Qadın yeni doğulmuş körpəsi ilə, arxiv şəkli

Dəlilikdir, ya nədir: Elə şeyi dəbə mindiriblər ki, danışanda mat qalırsan

1475
(Yenilənib 13:32 31.10.2019)
Azərbaycanda da qeysəriyyə əməliyyatları dəbə minib. Hətta övladının doğum tarixini öz doğum gününə təyin edərək qesəriyyə əməliyyatı etdirənlər də az deyil

Zülfiyyə Quluyeva, Sputnik Azərbaycan

BAKI, 31 oktyabr — Sputnik. Təbii doğuşun ana və uşağın sağlamlığı baxımından vacib olduğu nə qədər təbliğ olunsa da, övladını qeysəriyyə əməliyyatı ilə dünyaya gətirənlərin sayı durmadan artır. Artıq qonşu Gürcüstan vəziyyətdən çıxış yolunu qeysəriyyə əməliyyatlarına limit qoymaqda və klinikaları cərimələməkdə tapıb. Belə ki, Gürcüstanda qeysəriyyə əməliyyatlarının sayı klinikalarda il ərzində qəbul edilən doğuşların ümumi sayının yalnız 40%-ni təşkil edə bilər. Bu tələbi pozan klinikalar 40 min laridən 360 min lariyə qədər cərimə edilir.

Qeyd edək ki, Ümumdünya Səhiyyə Təşkilatının tövsiyələrinə görə, qeysəriyyə əməliyyatının payı ölkə üzrə doğuşların 10-15%-dən çox olmamalıdır.

Azərbaycanda da qeysəriyyə əməliyyatları dəbə minib. Hətta övladının doğum tarixini öz doğum gününə təyin edərək qesəriyyə əməliyyatı etdirənlər də az deyil. Sputnik Azərbaycan ölkəmizdə qeysəriyyə əməliyyatına məhdudiyyətin hansı formada tətbiq edildiyini araşdırıb.

Səhiyyə Nazirliyinin baş mama-ginekoloqu, Respublika Perinatal Mərkəzinin direktoru Sevinc Məmmədova Sputnik Azərbaycan-a açıqlamasında bildib ki, hələ ki Azərbaycanda klinikalara belə bir qadağa tətbiq etməyə ehtiyac yoxdur. S.Məmmədova bildirib ki, buna səbəb Azərbaycanda doğuşayardım müəssisələrinin səviyyələrə bölünməsidir: "Ölkəmizdə doğuşayardım müəssisələri səviyyələrə ayrılıb. 1-ci səviyyəli doğuşayardım müəssisələrində doğuş vaxtı çatmış qadınlar öz övladlarını təbii yolla dünyaya gətirməlidirlər. Çünki buraya heç bir patologiyası olmayan hamilə qadınlar yerləşdirilir. 2-ci səviyyəli doğuşayardım müəssisələrində isə problemi olan qadınlar uşaq dünyaya gətirir. Bakıda belə doğuşayardım müəssisələrinin sayı 7, regionlarda isə 18-dir. Burada qeysəriyyə əməliyyatı ümumi doğuşun 15 faizi nisbətində ola bilər. Nəhayət 3 səviyyəli doğuşayardım müəssisələri var ki, burada yüksək riskli hamilə qadınlar yerləşdirilir. Burada da qeysəriyyə əməliyyatları 50-60 faiz civarında həyata keçirilir. Bundan əlavə, Azərbaycanda qeysəriyyə əməliyyatlarının həyata keçirilməsi 10 təsnifat üzrə mümkündür. Tibbi göstəriş olmadan qeysəriyyə əməliyyatlarının aparılması qadağandır".

S.Məmmədova deyir ki, Azərbaycan qeysəriyyə əməliyyatına görə 53 ölkə arasında 25-ci yerdədir. Ölkəmizdə qeysəriyyə əməliyyatı 27 faiz təşkil edir.

S.Məmmədovanın sözlərinə görə, əgər ana və döldə müəyyən problemlər varsa, əsaslandırılmış şəkildə qeysəriyyə əməliyyatı etmək olar. Buna ehtiyac yoxdursa, uşaq təbii yolla doğulmalıdır. Baş ginekoloq bildirir ki, qeysəriyyə kəsiyinin olması üçün 5 tibbi göstəriş var ki, bunun da birincisi əvvəl keçirilən əməliyyatdakı çapıqdır.

