Sumqayıtda fəaliyyəti dayandırılmış Metallurq sanatoriyasının ərazisi

"Xırdalıqlar" içində itən tibb ocağı: Onun özünün şəfaya ehtiyacı var - FOTOLAR

757
(Yenilənib 21:28 02.09.2019)
“Metallurq” sanatoriyasının dirçəldilməsi maraqlı ideyadır, bu məsələyə özəl sektorun cəlb olunmasına çalışmaq lazımdır”

Kamal Almuradlı, Sputnik Azərbaycan

BAKI, 3 sentyabr — Sputnik. Vaxtilə Sumqayıtda fəaliyyət göstərmiş sanatoriyalardan biri də "Metallurq"dur.

Sputnik Azərbaycan xəbər verir ki, Sumqayıtda dənizə yaxın məsafədə yerləşən "Metallurq" sanatoriya-profilaktoriyası 1962-ci-ci ildən fəaliyyətə başlayıb. Minlərlə xəstənin şəfa tapdığı, insanların axın-axın gəldiyi yodlu-bromlu suyu ilə keçmiş SSRİ-də adla tanınmış bu sanatoriya təxminən 28 ildir fəaliyyətini dayandırıb. Bir vaxtlar minlərlə insana şəfa bəxş edən sanatoriyanın indi isə özünün necə deyərlər şəfaya ehtiyacı var.

Sanatoriya ərazisində 2 artezian quyusu var ki, bu quyulardan 280 metr dərinlikdən yodlu-bromlu su çıxarılıb. İndi isə bu artezian quyuları işləmir və baxımsız vəziyyətdədir. Müalicə prosedurlarına gəldikdə isə bu tibb müəssisəsində yodlu-bromlu su vannalarından, Naftalan vannası, sualtı, sirkulyar duşlardan, idman terapiyasından geniş şəkildə tətbiq edilirdi.

Bu sanatoriyaya nəinki Azərbaycandan, keçmiş SSRİ-nin digər respublikalarından da şəfa tapmaq üçün üz tutanlar olub.

Sanatoriyanın yerləşdiyi bina 2009-cu ildən Əmlak Məsələləri üzrə Dövlət Komitəsinə verilib.

Территория бывшего Сумгайытского санатория Металлург
© Sputnik / Kamal Almuradlı
Sumqayıtda fəaliyyəti dayandırılmış "Metallurq" sanatoriyasının ərazisi

Xatırladaq ki, sözügedən sanatoriyaya uzun illər "Əməkdar həkim" Klara Germanovna rəhbərlik edib. Buranın uzun müddət fəaliyyətsiz olmağına baxmayaraq o, dünyasını dəyişənə kimi hər gün işə gəlib-gedirmiş.

Ölkəmizdə qeyri-neft sektorunun inkişafı ilə bağlı mühüm tədbirlər həyata keçirilməkdədir. Xüsusi ilə turizmin inkişafı ilə bağlı prioritetlər müəyyən edilib. Əsas məqsədlər sırasında turizm ehtiyatlarının öyrənilməsi və onların genişləndirilməsi, turistlərin istirahəti, onların tələbatının ödənilməsi üçün zəruri olan xidmətlərin, ekskursiya və digər mədəni tədbirlərin çeşidinin genişləndirilməsi və müasir standartlara uyğunlaşdırılması, sanatoriya-kurort sərvətlərinin öyrənilməsi və davamlı istismarı, mehmanxanaların və digər turizm obyektlərinin tikintisinin genişləndirilməsi, turizm marşrutlarının artırılması istiqamətində işlər aparılır. Amma nədənsə, “iri addımlarımızı” atdığımız zaman "Metallurq" sanatoriyası kimi bəzi “xırda” məsələlər diqqətimizdən kənarda qalır.

Məsələnin aktuallığını nəzərə alaraq Milli Məclisin "İqtisadi Siyasət, Sənaye və Sahibkarlıq" komitəsinin üzvü, Sumqayıtdan millət vəkili seçilmiş Tahir Mirkişilinin münasibətini öyrəndik.

