Peyvənd, arxiv şəkli

Xərçəngə qarşı əlac artıq Bakıda - Yüz minlər yaşayacaq

1303
(Yenilənib 15:08 23.10.2019)
"Gardasil 4" vaksini təkcə qadınları uşaqlıq boynu xərçəngindən qorumur. Kişilər üçün də bu vaksindən istifadə vacibdir

Zülfiyyə Quluyeva, Sputnik Azərbaycan

BAKI, 22 oktyabr — Sputnik. Azərbaycanda uşaqlıq boynu xərçənginə qarşı peyvəndin tətbiqinə başlanılıb.  

Hər il dünyada 528 min yeni uşaqlıq boynu xərçəngi xəstəsinin qeydə alındığını və bu xəstəlikdən 266 min insanın öldüyünü nəzərə alsaq, yenilik bir çox qadınlar üçün ümid yeri olacaq. Peyvənd barədə Səhiyyə Nazirliyinin Milli Onkologiya Mərkəzinin mama-ginekoloqu Nərgiz Zeynal Sputnik Azərbaycan-a geniş açıqlama verib.

- Nərgiz xanım, əldə etdiyimiz məlumatlara görə, hazırda Milli Onkologiya Mərkəzində uşaqlıq boynu xərçənginə qarşı vaksin tətbiq edilir. Öncə gəlin bu vaksin, onun tətbiqi barədə oxucularımıza məlumat verək.

- Bəli, artıq Milli Onkologiya Mərkəzində (MOM) İnsanın Papilloma Virusu (Human Papilloma Virus, İPV) vaksinin tətbiqinə başlanılıbdır. Uşaqlıq boynu xərçəngi İPV-nin müəyyən tipləri nəticəsində inkişaf edir. İPV-nin iki növü - 16 və 18 - uşaqlıq boynunun xərçənginə səbəb olur. Bəzən xərçəngə qarşı vaksin insanların təəccübünə səbəb olur. Amma qeyd edim ki, bizim tətbiq etdiyimiz vaksin xərçəngin bütün növlərinə qarşı olan peyvənd deyildir. İPV-nin dörd növünə qarşı vaksinlər bir çox ölkələrdə istifadə üçün təsdiq edilibdir. Artıq qardaş Türkiyədə də uşaqlıq boynu xərçənginə qarşı peyvənd vurulur. Məlumdur ki, onkoloji xəstəliklərin müayinəsi və müalicəsi ilə bağlı Milli Onkologiya Mərkəzində geniş imkanlar var. MOM həm müasir tibbi avadanlıq, həmçinin də peşəkar kadrlar baxımından regionda ən keyfiyyətli onkoloji tibbi xidmət göstərən səhiyyə müəssisələrindən biridir. Biz də bu imkanlardan bəhrələnərək İPV-yə qarşı peyvəndin ölkəmizdə tətbiqinə başlamağa qərar verdik. Qeyd edim ki, süd vəzi xərçəngindən sonra dünyada qadınlar arasında ən çox rast gəlinən uşaqlıq boynu xərçəngidir. Uşaqlıq boynu xərçəngi qadınlar arasında 4-cü ən çox rast gəlinən xərçəng növü sayılır. Hər il dünyada bu xərçəngdən yüz minlərlə qadın həyatını itirir.

Milli Onkologiya Mərkəzinin mama-ginekoloqu Nərgiz Zeynal
© Sputnik / Zulfiyya Guluyeva
Milli Onkologiya Mərkəzinin mama-ginekoloqu Nərgiz Zeynal

- Uşaqlıq boynu xərçənginə qarşı peyvəndin tətbiqi Ümumdünya Səhiyyə Təşkilatı (ÜST) tərəfindən də tövsiyə edilir. Bir sıra ölkələr kimi, Azərbaycanda da hələ ki İPV vaksini peyvənd təqviminə daxil deyil. Bu peyvəndin Azərbaycana gətirilərək tətbiqi, demək olar ki, yenilikdir. Peyvənd hansı yaş kateqoriyasında insanlara tətbiq edilir?

- Bu peyvənd əvvəllər 11-12 yaşlı uşaqlara və 26 yaşa qədər qadınlara tövsiyə edilirdi. Hazırda isə peyvənd 9 yaşdan 46 yaşa qədər effektli sayılır. Bir çox inkişaf etmiş ölkələrdə papillomavirusa qarşı vaksinasiya artıq uzun müddətdir ki, istifadə olunur və çox yaxşı nəticələr verir. Alimlərin araşdırmaları təsdiqləyir ki, dünyada İPV-yə qarşı vaksinasiya kütləvi şəkildə tətbiq olunduğu halda 25-30 ildən sonra uşaqlıq boynu xərçəngi kəskin azala bilər. Bu vaksin 70 faizə qədər insanı İPV virusuna yoluxmaqdan qoruyur. Yüksək riskli İPV viruslarına daxil olan 16 və 18-ci növlər 70%-dən daha çox uşaqlıq yolu xərçənginə səbəb olur.

- Peyvəndi vurdurmaq istəyən pasiyentlər sizə müraciət etdikdə hansı müayinələrdən keçməlidirlər?

- Biz müraciət edən xəstələri "pap smear" testindən keçiririk. Bu testi ildə 1 dəfə 40 yaşını adlamış hər qadının elətdirməsi məsləhət görülür. Kiçik çubuq vasitəsilə uşaqlıq boynundan yaxma götürülür, sonra müayinə aparılır. 

- Bir qədər də peyvənd barədə məlumat verərdiniz...

