Hamilə qadın, arxiv şəkli

Hamilələrdə qanazlığı problemini həll etmək üçün ən ucuz üsul təklif edildi

47
(Yenilənib 14:33 09.09.2019)
Təqribi hesablamalara görə, dəmir çatışmazlığı Avropa və Mərkəzi Asiya regionunda beş yaşadək olan uşaqların 40 faizə qədərinin sağlamlığına və rifahına mənfi təsir edir

BAKI, 9 sentyabr — Sputnik. "Regionumuzda hər üç hamilə qadından biri qanazlığından əziyyət çəkir. Bu problem isə ana ilə yanaşı, körpənin həyatını da riskə atır. 

Unun dəmir və digər mikronutriyenlərlə zənginləşməsi isə qanazlığının rastgəlmə səviyyəsinin azaldılmasında özünü xərc baxımdan ən səmərəli üsul kimi doğruldub".

Sputnik Azərbaycan-ın xəbərinə görə, bu barədə UNICEF-in Azərbaycandakı nümayəndəsi Edvard Karvardin Avropa və Mərkəzi Asiyada mikronutriyenlərin çatışmazlığının qarşısını almaq üçün unun zənginləşdirilməsi işinin planlaşdırılması, icrası, monitorinqi üzrə regional seminarda çıxışı zamanı deyib. O, bildirib ki, təqribi hesablamalara görə, dəmir çatışmazlığı Avropa və Mərkəzi Asiya regionunda beş yaşadək olan uşaqların 40 faizə qədərinin sağlamlığına və rifahına mənfi təsir edir.

UNICEF-in Avropa və Mərkəzi Asiya üzrə Regional Sağlamlıq və Qidalanma üzrə mütəxəssisi Əmirhüseyn Yarpərov  isə qeyd edib ki, mikronutriyen çatışmazlığı, o cümlədən də qanazlığının aradan qaldırılması üçün müxtəlif səylərin gücləndirilməsi Qafqaz və Mərkəzi Asiyada ictimai səhiyyədə prioritet olaraq qalır: "Mərkəzi Asiya istisna olmaqla, heç bir alt region 2000-ci ildən bəri bu göstəriciləri aşağı sala bilməyib".

"Bu gün dünyada hər yeddi nəfərdən biri aclıqdan əziyyət çəkir. Azərbaycanda da anemiya və dəmir çatışmazlığı ilə mübarizə üçün müxtəlif planlar hazırlanır. 2001-ci ildə Azərbaycanda ana südü ilə bağlı qanun layihəsi qəbul olundu. Artıq anemiya və buna bənzər problemlərlə mübarizə üçün qanun layihəsi hazırlanıb", - seminarda çıxış edən millət vəkili Musa Quliyev bildirib.

O deyib ki, payız sessiyasında qida tərkibinin zənginləşdirilməsi ilə bağlı məsələ müzakirəyə çıxarılacaq: "Düşünürəm ki, payız sessiyasında biz bu barədə müzakirə edəcəyik. Yəqin ki, yaxın zamanlarda ölkəmizdə də anemiya, dəmir defisiti ilə mübarizə aparmaq, mikronutriyen çatışmazlığının qarşısını almaq məqsədi ilə qanun layihəsi qəbul ediləcək".

ABŞ Beynəlxalq İnkişaf Agentliyinin (USAID) Azərbaycan üzrə direktoru Sinqx Caydev unun zənginləşdirilməsi üçün özəl şirkətlər, hökumət və vətəndaş cəmiyyəti arasında ciddi tərəfdaşlığa ehtiyac duyulduğunu deyib. O bildirib ki, Azərbaycanda ölkə rəhbərliyi qida təhlükəsizliyi və mikronutriyenlərin çatışmazlığı ilə bağlı məsələlərə ciddi yanaşır: "Biz yalnız Azərbaycanda deyil, qlobal səviyyədə bu təşəbbüsə dəstək veririk. Qida Təhlükəsizliyi Agentliyinin və kənd təsərrüfatı məhsullarının istehsalçılarının tərəfdaşı olmaqdan məmnunuq. Çünki bununla həm agentliyin fəaliyyətində qanunvericiliyin təkmilləşməsi və yeni standartların tətbiqi məsələlərində, həm də istehsalçıların beynəlxalq bazara çıxmasına dəstək oluruq. USAID Tacikistanda unun zənginləşdirilməsi proqramına dəstək olaraq, burada ciddi nailiyyətlər əldə edib. Layihə imkan verib ki, Tacikistandakı dəyirmanlar unu zənginləşdirsinlər, bu sahədə çalışan personal təlimdən keçib".

S.Caydev qeyd edib ki, USAID Azərbaycanda unun zənginləşdirilməsi istiqamətində həmkarlarla əməkdaşlığını davam etdirməyi düşünür.

"2019-2025-ci illər üçün qida təhlükəsizliyi ilə bağlı proqram qəbul olunub. Bununla bağlı qanun layihəsi də hazırlanıb. Qeyd edim ki, bu gün dünya əhalisinin 1/3 hissəsi dəmir və yod çatışmazlığından əziyyət çəkir.