Milli Məclisin Səhiyyə Komitəsinin sədr müavini, deputat Musa Quliyev isə Sputnik Azərbaycan-a bildirib ki, Azərbaycanda qeysəriyyə əməliyyatları yalnız komissiyanın qərarı, tibbi göstəriş əsasında aparılır: "Amma buna baxmayaraq, ölkəmizdə qeysəriyyə kəsiyi ilə doğuşları sayı artır. Gürcüstanda artıq icbari tibbi sığorta tətbiq edildiyindən klinikaların cərimələnməsi mümkündür. Bizdə isə bu cür qabaqlayıcı tədbirlər görmək mümkün deyil. Qeysəriyyə əməliyyatlarının aparılması ilə bağlı bizdə çox ciddi konsilium qərarı olmalıdır. Bundan əlavə, qadınlar qeysəriyyə əməliyyatlarının fəsadları barədə maarifləndirilməlidirlər ki, bu növbəti hamiləlikdə, eləcə də ananın və uşağın səhhətində müəyyən problemlərə yol aça bilər. Bununla yanaşı, həkimlər üzərində də qeysəriyyə əməliyyatlarının aparılması ilə bağlı nəzarət gücləndirilməlidir".

1475
Bakıda tibbi maska taxmış şəxs, arxiv şək

Azərbaycanda koronavirusa yoluxma niyə artır?

55
"Günəş şüalarının ekspozisiyasının azalması, havanın temperaturunun aşağı düşməsi və dəyişkən olması nəticəsində insanlar daha az hallarda açıq məkanlarda olurlar, toplaşdığı bağlı yerlərdə təmaslar artır, otaqlar soyuq olduğu üçün havalandırmaya riayət olunmur"

Zülfiyyə Quluyeva, Sputnik Azərbaycan

BAKI, 22 oktyabr — Sputnik. Koronavirusa yoluxmada yenidən artım müşahidə olunur. Azərbaycanda oktyabrın 21-də koronavirus infeksiyasına yeni 714 yoluxma faktı qeydə alınıb. Artıq bəzi rayonlarda koronavirusa yoluxma kəskin artdığından giriş-çıxış bağlanıb. Nazirlər Kabineti bir həftə öncə "Xüsusi karantin rejimi ilə bağlı əlavə tədbirlər barədə" qərarında dəyişiklik edib. Dəyişikliyə əsasən, xüsusi karantin rejimi dövründə operativ və xüsusi təyinatlı nəqliyyat vasitələrinin, habelə yükdaşıyan avtomobillərin hərəkəti istisna olmaqla, Sabirabad şəhərinə, Sabirabad rayonunun Cavad, Türkədi, Qalağayın və Kürkəndi kəndlərinə, Şəki şəhərinə və Kiş kəndinə giriş-çıxış dayandırılıb. Eyni zamanda Lənkəran rayonunun, Quba şəhərinin və Quba rayonunun bəzi kəndlərinə giriş-çıxışın dayandırılması ilə bağlı Nazirlər Kabineti tərəfindən Qərar qəbul edilib.

Sputnik Azərbaycan koronavirusa yoluxmanın kəskin artmasının səbəbini araşdırıb.

Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva bildirib ki, Şəkidə və Sabirabaddakı yeni yoluxma ocaqlarının yaranmasını mövsümlə əlaqələndirmək olmaz:

"Çünki havalar ciddi şəkildə soyumayıb, temperatur normal olaraq davam edir. Yeni ocaqlar daha çox ailə, müəssisə daxilində olur. Yeni yaranan ocaqların üzərinə düşüb, onu ləğv etməyə çalışırıq".

Səhiyyə Nazirliyinin baş infeksionisti Təyyar Eyvazov Sputnik Azərbaycan-a açıqlamasında bildirib ki, koronavirusla yoluxma hallarının artımı gözlənilən idi: "Buna hələ yay aylarında hazırlıq gedirdi. Əslində artımın özü yox, onun səviyyəsi bizi daha çox narahat etməlidir. Biz görürük ki, əhatə olunduğumuz ölkələrdə də hələ bir qədər əvvəl bu baş verib. Bu səbəbləri şərti olaraq iki qrupa ayırmaq olar.

