Həblər, arxiv şəkli

Yarım milyarda satın aldığımız can: bircə qərar hər şeyi dəyişə bilər

637
(Yenilənib 19:47 03.10.2019)
Rəsmi məlumatlara əsasən, Azərbaycanda il ərzində təxminən 400-500 milyon manat dəyərində dərman məhsulları istehlak olunur. Qeyri-rəsmi məlumatlara görə isə ölkəyə gətirilən dərmanın dəyəri 1,5 milyard manata çatır

Xalid Məmmədov, Sputnik Azərbaycan

BAKI, 4 oktyabr — Sputnik. Milli Məclisin deputatı tibb sahəsinin əlavə dəyər vergisindən (ƏDV) azad edilməsini təklif edib. Sputnik Azərbaycan xəbər verir ki, parlamentin Səhiyyə komitəsinin iclasında çıxış edən deputat, Azərbaycan Milli Onkologiya Mərkəzinin baş direktorunun müavini Kəmaləddin Qafarov bu məsələyə baxılacağına ümid etdiyini deyib.

Alimlərdən xəbərdarlıq: qənaət etməklə xəstələnə bilərsiniz>>

Ekspertlər deputatın tibb sahəsinin ƏDV-dən azad edilməsi təklifinə münasibət bildiriblər.

İqtisadçı-ekspert Rəşad Həsənov Sputnik Azərbaycan-a açıqlamasıda tibb sahəsinin ƏDV-dən azad edilməsinə ehtiyacın olduğunu deyib:

"Azərbaycanda tibb xidmətləri 2 istiqamətdən (dövlət və qeyri-dövlət sektoru) təklif olunur. Birinci istiqamət müəyyən qədər dövlət tərəfindən maliyyələşdirilir. Qeyri-dövlət sektorunda isə xidmətin keyfiyyəti nisbətən daha yüksəkdir, amma qiymətlər vətəndaşlar üçün əlçatan deyil. Ona görə də vətəndaşların bir qismi xaricə üz tutur. Bəzilərini isə İran və bu kimi ölkələrdə tibb xidmətlərinin daha aşağı qiymət ilə təklif olunması cəlb edir. Bu da nəticədə ölkədən valyuta axınına gətirib çıxardır, eyni zamanda, səhiyyə xidmətlərinin əlçatanlığını aşağı salır".

"Tibb sahəsi ƏDV-dən azad edilərsə, bu, qiymətlərin aşağı düşməsinə gətirib çıxarda bilər. Bu isə öz növbəsində xüsusilə də qeyri-dövlət sektorunda səhiyyə xidmətlərinin keyfiyyətinin daha da artmasına, bu sahəyə investisiya qoyuluşlarının artmasına, qiymətlərin aşağı düşməsinə gətirib çıxara bilər. Nəzərə almaq lazımdır ki, sağlamlıq ölkə üçün strateji istiqamətdir. Dövlət bütün alətlərdən istifadə edərək bu sahədə keyfiyyətin artmasına, əlçatanlığın təmin edilməsinə şərait yaratmalıdır", - deyə o bildirib.

Onun sözlərinə görə, burada dərman məhsulları ilə bağlı da qərarın qəbul edilməsinə zərurət var: "Çünki rəsmi məlumatlara əsasən, Azərbaycanda il ərzində təxminən 400-500 milyon manat dəyərində dərman məhsulları istehlak olunur. Qeyri-rəsmi məlumatlara görə isə ölkəyə gətirilən dərmanın dəyəri 1,5 milyard manata çatır. Biz idxaldan əhəmiyyətli səviyyədə asılıyıq. Bu isə Azərbaycanda dərman bazarının xaricdəki vəziyyətə həssas olmasına gətirib çıxardır. Eyni zamanda idxalda ƏDV-nin olması və s. nəticədə məhsulların daha baha qiymətə təklif olunmasına gətirib çıxarır".

