Peyvənd, arxiv şəkli

Ölməmək üçün görülən tədbir, amma insanlarımız ondan da imtina edir

862
(Yenilənib 17:53 10.09.2019)
“Türkiyədə övladını peyvənd etməyən ailələr sıxışdırılır. Məsələn, ola bilər ki, hansısa uşaq iki yaşında ikən göy öskürəyə tutulsun. Bu xəstəliyin 2 aylıq körpəyə keçməsi isə onun üçün həyati təhlükə yarada bilər. Peyvənd olunmaqla yalnız özümüzü deyil, eləcə də ətrafımızı da qorumuş oluruq”

Nigar İsgəndərova, Sputnik Azərbaycan

BAKI, 10 sentyabr — Sputnik. Rusiyada əhalinin 9 faizi ən müxtəlif səbəblərə görə peyvənddən imtina edir. Azərbaycanda isə bununla bağlı heç bir statistika aparılmır. Ən azından, Azərbaycan Respublikasının Dövlət Statistika Komitəsinin Sputnik Azərbaycan-ın sorğusuna cavabında belə deyilir.

Lakin bəzi ekspertlər Azərbaycanda da bu rəqəmlərin artdığını söyləyir. Həmsöhbətimiz olan pediatr Telman Aytayev də bu qənaətdədir: “Son açıqlanan rəqəmlərə görə, Rusiyada peyvənddən imtina halları 9 faiz olub. Azərbaycanda isə bununla bağlı hansısa rəqəm açıqlanmasa da, düşünürəm ki, ölkəmizdə peyvənddən imtina ilə bağlı rəqəm daha böyük olar. Mən bu qənaətə müraciət edən ailələrlə söhbət zamanı gəlirəm. Belə hallar müşahidə etdikdə isə ailələri peyvənddən imtina etməməyə səsləyirəm. Çünki Ümumdünya Sağlamlıq Təşkilatı da peyvəndlərin vurulmasının tərəfdarıdır. 50-60 il öncə illə müqayisədə məhz peyvəndlərin vurulması ilə yüz minlərlə ölümün qarşısı alınıb”.

“Azərbaycanın Səhiyyə Nazirliyi də peyvəndlərin vurulmasının tərəfdarıdır. Düzdür, bəzən hansısa bir xəstəliklər olur ki, bu zaman peyvəndə göstəriş olmur. İmmun çatışmazlığı kimi bir sıra anadangəlmə xəstəlikləri də buna misal olaraq göstərmək olar. Bu kimi hallar istisna olmaqla bütün uşaqlar peyvəndlə təmin edilməlidir” – deyə o, əlavə edib.

Həkimin sözlərinə görə, bəzi ölkələrdə, elə qonşu Türkiyədə də peyvənd məcburi hesab edilir: “Türkiyədə övladını peyvənd etməyən ailələr sıxışdırılır. Məsələn, ola bilər ki, hansısa uşaq iki yaşında ikən göy öskürəyə tutulsun. Bu xəstəliyin 2 aylıq körpəyə keçməsi isə onun üçün həyati təhlükə yarada bilər. Peyvənd olunmaqla yalnız özümüzü deyil, eləcə də ətrafımızı da qorumuş oluruq”.

Ekspert bu gün bəzi valideynləri narahat edən digər problemə də toxunub. Onun sözlərinə görə, valideynlər iddia edir ki, bəzi peyvəndlər Türkiyə və digər ölkələrlə müqayisədə Azərbaycanda uşaqlara fərqli vaxtda vurulur. T.Aytayevin sözlərinə görə, bəzi peyvəndlərin vurulmasına görə, Türkiyə ilə Azərbaycan arasında cüzi də olsa, fərq var: “Xüsusən də vərəmdən qorunmaya görə vurulan peyvənddə cüzi fərq nəzərə çarpır. Belə ki, Türkiyədə bu peyvənd uşağa 2-ci ayda, Azərbaycanda isə doğulduqdan bir həftə sonra vurulur. Bundan başqa, poliomielitin vurulma tarixində də bir qədər fərq var. Azərbaycandan fərqli olaraq suçiçəyi və hepatit A əleyhinə olan peyvəndlər Türkiyədə rutin peyvənd proqramında yer alıb. Əsas fərqlər bundan ibarətdir”.

