Səhiyyə Nazirliyi, arxiv şəkli

Nazirlik "köçmək" istəyən tələbələrin işinə baxacaq

105
(Yenilənib 19:53 02.07.2019)
Səhiyyə Nazirliyi tələbələrin köçürülməsi ilə bağlı elan yaydı

BAKI, 2 iyul — Sputnik. Səhiyyə Nazirliyi ölkə daxilində və xaricində ali və orta tibb təhsili müəssisələrində təhsil alan tələbələrlə bağlı məlumat paylaşıb.

Sputnik Azərbaycan-ın nazirliyin rəsmi saytına istinadən xəbərinə görə, xarici ölkələrdə və Azərbaycan Respublikasında ali və orta ixtisas tibb təhsili müəssisələrində təhsil alan tələbələrin ixtisasları üzrə Azərbaycan Respublikasında digər təhsil müəssisəsinə köçürülməsi, bərpa olunması məsələləri ilə bağlı müraciətlər 12.07.2019-cu il tarixinə kimi təqdim olunmalıdır.

Məlumata görə, bu müraciətlər Səhiyyə Nazirliyinin Kadrlar, elm və təhsil şöbəsinə təqdim olunmalıdır.

 

 

105
COVİD-19 xəstəsi, arxiv şəkli

TƏBİB sədri COVİD-19-un yeni əlamətlərini açıqladı

313
(Yenilənib 18:18 03.07.2020)
Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir

BAKI, 3 iyul – Sputnik. “Son vaxtlar koronavirusa yoluxmanın xəstəliyi olmayan və yaşı gənc olanlarda da ağırlaşma ilə nəticələndiyinin şahidi oluruq”.

Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın mətbuat konfransında TƏBİB İdarə Heyətinin sədri Ramin Bayramlı bildirib.

Onun sözlərinə görə, COVID-19 xəstəliyinin hazırda çox ciddi yeni klinik əlamətləri meydana çıxmaqdadır: “Xəstəlik həm mərkəzi sinir sistemini zədələyə bilir, həm laxtalanma sisteminə çox ciddi təsir edir, müxtəlif orqanlarda tromboza səbəb ola bilir. Diabet xəstələrində çox ağır patologiyalara səbəb olur. Genetik faktorlar burada çox önəmlidir. Xəstəliyin autoimmun xarakterdə keçməsi baxımından xəstəliyi ailələr şəklində ağır şəkildə keçirənləri görürük. Təəssüflər olsun ki, yoluxma sayı artdıqca və daha çox əhali arasında yayıldıqca ağır keçirilən halların da şahidi oluruq”.

313
Mövzu:
Azərbaycanda koronavirus: son xəbərlər
Kişi əməliyyatdan sonra bədənində izləri göstərir, arxiv şəkli

Pul xatirinə "qohumluq" ya özünü parça-parça satanlar - "Qanunda boşluq yoxdur"

500
(Yenilənib 17:40 03.07.2020)
"Lap sizinlə açıq danışım. Maşın alveri ilə məşğulam. Bir dostum məndən 10 min oğurladı, 13 min də borca girdim. Bir sözlə, bankrot oldum. İndiki qazancımla bütün tələbatları qarşılaya bilmirəm. Maddi problemlər məni çox sıxır" - Orqanını satmaq istəyən şəxs

Nigar İsgəndərova, Sputnik Azərbaycan

BAKI, 3 iyul — Sputnik. Bir çox saytlarda insan orqanlarının satışı ilə bağlı elanlarla qarşılaşırıq. Koronavirusun dünyanı cənginə aldığı bir dövrdə, karantin şəraitində də orqan satışı haqda düşünənlər var. Əsasən iki saytda yer alan məlumatları incələdikdə məlum olur ki, eyni şəxslər bir neçə aydır eyni tip elanı bu saytlara yerləşdirirlər.

Sputnik Azərbaycan bu şəxslərlə əlaqə saxlayaraq, orqan satışının hansı məcburiyyətdən doğduğunu və bunun qanuni, yaxud qanunsuz olduğunu araşdırmağa çalışıb.

Uşaq evində böyüdüyünü deyən həmsöhbətimiz ehtiyacdan bu yola əl atdığını söyləyir:

"Uşaq evində böyümüşəm, atam mən körpə ikən anamdan ayrılıb, heç onu tanımıram da. Çətin günlərim çox olub. Amma hər zaman çörəkpulu qazanmışam. Hazırda da işləyirəm, bir-iki aya övladım olacaq. Amma indiki qazancımla övladımı saxlamaq, onun üçün doğum xərclərini qarşılamaq mənim üçün mümkünsüzdür, çünki çox imkansızam".