"Tibb sahəsi ƏDV-dən azad edilərsə, bu, hər iki istiqaməti əhatə etməlidir. Çünki nəzərə almaq lazımdır ki, dərmanı istehlak edən tərəflərdən biri də məhz tibb müəssisələridir", - deyə ekspert qeyd edib.

İqtisadi Resursların Öyrənilməsi Mərkəzinin sədri Ruslan Atakişiyev də Sputnik Azərbaycan-a açıqlamasında deputatın təklifini müsbət qiymətləndirib: "Dövlət qeydiyyatına alınmış dərman vasitələrinin tavan qiyməti müəyyən edilib və bundan yüksək satıla bilməz. Digər tərəfdən, ƏDV olan zaman dərmanın qiyməti bahalaşır və xaricdən gətirmək sərf etmir. Dərman bazarında qıtlığın qabağını almaq üçün bu təklif irəli sürülüb. Ümumiyyətlə, çətin tapılan dərmanlarda, ağır xəstəliklərdə istifadə olunan dərmanlarda bu məsələ diqqətə alınmalıdır".

637
Teqlər:
ƏDV, vergi, səhiyyə, sağlamlıq
Əlaqədar
Tarixdən gələn qeyri-adi üsul – İynələnib xəstəliklərdən azad ola bilərsiniz
Məktəblilər arasında onları şikəst edə biləcək xəstəliklər artır - ilginc səbəbi
Azərbaycanlı həkim təkzib etdi: “USM zərərli deyil”
Son günlər çoxlarını narahat edən xəstəliklə bağlı - Bu hallarda həkimə getməlisiniz
Həkim-firma işbirliyi: Cinayətkar tandem gələcəyimizi məhv edir
Həkimlər, arxiv şəkli

Koronavirusu "məğlub edirik": Sağalanların sayı yoluxanları dəfələrlə üstələdi

226
(Yenilənib 17:12 10.08.2020)
Son sutka ərzində yeni yoluxma hallarının müəyyənləşdirilməsi ilə əlaqədar 5 015, ötən müddət ərzində isə ümumilikdə 790 141 test aparılıb

BAKI, 10 avqust — Sputnik. Azərbaycan Respublikasında koronavirus (COVID-19) infeksiyasına 79 yeni yoluxma faktı qeydə alınıb, 278 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

Посмотреть эту публикацию в Instagram

Публикация от Sputnik Azərbaycan (@sputnik.az)

İndiyədək ölkədə ümumilikdə 33 647 nəfərin koronavirus infeksiyasına yoluxması faktı müəyyən edilib, onlardan 30 642 nəfər müalicə olunaraq sağalıb, 492 nəfər vəfat edib, aktiv xəstə sayı 2 513 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 5 015, ötən müddət ərzində isə ümumilikdə 790 141 test aparılıb.

226
Mövzu:
Azərbaycanda koronavirus: son xəbərlər
Əlaqədar
Qubada COVID-19 xəstəsi qaydalara tabe olmadı
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Gürcüstana göz dəydi, koronavirusa yoluxma halı kəskin artdı
Pandemiyanın ən çox ziyan vurduğu sahə - Burada çalışanların yoluxma riski daha böyükdür
Anticisimdən başqa heç nə kömək etmir – Rusiyalı həkimdən qəti mövqe
Koronavirusa qarşı peyvənd, arxiv şəkli

Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"

2047
(Yenilənib 14:09 10.08.2020)
Türkiyə yaxın vaxtlarda koronavirus peyvəndini ictimaiyyətə təqdim edəcək. Nəzərə alsaq ki, Azərbaycan və Türkiyə istənilən məsələdə daim bir-birini dəstəkləyirlər, gələcəkdə Türkiyə tərəfindən ölkəmizə koronavirus peyvəndinin tədarükü də olduqca real görünür

Eldar Tanrıverdiyev, Nigar İsgəndərova, Sputnik Azərbaycan

BAKI, 10 avqust — Sputnik. Türkiyə Prezidenti Rəcəb Tayyib Ərdoğan ötən gün Kocaeli Universiteti Tibb Müəssisələri və Araşdırma Mərkəzlərinin açılış mərasimində çıxışı zamanı qeyd edib ki, Ümumdünya Səhiyyə Təşkilatının (ÜST) məlumatına görə, Türkiyə yeni koronavirusa qarşı özünün vaksinini hazırlayan ölkələr siyahısında ABŞ və Çindən sonra üçüncü yeri tutur.

