Günəş tutulması, arxiv şəkli

Günəş tutulacaq: İnsanların "kor olmaq" ehtimalı var

827
(Yenilənib 18:00 02.07.2019)
Bu dəfə təbiət hadisəsini Azərbaycanda müşahidə etmək mümkün olmasa da, onun təsirlərindən qaça bilməyəcəyik.

İradə Cəlil, Sputnik Azərbaycan

BAKI, 2 iyul — Sputnik. Bu gün səmada tam Günəş tutulması hadisəsi baş verəcək. Sputnik Azərbaycan AMEA-nın Şamaxı Astrofizika Rəsədxanasına istinadla xəbər verir ki, Günəşin tam tutulması iyulun 2-dən 3-nə keçən gecəyə təsadüf edəcək. Bu təbiət hadisəsi iyulun 2-si yerli vaxtla saat 20:55-də başlayacaq və iyulun 3-ü saat 01:50-də başa çatacaq.

Günəş tutulması Cənubi Amerika, Çili, Argentina və Sakit okeanın cənubundan aydın görünəcək. Təbiət hadisəsini Azərbaycanda müşahidə etmək mümkün olmayacaq. Növbəti tutulma dekabrın 26-na təsadüf edəcək.

Qeyd edək ki, bu il ilk Günəş tutulması yanvarın 6-da qeydə alınıb.

Günəş tutulmasının insan sağlamlığına zərəri varmı?

Həkim terapevt Məlahət Abbasova Sputnik Azərbaycan-a bildirib ki, Günəş və Ay tutulmaları daha çox ürək çatışmazlığı və təzyiqdən əziyyət çəkən insanlara təsir edir. Tutulma zamanı maqnit dalğaları meteohəssas insanlara təsir göstərir. Hipertoniyadan əziyyət çəkən şəxslərdə təzyiqin yüksəlməsi, ürək çatışmazlığından əziyyət çəkənlərdə isə sıxılmalar, spazmlar müşahidə edilə bilər. Buna görə də belə insanların Ay və Günəş tutulması zamanı evdən kənara çıxmaması məsləhətdir.

Həkimin sözlərinə görə, Ay və Günəş tutulması zamanı günəşə birbaşa baxmaq ciddi görmə probleminə səbəb ola bilər.

"Günəşin yaydığı ultrabənövşəyi şüalar göz sağlamlığı üçün zərərlidir"- deyə həkim qeyd edib.

Abbasova bildirib ki, normal günlərdə günəşə baxmaq mümkün olmasa da, tutulma zamanı günəşə baxmaq mümkündür. Birbaşa günəşə baxmaq isə gözün ultra bənövşəyi şüalara məruz qalmasına səbəb olur: "Bu şüalar gözün makulasında fovea bölgəsini yandıra bilər. Yanıqlar həmin bölgədə suyun toplanmasına səbəb olur. Nəticədə bir neçə saat ərzində sağalması mümkün olmayan görmə problemi meydana çıxa bilər".

Həkim əlavə edib ki, Ay və Günəş tutulmalarından hamilələr, yaşlı nəslin nümayəndələri və azyaşlı uşaqlar da təsirlənə bilər. Buna görə də, həmin saatlarda evdən kənara çıxmaq məsləhət görülmür.

"Ay və ya Günəş tutulması zamanı ürək-damar sistemi zəifləyir. Ürək döyüntüləri sürətlənir və ürəyin işləməsində müxtəlif pozuntular baş qaldırır. Yuxusuzluq meydana gəlir, ürək və kürəkdə ağrılar müşahidə olunur, həyacan yaranır. Amma bu hisslər müvəqqətidir. Tutulmadan bir neçə saat sonra həssas insanlar normal həyata qayıdır"- deyə Abbasova əlavə edib.

827
Əlaqədar
"Qanlı ay tutulması" başladı
Gələn il Günəş və Ay beş dəfə tutulacaq
İlin ilk Ay tutulması gözlənilir
Bütün dünyanın izlədiyi fenomen – Tam Ay tutulmasının görüntüsü
ABŞ-da epdimioloji vəziyyət

ABŞ-da daha bir azərbaycanlı koronavirusdan ölüb

9
Şəhər restoranlarının birində uzun müddət aşpaz işləmiş azərbaycanlı koronavirusa yoluxduğundan klinikaya yerləşdirilib.

BAKI, 9 avqust - Sputnik. ABŞ-ın Nyu-York ştatının Nyu-Roşel şəhərində azərbaycanlı aşpaz COVID-19-dan vəfat edib.

"Report"un məlumatına görə, bu, Qazaxıstan vətəndaşı, əslən Bakıdan olan 55 yaşlı Rzayev Ağagül Ağaməhəmməd oğludur.

Şəhər restoranlarının birində uzun müddət aşpaz işləmiş azərbaycanlı koronavirusa yoluxduğundan klinikaya yerləşdirilib. İki həftəlik müalicə kursu keçən soydaşımız ötən gecə dünyasını dəyişib. A.Rzayevin meyitinin Qazaxıstanın Almatı şəhərinə gətirilərək yaxınlarının məzarlarının yanında dəfn olunacağı gözlənilir.

Qeyd edək ki, buna qədər ABŞ-da daha iki azərbaycanlı COVID-19-dan dünyasını dəyişib.

9
Xəstəxanada qadın və uşaq, arxiv şəkli

Xərçəngin yaranmasında yaş həyat tərzinin rolu varmış

10
(Yenilənib 21:01 09.08.2020)
Həkimin sözlərinə görə, insan zərərli vərdişlərdən uzaqlaşandan ancaq 10 il sonra orqanizm özünə gələ bilir.

BAKI, 9 avqust — Sputnik. Rusiya Səhiyyə Nazirliyinin baş onkoloqu Andrey Kaprin xərçəng xəstəliyinin inkişafına təsir edən faktorlar barədə danışıb.

Sputnik Azərbaycan Rusiya mətbuatına istinadla xəbər verir ki, mütəxəssin fikrincə, xərçəngin inkişafında genetikanın cəmi 15 faiz rolu var.

Xəstəliyin yaranmasına isə yaş və həyat tərzi ilə bağlı mutasiyalar səbəb olur.

Kaprinin sözlərinə görə, siqaret çəkmə bir neçə xərçəng növünün meydana gəlmə riskini 30 dəfə, alkoqollu içkilərə aludəçilik isə daha çox artırır.

"Müayinə zamanı baxırsan ki, ailə genetik baxımdan sağlamdır. Ancaq sonra ağciyər xərçəngi, sidik kisəsi xərçəngi meydana gəlir. Məlum olur ki, burada zərərli vərdişlər var", - deyə həkim bildirib.

Onun sözlərinə görə, insan zərərli vərdişlərdən uzaqlaşandan ancaq 10 il sonra orqanizm özünə gələ bilir.

Xərçəngin meydana gəlməsində yaşın roluna gəldikdə isə həkim qeyd edib ki, 65 yaşından sonra hər 5 ildə immuniteti gücləndirən hüceyrələrin mutasiyası 10 faiz artır.

Daha əvvəl isə transyağların yumurtalıq xərçəngi riskini 34 faiz artırdığı açıqlanmışdı.

10
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0