"Sumqayıtda son illər həyata keçirilən layihələr şəhərin turizm potensialını xeyli artırıb. Potensialı konkret işlərə çevirmək üçün isə daha çox təbliğata ehtiyac var. Effektiv təbliğatın aparılması mürəkkəb və uzunmüddətli işdir. Düşünürəm ki, bu istiqamətdə də işlər gedir. Biz də şəhərin deputatı kimi bütün xarici səfərlərdə, xaricilər ilə görüşlərdə Sumqayıt haqda daha çox informasiya verməyə çalışır və çox hallarda xaricilərin bu informasiyalar marağına səbəb olur. Şəhərdə vaxtı ilə fəaliyyət göstərmiş “Metallurq” sanatoriyasının dirçəldilməsi maraqlı ideyadır, bu məsələyə özəl sektorun cəlb olunmasına çalışmaq lazımdır" – deyə millət vəkili bildirir.

Территория бывшего Сумгайытского санатория Металлург
© Sputnik / Kamal Almuradlı
Sumqayıtda fəaliyyəti dayandırılmış "Metallurq" sanatoriyasının ərazisi

Qeyd edək ki, hazırda sanatoriyanın binasında 1993-cü ildən Qubadlıdan qaçqın düşmüş 39 ailə məskunlaşıb. Onların binadan köçürülməsi məsələsinə aydınlıq gətirmək üçün Qaçqınların və Məcburi Köçkünlərin İşləri üzrə Dövlət Komitəsi ilə əlaqə saxladıq. Mətbuat xidmətindən verilən məlumata görə, məcburi köçkünlərin dövlət yaşayış fonduna məxsus yeni yaşayış sahələrinə köçürülməsi istiqamətində ardıcıl tədbirlər həyata keçirilir. Azərbaycan Respublikasının Prezidenti cənab İlham Əliyevin 2004-cü ildə təsdiq etdiyi "Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı"na, bu proqrama 2007 və 2011-ci illərdə edilmiş əlavələrə uyğun olaraq məcburi köçkünlər üçün yeni yaşayış kompleksləri inşa edilir. Bundan başqa, Azərbaycan Respublikasının Birinci Vitse-prezidenti xanım Mehriban Əliyevanın təşəbbüsü və müraciəti əsasında ölkəmizin özəl sektoru da bu problemin həllinə dəstək verməkdədir.

Qeyd edək ki, Fövqəladə Hallar Nazirliyi tərəfindən qəzalı vəziyyətdə olduğu barədə rəy verilmiş bina və tikililərdə müvəqqəti məskunlaşmış, həmçinin uzun müddət ağır şəraitdə yaşayan məcburi köçkünlər yeni yaşayış sahəsi ilə birinci növbədə təmin edilirlər. Köçürülmə prosesi mərhələli şəkildə aparılır. Sumqayıt “Metallurq” sanatoriyasında müvəqqəti məskunlaşmış 39 məcburi köçkün ailələri də mərhələli şəkildə yeni mənzillərlə təmin olunacaqlar.

Территория бывшего Сумгайытского санатория Металлург
© Sputnik / Kamal Almuradlı
Sumqayıtda fəaliyyəti dayandırılmış "Metallurq" sanatoriyasının ərazisi

Əgər yaxın müddətdə məcburi köçkün ailələri sanatoriyadan köçürülərsə binanın gələcək taleyi necə olacaq? Bu barədə Sputnik Azərbaycan-a açıqlama verən Əmlak Məsələləri Dövlət Komitəsinin mətbuat xidmətinin rəhbəri Qulu Xəlilov bildirdi ki, həqiqətən də bina 2009-cu ildən onların balansındadır. Amma məcburi köçkün ailələri orada məskunlaşdığına görə, heç bir özəlləşdirmədən söhbət gedə bilməz. Binanın taleyinə məhz köçürülmədən sonra aydınlıq gətiriləcək.

757
Tahir Kərimli, arxiv şəkli

Millət vəkilində COVID-19 aşkarlandı, evdə karantinə alındı

17
Tahir Kərimli bildirib ki, ailəsində də yoluxan olub və onlar da ev şəraitində müalicələrini davam etdirirlər. 

Nigar İsgəndərova, Sputnik Azərbaycan

BAKI, 23 noyabr — Sputnik. Noyabrın 19-da Milli Məclisin 10-dan çox deputatında COVID-19 testinin nəticəsi pozitiv çıxıb. Sputnik Azərbaycan xəbər verir ki, virus aşkarlanan millət vəkillərindən biri olan Tahir Kərimli hazırda evdə müalicə alır. Bu haqda Sputnik Azərbaycan-a danışan millət vəkili səhhətinin yaxşı olduğunu bildirib: "Hazırda səhhətim yaxşıdır, evdə müalicə alıram. Həkim müayinəsi altında müalicələr davam edir".