O deyib ki, Türkiyə Elm və Texnologiya Araşdırma Təşkilatı (TÜBİTAK) tərəfindən yaradılan COVID-19-a qarşı 8 vaksin və 10 preparatın hazırlanması üzərində iş gedir.

Ərdoğan qeyd edib ki, Türkiyə həkimləri tərəfindən hazırlanan koronavirusa qarşı iki vaksin heyvanlar üzərində sınaqlardan müvəffəqiyyətlə keçib: "Onlardan birinin insanlar üzərində kliniki sınaqlarına icazə verilib".

Türkiyə Prezidentinin bu açıqlaması Azərbaycan cəmiyyəti tərəfindən də maraqla qarşılanıb. COVID-19-la mübarizənin ilk günlərindən Türkiyə Azərbaycanın yanında olub və humanitar yardım edib. Rəsmi Ankara virusla mübarizə üçün Azərbaycana tibbi heyətlə yanaşı, humanitar yardım da göndərmişdi. Belə ki, iyulun 5-i Türkiyədən Azərbaycana göyərtəsində 30 ədəd süni tənəffüs aparatı, 55 min ədəd kombinezon, 50 min ədəd N95 maskası, 100 min ədəd cərrahi maska, 5 min tibbi eynək, 200 min əlcək və virusun müalicəsində istifadə olunan 40 min qutu müxtəlif dərman preparatı olan xüsusi təyyarə gəlib. Bundan əlavə, Azərbaycan və Türkiyə beynəlxalq müstəvidə də COVID-19-a qarşı mübarizədə birgə səy göstərirlər.

COVID-19 vaksininin uşaqlar üzərində sınaqlarının tarixi məlum olub>>

Görünən budur ki, qardaş ölkə Türkiyə yaxın vaxtlarda koronavirus əleyhinə peyvəndi hazırlayaraq ictimaiyyətə təqdim edəcək. Nəzərə alsaq ki, hər iki ölkə - Azərbaycan və Türkiyə istənilən məsələdə daim və istisnasız olaraq bir-birini dəstəkləyir, gələcəkdə Türkiyə tərəfindən Azərbaycana koronavirus peyvəndinin tədarükü də olduqca real görünür.

Məsələ ilə bağlı Türkiyənin ölkəmizdəki səfirliyindən Sputnik Azərbaycan-a verilən məlumatda isə qeyd olunub ki, Türkiyə bütün imkanları ilə hər zaman Azərbaycanın yanındadır:

"Təbii ki, peyvəndi Azərbaycana da verərik. Biz hər zaman Türkiyənin bütün imkanlarının Azərbaycanın da olduğunu söyləyirik. Yetər ki, peyvənd tapılsın və yetəri qədər istehsal olunsun".

Tibbi Ərazi Bölmələrini İdarəetmə Birliyindən isə vaksin hazır olacağı təqdirdə onun Türkiyədən idxalı məsələsinə baxıla biləcəyi bildirilib: "Vaksinlə bağlı təsdiqlənmiş bir yenilik yoxdur. Təsdiqlənmiş vaksin olduğu halda məsələyə baxıla bilər".

Səhiyyə Nazirliyindən isə məsələyə münasibət öyrənə bilmədik.

