Dərmanlar, arxiv şəkli

İcbari tibbi sığortaya keçdikdən sonra pulsuz verilən dərmanların sayı dəyişə bilər

58
(Yenilənib 20:41 15.10.2019)
"Almaniya, Belçika, İngiltərə, Fransa kimi bir çox ölkələr qalaraq niyə İranla belə münasibətlər qurmalıyıq? Düşünürəm ki, dünyanın aparıcı firmaları ilə birgə müştərək əlaqələr qurmalı, zavodlar formalaşdırmalıyıq" - Adil Qeybulla

Nigar İsgəndərova, Sputnik Azərbaycan

BAKI, 15 oktyabr — Sputnik. Rusiyada pulsuz verilən dərmanların sayı artırılıb. Belə ki, bu dərmanların sayı 733-dən 758-ə qaldırılıb. Məlumata görə, pulsuz veriləcək 758 adda dərmandan 500-ü Rusiyanın öz istehsalı hesabınadır.

Maraqlıdır, Azərbaycanda bu baxımdan vəziyyət necədir? Tibb üzrə ekspert Adil Qeybulla Sputnik Azərbaycan-a açıqlamasında bu haqda danışıb:

“Rusiyanın oturuşmuş əczaçılıq sənayesi, böyük kadr potensialı var. Bu gün Rusiyada nəinki sovet dövründə istehsal olunan, hətta biokimyanın ən müasir üsulu ilə hazırlanan preparatlar var. Rusiyada immunoloji müalicə üçün lazım olan dərmanların da istehsalına başlanılıb. Bu səbəbdən Rusiya ilə Azərbaycan müqayisəolunmazdır”.

“Azərbaycanın isə bir zamanlar fəaliyyət göstərən əczaçılıq zavodu dağılıb. Orada da yod və “leyner” mazı istehsal olunurdu. Hazırkı duruma nəzər yetirsək, Azərbaycanın əczaçılıq sənayesinin yenidən qurulmasının vacib olduğunu görə bilərik”, - deyə A.Qeybulla əlavə edib.

Ekspert müştərək fəaliyyətdən də danışıb: “Almaniya, Belçika, İngiltərə, Fransa kimi bir çox ölkələr qalaraq niyə İranla belə münasibətlər qurmalıyıq? Düşünürəm ki, dünyanın aparıcı firmaları ilə  müştərək əlaqələr qurmalı, zavodlar formalaşdırmalıyıq. Bu yolla əczaçılıq sənayesində müsbət nəticə əldə etmək olar. Çünki Azərbaycanın xeyli dərman bitkiləri var. Dərmanların istehsalı üçün əlverişli şərait də var. Bəzi dərman preparatlarının ölkədaxili istehsalı ilə xeyli irəli düşə bilərik”.

“Azərbaycanda 167 adda dərman pulsuz verilir. Lakin icbari tibbi sığortaya keçirildikdən sonra bu rəqəm dəyişiləcək. Çünki bu paketdə ümumi rəqəm deyil, bu dərmanların adları da göstərilməlidir”, - deyə o əlavə edib.

58
Əlaqədar
Səhiyyə nazirindən əhalinin sağlamlığına dair mühüm əmr
Yeni qayda: həkimlər daha firma dərmanı yaza bilməyəcəklər
Qurd dərmanımız da əlimizdən alındı
Pulsuz dərman təminatı ilə bağlı təkliflər hazırlanıb
"Keçəl dərman bilsə, öz başına sürtər": gözəllik bloqeri canlı yayımda saçsız qaldı
Zeytun yağı

Qızartmalar üçün hansı yağları seçməli: rus alim xəstəlik mənbəyi olan qidaları açıqladı

58
70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır

BAKI, 6 avqust — Sputnik. Qızartmalar üçün kərə yağından istifadə etmək təhlükəli ola bilər. Bu barədə Sputnik radiosuna müsahibəsində qastroenteroloq, dietoloq, tibb elmləri namizədi İrina Berejnaya bildirib.

Onun fikrincə, ən yaxşısı ərzaqları quru tavada, ya da qril şəklində qızartmaqdır. Amma çoxları bunu kərə yağında etməyə üstünlük verirlər. Əgər kərə yağını təzə-təzə yemək təhlükəsizdirsə, ondan məhsulların qızardılması üçün istifadə etməmək daha yaxşıdır.

"Təzə kərə yağı müəyyən miqdarda tamamilə təhlükəsizdir. O, həmçinin xolesterin mübadiləsinə təsir baxımından özünü doğruldur. Qızardılmış məhsullara gəldikdə, burada kərə yağını istifadə etməmək daha yaxşıdır. 70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır", – deyə İrina Berejnaya xəbərdarlıq edib.

