Laboratoriya, arxiv şəkli

Yeni ölümcül epidemiya yayıla bilər - alimlərdən xəbərdarlıq

66
(Yenilənib 00:10 14.08.2019)
Bakteriyanın yeni növü artıq dezinfeksiya vasitələrinə qarşı dayanıqlıdır və asanlıqla yayılır

BAKI, 14 avqust — Sputnik. Beynəlxalq alimlər qrupu aşkar edib ki, bağırsaq infeksiyaları törədən Clostridium difficile bakteriyası təkamül edir, o, artıq dezinfeksiya vasitələrinə qarşı dayanıqlıdır və asanlıqla yayılır. Mikroorqanizm həm yüngül diareya, həm də həyat üçün təhlükəli xəstəliklər, məsələn, sepsis yarada bilər.

Sputnik Azərbaycan bildirir ki,  bu barədə Science Daily məlumat verir.

Tədqiqatçılar insan, heyvan (it, at və donuz) və ətraf mühitdən götürdükləri klostridiyanın 906 ştammının genomunu araşdırıblar. Məlum olub ki, hazırda mikroorqanizmin xəstəxana şəraitində sağ qalıb inkişaf etməyə qadir yeni növü formalaşmaqdadır. Bu ştamm xəstəxanalardakı pasiyentlərdən götürülən nümunələrin 70%-də var. Onun malik olduğu mutasiyalar şəkəri daha yaxşı həzm etməyə imkan verir. Tədqiqatlar göstərib ki, rasionunda bol karbohidrogen olan siçanların bağırsağında bu mirkoorqanizm iri koloniyalar əmələ gətirir.

Clostridium difficile ilk dəfə 76 min il əvvəl peyda olub. XVI əsrdə ilk xəstəxanaların yaranması ilə bu bakteriyanın da müxtəlif ştammları inkişaf etməyə başlayıb. Bakteriyalar ətraf mühitə dayanıqlı sporlar əmələ gətirir ki, bunlar da insandan-insana rahatlıqla keçir. Antibiotiklərdən istifadə də xəstəlik törədir, çünki onlar faydalı bakteriyaların ölümünə və eyni zamanda klostridiyaların artmasına səbəb olur.

66
Teqlər:
bakteriya, epidemiya, xəstəlik
Əlaqədar
Ölkəyə təhlükəli xəstəlik qayıdıb – Hər birimiz diqqətli olmağa məcburuq
Dünyada 40 milyon körpə Azərbaycanda da yayılan bu xəstəlikdən əziyyət çəkir
Moskvada tələbə qız müəmmalı xəstəlikdən öldü
Koronavirus testi, arxiv şəkli

Azərbaycanda koronavirusa yeni yoluxanların sayında ciddi artım var

5
Son sutkada Azərbaycanda koronavirusa 988 yeni yoluxma faktı qeydə alınıb, 11 nəfər isə bu xəstəlikdən vəfat edib.

BAKI, 28 oktyabr — Sputnik.Azərbaycanda bu gün koronavirus infeksiyasına 988 yeni yoluxma faktı qeydə alınıb, 340 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 11 nəfər COVID-19-dan vəfat edib. Hazırkı dövrədək ölkəmizdə 52 min 137 nəfərin koronavirus infeksiyasına yoluxması faktı müəyyən edilib. Onlardan 42 min 033 nəfər müalicə olunaraq sağalıb, 699 nəfər vəfat edib. Aktiv xəstə sayı 9405 nəfərdir. Ötən müddət ərzində 1 milyon 319 min 474 test aparılıb. Bugünkü test sayı isə 11426-dır.

5
Teqlər:
Koronavirus, epidemiya, COVID-19
Əlaqədar
Alimlər koronavirus zamanı karantin rejiminin tətbiq olunmasına qarşı çıxdılar
Daha 20 şagirddə koronavirus aşkarlandı
Azərbaycanda koronavirus xəstəsi yaşayış yerini icazəsiz tərk etdi
Koronavirus daha tez öldürməyə başlayıb
Koronavirus da öz işindədir: Azərbaycanda bir sutkada 230 nəfərdə COVID-19 aşkarlandı
Qoca erməni

Astronomik rəqəmlər - Ermənistanda yoluxanların sayı artır

26
(Yenilənib 13:19 28.10.2020)
Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

BAKI, 28 oktyabr — Sputnik. Ermənistanda koronavirusa yoluxanların sayı 82651-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2241 nəfər artıb.

Ermənistanda son gündə daha 21 nəfər ölüb. Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 44 milyonu keçib, 1,17 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

26
 Distant təhsil, arxiv şəkli

"Virtual məktəb" platforması yenilik: Azərbaycan dilində fəaliyyət göstərəcək

0
(Yenilənib 17:40 28.10.2020)
"Noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Noyabrın 2-dən etibarən "Virtual məktəb" platforması Azərbaycan dilində fəaliyyət göstərəcək. Bu məlumatı Sputnik Azərbaycan-a açıqlamasında Təhsil Nazirliyi yanında Təhsilin İnformasiyalaşdırılması İdarəsinin şöbə müdiri Fidan Nəcəfova verib. O bildirib ki, bu həftə həmin məsələ ictimaiyyətə elan ediləcək:

"Biz bununla bağlı hələ yayda açıqlama vermişdik ki, oktyabr ayında "Virtual məktəb" platformasının ana dilində istifadəsi mümkün olacaq. Qeyd edim ki, "Virtual məktəb" platformasından türk dilində istifadə mümkün idi. Amma rus dilində təhsil alan şagirdlər türk dili ilə bağlı müəyyən problem yaşayırdılar. Artıq noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər".

Xatırladaq ki, Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov brifinqlərin birində "Microsoft Teams" platformasının Azərbaycan dilinə tərcümə olunmasını diqqətə çatdırmışdı. O bildirmişdi ki, bununla bağlı "Microsoft Teams" şirkətinə müraciət edilib və artıq tərcümə prosesi gedir. Yay aylarında isə şirkət tərəfindən 30 min istifadəçiyə proqramdan istifadə qaydaları ilə bağlı təlim keçilib.

0
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Birinci sinif üzrə də "Virtual Məktəb"də qeydiyyata başlanılıb
Uşaqlar virtual və real məktəb arasında seçim edirlər – SORĞU
Təki oxumağa istək olsun: "Virtual məktəb"ə direktorlar da nəzarət edəcək