2047
Mövzu:
Dünyanı cənginə almış bəla
Əlaqədar
Rusiyada koronavirus peyvəndlərini ilk kimlərin alacağı açıqlandı
Professor: “Virusla mübarizədə kollektiv immunitetin qazanılmasının tərəfdarıyıq”
Vəssalam! Koronavirusun dərmanına patent aldılar
Vaksin burdaymış! Bizi koronavirusdan barama qurdu xilas edə bilər
Bizi belə xilas edəcəklər? Koronavirus peyvəndinin qiyməti əl yandırır!
Otel nömrəsi, arxiv şəkli

Artıq ürəklərə xal düşüb - əvvəlki imicə, pul qazanmağa ümidlidirlər

1
(Yenilənib 19:32 10.08.2020)
"Kimə başa salmaq olacaq ki, bu şəxslər xəstə deyil, sadəcə karantinə götürülmüş şəxslər idi?" - Samir Dübəndi

Nigar İsgəndərova, Sputnik Azərbaycan

BAKI, 10 avqust — Sputnik. Koronavirus (COVID-19) pandemiyası mart ayından başlayaraq Azərbaycanın da turizm sektorunda ciddi tənəzzülə səbəb olub. Koronavirus infeksiyasının yayılmasının qarşısını almaq məqsədilə Azərbaycan Respublikası ilə qonşu dövlətlər arasında dövlət sərhədində məhdudlaşdırıcı rejimin, eləcə də dünyanın əksər ölkələrində vətəndaşların səfərlərinə müvəqqəti məhdudiyyətlərin tətbiq olunması ilə əlaqədar 2020-ci ilin yanvar-iyun aylarında ötən ilin eyni dövrü ilə müqayisədə turizm infrastrukturunun əsas elementlərindən olan mehmanxana və mehmanxana tipli müəssisələrin göstəricilərində geriləmə qeydə alınıb, ölkə mehmanxanalarında keçirilmiş gecələmələrin sayı 55,9 faiz azalaraq 585,9 min olub.

© Sputnik / Elnur Salayev
İnfoqrafika: Cari ilin yanvar-iyun aylarında mehmanxanalarda keçirilmiş gecələmələrin faiz nisbəti

Əcnəbilər və vətəndaşlığı olmayan şəxslər tərəfindən mehmanxanalarda keçirilmiş gecələmələrin sayı əvvəlki ilin yanvar-iyun aylarına nisbətən 64,3 faiz azalaraq 340,8 min olub ki, bu da ümumi gecələmələrin 58,2 faizini təşkil edir.

© Sputnik / Elnur Salayev
İnfoqrafika: Əcnəbilərin və vətəndaşlığı olmayan şəxslərin keçirdiyi gecələmələrin faiz nisbəti

Cari ilin yanvar-iyun aylarında mehmanxanaların gəlirləri əvvəlki ilin eyni dövrü ilə müqayisədə 61,6 faiz azalaraq 72,0 milyon manat olub ki, onun da 58,7 faizi nömrələrin (otaqların) təqdim olunması üzrə xidmətlərdən, 28,6 faizi ictimai iaşə xidmətlərindən, 3,3 faizi müalicə və sağlamlıq xidmətlərindən, 9,4 faizi isə digər xidmətlərin göstərilməsindən əldə edilib.

2020-ci ilin yanvar-iyun aylarında mehmanxanaların birdəfəlik tutumundan istifadə 7,6 faiz səviyyəsində olub (2019-cu ilin yanvar-iyun aylarında 21,6 faiz). Bu göstərici Beyləqanda 21,8 faiz, Naftalanda 21,7 faiz, Qusarda 13,6 faiz, Şabranda 12,8 faiz, Qubada 11,8 faiz, Bakıda 11,4 faiz, Qəbələdə 11,0 faiz, Biləsuvarda 10,4 faiz, Cəlilabadda 9,2 faiz, Sabirabadda 9,2 faiz, Göyçayda 9,2 faiz, Naxçıvan Muxtar Respublikasında 8,3 faiz, digər rayon və şəhərlərdə isə ölkə üzrə orta göstəricidən aşağı olub.

Gecələmələr üzrə daha çox Rusiyadan gələnlər öndədirlər.

© Sputnik / Elnur Salayev
İnfoqrafika: Gecələmələrin ölkələr üzrə faiz nisbəti

 

Bəs mehmanxanalar pandemiyadan sonra fəaliyyətlərini bərpa edə biləcəklərmi?

