Xəstəxana, arxiv şəkli

Azərbaycanda həkimə ancaq çarəsiz suriyalı qaçqınlar müraciət edirlər

1021
(Yenilənib 11:58 14.10.2019)
İcbari tibbi sığorta işə düşməmiş, sadalanan problemlər öz həllini tapmamış tibbi turizmin inkişafından danışmaq yersizdir

Zülfiyyə Quluyeva, Sputnik Azərbaycan

BAKI, 14 oktyabr — Sputnik. Ölkəmizdə səhiyyənin inkişaf etdiyi barədə ağızdolusu danışılsa da, Azərbaycanda dərdinə dava tapmayanların çoxu xaricə axışır. Ancaq eyni məqsədlə xaricdən ölkəmizə üz tutanların sayı, demək olar ki, yox səviyyəsindədir.

Bu günlərdə bu məsələyə toxunan Milli Məclisin Səhiyyə Komitəsinin sədr müavini Musa Quliyev bildirib ki, Azərbaycanda tibbi turizm birtərəfli inkişaf edir. O qeyd edib ki, tibbi turizmlə məşğul olanlar Azərbaycandan qonşu ölkələrə xəstə aparırlar: "Ona görə Azərbaycana da İrandan, Gürcüstandan, Türkiyədən, Dağıstandan xəstə insanların müalicəyə gəlməsi üçün normal sistem qurulmalıdır. Vətəndaşlarımızı xaricə göndərməklə tibbi turizm sahəsində uğur qazana bilmərik".

Sputnik Azərbaycan ölkəmizdə tibbi turizmin inkişafına mane olan səbəbləri araşdırıb.

Tibb üzrə ekspert Adil Qeybulla Sputnik Azərbaycan-ın əməkdaşı ilə söhbətində bildirib ki, ölkəmizdə tibbi turizmin inkişafına mane olan əsas amil icbari tibbi sığortanın tətbiq olunmamasıdır:

"Biz nəzər yetirsək, görərik ki, tibbi turizmin inkişaf etdiyi ölkələrin hər birində icbari tibbi sığorta tətbiq edilir. Bizdə isə bu sistemin işə düşməsi 2020-ci ildən reallaşacaq. Bu, tibbi turizmi inkişafdan saxlayan əsas səbəbdir. Digər səbəb isə Azərbaycan səhiyyəsinin beynəlxalq standartlara uyğun olmamasıdır. Üstəlik, bizdə dərman preparatlarının keyfiyyət parametrləri çox aşağıdır. Bütün bunlar tibbi turizmi inkişafdan saxlayan əsas amillərdir".

A.Qeybulla bildirir ki, bu gün Azərbaycandan xəstə axınının müşahidə olunduğu ölkələr İran, Türkiyə və Gürcüstandır: "Bu siyahıya başçılığı İran İslam Respublikası edir. Buna da səbəb İranda səhiyyə xidmətlərinin keyfiyyətininin yüksək, qiymətinin Azərbaycanla müqayisədə aşağı olmasıdır. Türkiyəyə isə daha keyfiyyətli tibbi xidmət almaq istəyənlər üz tuturlar. Türkiyə artıq Avropa səhiyyəsinin tərkib hissəsidir. Ona görə də Azərbaycanda səhiyyə xidmətinin keyfiyyətindən narazı olanlar hətta evini satmaq bahasına başa gəlsə də, sağlamlıqlarını bərpa etmək üçün Türkiyəyə gedirlər. Hətta bu gün Azərbaycandan xeyli sayda xəstə müalicə üçün Gürcüstanı seçir. Bütün bunlar kifayət qədər narahatedici, problemlərin olduğundan xəbər verən məsələlərdir".

A.Qeybulla deyir ki, bu gün Azərbaycanda tibb müəssisələrində barmaqla sayılacaq qədər əcnəbiyə rast gəlmək mümkündür ki, onlar da İraq və Suriyadan gələn qaçqınlardır.

