Elektron siqaret (veyp) və mobil telefon, arxiv şəkli

Bir gördün, getdi nəfəs, gəlmədi - Yeniyetmələr üçün yeni oyuncaq ölüm saçır

451
(Yenilənib 11:49 02.09.2019)
Əgər yeniyetmədən daim sərt meyvə, nanə və s. qoxular gəlirsə, şübhələnməyə dəyər

İradə Cəlilova, Sputnik Azərbaycan

BAKI, 2 sentyabr — Sputnik. ABŞ-ın İllinoys ştatında bir kişi elektron siqaret çəkdiyinə görə ağır tənəffüs problemi ilə xəstəxanaya çatdırılsa da, onun həyatını xilas etmək mümkün olmayıb. Bu barədə yerli dövlət səhiyyə idarəsindən məlumat verilib.

Qeyd etmək lazımdır ki, bu, elektron siqaretdən (veyp) baş vermiş ilk ölüm halıdır. Bundan başqa, son həftələrdə elektron siqaret çəkdiyinə görə nəfəsalma problemi ilə xəstəxanaya yerləşdirilənlərin sayı 2 dəfə artıb. Xəstəxanaya 17-38 yaşlarında 22 nəfər qəbul olunub.

Azərbaycanda yetkinlik yaşına çatmayan şəxslərə elektron siqaretlərin satışı qadağan edilsə də, Səhiyyə Nazirliyi İctimai Səhiyyə və İslahatlar Mərkəzinin İctimai Sağlamlıq şöbəsinin müdiri Tofiq Musayev Sputnik Azərbaycan-a açıqlamasında deyir ki, elektron siqaretlərə daha çox yeniyetmələr üstünlük verirlər:

"Yeniyetmələr siftə elektron siqaretlə başlayırlar. Elektron siqaret istifadəçiləri olan yeniyetmələrin adi siqaretə keçmə ehtimalı iki dəfə daha yüksək olur".

Onun sözlərinə görə, elektron siqaretin mayesi qızdırılan zaman buxar əmələ gətirir. Bu buxar sağlamlıq üçün zərərlidir. Çünki elektron siqaretlərin mayesinin tərkibində nikotin olur.

"Bir çoxlarında nikotin aromatizatorların tərkibində olur. Elektron siqaretlərin katriclərində olan mayelərin qızdırılması zamanı əmələ gətirdiyi maddələr var. Bu maddələr - aldehid, formaldehid, orqanik maddələr, hidrokarbonat, ağır metallar - müxtəlif onkoloji, eləcə də ürək-damar xəstəliklərinin yaranmasına səbəb ola bilər. Belə maddələr insanların hüceyrələrini də zədələyə bilir", - deyə Musayev əlavə edib.

T.Musayev bildirib ki, havada olan digər maddələr ciyərlərə mənfi təsir göstərir.

Təcrübələr göstərir ki, hətta yeni firmanın istehsalı olan elektron siqaretlərin əmələ gətirdiyi buxarda toksik maddələrin səviyyəsi müxtəlif ola bilər. Bu, qızdırılma səviyyəsi ilə əlaqəlidir. Bu da onu bir daha sübut edir ki, elektron siqaretlər heç də təhlükəsiz deyil: "Dünya səviyyəsində müxtəlif təşkilatlar bununla bağlı araşdırmalar aparır. Elektron siqaretlərin hansı dərəcədə zərərli olduğunu bilmək üçün bu tədqiqatlar aparılmalıdır. Buxar əmələ gətirən elektron siqaretlər və qızdırcı elektron siqaretlər var. Bunlar yeni nəsil siqaretlərdir".

T.Musayev vurğulayıb ki, tütün məhsullarının istifadəsinin məhdudlaşdırılmasına dair qanun qəbul edilib.

"Qanunun ilk maddələrində qeyd edilib ki, elektron siqaretlər, qəlyan və siqaret tütün məmulatlarına aid edilir. Qanunun müddəaları bütün məmulatlara aiddir. Yəni siqaretlə bağlı hansı qadağalar varsa, elekton siqaretlərə də aid edilir. İstənilən növ siqaret təhlükəlidir", - Musayev deyib.

Terapevt Məlahət Abbasova Sputnik Azərbaycan-a açıqlamasında qeyd edib ki, elektron siqaretin 30 nəfəsi bir siqaretə bərabərdir.

"Elektron siqaretlərin tərkibində olan propilen-qlikol, etanol və digər zərərli maddələr asılılıq yaradır. Elektron siqaret tütün məhsuludur və tərkibində xərçəngin bir çox növlərinə səbəb ola biləcək maddələr var. Elmi araşdırmalarda bu siqaretlərin tərkibində tütün və etanolla yanaşı, qliserol, aseton, butadien, formaldehid, nikel, qalay və s. maddələrin olduğu müəyyən edilib. 1950-ci illərdə filtrli siqaretlər də cəmiyyətə zərərsizdir deyə təqdim edilmişdi. İndi də elektron siqaretləri bu cür təklif edərək satırlar", - deyə həkim bildirib.

Terapevtin sözlərinə görə, valideynlər övladlarına qarşı diqqətli olmalıdırlar: "Valideyn diqqətli olarsa, övladı pis vərdişlərə qurşanmaz. Əgər yeniyetmədən daim sərt meyvə, nanə və s. qoxular gəlirsə, şübhələnməyə dəyər. Elektron siqaret yeniyetmələr üçün daha təhlükəlidir. Elektron siqaretin tüstüsü ağciyər xəstəliklərinə, ürək-damar xəstəliyinə və xərçəngə səbəb ola bilər".