- Bizim istifadə etdiyimiz "Gardasil 4" vaksinidir. Azərbaycanda yalniz eksklüziv olaraq bizdə təşkil olunub. Vaksindən istifadədə 9-45 yaş ən effektiv dövr sayılır. HPV 16.11.9.18 növlərinə qarşı dayanıqlı immunitet yaradır. Anal, kondiloma (papilloma), vulvada, vaginada və uşaqlıq boynunda yaranan xərcəngönü xəstəliklərdən goruyur.

- Demək olarmı ki, bu peyvəndi vurduran pasiyent uşaqlıq boynu xərçəngindən sığortalanıb?

- Bu vaksin 10 il müddətində İPV-nin dörd növünə qarşı immunitet yaradır. Amma pasiyenti illik rutin olan "pap smear" skrininqdən sığortalamır. Mütləq pasiyent illik "pap smear" müayinəsindən keçməlidir.

Milli Onkologiya Mərkəzinin mama-ginekoloqu Nərgiz Zeynal
© Sputnik / Zulfiyya Guluyeva
Milli Onkologiya Mərkəzinin mama-ginekoloqu Nərgiz Zeynal

- Oxucularımız üçün də yəqin ki, maraqlı olar… Bu peyvəndi qadınların subay vaxtı vurdurması məsləhətdir, yoxsa ailə qurduqdan sonra?

- Subay vaxtı vurulması daha effektlidir. Amma ilk cinsi əlaqədən sonra da vurdurula bilər. Yeri gəlmişkən, kişilər də bu peyvəndi vurdurmalıdırlar, çünki o, ümumilikdə cinsi orqanın xərçəngindən də qoruyur. 

- İPV peyvəndindən söz düşmüşkən, uşaqlıq boynu xərçəngi hansı əlamətlərlə özünü büruzə verir?

- Xərçəngin digər növləri ilə müqayisədə uşaqlıq boynu xərçəngi özünü gizli formada aparır. Ağrı olmadığından xəstə narahatlıq keçirmir. Özünü birdən-birə büruzə verir. Ona görə də qadınlarımızın vaxtaşırı müayinədən keçməsi vacibdir. Erkən aşkarlandıqda xəstəliyin qarşısını almaq daha asan olur.

- Bu peyvənd xəstəlik aşkarlandıqdan sonra effekt verirmi?

- Xəstəliyin erkən mərhələsində müəyyən qədər kömək edir. Çalışmaq lazımdır ki, peyvənd İPV-yə yaxalanmamış vurulsun. Bu zaman kondiloma (papilloma), vulvada, vaginada və uşaqlıq boynunda yaranan xərcəng riski kəskin azalır…

- İPV vaksini peyvənd təqviminə daxil edilmədiyindən, yəqin ki, ödənişlidir..

- Bəli, vaksin Türkiyədən pulla alındığından pasiyentlər "pap smear" skrininqinin və vaksinin pulunu ödəməlidirlər...

1303
Xəstəxana, arxiv şəkli

Bakıda daha bir hospital xəstə qəbulunu dayandırdı - COVID-19-a görə

20
Hospital 20 noyabr 2020-ci il tarixindən etibarən pandemiya xəstəxanası kimi fəaliyyət göstərir. Burada yalnız COVID-19 infeksiyalı xəstələrə tibbi xidmət göstərilir.

BAKI, 26 noyabr — Sputnik. Mərkəzi Gömrük Hospitalı pasiyent qəbulunu dayandırıb. Bu barədə Sputnik Azərbaycan-a hospitaldan məlumat verilib. Məlumatda bildirilir ki, hospital 20 noyabr 2020-ci il tarixindən etibarən pandemiya xəstəxanası kimi fəaliyyət göstərir. Burada yalnız COVID-19 infeksiyalı xəstələrə tibbi xidmət göstərilir.

Mərkəzi Gömrük Hospitalının planlaşdırma və marketinq şöbəsinin piar mütəxəssisi Dilara Zamanova Sputnik Azərbaycan-a açıqlamasında məlumatı təsdiqləyib. O bildirib ki, pasiyentlər də tez-tez zəng edərək bu məlumatın dəqiq olub-olmadığını soruşurlar: "Biz bu məlumatı Hospitalın Facebook səhifəsində də paylaşmışıq".

20
Teqlər:
yoluxma, epidemiya, Koronavirus, COVID-19, Bakı, dayandırma, xəstə qəbulu, Mərkəzi Gömrük Hospitalı
Mövzu:
Azərbaycanda koronavirus: son xəbərlər
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

47
(Yenilənib 08:18 26.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

47
Teqlər:
zibil qabı, cəsəd, qəbir, ölənlər, COVID-19, Koronavirus, Ekvador
Bakı Şəhər Baş Polis İdarəsinin mətbuat şöbəsinin rəisi, polis mayoru Elşad Hacıyev

Elşad Hacıyev Daxili İşlər Nazirliyinə təyin edildi

0
(Yenilənib 13:20 26.11.2020)
Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib

BAKI, 26 noyabr — Sputnik. Daxili İşlər Nazirliyinin Kütləvi İnformasiya və İctimaiyətlə Əlaqələr Şöbəsinə rəis təyin edilib.

Sputnik Azərbaycan xəbər verir ki, bununla bağlı daxili işlər naziri, general-polkovnik Vilayət Eyvazov əmr imzalayıb.

Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib.

Qeyd edək ki, Bakı şəhər Baş Polis İdarəsinin İctimaiyyətlə Əlaqələr Şöbəsi ləğv edilib.

0
Teqlər:
rəis, əmr, Daxili İşlər Nazirliyi, Elşad Hacıyev