Xəstəxana, arxiv şəkli

Xəstələrin ümidinə daha bir zərbə: "Fondda bir qəpik yoxdur"

767
"İcbari tibbi sığorta mexanizmi işə düşən kimi əhalinin işsiz kateqoriyasının da dövlət hesabına icbari tibbi sığortadan bəhrələnməsi mümkün deyil"

Zülfiyyə Quluyeva, Sputnik Azərbaycan

BAKI, 7 noyabr — Sputnik. İcbari tibbi sığortanın işə düşməsinə iki ay vaxt qalsa da, əhalinin işsiz kateqoriyasının ondan bəhrələnə biləcəyi sual altındadır. "Tibbi sığorta haqqında" qanuna görə, işləyən vətəndaşların əmək haqlarından 2 faiz, idarə müəssisələrinin əmək haqqı fondundan 2 faiz icbari tibbi sığorta üçün tutulacaq. İşləməyən vətəndaş da özünü sığorta edə bilər. Bu zaman o da ayda 10 manat, yaxud da ildə 120 manat ödəməklə sığorta olunacaq.

Milli Məclisin səhiyyə komitəsinin üzvü, deputat Musa Quliyev Sputnik Azərbaycan-a açıqlamasında bildirib ki, işləməyən əhalinin icbari tibbi sığorta üçün vəsait ödəyib-ödəməyəcəyi sual altındadır: "Bizi ən çox narahat edən üç milyon vətəndaşın icbari tibbi sığortadan kənarda qalma məsələsidir. Hansı ki, faktiki olaraq əmək müqaviləsi ilə işləmirlər, sosial ödəmələri, vergini ödəmirlər. Onlar qeyri-leqal əməklə məşğuldurlar. Yaxud da qeyri-rəsmi işlə, kənd təsərrüfatı ilə məşğuldurlar. Bu insanların sığorta məsələsi ortaya çıxanda necə olacaq? Dövlət onların da sığortasını öz üzərinə götürsə, faktiki olaraq sığorta öz mahiyyətini itirmiş olacaq. Yenə də dövlət büdcəsindən maliyyələşmə olacaq, sığorta təbabətinin imkanları azalacaq.

Qanunda yazılıb ki, o insanlar 10 manat ödəməklə icbari tibbi sığorta oluna biləcəklər. Amma gəlin görək həmin insanlar bu vəsaiti ödəyəcəklərmi? Böyük ehtimalla bu məbləği o insanlar ödəyəcəklər ki, xəstədirlər və icbari tibbi sığortadan daha çox vəsait tələb edəcəklər. Çünki "Tibbi sığorta haqqında" qanunda göstərilib ki, bir qrup əhalinin icbari tibbi sığorta haqqını dövlət ödəyəcək. İşləyənlərin sığorta haqqını isə iki faiz işəgötürən ödəməlidir. Qeyri-məşğul əhali var ki, onlar uçotda deyillər, icbari tibbi sığortadan bəhrələnmək üçün özləri təşəbbüs göstərməlidirlər".

Deputat bildirir ki, gələcək illərdə sığorta fonduna daha çox vəsait toplandıqda dövlət bu kateqoriyanı da maliyyələşdirə bilər: "Amma hazırda Sığorta Fondunda bir qəpik də vəsait yoxdur. Ona görə də icbari tibbi sığorta mexanizmi işə düşən kimi əhalinin işsiz kateqoriyasının da dövlət hesabına icbari tibbi sığortadan bəhrələnməsi mümkün deyil".

Vətəndaşların Əmək Hüquqlarının Müdafiəsi Liqasının sədri Sahib Məmmədov Sputnik Azərbaycan-a açıqlamasında bildirib ki, icbari tibbi sığortanın tətbiq edildiyi ölkələrdə də icbari tibbi sığortadan istifadə edə bilməyənlər var: "Bu gün ABŞ-da əhalinin 30-33 faizi icbari tibbi sığortadan məhrumdur. Yəqin ki, çoxunuzun ABŞ-da küçədə gecələyən "bomj"lar haqda məlumatınız var. Orada insanlar qəza zamanı xəstəxanaya aparılsalar da, icbari tibbi sığortası olmadığından öz vəsaitləri hesabına müalicə olunurlar. Nəticədə xəstəxana müalicə xərclərinin ödənilməsi üçün onların evini əlindən alır. Belə insanlar küçələrdə gecələyirlər.