Sosial eksperiment: Çörək bərəkətdir, bəs bu nə hərəkətdir?
© Sputnik / Leyla Orucova / Kamilla Əliyeva / Taleh Mahmudov
 Bütün dünya əhalisinin iki milyardı anemiyadan, dəmir defisitli anemiyadan əziyyət çəkir. Əlbəttə, bütün bunlar uşaq və qadınların zehni, fiziki inkişafına mənfi təsir edir", - Azərbaycan Respublikasının Qida Təhlükəsizliyi Agentliyinin sədri Qoşqar Təhməzli çıxışı zamanı deyib.

O bildirib ki, bu gün ölkəmizdə 5 yaşadək uşaqların 12 faizi dəmir, 14 faizi isə anemiyadan əziyyət çəkir:"adınların isə 34.2 faizi dəmir çatışmazlığından, 32 faizi isə anemiyadan əziyyət çəkir. Hamilə qadınlar arasında isə anemiyadan əziyyətçəkmə rəqəmi 40 faizdir". Q.Təhməzli bu cür arzuolunmaz halların qarşısının alınması üçün qida məhsullarının zənginləşdirilməsinin vacibliyini vurğulayıb.

Tədbirdə həmçinin, qeyd olunub ki, digər ölkələrlə müqayisədə Azərbaycanda buğda məhsullarının istehlakı yüksəkdir. Bu səbəbdən də bu cür məhsulların mikronutriyenlərlə zənginləşdirilməsinin önəmliliyi qeyd olunub.

47
Kənddə gün batımı, arxiv şəkli

Hava koronavirus arasında əlaqə varmı? Akademik izah edir

33
(Yenilənib 22:54 04.06.2020)
Koronavirusun yayılması havadan yox, insanların havaya reaksiyasından asılıdır. Bu barədə rusiyalı akademik Vadim Pokrovski Sputnik radiosuna müsahibəsində deyib.

BAKI, 4 iyun — Sputnik. Yayda istilərin düşməsinin koronavirusun yayılmasına necə təsir edəcəyi məsələsi fəal şəkildə müzakirə olunur. Tez-tez fikir söyləyirlər ki, isti və günəşli havada infeksiya daha zəif yayılır.

Havanın koronavirus infeksiyasının yayılmasına necə təsir göstərə biləcəyi barədə fikirlərini rusiyalı akademik Vadim Pokrovski Sputnik radiosu ilə müsahibəsində bölüşüb.

"Burada hava ilə birbaşa əlaqə yoxdur, amma yağışlı və soyuq havalarda insanlar sıx otaqlarda toplanırlar, yayda isə məsafə saxlayırlar, otaqlarda pəncərələr açıq olur və havalandırma yaxşı olur", - Pokrovski qeyd edib.

"Temperatur yox, insanlar arasında daha az ünsiyyətin olması virusu öldürür. Gözləmək olar ki, damcı hava yolu ilə ötürülən koronavirusun yayılması üçün ən yaxşı şərait payız və qış dövründə yaranacaq",- Pokrovski qeyd edib.

 

33
Mövzu:
Dünyanı cənginə almış bəla
Əlaqədar
Koronavirusun qəribə xüsusiyyəti aşkarlandı
Bu rəqəmlər heyrət doğurur: koronavirusa görə də uşağa bu qədər pul verərlər?
Əlli hərbçi dünyanı xilas etməyə razılıq verdi: Rusiya təhlükəli sınağa başlayır
Çin koronavirus peyvəndinə görə kliniki sınaqları tamamlayan ilk ölkə oldu
Rusiyada koronavirusa yoluxanların sayı 430 mini keçdi
Bakı karantinin yumşaldılmasından sonra, arxiv şəkli

Azərbaycanlı professordan xalqa müraciət: "Ən pis ehtimallara hazır olmalıyıq"

12
(Yenilənib 18:42 04.06.2020)
"COVID-19-la effektiv tibbi mübarizə üsulları, peyvəndlər, dərmanlar icad olunana qədər özümüzü və ətrafımızı qorumalıyıq".

BAKI, 4 iyun — Sputnik. “Əziz həmvətənlər! Dünyada böyük narahatlıqlara və dəyişikliklərə səbəb olan yeni koronavirus pandemiyası, məlum olduğu kimi, ölkəmizi də ağuşuna alıb. Son günlər Azərbaycanda virusa yoluxanların sayında sürətli artım müşahidə edilməkdədir. Buna paralel olaraq, ölüm sayı da artmaqdadır. Nazirlər Kabineti yanında Operativ Qərargahın açıqladığı gündəlik rəqəmlər ciddi narahatlıq doğurur",

Sputnik Azərbaycan-ın məlumatına görə, bu sözlər Demokratik İslahatlar Partiyası və onun sədri, millət vəkili Asim Mollazadənin yeni koronavirus infeksiyasının ölkəmizdə sürətlə yayılması ilə bağlı xalqa müraciətində yer alır.