Birinci qrup səbəblər təbiidir, yəni günəş şüalarının ekspozisiyasının azalması, havanın temperaturunun aşağı düşməsi və dəyişkən olması nəticəsində insanlar daha az hallarda açıq məkanlarda olurlar, toplaşdığı bağlı yerlərdə təmaslar artır, otaqlarda soyuq olduğu üçün havalandırmaya riayət olunmur. İnsanlar havaya uyğun düzgün geyim seçməkdə çətinlik çəkirlər, nəticədə tərləyir və ya soyuqlayırlar. Həmçinin soyuq havada yuxarı tənəffüs yollarının infeksiyalara qarşı müqaviməti bir qədər zəifləyir və s. İkinci qrup səbəblər isə bizim üçün daha əhəmiyyətlidir. Çünki bunlar korrektə oluna bilər və əhalinin davranışı ilə sıx bağlıdır. Yəni burada qeyd olunan maskanın taxılması, sosial məsafənin gözlənilməsi, təmasların azaldılması, respirator gigiyena qaydalarına əməl olunması, əllərin gigiyenası və s.-dir. Son zamanlar məhz bu qaydalara bir o qədər də ciddi riayət olunmur. Qeyd olunduğu kimi, neqativ dinamika izlənməkdədir. Bu özünü yoluxanların sayındakı artım və sağalanlarla nisbətdə üstünlük təşkil etməsi ilə göstərir".

Baş infeksionist bildirib ki, proses nəzarət olunandır və istənilən hallarda vəziyyətə uyğun adekvat qərarlar verilə bilər: "Bu qərarlar Operativ Qərargah tərəfindən qəbul olunaraq tətbiq edilir. Mənfi dinamikanın aradan qaldırılması ilə bağlı xeyli təcrübə toplanılıb. Hesab edirəm ki, son vaxtlarda yoluxanların sayının bir müddət az olması əhalidə arxayınlıq yaradıb. Maska taxanların sayı azalıb, əhalinin daha çox toplaşdığı yerlərdə sosial məsafə gözlənilmir. İctimai nəqliyyatda eyni hallar müşahidə olunur. Buna görə də bir daha əhali ilə maarifləndirmə işləri aparılmalı və bu qaydalara əməl olunmasına nəzarət ciddiləşdirilməlidir. İnsanlarımıza müraciət edərək onu da çatdırmaq istərdim ki, bu qaydalara birgə əməl etməklə biz yoluxmaların sayını azalda bilərik və bu da bizim dövlətimizə bütün səyləri Qarabağ istiqamətində cəmləşdirməyə imkan verər.

Vətəndaşlar qeyd olunan qaydalara ciddi əməl etməli, təmasları, xüsusilə hərbçilərlə sıx təmasları minimuma endirməlidir. Özünü narahat hiss edən insan müvafiq şikayətlər olarsa, tibbi yardım üçün vaxtında müraciət etməlidir. Başa düşmək lazımdır ki, Ordumuzun döyüş qabiliyyəti əsgər və zabitlərimizin sağlamlığından bilavasitə asılıdır. Bu baxımdan onlara maddi və mənəvi dəstək olaq, lakin koronavirusu unutmayaq".

Qeyd edək ki, Şəki-Zaqatala üzrə koronavirusa yoluxma 2,0, Aran bölgəsi üzrə 10,5 faizdir. Azərbaycanda 2 noyabr saat 06:00-dək xüsusi karantin rejimi tətbiq olunub.

55
Teqlər:
infeksionist, Azərbaycan, yoluxma, Koronavirus, epidemiya, COVID-19
Əlaqədar
Azərbaycanda son sutkada 714 nəfər koronavirusa yoluxdu - Yenə rekord
Gürcüstanda vəziyyət pisləşir: Bir gündə 15 nəfər koronavirusdan öldü
Azərbaycanda koronavirusa ən çox qadınlar yoluxub -statistika
Vasif Əliyev: “İnsanlar son günlər sanki koronavirusu unudublar”
Bu gündən Azərbaycanda karantin rejimi yenidən sərtləşdirilib
Tibb işçisi Dövlət Gömrük Komitəsinin hospitalında, arxiv şəkli

Bölgə xəstəxanalarında tibb işçiləri arasında yoluxmalar artır

24
Bir çox bölgə xəstəxanalarımızda tibb işçiləri arasında da yoluxmalar artır. Onların xəstəliyə yoluxmaması bizim üçün önəmlidir.