Sputnik Azərbaycan-a danışan DAİR Otellər və Restoranlar Assosiasiyası İdarə Heyətinin sədri Samir Dübəndi öncə rəqəmlərə toxunub və bugünkü vəziyyəti şərh edib:

"Əslində bu rəqəmlərin hamısı 0-5, 0-10 faiz arası olmalı idi. Ehtimal ki, bu rəqəmlərə karantin üçün ayrılan otellərdə yerləşdirmələrin sayı da daxil edilib. Bura həmçinin mövcud şəraitlə əlaqədar olaraq TƏBİB və digər bu kimi aidiyyəti qurumların ezam olunmuş nümayəndələrinin də sayı daxildir. Amma bu heç də o demək deyil ki, bu otellər turist, yaxud da qonaq qəbul ediblər".

"Otellər hər zaman ən çətin gündə də böyük dayaq olub. Amma pandemiya zamanı modul tipi xəstəxanalar ola-ola onlardan istifadə etməyib karantinə alınan insanları otellərə yerləşdirdik. Belə bir şeyin olması, qeyd edim ki, otelin imicinə təsir edən amildir. Sabah hansısa turizm agentliyi, yaxud da turist bu otellərdə vaxtı ilə xəstələrin yaşadığını düşünəcək və onun ürəyində, belə desək, xal qalacaq. Kimə başa salmaq olacaq ki, bu şəxslər xəstə deyil, sadəcə karantinə götürülmüş şəxslər idi? Yaxud da kimə başa salmaq mümkün olacaq, həmin şəxslər otaqları tərk edəndən sonra belə orada hava dəyişdirilir, dezinfeksiya işləri aparılır. Amma bunu hər kəs anlamır. Bu şübhələr də otellərin fəaliyyətinə təsirsiz ötüşməyəcək", - deyə ekspert əlavə edib. 

S.Dübəndi otellərin fəaliyyətində yaranmış maneələrdən də danışıb: "Bundan başqa, digər fakta da toxunum. Ötən günlərdə Azərbaycan Qida Təhlükəsizliyi Agentliyi ilə bir görüşümüz oldu. Nabranda otel rəhbəri olan həmkarımız dedi ki, Nabranda polislər onlara işləməyə imkan vermirlər. O, sualı mənə ünvanladı və bildirdim ki, karantin dövrü başlayandan bu günədək dövlət tərəfindən otellərin işinə heç bir məhdudiyyət qoyulmayıb. Otellərin fəaliyyətinə icazə verilmirsə, o zaman maraqlıdır, bu rəqəmlər haradan çıxır? O zaman belə çıxır ki, bu rəqəmlərə karantinə götürülmüş şəxslər də daxildir".

"İctimai iaşə müəssisələrinin isə işinə məhdudiyyət, qadağa qoyulur. Yəni bu müəssisələrin yerində xidməti qadağandır. Düzü, bu məsələ də bir qədər bizim üçün təəccüb doğurur. Çünki bir tərəfdən biz çimərlikləri açırıqsa, nə üçün restoranların açıq ərazilərdə xidmətinə icazə verilmir?! Bu nə dərəcədə məntiqə uyğundur?! Biz burada heç bir məntiq görmürük. Müxtəlif qaydalara riayət etmək şərti ilə insanların bir yerdə çimərliklərdə toplaşmasına icazə verilirsə, nə üçün restoranın açıq səma altında olan hissəsində insanlar görüşə, çay içə, qidalana bilmirlər?" - deyə ekspert əlavə edib.

1
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Pandemiyanın ən çox ziyan vurduğu sahə - Burada çalışanların yoluxma riski daha böyükdür
Təklif çox, müştəri az, qiymətlər enib - turizm cənnətində kirayə bazarı dad deyir
Azərbaycanda koronavirusla bağlı hökumətə təkliflər verildi
Mərkəzi Bank bilirdi ki, heç kim əməl etməyəcək: indi sahibkar borcludur, bank isə yox
Biz də turistlərə pul paylayaq? - Pandemiyanın vurduğu sektoru xilas etməyin yolları