Dərman, arxiv şəkli

Həm ölümdən qurtarır, həm öldürür: Hər şey vicdana bağlıdır

982
(Yenilənib 15:27 04.09.2019)
Adil Qeybulla: “İndinin özündə də sovet dövründə olduğu kimi lazım oldu, olmadı xəstəyə antibiotik təyin olunur”

Nigar İsgəndərova, Sputnik Azərbaycan

BAKI, 4 sentyabr — Sputnik. Son araşdırmalar antibiotiklərin xərçəng xəstəliyinə səbəb olduğunu sübut edib. Alimlərin apardıqları son tədqiqatlar zamanı bəlli olub ki, antibiotiklər daha çox bağırsaqda bədxassəli şişlərin yaranmasına səbəb olur.

Statistikalar isə onu göstərir ki, ümumiyyətlə son illərdə bütün dünyada belə dərman preparatlarından istifadə ilə bağlı rəqəmlər artmaqdadır. Statistikaya görə, antibiotikdən istifadə xüsusən də 2000-2010-cu illər aralığında 35 faiz artıb. Bu da həmin dövrdə illik olaraq 70 milyard dozada antibiotikin qəbul edilməsi, yer kürəsi əhalisinə hər nəfərinə isə 10 dozanın düşməsi deməkdir.

Aparılan tədqiqatlar onu göstərir ki, antibiotiklər bağırsaqlardakı "pis" mikrobların daha da geniş vüsət almasına səbəb olur.

8 ildən artıq aparılan araşdırmalar nəticəsində xərçəng xəstəliyindən əziyyət çəkən xəstələrin 68 faizinin antibiotik istifadəçisi olduğu bəlli olub. Alimlər sübut edir ki, antibiotikləri 60 gündən artıq qəbul etmək xərçəngə səbəb olur.

Antibiotik və onun zərərlərinin azaldılması istiqamətində müxtəlif ölkələrdə maarifləndirici addımlar atılır.

Maraqlıdır, bəs, ölkəmizdəki vəziyyət necədir?

Səhiyyə üzrə ekspert Adil Qeybulla Sputnik Azərbaycan-a açıqlamasında deyib ki, indinin özündə də sovet dövründə olduğu kimi lazım oldu, olmadı xəstəyə antibiotik təyin olunur. Bəzən bu cür dərmanların yazılmasının korporativ addımlara xidmət etdiyini vurğulayan ekspert nəticənin ağırlığından danışıb: "Gərəksiz yerə antibiotiklərin qəbulu nəticə etibarı ilə bəzi faydalı mikrobların həssaslığının azalmasına səbəb olur. İlkin olaraq şəxsin antibiotikə həssaslığı öyrənilməlidir. Xüsusi qrup xəstələrə də antibiotik təyin olunarkən bu cür amillərə nəzər yetirmək vacibdir".

Eyni zamanda o, antibiotikdən imtinanın mümkünsüzlüyünü də dilə gətirib: "Düzdür, tamamilə antibiotikdən imtina edə bilmərik. Amma gərəksiz olaraq antibiotiklərdən istifadə edilməsinin qarşısı alınmalıdır. Əməliyyatdan sonra da gərəksiz olaraq antobiotik təyinatından imtina edilməlidir".

“Antibiotiklərdən istifadə nəticəsində 30-35 faiz yan təsirlər də meydana çıxır. Bu yan təsirlər sırasında allergik reaksiyaları da qeydə edə bilərik. Bu cür allergik reaksiyalar ən pis halda şoka səbəb olaraq, ölümlə də nəticələnə bilər" – deyə həmsöhbətimiz əlavə edib.

Azərbaycan Tibb Universitetinin Klinik Farmokologiya və Farmoterapiya şöbəsinin müdiri, professor Adil Baxşəliyev Sputnik Azərbayan-a açıqlamasında bildirib ki, antibiotiklərin qaraciyərə, böyrəklər və ürəyin fəaliyyətinə, eyni zamanda yeni hüceyrələrin yaranmasına mənfi təsiri danılmazdır. O, hansı hallarda antibiotik qəbulunun yolverilən olduğundan da danışıb: "Hərarət 37-38 olarsa, bu zaman dərhal antibiotik təyinatı düzgün deyil. Hərarət 39 və daha yuxarı olarsa və düşməzsə, bu zaman antibiotik təyin etmək olar. Əlbəttə, bunun üçün də öncə qandan analiz götürülməli və hansı mikrobların olduğu təyin olunmalıdır. Bu mərhələ törədiciliyin identifikasiyası adlanır. İkinci mərhələdə isə mikrobun hansı antibiotikə yüksək həssaslığının olması təyin edilməlidir".

O, bildirib ki, xəstələr bəzən gərəksiz yerə, soyuqdəyməyə görə də antibiotik qəbul edirlər. A.Baxşəliyevin sözlərinə görə, bu kimi halların qarşısının alınması üçün dərmanların apteklərdə reseptlə satılması vacibdir.

Professor həkimlərin antibiotik təyinatı ilə bağlı ümumi vəziyyəti də qiymətləndirib: "Bunun üçün savadlı həkim olmaq və farmokologiyanı bilmək vacibdir. Əfsus ki, bəzən həkimlərimiz bu məsələyə barmaqarası baxırlar. Düzgün doza təyin edən həkim də var, etməyən də var. Yoruldum deməkdən ki, “ay yoldaşlar preparatı xəstəyə bir dəfə təyin edərlər”. Bəzən bir preparatı 2 dəfə və ya daha artıq təyin edəndə əlavə təsirlər meydana çıxır".

