Cərrahiyyə əməliyyat, arxiv şəkli

Minlərlə böyrək xəstəsinin ümidi beyin ölümü keçirənlərə qalıb

737
(Yenilənib 11:35 05.09.2019)
Azərbaycanda qanunvericilik ancaq qohumluğu olanlara donor olmağa icazə verir. Bu şəxslər ata, ana, bacı, qardaş, əmi və xala uşaqları ola bilər

Zülfiyyə Quluyeva, Sputnik Azərbaycan

BAKI, 5 sentyabr — Sputnik. Azərbaycanda bu günlərdə 65 yaşlı ananın donorluğu ilə 37 yaşlı pasiyentə böyrək köçürülüb. Böyrəkköçürmə əməliyyatını həyata keçirən urologiya və transplantologiya sahəsində yüksəkixtisaslı, peşəkar cərrah kimi tanınan Rəşad Şolan bildirib ki, böyrəkköçürmə əməliyyatı hemodializi yaşam üsulu seçmək məcburiyyətində qalan insanlar üçün nicat yoludur.

Cərrahın bildirdiyinə görə, təcili əməliyyatın aparılmasına göstəriş xəstənin qısa müddətdə aldığı hemodializ seanslarının yaratdığı fəsadlar olub. Onun sözlərinə görə, hemodializ vasitəsilə qan təmizlənsə də, bununla sağlam böyrəklərin bütün funksiyalarını əvəz etmək mümkün deyil. Böyrəklər fəaliyyətini dayandırarsa və insan hemodializ seansları qəbul etməyə məcbur olarsa, orqanizmin digər funksiyaları da tənəzzülə uğrayır. Bu da perikardit, anemiya, sümük xəstəlikləri, arterial hipertoniya, qanda kaliumun yığılması, sinir sisteminin pozulması kimi bir sıra fəsadlara yol açır.

Qeyd edək ki, böyrəkköçürmə əməliyyatı bu gün hemodializdən asılı həyat yaşayan insanların çoxunun arzusudur. Bəs görəsən, Azərbaycanda xroniki böyrək çatışmazlığından əziyyət çəkən xəstələrin nə qədəri bu arzusunu reallaşdıra bilir?

Millət vəkili: "İnsanları həyata qaytarmaq imkanımız olacaq">>

M.C.Cavadzadə adına Respublika Kliniki Uroloji Xəstəxanasının hemodializ şöbəsinin müdiri Fariz Babayev Sputnik Azərbaycan-a açıqlamasında bildirib ki, böyrəkköçürmə hemodializ alan xəstələrin çoxunun istəyi olsa belə, pasiyentə böyrək köçürülməsi barədə qərarı həkim verir.

F.Babayev deyir ki, hər pasiyent bunu öz arzusu ilə həyata keçirə bilməz. Nefroloqun sözlərinə görə, Azərbaycanda il ərzində təxminən 80 nəfərə böyrək köçürülür. O, ölkədə hazırda dializdən asılı 3900 xəstənin olduğunu bildirir. Həmsöhbətimiz deyir ki, pasiyentlərin 900 nəfəri 15 yaşına qədər olan uşaqlardır. F.Babayev deyir ki, son 15 ildə ölkəmizdə “Xroniki Böyrək Çatışmazlığı” haqqında Dövlət proqramı qəbul edildikdən sonra Bakı və regionları əhatə etməklə 50-yə yaxın hemodializ mərkəzi yaradılıb:

“2006-cı ildə 3 hemodializ mərkəzində 241 xəstə müalicə alırdısa, indi ölkəmizin 43 hemodializ mərkəzində 3900 böyrək xəstəsi dövlət hesabına müalicə olunur. Hazırda hemodializ müalicəsi alan ən kiçik xəstənin 6, ən böyüyünün 87 yaşı var. Aparılan statistikaya görə, dünya üzrə hər il xəstələrin ümumi sayında 20-23 faiz artım müşahidə olunur, ölüm faizi 18-19 faiz təşkil edir. Son on ildə ölkəmizdə hemodializ xəstələrinin yaşam müddəti artıb”.

Nefroloq deyir ki, xroniki formada tədricən böyrəklərin funksiyasını itirməsi nəticəsində baş verən bu xəstəliyin ilkin mərhələlərində dərman vasitələri ilə müalicə mümkün effekt versə də, dördüncü və beşinci mərhələdə hemodializ müalicəsinə ehtiyac yaranır. Odur ki, bu gün böyrək çatışmazlığından əziyyət çəkən xəstələr hemodializə cəlb olunurlar.