Dəlilikdir, ya nədir: Elə şeyi dəbə mindiriblər ki, danışanda mat qalırsan>>

Bizdə icbari tibbi sığortanın əhalinin qeyri-məşğul hissəsi üçün necə olacağı barədə indidən bir söz demək olmaz. Amma görünən odur ki, işsizlərin icbari tibbi sığortadan bəhrələnməsi üçün ayda 10 manat ödəyəcəyi inandırıcı görünmür. Çox güman ki, belə insanlar indiki qaydada pullarını verib ehtiyac olduqda müalicə olunacaqlar".

Qeyd edək ki, gələn il büdcədən səhiyyəyə ayrılacaq ümumi xərclərin təxminən 75-80 faizi icbari tibbi sığortaya yönələcək.

767
Əlaqədar
Yeni yaradılan Dövlət Agentliyi zərərlə işləməsinin səbəblərini açıqladı
İcbari tibbi sığortaya keçdikdən sonra pulsuz verilən dərmanların sayı dəyişə bilər
Azərbaycanda həkimə ancaq çarəsiz suriyalı qaçqınlar müraciət edirlər
Həkimlər yeni qayda ilə işə götürüləcək
Bu uşaqların dərdinə dərman yoxdur - Ümid icbari tibbi sığortaya qalıb
Məktəblilər, arxiv şəkli

Ənənəvi təhsilə yol göründü: Gələn il hamı məktəbə gedəcək

937
(Yenilənib 23:56 11.05.2021)
Əgər 18 yaşdan yuxarı əhalinin vaksinasiya prosesi uğurla başa çatsa, sonrakı mərhələdə uşaqların vaksinasiyası başlaya bilər.

Zülfiyyə Quluyeva, Sputnik Azərbaycan

BAKI, 11 may — Sputnik. May ayının 10-dan etibarən Azərbaycanda 18 yaşdan yuxarı əhalinin koronavirus əleyhinə vaksinasiyasına start verilib. İndiyədək yaş həddi və sosial statusu vaksin olunmağa imkan verməyənlər artıq peyvənd olunmaq üçün müraciət edə bilərlər. Sputnik Azərbaycan 18 yaşdan yuxarı əhali arasında daha çox kimlərin risk qrupu sayıldığını araşdırıb.

Deputat Müşviq Məmmədli Sputnik Azərbaycan-a açıqlamasında bildirib ki, ölkəmizdə 18 yaşdan yuxarı əhalinin koronavirus əleyhinə vaksin olunması Azərbaycanın növbəti uğurudur. Onun sözlərinə görə, ölkəmizə koronavirus əleyhinə bir neçə növdə və kifayət qədər vaksinin gətirilməsi buna şərait yaradıb:

"Vaksinasiya prosesindəki startegiyanın daha geniş kütləni əhatə etməsi onu göstərir ki, biz daha risk qrupunda olmayan əhalimizi də vaksinə cəlb edirik. Normal həyata qayıtmağımız üçün tək effektiv silah vaksinasiyadır. 18 yaşdan yuxarı əhalini vaksinasiyada daha aktiv iştirak etməyə səsləyirik. Hesab edirəm ki, 18 yaşdan yuxarı sosial statusundan asılı olmayaraq hər kəs vaksin olunmalıdır."

Azərbaycan Həkimləri İctimai Birliyinin idarə heyətinin üzvü Ədalət Rüstəm isə Sputnik Azərbaycan-a açıqlamasında bildirib ki, hazırda 18 yaşdan yuxarı əhali arasında əsas risk qrupu tələbələrdir. Onun sözlərinə görə, bu səbəbdən də vaksinasiyada tələbələr daha aktivlik nümayiş etdirməlidirlər. Ə.Rüstəm bunun gələcəkdə ənənəvi təhsilə keçid imkanı yaradacağını da söyləyir.

Bundan əlavə, Ə.Rüstəm deyir ki, vaksinasiyada ərazi prinsipini aradan qaldırmağa ehtiyac var:

"Kim faktiki harada yaşayırsa, orada ona peyvənd vurdurmağa şərait yaradılmalıdır. Məsələn, Şəki sakini Bakıda yaşayırsa, hətta pasport qeydiyyatında Şəkidə olsa belə, Bakıda vaksinasiyasına imkan yaradılmalıdır. Bu sistem mərkəzləşdirilib. Onsuz da vaksinlə bağlı bütün məlumatlar bir sistemə toplanır. Bütün bu məsələlər həll olunarsa, ölkəmizdə vaksinasiya daha sürətlə həyata keçirilər. Bu isə karantin qaydalarının yumşaldılmasına gətirib çıxardacaq".

