Tibb bacısı. Arxiv şəkli

Xəstəxanalarımız fin üsuluna keçəndən sonra müalicəyə daha az pul xərcləyəcəksiz

4191
(Yenilənib 18:00 01.11.2019)
Azərbaycanın səhiyyə sistemi bu gündən etibarən fin klinik protokollarının tətbiqinə başlayır. Bundan sonra analizlər hər kəsə deyil, yalnız ehtiyacı olanlara təyin ediləcək

Zarina Orucəliyeva, Sputnik Azərbaycan

BAKI, 1 noyabr — Sputnik. Azərbaycanın səhiyyə sistemi bu gündən etibarən fin klinik protokollarının tətbiqinə başlayır.

Sputnik Azərbaycan-ın məlumatına görə, bu gündən etibarən Səhiyyə naziri Oqtay Şirəliyevin Azərbaycan Respublikasında ilkin səhiyyə xidmətində çalışan həkimlərin tibbi fəaliyyətində dünyanın qabaqcıl təcrübələrinin tətbiqi və göstərilən tibbi xidmətin keyfiyyətinin artırılması məqsədilə verdiyi "İlkin səhiyyə xidmətində klinik protokolların tətbiqi barədə" əmrin icrasına başlanılır.

Qeyd edək ki, hələ 2018-ci ilin oktyabrında Azərbaycan Səhiyyə Nazirliyi ilə Finlandiya Tibb Cəmiyyətinin "Duodecim Medical Publications Ltd" MMC arasında Sübutlara Əsaslanan Tibbi Təlimatların (EBMG – Evidence-Based Medicine Guidelines) Azərbaycanda tərcüməsi, lokallaşdırılması və onlayn yayılması ilə bağlı müqavilə imzalanıb.

Həmin vaxt nazir nəzərdə tutulan işin icrasını Səhiyyə Nazirliyinin İctimai Səhiyyə və İslahatlar Mərkəzinə (İSİM) həvalə edib. İSİM 1000-ə yaxın beynəlxalq klinik protokolu ingiliscədən Azərbaycan dilinə tərcümə edərək azərbaycanlı həkimlərin istifadəsinə verməli idi. Bu protokollarla yanaşı, Azərbaycan həkimləri üçün sübutlara əsaslanan "Cochrane Library", "MedLine", "PubMed" beynəlxalq məlumat bazalarından 4000-dən çox elmi məqalə, 1400 tibbi şəkil və video kolleksiyası, kalkulyator və səs faylları yerləşdiriləcək.

Azərbaycanda ən bahalı əməliyyatların maliyyələşməsi ilə bağlı xoş xəbər>>

Səhiyyə Nazirliyinin İctimai Səhiyyə və İslahatlar Mərkəzinin Səhiyyə siyasəti və planlaşdırma şöbəsinin müdiri Nabil Seyidov yeni müalicə standartlarından istifadənin respublikamıza nə verəcəyini Sputnik Azərbaycan-a şərh edib.

Onun sözlərinə görə, bu, ilkin tibbi yardımın keyfiyyətini yüksəltməyə, həmçinin ikinci dərəcəli xəstəliklərin qarşısının alınmasına, ölüm və əlilliyin azalmasına kömək edəcək. Sözügedən protokollar tibbin bütün sahələrini əhatə edir. Bunlar ildə bir dəfə, iki dəfə Finlandiya Tibb Cəmiyyəti tərəfindən yenilənir. Bu da tibbin son nailiyyətlərindən asılı olaraq, azərbaycanlı həkimlərə xaricdəki həmkarları ilə ayaqlaşmağa imkan verəcək.

Bundan əlavə, Seyidov qeyd edib ki, fin standartları davamlılıq prinsiplərinə əsaslanır: "Məsələn, Balakən, Ucar və ya Bakıda həkimlər eyni müalicə taktikasını tətbiq edəcəklər. Xəstə müalicəsini Avropada və ya Bakıda başlaya və doğma rayonunda davam etdirə biləcək".