F.Babayevin sözlərinə görə, ölkəmizdə hemodializ xəstələr uçun pulsuz təşkil olunur. Nazirlər Kabinetinin 19 iyul 2006-cı il tarixli 179 nömrəli və 26 noyabr 2010-cu il tarixli 227 nömrəli qərarları ilə “Xroniki böyrək çatışmazlığı üzrə Tədbirlər Proqram”larının qəbulu ilə əlaqədar bu xəstələrin aşkar olunması və aktiv müalicəyə cəlb olunması, eləcə də xəstələrin dövlət vəsaiti hesabına ixtisaslaşdırılmış müalicə ilə təminatı mümkün olub:

“Müalicənin keyfiyyətinin yaxşılaşması, xəstələrin ömrünün uzanması, bu xəstəlikdən ölüm hallarının azalması nəticəsində dializ ilə əhatə edilən xəstələrin sayı hər il 20-22% artır. Dializ xəstələrinin dərman və tibbi ləvazimatlarla təminatı da tam həcmdə dövlət tərəfindən qarşılanır”.

F.Babayev deyir ki, Nazirlər Kabinetinin 28 yanvar 2016-cı il tarixli 17 saylı qərarı ilə yeni qəbul edilən və 2016-2020-ci illəri əhatə edən “Xroniki böyrək çatışmazlığı üzrə Tədbirlər Proqramı” nefroloji yardımın daha da təkmilləşdirilməsinə, yeni dializ mərkəzlərinin yaradılmasına, xroniki böyrək çatışmazlığı olan xəstələrin ömrünün uzadılmasına, onların həyat keyfiyyətinin yaxşılaşdırılmasına, tibbi-sosial reabilitasiyasına, hemodializ müalicəsi alan və böyrək köçürülmüş xəstələrin davamlı dərman təminatına yönəlib. Şöbə müdiri deyir ki, inkişaf etmiş Avropa ölkələrində hər milyon nəfərə düşən hemodializ xəstələrinin sayı 800-900, Yaponiyada 1100-1800 nəfər civarındadır. Bu, həmin ölkələrdə xəstəliyin daha erkən mərhələdə aşkarlanması ilə əlaqədardır.

F.Babayev Azərbaycanda böyrəkköçürməyə mane olan amillərdən də danışdı. O, qeyd etdi ki, digər ölkələrdən fərqli olaraq Azərbaycanda böyrəkköçürmə əməliyyatları üçün mütləq qohum donor tələb olunur. Bu isə böyrək köçürülməsi üçün müraciət edənlərin, böyrək köçürülməsi qərarı verilənlərin donor tapmasında müəyyən çətinliklərə yol açır: “Azərbaycanda qanunvericilik ancaq qohumluğu olanlara donor olmağa icazə verir. Bu şəxslər ata, ana, bacı, qardaş, əmi və xala uşaqları ola bilər. Bu isə təbii ki, böyrək köçürməsi üçün müraciət edənlərə çətinliklər yaradır. Amma Azərbaycanda beyin ölümü keçirənlərin orqanlarından donorluq üçün istifadə edilməsi məsələsi Milli Məclisin gündəliyindədir. Bu qanun qəbul olunarsa, böyrək köçürmək üçün müraciət edən, donor tapa bilməyən pasiyentlərin işi də yüngülləşər.

737
Teqlər:
Azərbaycan, transplantasiya, böyrək çatışmazlığı, böyrək, orqan
Əlaqədar
İstirahətə gedənlərə xəbərdarlıq etdilər: infeksiya yayılıb
Yaşlı ana böyrəyini oğluna bağışladı
Albalı

Təzyiqin daha bir dərmanı aşkar edilib

171
(Yenilənib 11:22 04.07.2020)
Dietoloq Sara Brüyerin sözlərinə əsasən, albalı suyu antioksidanlarla - polifenollarla çox zəngindir.

BAKI, 4 iyul — Sputnik. Həkimlər səhər yeməyi zamanı təzyiqi tez və effektli şəkildə düşürə bilən içkini müəyyən ediblər.

Sputnik Azərbaycan xarici mətbuata istinadla xəbər verir ki, təzyiq qan damarlarına və həyati əhəmiyyətə malik orqanlara əlavə bir yük yaradır. O, insult və infarkt da daxil olmaqla müxtəlif fəsadlara səbəb ola bilər.

