Həkim, arxiv şəkli

Turistlərlə birələrin yaydığı xəstəlik yüzlərlə can aldı - qorunuruqmu?

139
(Yenilənib 21:18 11.08.2019)
Xəstəliyin gizlin dövrü ərzində xarici ölkələrdən Azərbaycana gələn olarsa, onlarda qusma, diareya və s. əlamətlər müşahidə edilərsə, həmin şəxslər ölkədə müalicə edilə bilərlər

İradə Cəlilova, Sputnik Azərbaycan

BAKI, 11 avqust — Sputnik. 2019-cu ilin 6 ayı ərzində Yəməndə 460 min nəfər vəba xəstəliyinə yoluxub. Onlardan 200 mindən çoxu uşaqlardır. Qeyd edək ki, 6 ay ərazində bu xəstəlikdən 705 ölüm faktı qeydə alınıb. Qeyd edək ki, Yəməndə vəba 2016-cı ildən yayılmağa başlayıb.

Xəstəlik artıq qlobal təhlükəyə çevrilib. Eləcə də Azərbaycan üçün. Ölkəmizə hər il müxtəlif ölkələrdən turist axını olur. Nəzərə alsaq ki, vəba yoluxmuş insanlarla ünsiyyət, birələr və içməli su ilə yayılır, bu barədə düşünməyə dəyər.

Bəs Azərbaycanda vəbaya qarşı mübarizə necə aparılır? Hər gün yüzlərlə turist qəbul edən ölkəmizdə bu xəstəliyin yayılma ehtimalı varmı?

Səhiyyə Nazirliyinin mətbuat xidmətindən Sputnik Azərbaycan-a verilən məlumata görə, Azərbaycanda vəba xəstəliyi ilə bağlı vəziyyət daim nəzarətdədir. Belə ki, ölkə xaricinə gedib-gələn vətəndaşlar, eləcə də hər hansı bir turistdə vəba xəstəliyinin əlamətlərinə bənzər simptomlar müşahidə edilərsə, onlar müvafiq tibb müəssisələrində yoxlamadan keçirlər.

May ayından oktyabra qədər (vəba mövsümü) ölkədə qabaqlayıcı tədbirlər aparılır. Qeyd edək ki, respublikada bu xəstəliyə qarşı aparılan profilaktik tədbirlərin təkmilləşdirilməsi barədə səhiyyə naziri bu il iyunun 12-də əmr imzalayıb.

Vəba xəstəliyinin gizlin dövrü 5 gündür. Bu dövr ərzində xarici ölkələrdən Azərbaycana gələn olarsa, onlarda qusma, diareya və s. əlamətlər müşahidə edilərsə, həmin şəxslər ölkədə müalicə edilə bilərlər. Azərbaycanda vəba xəstəliyindən müalicə üçün lazım olan şərait var. Bildirilib ki, Azərbaycanda son 20 ildə vəbaya yoluxma halı qeydə alınmayıb.

Azərbaycanda onkoloji xəstəliklərlə bağlı şad xəbər - ARTIQ DAHA TEZ OLACAQ>>

Yoluxucu xəstəlik sayılan vəba müalicə edilməsə, ölümə yol aça bilən, sürətlə inkişaf edən ciddi bakterial infeksiyadır. Bəzən "qara vəba" olaraq adlandırılan xəstəliyi Yersinia pestis bakteriyaları törədir.  Bu bakteriya heyvanlarda olur və əsasən birə yolu ilə yayılır. 

Qeyd edək ki, Yersinia pestis bakteriyası 1894-cü ildə Paster Universitetinin bakterioloqu Aleksandr Yersin tərəfindən Honkonqda vəba epidemiyası zamanı aşkar edilib.

Asanlıqla inkişaf edir, qaranlıq və rütubətli yerlərdə, yəni bədəndən kənarda uyğun şəraitdə yaranır və illərlə yaşaya bilir. Birə ifrazatında bir ay, meyitdə həftələrlə qala bilir. Soyuğa qarşı müqaviməti var, donmuş maddələrdə uzun müddət yaşaya bilir.

Vəba adətən əhalisi çox olan, gigiyenik şərtlərə əməl edilməyən, siçanların populyasiyasının yayıldığı şəhərlərdə yayılır.

İnsanlarda vəba infeksiyası daha çox Afrikada müşahidə edilir. Ancaq daha çox yoluxmuş heyvanlar ABŞ və MDB ölkələrindədir.