Dietoloq deyib ki, yeməkləri hazırlamaq üçün quyruq yağından istifadə edə bilərsiniz, amma bu da ən yaxşı seçim deyil.

"Quyruq yağı öz strukturuna görə çox maraqlı məhsuldur. Həmçinin xolesterin mübadiləsinə mənfi təsir göstərmir. Bundan yeməklərin hazırlanmasında istifadə edilə bilər. Lakin uzun müddət istifadə edildikdə və yüksək temperaturda çox yüksək kalorili olacaq. Buna görə də eyni sərbəst radikalların meydana gəlməsi mümkündür. Ola bilsin, sərbəst radikallar kərə yağına nisbətdə daha az əmələ gələcək. Məhsulları zeytun yağında qızartmaq daha yaxşıdır, çünki bu, yüksək temperaturda sərbəst radikalların meydana gəlməsini təmin etməyən yeganə yağdır", – deyə dietoloq əlavə edib.

Xatırladaq ki, bu günlərdə həkim-dietoloq Andrey Bobrovski qafqazlıların uzunömürlülüyünün sirrinin manqalda bişmiş ətdə olduğunu demişdi. "Ətin qrildə və ya manqalda bişirilməsi ən dietik üsuldur. Digər üsullardan fərqli olaraq açıq manqalda bişirmə artıq yağları aradan götürür. Yağ bişdikdə əriyib axır. Tavada bişirilən zaman isə əksinə yağ yığılır və ətə hopur", - deyə Bobrovski bildirmişdi.

 

58
Əlaqədar
Yumurta yeyin, arıqlayın...
Adi göbələkdir, amma qanda şəkəri azaldar, mədə florasını bərpa edər
Gül plantasiyalarından kiçik şüşəyə: Qızılgüldən yağ necə alınır
Qafqaz uzunömürlülüyünün sirri - Hər şey kababla bağlı imiş
Buna da növbə çatdı - Şokolad ziyanlı imiş
Tibb işçidi dərman göstərir, arxiv şəkli

Vəssalam! Koronavirusun dərmanına patent aldılar

181
(Yenilənib 23:40 06.08.2020)
Dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər

BAKI, 6 avqust — Sputnik. Rusiya Federal Tibbi-Bioloji Agentliyi (FTBA) koronavirusu dəf etməyə və ya fəsadlarını aradan qaldırmağa kömək edən dərmana patent alıb.

Sputnik Azərbaycan RİA Novosti-yə istinadən bildirir ki, dərmanın adı “Leytragin”dir (Лейтрагин).

"Rusiya FTBA COVID-19-a qarşı preparatı patentləşdirdi. Bu praktik tibbə daxil olan, delta-opioid reseptorlarının dünyada ilk və hələlik yeganə aqonistidir", - agentliyin məlumatında deyilir. 

FTBA-nın biotibbi texnologiyalar elmi mərkəzinin alimləri müəyyən ediblər ki, ilkin adı "dalargin" olan dərman toxumaların sağalması və regenerasiyası proseslərində aktiv iştirak edir. Bundan başqa, bu sinfə daxil olan maddə immun cavabının təşkilində də aktiv rol oynayaraq koronavirus infeksiyası olan xəstədə ağır respirator və ümumi sistem pozulmalarına gətirib çıxaran "sitokin hücumunun" - iltihab yaradan maddələrin təsiri azalda, yaxud da onu dəf edə bilir. 

Qeyd edək ki, dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər. Məsələn, avqustun 2-də Rusiyanın “Vektor” dövlət elmi mərkəzi koronavirus əleyhinə peyvəndin noyabrda istehsalını planlaşdırdığını bəyan edib. Mərkəzin rəhbəri Rinat Maksyutov “Rossiya-1” telekanalına müsahibəsində deyib ki, ilin sonuna, gələn ilin əvvəlinə, ən azı, risk qrupundan olunanların vaksinasiya olunmasından, sonra isə kütləvi peyvənddən danışmaq olar.
Avqustun 1-də Rusiyanın Səhiyyə naziri Mixail Muraşko bildirib ki, rusiyalılar üçün koronavirus əleyhinə vaksin pulsuz olacaq.

181
Teqlər:
Rusiya, dərman, dünya, Koronavirus, COVID-19
Mövzu:
Dünyanı cənginə almış bəla
Əlaqədar
Cihazlar, geyim, dərman, qida... - Hər şey onların təminatından başlayır
Dövlət hesabına dərman alan xəstələr saatlarla xəstəxana qarşısında gözləyirlər - Deputat
COVID-19-dan sağalanlara iki vitamin məsləhət gördülər
Koronavirusu spreylə dayandıracaqlar
Koronavirusla mübarizədə yeni preparat tapıldı – 90 faiz effektivlik göstərib
Ev şəraitində müalicə alanlar, tövsiyəyə əməl edin