Şöbə müdirinin sözlərinə görə, Finlandiya klinik protokollarının başqa bir müsbət cəhəti lazımsız klinik prosedurların və müayinələrin azaldılması olacaq. Bu, xüsusən icbari tibbi sığortanın tətbiqi çərçivəsində pula qənaət etməyə imkan verəcək.

"Bu protokollar sığorta təbabəti və can atdığımız sağlamlığın iqtisadi modeli üçün çox vacibdir. Yəni analizlər hər kəsə deyil, yalnız ehtiyacı olanlara təyin ediləcək. Əks təqdirdə, dünyada heç bir tibbi sığorta bu həcmdə maliyyə xərclərinə tab gətirə bilməz", - deyə şöbə müdiri əlavə edib.

Qeyd etmək lazımdır ki, bu günə qədər Azərbaycan həkimləri 100-ə yaxın klinik protokoldan, habelə Azərbaycan Tibb Universitetinin mütəxəssisləri tərəfindən hazırlanmış təlimatlardan istifadə edirlər.

Milli protokollardan fərqli olaraq, fin protokolları bir həkimin ehtiyac duyduğu minimum məlumat miqdarını ehtiva edir və sığorta tibbinin tələblərinə, habelə Avropanın müalicəyə yanaşmasına tam uyğundur.

"İndiyə qədər azərbaycanlı həkimlərin beynəlxalq protokolları və elmi sənədləri öyrənmək imkanı yox idi. Yalnız rus, türk və ingilis dillərini bilənlər qonşu ölkələrin müalicə standartlarını öyrəniblər. Lakin indi Azərbaycan dilində nəhəng tibbi arayış bazası yaradılıb", - deyən Seyidov qısa müddətdə orta və üçüncü dərəcəli tibbi xidmət üçün klinik protokolların tətbiq olunacağını bəyan edib.

4191
Əlaqədar
Bədəndə nə qədər çox xal varsa, bir o qədər də risk var
Köhnə hamam, köhnə tas: Qanunda var, amma tətbiqi dalana dirənib
Xərçəngə qarşı əlac artıq Bakıda - Yüz minlər yaşayacaq
Virusun susdurduğu insanlar - cəmiyyət onlara salam verməyə qorxur
Bakıda təhlükəli şprislər satılır
Zeytun yağı

Qızartmalar üçün hansı yağları seçməli: rus alim xəstəlik mənbəyi olan qidaları açıqladı

83
70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır

BAKI, 6 avqust — Sputnik. Qızartmalar üçün kərə yağından istifadə etmək təhlükəli ola bilər. Bu barədə Sputnik radiosuna müsahibəsində qastroenteroloq, dietoloq, tibb elmləri namizədi İrina Berejnaya bildirib.

Onun fikrincə, ən yaxşısı ərzaqları quru tavada, ya da qril şəklində qızartmaqdır. Amma çoxları bunu kərə yağında etməyə üstünlük verirlər. Əgər kərə yağını təzə-təzə yemək təhlükəsizdirsə, ondan məhsulların qızardılması üçün istifadə etməmək daha yaxşıdır.

"Təzə kərə yağı müəyyən miqdarda tamamilə təhlükəsizdir. O, həmçinin xolesterin mübadiləsinə təsir baxımından özünü doğruldur. Qızardılmış məhsullara gəldikdə, burada kərə yağını istifadə etməmək daha yaxşıdır. 70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır", – deyə İrina Berejnaya xəbərdarlıq edib.

Dietoloq deyib ki, yeməkləri hazırlamaq üçün quyruq yağından istifadə edə bilərsiniz, amma bu da ən yaxşı seçim deyil.

"Quyruq yağı öz strukturuna görə çox maraqlı məhsuldur. Həmçinin xolesterin mübadiləsinə mənfi təsir göstərmir. Bundan yeməklərin hazırlanmasında istifadə edilə bilər. Lakin uzun müddət istifadə edildikdə və yüksək temperaturda çox yüksək kalorili olacaq. Buna görə də eyni sərbəst radikalların meydana gəlməsi mümkündür. Ola bilsin, sərbəst radikallar kərə yağına nisbətdə daha az əmələ gələcək. Məhsulları zeytun yağında qızartmaq daha yaxşıdır, çünki bu, yüksək temperaturda sərbəst radikalların meydana gəlməsini təmin etməyən yeganə yağdır", – deyə dietoloq əlavə edib.