Adil Baxşəliyev də bu gün antibiotikdən tamamilə imtinanın mümkün olmadığını təsdiq edib: “Bunun üçün dozanın düzgün seçilməsi önəmlidir. Məsələn, yaşlı adamlara uşaqlar üçün nəzərdə tutulan dozada antibiotik verilməlidir. Bir problem həll edərkən, başqa problem yaratmamaq lazımdır. Bunun üçün həddindən artıq diqqətli və ehtiyatlı olmaq lazımdır. Çünki günümüzdə yeni dərman preparatları istehsal edilir".

O, antibiotiklərin xərçəngə, xüsusən də bağırsaq xərçənginə səbəb olması ilə bağlı yayılan fikirlərə də aydınlıq gətirib: "Antibiotiklər bilavasitə bağırsaq xərçənginə səbəb olmurlar. Bağırsaqda mikroflora pozula bilər. Bundan başqa, antibiotiklərin təsirindən qaraciyərdə müəyyən dəyişikliklər yarana, serroz əmələ gələ bilər".

982
Albalı

Təzyiqin daha bir dərmanı aşkar edilib

172
(Yenilənib 11:22 04.07.2020)
Dietoloq Sara Brüyerin sözlərinə əsasən, albalı suyu antioksidanlarla - polifenollarla çox zəngindir.

BAKI, 4 iyul — Sputnik. Həkimlər səhər yeməyi zamanı təzyiqi tez və effektli şəkildə düşürə bilən içkini müəyyən ediblər.

Sputnik Azərbaycan xarici mətbuata istinadla xəbər verir ki, təzyiq qan damarlarına və həyati əhəmiyyətə malik orqanlara əlavə bir yük yaradır. O, insult və infarkt da daxil olmaqla müxtəlif fəsadlara səbəb ola bilər.

Yüksək təzyiq sağlam qidalanmamağın və fiziki aktivliyin olmamasının göstəricisidir. Mütəxəssilərin fikrincə, qan təzyiqinin qarşısını alan vasitələr arasında albalı şirəsi xüsusi əhəmiyyətə malikdir.

Dietoloq Sara Brüyerin sözlərinə görə, albalı suyu antioksidanlarla - polifenollarla zəngindir. Onlar qan damarlarının genişlənməsinə və elastikliyini artırmağa kömək edirlər.

Mütəxəssislərin fikrincə, 60 ml turş albalı suyu sistolik qan təzyiqini 7 mmHg qədər azalda bilər. Dietoloq qeyd edib ki, albalı şirəsinin istifadəsi kifayət qədər sürətli effekt verir. Albalı suyu içdikdən bir saat sonra qan təzyiqi azalmağa başlaya bilər. Şirənin təsiri səkkiz saata qədər davam edir.

172
COVİD-19 xəstəsi, arxiv şəkli

TƏBİB sədri COVİD-19-un yeni əlamətlərini açıqladı

328
(Yenilənib 18:18 03.07.2020)
Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir

BAKI, 3 iyul – Sputnik. “Son vaxtlar koronavirusa yoluxmanın xəstəliyi olmayan və yaşı gənc olanlarda da ağırlaşma ilə nəticələndiyinin şahidi oluruq”.

Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın mətbuat konfransında TƏBİB İdarə Heyətinin sədri Ramin Bayramlı bildirib.

Onun sözlərinə görə, COVID-19 xəstəliyinin hazırda çox ciddi yeni klinik əlamətləri meydana çıxmaqdadır: “Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir. Diabet xəstələrində çox ağır patologiyalara səbəb olur. Genetik faktorlar burada çox önəmlidir. Xəstəliyin autoimmun xarakterdə keçməsi baxımından xəstəliyi ailələr şəklində ağır şəkildə keçirənləri görürük. Təəssüflər olsun ki, yoluxma sayı artdıqca və daha çox əhali arasında yayıldıqca ağır keçirilən halların da şahidi oluruq”.

328
Mövzu:
Azərbaycanda koronavirus: son xəbərlər
Qadın su içir, arxiv şəkli

Sabah havanın temperaturu 38 dərəcəyə yüksələcək

0
(Yenilənib 14:10 04.07.2020)
Atmosfer təzyiqi normadan aşağı 757 mm civə sütunu, nisbi rütubət gecə 60-65, gündüz 35-40 faiz təşkil edəcək.

BAKI, 4 iyul — Sputnik. Azərbaycanda iyulun 5-də gözlənilən hava şəraiti açıqlanıb.

Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında havanın əsasən yağmursuz keçəcəyi gözlənilir.

Şimal-şərq küləyi əsəcək. Havanın temperaturu Abşeron yarımadasında gecə 20-24, gündüz 32-37, Bakıda gecə 22-24, gündüz 34-36 dərəcə isti olacaq.

Atmosfer təzyiqi normadan aşağı 757 mm civə sütunu, nisbi rütubət gecə 60-65, gündüz 35-40 faiz təşkil edəcək.

Abşeron çimərliklərində şimal-şərq küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 23-24, Türkan, Hövsan, Sahil, Şıxda isə 24-25 dərəcə isti təşkil edəcək.

Azərbaycanın rayonlarında havanın əsasən yağmursuz keçəcəyi, lakin axşam saatlarında bəzi dağlıq ərazilərdə şimşək çaxacağı, qısamüddətli yağış yağacağı, dolu düşəcəyi gözlənilir. Şərq küləyi əsəcək.

Havanın temperaturu gecə 20-25, gündüz 33-38, dağlarda gecə 11-16, gündüz 23-28 dərəcə isti olacaq.

0