862
Bakının mərkəzində tibbi maskada olan gənc, arxiv şəkli

Bakıda yoluxma niyə sürətlə artır? Həkim açıqladı

33
(Yenilənib 20:07 29.05.2020)
“Xəstəliyə inanmamaq insanın təkcə özü üçün deyil, ətrafı üçün də çox təhlükəlidir. Yoluxmanın artmasına səbəb belə insanlardır"

BAKI, 29 may — Sputnik. Koronavirusa yoluxanların sayı artıq üçrəqəmlidir. Virusa laqeyd yanaşdığımız üçün özümüz özümüzü yoluxdururuq. Sputnik Azərbaycan-ın məlumatına görə, bunu tanınmış pediatr Vaqif Qarayev son günlər koronavirusa yoluxmanın artmasından danışarkən deyib.

Həkim bildirib ki, yoluxmanın artmasına səbəb insanların xəstəliyə artıq laqeyd yanaşması, virusun olmasına inanmamasıdır: “Xəstəliyə inanmamaq insanın təkcə özü üçün deyil, ətrafı üçün də çox təhlükəlidir. Yoluxmanın artmasına səbəb belə insanlardır. Karantinin sərtliyindən hamı gileylənirdi. İstilər düşdüyü üçün anlaşılandır. Ancaq nəticə göz önündədir. Yoluxma dinamikası artır, vəziyyət belə davam etdikcə yoluxma daha da artacaq. Qonşu Gürcüstanda karantin tədbirləri bizdəkindən də sərt idi. Orada bu gün də ictimai nəqliyyat işləmir. Nəticədə də gündə 1-3 yoluxma var”.

33
Mövzu:
Azərbaycanda koronavirus: son xəbərlər
Əlaqədar
Bu "rekordu" heç gözləmirdik: yenə ölənlər var
Azərbaycanda xüsusi karantin rejiminin müddəti uzadıldı
Azərbaycanda COVID-19-dan vəfat edən ən gənc adamın yaşı açıqlandı
Ölkədə koronavirusa ən çox yoluxma haradadır?
Azərbaycanda "COVID 19" pasportunun tətbiqi ilə bağlı müzakirələr aparılır
COVİD-19 xəstəsi, arxiv şəkli

Azərbaycanda COVID-19-dan vəfat edən ən gənc adamın yaşı açıqlandı

60
(Yenilənib 19:02 29.05.2020)
Ümumilikdə vəfat edənlərdən 1 nəfər 30-39 yaş arasında şəxs olub. Ən çox ölüm faizi isə 60-69 yaş arası şəxslərin payına düşüb

BAKI, 29 may — Sputnik. Koronavirusdan ölənlərin yaş faizi açıqlanıb.

Sputnik Azərbaycan bildirir ki, bu barədə Nazirlər Kabineti yanında Operativ Qərargahın mətbuat konfransında TƏBİB-in İdarə Heyətinin sədri Ramin Bayramlı danışıb. Onun sözlərinə görə, vəfat edənlərin 20 nəfəri 60-69 yaşdadır: “Bu isə ölənlərin 34 faizini təşkil edib. Ümumilikdə vəfat edənlərin 2 faizi, yəni 1 nəfər 30-39 yaş, 3 faizi, yəni 2 nəfəri 40-49 yaş, 13 nəfəri, yəni 22 faizi 50-59 yaş, 17 nəfəri, yəni 29 faizi 70-79 yaş, 5 nəfəri, yəni 9 faizi 80 yaşdan yuxarı şəxslərdir”.