Millət vəkili bildirib ki, ailəsində də yoluxan olub və onlar da ev şəraitində müalicələrini davam etdirirlər. 

Xatırladaq ki, “Report” COVID-19-a yoluxan deputatlardan 9-nun adını təqdim edib: Bunlar Tahir Kərimli, Azər Badamov, Məşhur Məmmədov, Vüqar Bayramov, Qənirə Paşayeva, Rəşad Mahmudov, Soltan Məmmədov, Nizami Səfərov və Elnur Allahverdiyevdir

17
Teqlər:
müalicə, millət vəkili, Koronavirus, COVID-19, yoluxma
Tibb işçisi, arxiv şəkli

Azərbaycanda koronavirusdan ölüm pik həddə çatdı

34
(Yenilənib 16:44 23.11.2020)
Nazirlər Kabineti yanında Operativ Qərargahın məlumatına görə, bu gün koronavirus infeksiyasına 2 187 yeni yoluxma faktı qeydə alınıb.

BAKI, 23 noyabr — Sputnik. Azərbaycanda bu gün koronavirus infeksiyasına 2 187 yeni yoluxma faktı qeydə alınıb, 634 nəfər müalicə olunaraq sağalıb və evə buraxılıb.

Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb. Son sutkada 29 nəfər COVID-19-dan vəfat edib. İndiyədək ölkədə ümumilikdə 95 281 nəfərin koronavirus infeksiyasına yoluxması faktı müəyyən edilib, onlardan 64 475 nəfər müalicə olunaraq sağalıb, 1 160 nəfər vəfat edib, aktiv xəstələrin sayı 29 646 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9 784, ötən müddət ərzində isə ümumilikdə 1 617 239 test aparılıb.

34

Kafe restoranlarda karantin tələblərinin tətbiqi üzrə əlaqələndirici şəxs olacaq

0
(Yenilənib 23:47 23.11.2020)
İctimai iaşə müəssisələrində COVİD-19-la əlaqədar karantin tələblərinin tətbiqi üzrə əlaqələndirici şəxs olacaq.

BAKI, 24 noyabr - Sputnik. “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarına edilən dəyişikliyə əsasən hər bir ictimai iaşə müəssisəsi tərəfindən karantin tələblərinin tətbiqi üzrə əlaqələndirici şəxs müəyyənləşməlidir.

Sputnik Azərbaycan-ın məlumatına görə, bu barədə Nazirlər Kabinetinin qərarına dəyişiklik edilib. 

Dəyişikliyə əsasən, karantin tələbləri üzrə əlaqələndirici (məsul) şəxs funksiyaları ictimai iaşə müəssisəsinin işçilərindən birinə həvalə edilir. Bu təyinat müəssisədaxili rəsmiləşdirilməlidir.

Həmin məsul şəxs epidemiya əleyhinə mövcüd tələblərin müəssisədə tətbiqinin təşkili, bu tələblərin yerinə yetirilməsinə yerində nəzarəti həyata keçirməklə bərabər nəzarətedici dövlət qurumları ilə qarşılıqlı fəaliyyətdə əlaqələndirici olacaq, müəssisənin işçilərini təlimatlandıracaq, dezinfeksiya tədbirlərini təşkil edəcək, bu tədbirlərin müəssisədaxili qeydiyyat formaları və cədvəllərini tərtib edəcək, icrasına müəssisə daxilində nəzarət edəcək.

Məsul şəxs koronavirusla (COVID-19-la) mübarizə ilə bağlı xəbərdaredici məlumatların qonaqlara, işçi heyətə və digər əlaqəli tərəflərə çatdırılmasını təmin etməlidir. Eyni zamanda məsul şəxs bütün təmizlik və dezinfeksiya tədbirlərinin davamlı olaraq qeydiyyatının aparılması üçün gündəlik müntəzəm nəzarət formalarını, habelə keyfiyyətə nəzarət cədvəllərini tərtib etməli və onların icrasına nəzarəti həyata keçirməlidir.

0