Ekspertlər onu da qeyd ediblər ki, əgər 18 yaşdan yuxarı əhalinin vaksinasiya prosesi uğurla başa çatsa, sonrakı mərhələdə uşaqların vaksinasiyası başlaya bilər. Lakin uşaqların vaksinasiyası başa çatmadan da orta ümumtəhsil məktəblərində və ali təhsil ocaqlarında ənənəvi təhsilin davamına heç bir əngəl qalmayacaq. Bu isə o deməkdir ki, növbəti - 2021-2022-ci tədris ilində hamı məktəbə gedə biləcək. 

937
Koronavirus testi, arxiv şəkli

Son sutkada Azərbaycanda koronavirusa yoluxanların virusdan ölənlərin sayı açıqlanıb

265
İndiyədək ölkədə ümumilikdə 327 601 nəfərin koronavirus infeksiyasına yoluxması faktı müəyyən edilib, onlardan 308 317 nəfər müalicə olunaraq sağalıb, 4 713 nəfər vəfat edib. 14 571 nəfər aktiv xəstə sayını təşkil edib.

BAKI, 11 may - Sputnik. Azərbaycanda bu gün koronavirus infeksiyasına 514 yeni yoluxma faktı qeydə alınıb, 1306 nəfər müalicə olunaraq sağalıb və evə buraxılıb.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb. Məlumata görə, son sutkada nəfər 15 COVID-19-dan vəfat edib.

İndiyədək ölkədə ümumilikdə 327 601 nəfərin koronavirus infeksiyasına yoluxması faktı müəyyən edilib, onlardan 308 317 nəfər müalicə olunaraq sağalıb, 4 713 nəfər vəfat edib. 14 571 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 8 081, bu günə qədər isə ümumilikdə 3 346 012 test icra olunub.

265
Mahmud Əhmədinejad

Mahmud Əhmədinejat yenidən İran prezidentliyinə namizədliyini irəli sürüb

0
(Yenilənib 13:18 12.05.2021)
O, bu gün səhər öz tərəfdarları ilə birlikdə Daxili İşlər Nazirliyinin binasına gələrək namizədliyinin qeydə alınmasına dair sənədləri təqdim edib.

BAKI, 12 may - Sputnik. İranın sabiq prezidenti Mahmud Əhmədinejat qarşıdan gələn prezident seçkilərində iştirak etmək üçün namizədliyini irəli sürüb.

Sputnik Azərbaycan APA-ya istinadla xəbər verir ki, o, bu gün səhər öz tərəfdarları ilə birlikdə Daxili İşlər Nazirliyinin binasına gələrək namizədliyinin qeydə alınmasına dair sənədləri təqdim edib.

Namizədlərin qeydiyyatının ikinci günü həmçinin İran parlamentinin spiker müavini Əmirhüseyn Qazizadə Haşimi də öz namizədliyini irəli sürüb. Bundan başqa, Əhmədinejadın prezidentliyi dövründə kənd təsərrüfatı naziri işləmiş Sadiq Xəlilyan da namizədliyini irəli sürüb.

Qeyd edək ki, İranda ötən gündən prezidentliyə namizədlərin qeydiyyatı başlayıb. Namizədlərin siyahısına daxil olmaq üçün müraciətlər mayın 15-dək qəbul ediləcək.

İranda 13-cü prezident seçkiləri iyunun 18-nə təyin edilib. Qanunlara görə, seçkidə iştirak etmək istəyənlər qeydiyyatdan keçdikdən sonra İran Konstitusiyasının Mühafizə Şurası (Konstitusiya Qəyyumları Şurası) tərəfindən təsdiqlənməlidir. Şura tərəfindən təsdiqlənən namizədlərin adları mayın 26-da açıqlanacaq. Mayın 28-də isə seçkiqabağı təbliğat kampaniyası başlayacaq və iyunun 16-dək davam edəcək.

Qeyd edək ki, namizədlərin qeydiyyatının ilk günü 57 nəfər qeydiyyata alınıb.

 

0