TƏBİB rəsmisi qeyd edib ki, kütləvi yoluxma halları əsasən yas mərasimlərində baş verir: “Yoluxma baş verdikdən sonra analizlər aparılır. Analizlər göstərir ki, yoluxmaların əksəriyyəti yas yerlərində baş verir. Xüsusən, yaşlı insanların və qadınların yas yerlərində toplaşması yoluxmaya səbəb olub. Vətəndaşları qaydalara riayət etməyə dəvət edirik”.

60
Mövzu:
Azərbaycanda koronavirus: son xəbərlər
Əlaqədar
Azərbaycanda xüsusi karantin rejiminin müddəti uzadıldı
30 qəpiklik maskaya 100 manat ödəmək istəmirsiniz?
Bu "rekordu" heç gözləmirdik: yenə ölənlər var
Uçuşlar nə zaman bərpa olunacaq?
Ölkədə koronavirusa ən çox yoluxma haradadır?
Генеральная прокуратура Азербайджанской Республики

Baş Prokurorluq Bərdədə iki nəfərin bıçaqlanması ilə bağlı məlumat yaydı

0
Elçin Cəfərov Cinayət Məcəlləsinin qeyd edilən maddələri ilə nəzərdə tutulan cinayət əməlini törətməkdə şübhəli şəxs qismində tutularaq istintaqa cəlb olunub.

BAKI, 30 may - Sputnik. Baş Prokurorluq bu gün Bərdədə baş verən bıçaqlanma hadisəsi ilə bağlı məlumat yayıb.

Prokurorluğun Mətbuat Xidmətindən Sputnik Azərbaycan-a verilən məlumatda bildirilir:

Mayın 30-da saat 11 radələrində Bərdə rayonunun Qaradəmirçi kənd sakini Vüsalə Cəfərovanın qardaşı Elçin Cəfərov tərəfindən döyülməsi barədə daxil olmuş məlumat əsasında dərhal rayon polis şöbəsinin əməkdaşları həmin ünvana gediblər.

Polis əməkdaşları evin həyətyanı sahəsinə daxil olarkən Vüsalə azyaşlı övladı Fatimə ilə birlikdə onlara yaxınlaşan zaman Elçin Cəfərov əlindəki bıçaqla onu təqib edərək qadına kürək nahiyəsindən qəsdən 3 dəfə vurub bədən xəsarətləri yetirib, daha sonra xidməti vəzifəsini həyata keçirməklə Vüsalənin öldürülməsinin qarşısını alan polis əməkdaşı Eşqin Məmmədova da bıçaqla qəsdən bir zərbə vuraraq daxilə keçən deşilmiş-cırılmış xəsarət yetirib.

Elçin Cəfərov digər polis əməkdaşları tərəfindən zərərsizləşdirilərək saxlanılıb.

Faktla bağlı Bərdə rayon Prokurorluğunda Cinayət Məcəlləsinin 29, 120.1 (qəsdən adam öldürməyə cəhd), 126.1 (qəsdən sağlamlığa ağır zərər vurma) və 315.2-ci (hakimiyyət nümayəndələrinə həyat və sağlamlıq üçün təhlükəli olan zor tətbiq etmə) maddələri ilə cinayət işi başlanıb.

İş üzrə hadisə yerinə baxış keçirilməklə iş üçün əhəmiyyət kəsb edən maddi sübutlar götürülüb, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib.

Elçin Cəfərov Cinayət Məcəlləsinin qeyd edilən maddələri ilə nəzərdə tutulan cinayət əməlini törətməkdə şübhəli şəxs qismində tutularaq istintaqa cəlb olunub, müdafiəçinin iştirakı ilə dindirilərkən törətdiyi cinayəti etiraf edib.

Hadisədən dərhal sonra zərərçəkmiş şəxslər Bərdə rayon mərkəzi xəstəxanasına çatdırılıb və onlara ilkin tibbi yardım göstərilib.

Hazırda zərərçəkmiş V.Cəfərova və polis əməkdaşının stasionar qaydada müalicələri davam etdirilir.

Cinayət işi üzrə zəruri istintaq-əməliyyat tədbirləri həyata keçirilməkdədir.

0