"Böyrəyiniz sağlamdırmı?" sualını isə həmsöhbətimiz bu şəkildə cavablandırıb: "Sağlam nədir, böyrəyim superdir. Belə bir böyrək yoxdur. 50-60 minə satmıram, imkansızam, təcili pula ehtiyacım var deyə 20 minə satıram".

Mətləbə gəlib çatanda, qanunvericiliklə qeyri-qanuni hesab edilən bu əməliyyatı necə icra etməyə gəldikdə isə həmsöhbətimiz bunun da bir yolunun olduğunu deyir: "Bunun üçün xəstəxanalarla maraqlanmaq lazımdır. Bildiyimə görə, şəxsin razılığı varsa, qohum olmayan biri də donor ola bilər".

İmkansızlıqdan hələ ki rəsmi nikahının olmadığını deyən kişinin sözlərinə görə, yalnız birgə yaşadığı qadın, yəni yaxın aylarda övladını dünyaya gətirəcək şəxs bu məsələdən xəbərdardır və böyrəyini satmaqla bağlı razılığı var.

Satıcı adlandıra biləcəyim digər şəxs böyrəyini imkansızlıqdan satdığını deyir. O, həmçinin qaraciyərini də satır. Deyir ki, istəyən olsa, qiymətdə endirim də edə bilər: "Böyrəyimin qiyməti 20 mindir, 17 minə verərəm: "Səhhətim yaxşıdır, siqaret çəksəm də, heç zaman araq və digər zərərli içkiləri içməmişəm".

"Qohumluq bağı olmadan belə bir qeyri-qanuni əməliyyatı icra etmək mümkündürmü?" sualına cavab olaraq isə danışdığımız şəxs bunu etməyin bəlli yolunu bildiyini deyib. Təbii ki, təbliğat olmasın deyə, biz bu nüansların üstündən keçirik: "Tanıdığım bir həkim var, sizə dediyim işi icra etdikdən sonra həmin həkim bu əməliyyatı edəcək".

Onun sözlərinə görə, həkim azərbaycanlı olsa da, burada işləmir. Yəni əməliyyat başqa bir ölkədə icra olunacaq: "Bu proseduru necə etməyin yolunu bilirəm. Artıq bir adamla tam olaraq razılaşmışdıq. Sadəcə olaraq məndə 3, onda 2 damar söhbəti deyə bir şey vardı. Bir uyğunsuzluq oldu, bu səbəbdən də alınmadı".

"Lap sizinlə açıq danışım. Maşın alveri ilə məşğulam. Bir dostum məndən 10 min oğurladı, işim də çətinə düşdü, 13 min borca girdim. Bir sözlə, bankrot oldum. İndiki qazancımla bütün tələbatları qarşılaya bilmirəm. Maddi problemlər məni çox sıxır, heç nə əmələ gəlmir", - deyə səmimi olduğunu bildirən həmsöhbətimiz əlavə edir.

Orqanını satışa çıxaran digər şəxs də qazancı ilə problemlərini həll edə bilmədiyini söyləyir: "Uşaqlıqdan bəri spirtin belə dadını bilmirəm, heç zaman pis yolun yolçusu olmamışam. Özüm də namaz qılan adamam. Hər zaman ailəm üçün çalışmışam. Sadəcə olaraq indi atam, körpə övladım xəstədirlər. Buna görə belə bir addım atmağa məcburam. Övladımın başında problem var, nəfəs ala bilmir, boğulur".

"Hazırkı qazancımla bu problemləri həll edə bilmirəm", - deyə o əlavə edir.

Telefon xəttinin o başında danışdığımız şəxslərin nə qədər səmimi olub-olmadığını bilmirik. Amma ilkin ehtimallardan biri kimi insanların çarəsizlikdən daha çox, həm də savadsızlıqdan bu yola əl atdığını deyə bilərik. Təbii ki, əgər burada orqan satışı mafiyasından söhbət getmirsə.

Qeyd edək ki, həm qaraciyər, həm də böyrək satışı ilə bağlı internetdəki qiymətlər 15-40 min manat arasında dəyişilir. Orqan satmaq istəyənlərin əksəriyyəti isə kişilərdir. Zəng etdiyimiz şəxslər arasında mobil nömrəsi daha bahalı təsir bağışlayanlar da vardı.