BAKI, 22 oktyabr — Sputnik. "Biz bilirdik ki, payız-qış aylarında virusa yoluxma sayında artım gözlənilir. Lakin 714 yoluxma bizim üçün də yeni rəqəmdir. Sağalanların sayı 176 nəfərdir. Havalar hələ çox soyumadığı üçün insanlar da bizimlə razılaşar ki, mövcud artım dinamikasını bununla əlaqələndirə bilmərik. Deməli burada başqa məqamlar var. Sentyabr ayında yoluxmaların sayının azalması insanları bir qədər rahatlaşdırdı. Artıq yenidən həyəcanlı məqamlar yaşayırıq".

Sputnik Azərbaycan-ın məlumatına görə, bu barədə AzTV-nin "Hədəf" proqramında qonaq olan TƏBİB-in departament rəhbəri Yaqut Qarayeva məlumat verib.

O bildirib ki, qarşıda bizi daha soyuq havalar gözləyir və hər kəs ehtiyatlı davranmalıdır, sağlamlığının qeydinə qalmaq üçün məsuliyyətli olmalıdır: "Yanvar ayının sonlarından Operativ Qərargah xüsusi planlar hazırlayıb və bəzi rayonlarda modul tipli xəstəxanalar tikilib. Lakin hazırkı vəziyyətlə əlaqədar bir çox şey dəyişib və son hadisələrlə bağlı biz çarpayı fondumuzun bir hissəsini bəlli istiqamətdə istifadə edirik. Bu gün biz maraqlıyıq ki, tibb işçilərimiz də qüvvətli olsunlar, hərbçilərimizə kömək etsinlər. Bir çox bölgə xəstəxanalarımızda tibb işçiləri arasında da yoluxmalar artır. Onların xəstəliyə yoluxmaması bizim üçün önəmlidir. Bu gün tibb bacıları yaralı hərbçilərimizə ana qayğısını əvəz edəcək qədər diqqətlə baxırlar, onların qulluğunda dururlar. Təəssüf ki, xəstəlik, virus insanın peşəsinə baxmır, tibb işçilərimiz də virusa yoluxa bilir. Hazırda bizdə əsas problem ağır xəstələr, yaşlılar, xroniki xəstəliyi olanlarla bağlıdır. Çünki onlara adi stasionar çarpayı yox, intensiv-terapiya çarpayısına ehtiyac var. Bu, o deməkdir ki, həmin xəstə azı iki həftə orada müalicə olunur. Yəni, bir intensiv-terapiya çarpayısından iki həftə ərzində yeni xəstə istifadə edə bilməyəcək. Bu, ciddi problemdir".

24
Milli Məclis

Milli Məclisin növbəti plenar iclasının vaxtı gündəliyi məlum olub

0
(Yenilənib 19:26 22.10.2020)
"Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" qanun layihəsinə, "Hərbi vəzifə və hərbi xidmət haqqında" və digər qanunlarda dəyişikliklərə baxılacaq

Xalid Məmmədov, Sputnik Azərbaycan

BAKI, 22 oktyabr — Sputnik. Milli Məclisin növbəti plenar iclasının vaxtı məlum olub.

Sputnik Azərbaycan-ın məlumatına görə, parlamentin iclası 27 oktyabrda keçiriləcək. İclasın gündəliyinə 8 məsələ daxil edilib.

Bunlar aşağıdakılardır:

1. "Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" Azərbaycan Respublikası qanununun layihəsi barədə.

2. "Hərbi vəzifə və hərbi xidmət haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş).

3. "Təhsil haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

4. "Peşə təhsili haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

5. Azərbaycan Respublikasının Meşə Məcəlləsində, Azərbaycan Respublikasının Torpaq Məcəlləsində, Azərbaycan Respublikasının Mülki Məcəlləsində, "Torpaq islahatı haqqında", "Torpaq bazarı haqqında", "Bələdiyyə torpaqlarının idarə edilməsi haqqında", "Dövlət rüsumu haqqında", "Daşınmaz əmlakın dövlət reyestri haqqında" və "Torpaqların dövlət ehtiyacları üçün alınması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

6. Azərbaycan Respublikasının Əmək Məcəlləsində və Azərbaycan Respublikasının Ailə Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

7. "Hərbi qulluqçuların statusu haqqında", "Əhalinin sağlamlığının qorunması haqqında", "Yol hərəkəti haqqında", "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında", "Avtomobil yolları haqqında", "Özəl tibb fəaliyyəti haqqında", "Dövlət qulluğu haqqında", "Psixiatriya yardımı haqqında", "Onkoloji yardım haqqında" və "Tütün məmulatlarının istifadəsinin məhdudlaşdırılması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

8. "Tibbi sığorta haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

0