Yüksək təzyiq sağlam qidalanmamağın və fiziki aktivliyin olmamasının göstəricisidir. Mütəxəssilərin fikrincə, qan təzyiqinin qarşısını alan vasitələr arasında albalı şirəsi xüsusi əhəmiyyətə malikdir.

Dietoloq Sara Brüyerin sözlərinə görə, albalı suyu antioksidanlarla - polifenollarla zəngindir. Onlar qan damarlarının genişlənməsinə və elastikliyini artırmağa kömək edirlər.

Mütəxəssislərin fikrincə, 60 ml turş albalı suyu sistolik qan təzyiqini 7 mmHg qədər azalda bilər. Dietoloq qeyd edib ki, albalı şirəsinin istifadəsi kifayət qədər sürətli effekt verir. Albalı suyu içdikdən bir saat sonra qan təzyiqi azalmağa başlaya bilər. Şirənin təsiri səkkiz saata qədər davam edir.

171
COVİD-19 xəstəsi, arxiv şəkli

TƏBİB sədri COVİD-19-un yeni əlamətlərini açıqladı

327
(Yenilənib 18:18 03.07.2020)
Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir

BAKI, 3 iyul – Sputnik. “Son vaxtlar koronavirusa yoluxmanın xəstəliyi olmayan və yaşı gənc olanlarda da ağırlaşma ilə nəticələndiyinin şahidi oluruq”.

Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın mətbuat konfransında TƏBİB İdarə Heyətinin sədri Ramin Bayramlı bildirib.

Onun sözlərinə görə, COVID-19 xəstəliyinin hazırda çox ciddi yeni klinik əlamətləri meydana çıxmaqdadır: “Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir. Diabet xəstələrində çox ağır patologiyalara səbəb olur. Genetik faktorlar burada çox önəmlidir. Xəstəliyin autoimmun xarakterdə keçməsi baxımından xəstəliyi ailələr şəklində ağır şəkildə keçirənləri görürük. Təəssüflər olsun ki, yoluxma sayı artdıqca və daha çox əhali arasında yayıldıqca ağır keçirilən halların da şahidi oluruq”.

327
Mövzu:
Azərbaycanda koronavirus: son xəbərlər
Dərsliklər, arxiv şəkli

Erkən nikahlarla bağlı mövzular dərsliklərə məqsədlə salınıb

0
(Yenilənib 13:33 04.07.2020)
"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir" - Kamran Əsədov

Nigar İsgəndərova, Sputnik Azərbaycan

BAKI, 4 iyul — Sputnik. Növbəti tədris ilindən etibarən erkən nikahlar və qohum nikahlarla bağlı dərsliklərə maarifləndirici material daxil ediləcək. Maraqlıdır, bunun effekti nə dərəcədə olacaq?

Bu barədə Sputnik Azərbaycan-a danışan təhsil üzrə ekspert Kamran Əsədov bunun heç bir faydasının olmayacağını vurğulayıb: "Burada auditoriya düzgün seçilməyib. Çünki erkən nikahları həyata keçirən şagirdlər deyil. Şagirdlər tərəfindən bu dərslərin nə dərəcədə mənimsənilməsi bunun həyata keçməsi demək deyil, yəni, bu erkən nikahdan qorunmaq deyil. Tutaq ki, şagird erkən nikahla bağlı materialı mənimsəyib. Bəs, valideyn? Bu səbəbdən də deyirəm ki, maarifləndiriləcək kütlə düzgün seçilməyib. Valideynin qonşusunda imkanlı biri olandan, atası başlıq pulunu alandan sonra nə olacaq?! Şagird valideynin fikrini dəyişə biləcəkmi".

"Baxın, erkən nikahlar restoranlarda qeydə alınır. Bəs, restoran sahibinin guya bundan xəbəri yoxdur?. Necə olur ki, bu gün maskaya görə cərimələr yazılır, amma erkən nikaha görə, kimsə cinayət məsuliyyətinə cəlb olunmur. Hər il Azərbaycanda 500-dək erkən nikah qeydə alınır, bəs buna görə məsuliyyət hanı, qeydə alınırmı?", - deyə K.Əsədov əlavə edib.

K.Əsədov bildirib ki, erkən nikahlar daha çox imkansız, çox qız uşaqlarının olduğu ailələrdə baş verir.

"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir. Yolda birinin ürəyi getsə, ilkin tibbi yardım göstərə biləcəksiniz? Yol hərəkəti qaydalarını hamı bilirmi? Məktəblər bunu öyrətməlidir. Məktəb insanı həyata hazırlamalıdır",- deyə ekspert əlavə edib.

0