Həmsöhbətimiz deyir ki, Azərbaycanda icbari tibbi sığorta işə düşməmiş, sadalanan problemlər öz həllini tapmamış tibbi turizmin inkişafından danışmaq yersizdir.

Azərbaycan Turizm Assosiasiyasının sədr müavini Müzəffər Ağakərimov isə tibbi turizmin inkişafı üçün Azərbaycan səhiyyəsində ucuz tibbi xidmətlərin xarici ölkələrdə reklamının vacib olduğunu söyləyir. Onun sözlərinə görə, artıq Azərbaycana estetik cərrahi əməliyyatlar üçün hər il xaricdən xeyli sayda pasiyent gəlir: "Rinoplastika Azərbaycanda Türkiyə və digər ölkələrlə müqayisədə ucuzdur. Ona görə də rinoplastika, liposaksiya və digər estetik əməliyyatlar üçün artıq ölkəmizi seçən pasiyentlər var. Tibbi turizm o vaxt inkişaf edir ki, səhiyyə xidmətinin keyfiyyəti yüksək, qiymətləri aşağı olsun. Bizdə də çalışmaq lazımdır ki, səhiyyədə tibbi xidmətin səviyyəsi yüksəlsin. Qiymətlər isə başqa ölkələrlə müqayisədə aşağı olsun".

1021
Əlaqədar
Pulsuz dərman təminatı ilə bağlı təkliflər hazırlanıb
Yarım milyarda satın aldığımız can: bircə qərar hər şeyi dəyişə bilər
Paradoks - Özəl klinikaların qanuna tam əməl etməsi pasiyentlərin cibinə zərbə vuracaq
Alimlərdən xəbərdarlıq: qənaət etməklə xəstələnə bilərsiniz
"Yaxşı imic" üçün imkan: turizm sektorunu yeniliklər gözləyir
Zeytun yağı

Qızartmalar üçün hansı yağları seçməli: rus alim xəstəlik mənbəyi olan qidaları açıqladı

71
70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır

BAKI, 6 avqust — Sputnik. Qızartmalar üçün kərə yağından istifadə etmək təhlükəli ola bilər. Bu barədə Sputnik radiosuna müsahibəsində qastroenteroloq, dietoloq, tibb elmləri namizədi İrina Berejnaya bildirib.

Onun fikrincə, ən yaxşısı ərzaqları quru tavada, ya da qril şəklində qızartmaqdır. Amma çoxları bunu kərə yağında etməyə üstünlük verirlər. Əgər kərə yağını təzə-təzə yemək təhlükəsizdirsə, ondan məhsulların qızardılması üçün istifadə etməmək daha yaxşıdır.

"Təzə kərə yağı müəyyən miqdarda tamamilə təhlükəsizdir. O, həmçinin xolesterin mübadiləsinə təsir baxımından özünü doğruldur. Qızardılmış məhsullara gəldikdə, burada kərə yağını istifadə etməmək daha yaxşıdır. 70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır", – deyə İrina Berejnaya xəbərdarlıq edib.

Dietoloq deyib ki, yeməkləri hazırlamaq üçün quyruq yağından istifadə edə bilərsiniz, amma bu da ən yaxşı seçim deyil.

"Quyruq yağı öz strukturuna görə çox maraqlı məhsuldur. Həmçinin xolesterin mübadiləsinə mənfi təsir göstərmir. Bundan yeməklərin hazırlanmasında istifadə edilə bilər. Lakin uzun müddət istifadə edildikdə və yüksək temperaturda çox yüksək kalorili olacaq. Buna görə də eyni sərbəst radikalların meydana gəlməsi mümkündür. Ola bilsin, sərbəst radikallar kərə yağına nisbətdə daha az əmələ gələcək. Məhsulları zeytun yağında qızartmaq daha yaxşıdır, çünki bu, yüksək temperaturda sərbəst radikalların meydana gəlməsini təmin etməyən yeganə yağdır", – deyə dietoloq əlavə edib.

