasında bildirib ki, Gürcüstanda QİÇS-ə yoluxmaya görə vəziyyət kritik həddə deyil: "Gürcüstan İİV-in yayılmasına görə epidemik ölkə sayılmır. Bu gün azərbaycanlıların ən sıx gedib-gəldiyi ölkə Rusiya və Ukraynadır. Ukraynada İİV-ə yoluxma 2 faizə yaxınlaşır. Bu ölkələrdə epidemik vəziyyət İİV-lə bağlı gərgindir. İran İslam Respublikası da İİV-ə yoluxmaya görə epidemik ölkə sayılır. Amma İran qapalı ölkə olduğundan İİV-ə yoluxmanın qiymətləndirilməsi çətindir".

Qeyd edək ki, Gürcüstanda QİÇS-ə ilk yoluxma halı 1989-cu ildə qeydə alınıb. Qonşu ölkədə QİÇS-dən test müayinəsi və vətəndaşların müalicəsi ödənişsiz həyata keçirilir.

954
Koronavirusа qarşı peyvənd, arxiv şəkli

Koronavirus peyvəndi üçün artıq 20 ölkədən müraciət var

19
(Yenilənib 19:55 11.08.2020)
İki qrup könüllülər üzərində 42 gün davam edən klinik tədqiqatlar nəticəsində müəyyən edilib ki, hər kəsin virusa qarşı immuniteti yaramıb.

BAKI, 11 avqust — Sputnik. Rusiyada COVID-19 əleyhinə peyvənd qeydiyyata alınıb. Sputnik Azərbaycan Rusiya mətbuatına istinadla xəbər verir ki, xarici KİV-lər artıq bu xəbəri Sovet İttifaqı tərəfindən Yerin ilk süni peykinin buraxılması ilə müqayisə ediblər. Artıq 20 ölkədən 1 milyard doza peyvənd almaq üçün müraciətlər daxil olub. Rusiyada isə əhalinin kütləvi şəkildə peyvəndlənməsi oktyabr ayında başlaya bilər.

Yeni peyvənd "Sputnik V"adlandırılıb, sınaqdan keçirilib və rekord müddətdə qeydiyyata alınıb. İnfeksiya əleyhinə dünyada ilk dərmanı hazırlamaq rus alimlərinə düz beş aya başa gəlib. Martın 11-də ÜST dünyada COVID-19-u pandemiya elan edib və bu gün "Rusiyada hazırlanmışdır" markalı peyvənd meydana qeydiyyata alınıb.

Peyvənd üzərində 17 elmi institutdan olan onlarla ən yaxşı hərbi virusoloq və biokimyaçılar çalışıb. dı. Koronavirus peyvəndi üçün platforma Ebola virusu dərmanı olub. İki qrup könüllülər üzərində 42 gün davam edən klinik tədqiqatlar nəticəsində müəyyən edilib ki, hər kəsin virusa qarşı immuniteti yaranıb.

Yeni dərmanın təsirini sınaqdan keçirənlər arasında kişi və qadın, hərbçi və mülki şəxslər var. Təcrübə xatirinə onlar bir aydan çox müddətə təcrid olunmuş vəziyyətdə qalıblar. Vladimir Putinin qızı da peyvəndin effektivliyini özündə sınadı.

"Mənim qızlarımdan biri özünə peyvənd etdirdi. Yəni, o da bu təcrübədə iştirak etdi. Birinci peyvənddən sonra onun hərarəti 38 C idi, sonrakı gün 37 C. İkinci peyvənddən sonra temperaturu bir qədər də artdı, sonra hər şey keçdi. Hazırda özünü yaxşı hiss edir və titrləri yüksəkdir" - deyə Putin bildirib.

Rusiyada peyvənd istehsalı qısa müddətdə başlayacaq. İlin sonunadək istehsalın ayda 10 milyon dozaya çatdırılması planlaşdırılır. Peyvənd ilk olaraq, həkimlər, müəllimlər və yaşlı insanlara vurulacaq.

Rusiya əhalisinin kütləvi pulsuz peyvəndi oktyabr ayında başlayacaq. İndi Rusiyaya dünyanın 20 ölkəsindən 1 milyard doza dərman preparatının alınması üçün müraciətlər daxil olub.

19
Koronavirus testi, arxiv şəkli

Azərbaycanda koronavirusa yoluxma sayı yenidən artdı

877
(Yenilənib 16:45 11.08.2020)
Son sutka ərzində yeni yoluxma hallarının müəyyənləşdirilməsi ilə əlaqədar 6 318, ötən müddət ərzində isə ümumilikdə 796 459 test aparılıb.

BAKI, 11 avqust - Sputnik. Azərbaycanda koronavirus (COVID-19) infeksiyasına 84 yeni yoluxma faktı qeydə alınıb, 214 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 3 nəfər vəfat edib.