Həkim-terapevt Məlahət Abbasovanın sözlərinə görə, vəba xəstəliyi temperaturun artması, titrəmə, qusma, ishal, dilin rənginin tündləşməsi, baş ağrısı, kürək ağrısı, qasıqlarda, əzələlərdə ağrı, limfa vəzisinin şişməsi, burun qanaması, qan tüpürmə, nəfəs çatışmazlığı, halsızlıq, dəridə ləkələrlə müşahidə edilir.

O qeyd edib ki, vəba xəstəliyi müxtəlif antibiotiklərlə müalicə oluna bilən xəstəlikdir: "Xəstəlikdən qorunmanın ən əhəmiyyətli yolu xəstəliyə səbəb olan birələrin yaşadığı yerlərdən və heyvanlardan uzaq olmaqdır. Ətraf hər zaman təmiz olmalı, vəbalı xəstələr ayrı otaqlarda yatırılmalı, xəstəyə baxanlar xüsusi geyim geyinməlidirlər. Xəstənin istifadəsində olan bütün əşyalar qaynadılmalı və ya dezinfeksiya edilməlidir".

139
Teqlər:
turistlər, təhlükə, vəba xəstəliyi, xəstəlik
Əlaqədar
Afrika donuz vəbası Azərbaycana gəlib çata bilərmi? - Rəsmi açıqlama
Həyəcan siqnalı: Təhlükəli xəstəlik sürətlə yayılır

Bir neçə şəhər rayonda sərtləşdirilmiş xüsusi karantin rejiminin müddəti uzadıldı

29
Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır

BAKI, 5 dekabr - Sputnik. Azərbaycanda sanitar-epidemioloji vəziyyəti nəzərə alaraq Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib.

Sputnik Azərbaycan-ın məlumatına görə, bununla bağlı Nazirlər Kabineti “Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.

Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır.

Qeyd edək ki, əvvəl bu müddət dekabrın 7-si saat 06:00-dək müəyyən edilmişdi.

29
Teqlər:
Xaçmaz, Quba, İsmayıllı, Masallı, Cəlilabad, Biləsuvar, Zaqatala, Qax, Lənkəran, Şəki, sərt karantin rejimi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Koronavirus testi, arxiv şəkli

Azərbaycanda koronavirus: bir sutkada 4323 xəstə aşkarlandı

14
Ümumilikdə Azərbaycanda indiyədək 142 323 nəfər koronavirus infeksiyasına yoluxub. Onlardan 85 980 nəfər müalicə olunaraq sağalıb, 1593 nəfər vəfat edib

BAKI, 5 dekabr - Sputnik. Azərbaycan Respublikasında koronavirus (COVID-19) infeksiyasına 4 323 yeni yoluxma faktı qeydə alınıb, 2 180 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 42 nəfər vəfat edib.

Ümumilikdə Azərbaycanda indiyədək 142 323 nəfər koronavirus infeksiyasına yoluxub. Onlardan 85 980 nəfər müalicə olunaraq sağalıb, 1593 nəfər vəfat edib. Aktiv xəstə sayı 54750 nəfərdir.

Ölkədə son sutka ərzində 20778, hazırkı dövrədək isə 1 817 804 test aparılıb.

14
Teqlər:
ölənlər, Azərbaycan, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər

Müxalifətdən Paşinyana ultimatum: "Getməsən..."

11
(Yenilənib 18:40 05.12.2020)
Şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər

BAKI, 5 dekabr - Sputnik. Ermənistanın baş naziri Nikol Paşinyanın malikanəsinin qarşısına toplaşan etirazçılar onun gələn çərşənbə axşamınadək istefa verməsini tələb ediblər. 

Sputnik Azərbaycan bu barədə RİA Novosti-yə istinadən məlumat verir.

"Çərşənbə axşamı saat 12:00-dək istefa verməsinə görə Paşinyana vaxt veririk. Əgər o bunu etməsə, bütün ölkədə itaətsizlik aksiyaları başlanacaq. Əgər o, çərşənbə axşamınadək getməsə, biz özümüz onu çıxaracağıq", - müxalif "Daşnaksütun" partiyasının nümayəndəsi İşxan Saqatelyan deyib.

Qeyd edək ki, şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər. Hazırda etiraz aksiyası bitmiş elan edib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

11
Teqlər:
istefa, Nikol Paşinyan, mitinq, etiraz aksiyası, Yerevan, Ermənistan