Xatırladaq ki, bu günlərdə həkim-dietoloq Andrey Bobrovski qafqazlıların uzunömürlülüyünün sirrinin manqalda bişmiş ətdə olduğunu demişdi. "Ətin qrildə və ya manqalda bişirilməsi ən dietik üsuldur. Digər üsullardan fərqli olaraq açıq manqalda bişirmə artıq yağları aradan götürür. Yağ bişdikdə əriyib axır. Tavada bişirilən zaman isə əksinə yağ yığılır və ətə hopur", - deyə Bobrovski bildirmişdi.

 

71
Əlaqədar
Yumurta yeyin, arıqlayın...
Adi göbələkdir, amma qanda şəkəri azaldar, mədə florasını bərpa edər
Gül plantasiyalarından kiçik şüşəyə: Qızılgüldən yağ necə alınır
Qafqaz uzunömürlülüyünün sirri - Hər şey kababla bağlı imiş
Buna da növbə çatdı - Şokolad ziyanlı imiş
Tibb işçidi dərman göstərir, arxiv şəkli

Vəssalam! Koronavirusun dərmanına patent aldılar

225
(Yenilənib 23:40 06.08.2020)
Dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər

BAKI, 6 avqust — Sputnik. Rusiya Federal Tibbi-Bioloji Agentliyi (FTBA) koronavirusu dəf etməyə və ya fəsadlarını aradan qaldırmağa kömək edən dərmana patent alıb.

Sputnik Azərbaycan RİA Novosti-yə istinadən bildirir ki, dərmanın adı “Leytragin”dir (Лейтрагин).

"Rusiya FTBA COVID-19-a qarşı preparatı patentləşdirdi. Bu praktik tibbə daxil olan, delta-opioid reseptorlarının dünyada ilk və hələlik yeganə aqonistidir", - agentliyin məlumatında deyilir. 

FTBA-nın biotibbi texnologiyalar elmi mərkəzinin alimləri müəyyən ediblər ki, ilkin adı "dalargin" olan dərman toxumaların sağalması və regenerasiyası proseslərində aktiv iştirak edir. Bundan başqa, bu sinfə daxil olan maddə immun cavabının təşkilində də aktiv rol oynayaraq koronavirus infeksiyası olan xəstədə ağır respirator və ümumi sistem pozulmalarına gətirib çıxaran "sitokin hücumunun" - iltihab yaradan maddələrin təsiri azalda, yaxud da onu dəf edə bilir. 

Qeyd edək ki, dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər. Məsələn, avqustun 2-də Rusiyanın “Vektor” dövlət elmi mərkəzi koronavirus əleyhinə peyvəndin noyabrda istehsalını planlaşdırdığını bəyan edib. Mərkəzin rəhbəri Rinat Maksyutov “Rossiya-1” telekanalına müsahibəsində deyib ki, ilin sonuna, gələn ilin əvvəlinə, ən azı, risk qrupundan olunanların vaksinasiya olunmasından, sonra isə kütləvi peyvənddən danışmaq olar.
Avqustun 1-də Rusiyanın Səhiyyə naziri Mixail Muraşko bildirib ki, rusiyalılar üçün koronavirus əleyhinə vaksin pulsuz olacaq.

225
Teqlər:
Rusiya, dərman, dünya, Koronavirus, COVID-19
Mövzu:
Dünyanı cənginə almış bəla
Əlaqədar
Cihazlar, geyim, dərman, qida... - Hər şey onların təminatından başlayır
Dövlət hesabına dərman alan xəstələr saatlarla xəstəxana qarşısında gözləyirlər - Deputat
COVID-19-dan sağalanlara iki vitamin məsləhət gördülər
Koronavirusu spreylə dayandıracaqlar
Koronavirusla mübarizədə yeni preparat tapıldı – 90 faiz effektivlik göstərib
Ev şəraitində müalicə alanlar, tövsiyəyə əməl edin