451
Əlaqədar
Elektron siqaretlər ağciyər xəstəliklərinə səbəb olur
Elektron siqaretlərin dəhşətli zərəri araşdırıldı
Elektron siqaretdən ilk ölüm faktı qeydə alındı
Albalı

Təzyiqin daha bir dərmanı aşkar edilib

171
(Yenilənib 11:22 04.07.2020)
Dietoloq Sara Brüyerin sözlərinə əsasən, albalı suyu antioksidanlarla - polifenollarla çox zəngindir.

BAKI, 4 iyul — Sputnik. Həkimlər səhər yeməyi zamanı təzyiqi tez və effektli şəkildə düşürə bilən içkini müəyyən ediblər.

Sputnik Azərbaycan xarici mətbuata istinadla xəbər verir ki, təzyiq qan damarlarına və həyati əhəmiyyətə malik orqanlara əlavə bir yük yaradır. O, insult və infarkt da daxil olmaqla müxtəlif fəsadlara səbəb ola bilər.

Yüksək təzyiq sağlam qidalanmamağın və fiziki aktivliyin olmamasının göstəricisidir. Mütəxəssilərin fikrincə, qan təzyiqinin qarşısını alan vasitələr arasında albalı şirəsi xüsusi əhəmiyyətə malikdir.

Dietoloq Sara Brüyerin sözlərinə görə, albalı suyu antioksidanlarla - polifenollarla zəngindir. Onlar qan damarlarının genişlənməsinə və elastikliyini artırmağa kömək edirlər.

Mütəxəssislərin fikrincə, 60 ml turş albalı suyu sistolik qan təzyiqini 7 mmHg qədər azalda bilər. Dietoloq qeyd edib ki, albalı şirəsinin istifadəsi kifayət qədər sürətli effekt verir. Albalı suyu içdikdən bir saat sonra qan təzyiqi azalmağa başlaya bilər. Şirənin təsiri səkkiz saata qədər davam edir.

171
COVİD-19 xəstəsi, arxiv şəkli

TƏBİB sədri COVİD-19-un yeni əlamətlərini açıqladı

327
(Yenilənib 18:18 03.07.2020)
Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir

BAKI, 3 iyul – Sputnik. “Son vaxtlar koronavirusa yoluxmanın xəstəliyi olmayan və yaşı gənc olanlarda da ağırlaşma ilə nəticələndiyinin şahidi oluruq”.

Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın mətbuat konfransında TƏBİB İdarə Heyətinin sədri Ramin Bayramlı bildirib.

Onun sözlərinə görə, COVID-19 xəstəliyinin hazırda çox ciddi yeni klinik əlamətləri meydana çıxmaqdadır: “Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir. Diabet xəstələrində çox ağır patologiyalara səbəb olur. Genetik faktorlar burada çox önəmlidir. Xəstəliyin autoimmun xarakterdə keçməsi baxımından xəstəliyi ailələr şəklində ağır şəkildə keçirənləri görürük. Təəssüflər olsun ki, yoluxma sayı artdıqca və daha çox əhali arasında yayıldıqca ağır keçirilən halların da şahidi oluruq”.

327
Mövzu:
Azərbaycanda koronavirus: son xəbərlər
Bakıda alternativ qaz xətləri yaradılır

Bakıda alternativ qaz xətləri yaradılır

0
Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb.

BAKI, 4 iyul — Sputnik. Bakı şəhərində bir sıra ərazilərdə mövcud qaz xətlərinə alternativ xətlərin çəkilməsinə diqqət ayrılıb.

"Azəriqaz" İstehsalat Birliyindən verilən məlumata görə, bu cür üsuldan istifadə etməklə müəyyən ərazilərdə hər hansı texniki problemlər aradan qaldırılarkən qaz təchizatının dayandırılmasını minimuma endirməyə çalışacaq.

Dairəvi sistem kimi çalışacaq bu xətlər qəza hadisələrinin təsirindən yaranan təchizatdakı dayandırmaların əhatə dairəsini azaldacaq. Hazırda Xəzər rayonu ərazisində 219 mm diametrində olan 5800 metr uzunluqda "Aşağı Şağan" qaz xəttinin 2500 metrlik hissəsi əsaslı təmir olunur. 2003-cü ildə istifadəyə verilən bu xətlə qaz alan Buzovna, Şağan, Şüvəlan və Mərdəkan qəsəbələrinin təqribən 19 min abonenti tez-tez təchizatdakı problemlərdən narahatlıqlarını ifadə edirdilər. Bu xəttin böyük bir hissəsi torpaq altında qalıb, dirəklərdən düşmüş vəziyyətdədir.

© Photo : AzeriGas Production Union
Bakıda alternativ qaz xətləri yaradılır

Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb. Onu da qeyd edək ki, haqqında danışılan qaz xətti Sabunçu rayonunda hər hansı səbəbdən qaz verilişində fasilə yaranarsa, alternativ xətt kimi istifadə ediləcək. Belə ki, fasilələr zamanı bu rayonda Bilgəh, Pirşağı və Kürdəxanı qəsəbələrinin təqribən 15 min abonentinin ehtiyaclarını "Aşağı Şağan" qaz xətti ilə ödəmək mümkün olacaq.

0