Посмотреть эту публикацию в Instagram

Публикация от Sputnik Azərbaycan (@sputnik.az)

İndiyədək ölkədə ümumilikdə 33 731 nəfərin koronavirus infeksiyasına yoluxması faktı müəyyən edilib, onlardan 30 856 nəfər müalicə olunaraq sağalıb, 495 nəfər vəfat edib, 2 380 nəfərin xüsusi rejimli xəstəxanalarda müalicəsi davam etdirilir.

Son sutka ərzində yeni yoluxma hallarının müəyyənləşdirilməsi ilə əlaqədar 6 318, ötən müddət ərzində isə ümumilikdə 796 459 test aparılıb.

877

Dövlət komitəsi "Uşaqlar üçün kitab" olayına reaksiya verdi - RƏSMİ

0
Ailə, Qadın və Uşaq Problemləri üzrə Dövlət Komitəsi: “Uşaqlar üçün nəzərdə tutulan "kitab" ekspert rəyi olmadan çap edilib”.

BAKI, 12 avqust - Sputnik. Ailə, Qadın və Uşaq Problemləri üzrə Dövlət Komitəsi bu gün KİV-də və sosial şəbəkələrdə uşaq ədəbiyyatının spesifik xüsusiyyətlərinə və ona olan tələblərə uyğun gəlməyən, lakin uşaq auditoriyası üçün nəzərdə tutulduğu qeyd edilən “Qaz ilə göyərçinin əhvalatı” adlı kitabla bağlı məlumat yayıb.

Dövlət Komitəsindən verilən məlumatda bildirilir ki, Azərbaycan Yazıçılar Birliyinin üzvü olduğu iddia edilən şairə Aygün Bal müəllifi olduğu kitabında uşaqların yaş xüsusiyyətlərini, həmçinin seçdiyi mövzunun didaktik və tərbiyəvi əhəmiyyətini nəzərə almayıb: 

"Şübhəsiz ki, bədii ədəbiyyatın tərkib hissəsi olan uşaq ədəbiyyatı birbaşa təlim-tərbiyə və yeni nəslin ədəbi zövqünün formalaşması vasitələrindən biridir. Məhz bu səbəbdən hər bir ədəbi nümunə gələcəyimiz olan övladlarımızın formalaşması işinə öz müsbət təsirini göstərməklə yanaşı, həm də uşaq psixologiyasına və marağına müvafiq məzmunda və üslubda yazılmalıdır. Adıçəkilən çap məhsulunda istifadə olunan ifadələrin azyaşlı uşaqlara göstərə biləcəyi mənfi təsirləri nəzərə alaraq vəsaitin istifadəsinin Azərbaycan Respublikasının qanunvericiliyinin tələblərinə uyğun gəlmədiyini qeyd etmək lazımdır.

Belə ki, ailə institutunu nüfuzdan salan informasiyalar uşaqlar arasında dövriyyəsi qadağan olunan informasiyalar sırasına aid edilib. "Uşaqların zərərli informasiyadan qorunması haqqında" Azərbaycan Respublikası Qanununun 4-cü maddəsinə əsasən həmin informasiya məhsullarının uşaqlar arasında yayılması qadağandır. Həmçinin, bu qanunun tələblərinə zidd olaraq sözügedən "kitab" ekspert rəyi olmadan çap edilib.

Məlumat üçün bildiririk ki, İnzibati Xətalar Məcəlləsinin 388-2.0.2-ci maddəsinə əsasən informasiya məhsulunun “Uşaqların zərərli informasiyadan qorunması haqqında” Azərbaycan Respublikasının Qanununda nəzərdə tutulmuş qaydada yaşa görə təsnifatlaşdırılmasını təmin etmədən, o cümlədən həmin Qanunla müəyyən edilmiş hallar istisna olmaqla informasiya məhsulunu müvafiq yaş kateqoriyasına uyğun işarələmədən ölkə ərazisində yayılmasına görə inzibati məsuliyyət nəzərdə tutulub.

Nazirlər Kabinetinin 29 iyul 2020-ci il tarixli 267 nömrəli Qərarı ilə təsdiq edilmiş “İnformasiya məhsulunun yaş kateqoriyalarına aid edilməsi Qaydaları”na əsasən informasiya məhsullarının ekspert rəyi olmadan yayılması inzibati məsuliyyətə səbəb olur.

Ailə, Qadın və Uşaq Problemləri üzrə Dövlət Komitəsi olaraq uşaqların istifadəsi üçün bu kimi informasiya məhsullarının yayılmasını məqsədəuyğun olmadığını vurğulamaqla yanaşı, bu barədə məlumatların yayılmasına görə qanunvericilikdə nəzərdə tutulmuş qaydada müvafiq tədbirlərin görüləcəyini diqqətə çatdırırıq".

0