İnternet üzərindən kiçik axtarışla orqan satışı ilə bağlı hətta 2015-ci ildə yerləşdirilən elanların saytlarda hələ də qalması təəssüf doğurur. Təbii ki, saytlarda belə bir məlumatın qalması, el dili ilə desək, dəlinin yadına daş salmaq kimi bir şeydir. Yəni bu kimi məlumatlar sabah imkansız, çarəsiz, eyni zamanda da savadsız olan şəxslərin əksəriyyətinin bu yola əl atmasına səbəb ola bilər.

Bir neçə il öncə elan yerləşdirən şəxslərin qeyd etdiyi nömrə ilə əlaqə saxlamağa çalışdıq. Lakin zəng etdiyimiz bütün nömrələrin mövcud olmadığını öyrəndik. Ehtimal ki, istifadəçilər artıq nömrələrini dəyişiblər. Bir sözlə, bəlli saytlarda sanki açıq orqan satışı bazarı təşkil olunub. Kimisi qiymətdə razılaşmanın olacağını deyir. Həmin saytlarda qarşımıza çıxan bu elanlar açıq bazarı xatırlatsa da, Allah bazar versin, deyə bilmirik.

Orqan satmaq bir çıxış yolu deyil. Bu həm də Azərbaycan Respublikasının qanunvericiliyinə ziddir. AR qanunvericiliyinə görə, şəxsin ailə üzvləri və qohum şəxslər donor ola bilərlər. Qanundakı məhdudiyyət orqan mafiyasının qarşısının alınmasına yönəlsə də, buna məhəl qoymayanlar da var.

Mərkəzi Gömrük Hospitalının Cərrahiyyə və Orqan Transplantasiyası şöbəsinin müdiri, transplantoloq, cərrah Mircəlal Kazımi Sputnik Azərbaycan-a açıqlamasında bu gün bütün dünyada olduğu kimi Azərbaycanda da orqan çatışmazlığından əziyyət çəkən xəstələrin sayının artdığını, belə şəxslər üçün yeganə çıxış yolunun orqanın köçürülməsi olduğunu vurğulayır:

"Lakin hazırda biz yalnız canlı şəxsdən, daha dəqiq desək, yalnız qohumdan orqan köçürülməsini həyata keçirə bilirik. Təbii ki, bu halda qaraciyər və böyrək çatışmazlığından əziyyət çəkən şəxslər digərləri ilə müqayisədə daha şanslı olurlar".

Ekspert internet üzərindən orqan satışının həyata keçirilməsini qanunvericilikdəki boşluqla əlaqələndirməyib: "Bu məsələnin qanunvericilikdə boşluqla heç bir əlaqəsi yoxdur. Çünki qanunvericilikdə bununla bağlı hansısa boşluq yoxdur. Yəni, 1999-cu ildə qəbul olunan bu qanunda hansısa boşluq yoxdur. Sadəcə olaraq dövrün tələblərinə uyğun olaraq qanuna yeni müddəalar əlavə olunub".

500
Əlaqədar
Yüz ölç, bir biç - Həkimlərdən misli görünməmiş səhv
Azərbaycanda ən bahalı əməliyyatların maliyyələşməsi ilə bağlı xoş xəbər
Minlərlə böyrək xəstəsinin ümidi beyin ölümü keçirənlərə qalıb
Ciyərimizi dağıdan viruslar - ikinci dozanı almayanda ömrümüzü yeyir
Mircəlal Kazımi: "Orqan transplantasiyası xəstəyə verilən bir şansdır"
 İranda epdimioloji vəziyyət

İranda bir gündə 150-dən çox şəxs koronavirusdan öldü

0
(Yenilənib 00:14 04.07.2020)
Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb

BAKI, 4 iyul — Sputnik. İranda koronavirusa yoluxanların sayı bir gün ərzində 2566 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

Hospitalda koronavirus xəstəsinin yoxlanılması
© Sputnik / Vladimir Astapkovich

"Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb. Bir gün ərzində 154 nəfər virusdan ölüb, bununla da ölkədə koronavirusdan ölənlərin sayı 11260-a çatıb", - deyə məlumatda bildirilib.

O həmçinin qeyd edib ki, virusa yoluxan 235429 şəxsdən 196,5 mindən çoxu sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 10,8 milyonu keçib, 521 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Mövzu:
Dünyanı cənginə almış bəla