Xatırladaq ki, bu günlərdə həkim-dietoloq Andrey Bobrovski qafqazlıların uzunömürlülüyünün sirrinin manqalda bişmiş ətdə olduğunu demişdi. "Ətin qrildə və ya manqalda bişirilməsi ən dietik üsuldur. Digər üsullardan fərqli olaraq açıq manqalda bişirmə artıq yağları aradan götürür. Yağ bişdikdə əriyib axır. Tavada bişirilən zaman isə əksinə yağ yığılır və ətə hopur", - deyə Bobrovski bildirmişdi.

 

83
Əlaqədar
Yumurta yeyin, arıqlayın...
Adi göbələkdir, amma qanda şəkəri azaldar, mədə florasını bərpa edər
Gül plantasiyalarından kiçik şüşəyə: Qızılgüldən yağ necə alınır
Qafqaz uzunömürlülüyünün sirri - Hər şey kababla bağlı imiş
Buna da növbə çatdı - Şokolad ziyanlı imiş
Tibb işçidi dərman göstərir, arxiv şəkli

Vəssalam! Koronavirusun dərmanına patent aldılar

240
(Yenilənib 23:40 06.08.2020)
Dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər

BAKI, 6 avqust — Sputnik. Rusiya Federal Tibbi-Bioloji Agentliyi (FTBA) koronavirusu dəf etməyə və ya fəsadlarını aradan qaldırmağa kömək edən dərmana patent alıb.

Sputnik Azərbaycan RİA Novosti-yə istinadən bildirir ki, dərmanın adı “Leytragin”dir (Лейтрагин).

"Rusiya FTBA COVID-19-a qarşı preparatı patentləşdirdi. Bu praktik tibbə daxil olan, delta-opioid reseptorlarının dünyada ilk və hələlik yeganə aqonistidir", - agentliyin məlumatında deyilir. 

FTBA-nın biotibbi texnologiyalar elmi mərkəzinin alimləri müəyyən ediblər ki, ilkin adı "dalargin" olan dərman toxumaların sağalması və regenerasiyası proseslərində aktiv iştirak edir. Bundan başqa, bu sinfə daxil olan maddə immun cavabının təşkilində də aktiv rol oynayaraq koronavirus infeksiyası olan xəstədə ağır respirator və ümumi sistem pozulmalarına gətirib çıxaran "sitokin hücumunun" - iltihab yaradan maddələrin təsiri azalda, yaxud da onu dəf edə bilir. 

Qeyd edək ki, dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər. Məsələn, avqustun 2-də Rusiyanın “Vektor” dövlət elmi mərkəzi koronavirus əleyhinə peyvəndin noyabrda istehsalını planlaşdırdığını bəyan edib. Mərkəzin rəhbəri Rinat Maksyutov “Rossiya-1” telekanalına müsahibəsində deyib ki, ilin sonuna, gələn ilin əvvəlinə, ən azı, risk qrupundan olunanların vaksinasiya olunmasından, sonra isə kütləvi peyvənddən danışmaq olar.
Avqustun 1-də Rusiyanın Səhiyyə naziri Mixail Muraşko bildirib ki, rusiyalılar üçün koronavirus əleyhinə vaksin pulsuz olacaq.

240
Teqlər:
Rusiya, dərman, dünya, Koronavirus, COVID-19
Mövzu:
Dünyanı cənginə almış bəla
Əlaqədar
Cihazlar, geyim, dərman, qida... - Hər şey onların təminatından başlayır
Dövlət hesabına dərman alan xəstələr saatlarla xəstəxana qarşısında gözləyirlər - Deputat
COVID-19-dan sağalanlara iki vitamin məsləhət gördülər
Koronavirusu spreylə dayandıracaqlar
Koronavirusla mübarizədə yeni preparat tapıldı – 90 faiz effektivlik göstərib
Ev şəraitində müalicə alanlar, tövsiyəyə əməl edin