Asim Mollazadə
Asim Mollazadə

"Məlumdur ki, hətta səhiyyə büdcələri milyardlarla ölçülən, nəhəng elmi-intellektual potensiala, qabaqcıl texnologiyalara malik olan ən inkişaf etmiş ölkələr belə bu epidemiyanın qarşısında aciz duruma düşüblər. Dünyanın ABŞ kimi superdövləti, inkişaf etmiş Avropa ölkələri koronavirusla effektiv mübarizə apara bilmirlər. Hər gün minlərlə insan pandemiyanın qurbanı olur.

Adi laqeydlik, rəsmi çağırışlara, mütəxəssislərin tövsiyələrinə əməl edilməməsi, pandemiyanın ciddiyə alınmaması ölkəmizdə də qarşısıalınmaz nəticələrə gətirib çıxara bilər. Biz məsuliyyətli olmalı, özümüzü, doğma və yaxınlarımızı, ətrafımızı və ümumilikdə içində yaşadığımız toplumu qorumalıyıq. Bizim adi səhlənkarlığımız, çağırışlara məhəl qoymamağımız özümüzün və doğmalarımızın geri dönüşü olmayan faciəsi ilə nəticələnə bilər. Biz bu virusun ölümdən başqa gələcəkdə insan orqanizmində hansı fəsadları yaradacağını bilmirik. Ona görə də ən pis ehtimallara hazır olmalı, COVID-19-la effektiv tibbi mübarizə üsulları, peyvəndlər, dərmanlar icad olunana qədər özümüzü və ətrafımızı qorumalıyıq", - deyə müraciətdə qeyd olunur.

Millət vəkili həmvətənlərimizdən rəsmi çağırışlara, Nazirlər Kabineti yanında Operativ Qərargahın tövsiyə və tələblərinə riayət etməyi, bu xəstəliyə laqeyd yanaşmamağı, sanitar-gigiyenik qaydalara əməl etməyi, ciddi zərurət olmadıqca evdən çıxmamağı, adamların sıx toplaşdığı yerlərdən uzaq durmağı, dövlətin koronavirusla mübarizə çərçivəsində gördüyü tədbirlərə mane olmamağı xahiş edib: "İnanmaq istəyirik ki, xalqımız, dövlətimiz bu qlobal bəladan maksimum az itki ilə çıxacaq və öz səyləri nəticəsində ona qalib gəlməyi bacaracaq!”

12
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
İctimai nəqliyyat iki gün işləməyəcək, şəxsi avtomobillərə qadağa qoyuldu
Azərbaycanda koronavirus: sərt karantinə səbəb olan rəqəmlər açıqlandı
Sərt karantin rejiminin QAYDALARI: kim pozsa, həbsi gözə alsın
“İnanırsan, ya inanmırsan”: günümüzün ən mühüm sualı
Bu, ikinci dalğa deyil, sabahkı icazəni də bayram etməyin - Ramin Bayramlı
Anna Popova, arxiv şəkli

Rospotrebnadzor-un rəhbəri: "Yeni pandemiya qaçılmazdır"

2
(Yenilənib 23:49 04.06.2020)
Popova əlavə edib ki, hələlik pandemiyanın kimə toxunacağı bəlli deyil, lakin ona reaksiya planı hazır olmalıdır.

BAKI, 4 iyun — Sputnik. Rusiyanın İstehlakçı Hüquqlarının Müdafiəsi və İnsan Rifahına Nəzarət üzrə Federal Xidmətinin rəhbəri (Rospotrebnadzor) Anna Popova yeni pandemiya qaçılmaz hesab edir. Bu barədə Sputnik Azərbaycan RBK-ya istinadən xəbər verir.

Popovanın sözlərinə görə, koronavirusla mübarizə təcrübəsi gələcək addımların alqoritmini araşdırmağa imkan verir.

O bildirib ki, yeni növ pandemiyanın meydana çıxması "bu və ya digər formada tamamilə aydındır". Popova əlavə edib ki, hələlik pandemiyanın kimə toxunacağı bəlli deyil, lakin ona reaksiya planı hazır olmalıdır.

Bir sutka ərzində Rusiyanın 84 regionunda 8536 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 178 nəfər ölüb.

Ümumilikdə, Rusiyada bu xəstəliyə yoluxanların sayı 432277-yə çatıb. Rusiyada pandemiya yayılandan 5215 nəfər COVID-19-dan vəfat edib. Bir sutka ərzində virusdan sağalanların sayı isə 8972 nəfər olub. Bununla da bu ölkədə virusdan sağalanların sayı 195957-yə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda dünyada virusa yoluxanların sayı 6,3 milyonu keçib, 380 mindən çox adam isə virus səbəbilə ölüb.

2
Mövzu:
Dünyanı cənginə almış bəla
Əlaqədar
Koronavirusa qarşı "milli" mübarizə: kişi arvadını yaba ilə "sağaltmaq" istədi
Koronavirus əleyhinə daha bir mübarizə metodu - deyin, "pendir..."
Bu rəqəmlər heyrət doğurur: koronavirusa görə də uşağa bu qədər pul verərlər?
Azərbaycanda koronavirus: sərt karantinə səbəb olan rəqəmlər açıqlandı
Hava və koronavirus arasında əlaqə varmı? Akademik izah edir