Uşaq pediatrın qəbulunda, arxiv şəkli

Qurd dərmanımız da əlimizdən alındı

166
(Yenilənib 17:18 27.06.2019)
Artıq uşaqlarda qurd invaziyalarına yoluxma azaldığından dərmanlar verilmir

Zülfiyyə Quluyeva, Sputnik Azərbaycan

BAKI, 27 iyun — Sputnik. Azərbaycanda uşaqlar üçün qurd əleyhinə preparatların verilməsi dayandırılıb.

Bu məlumatı Sputnik Azərbaycan-a Səhiyyə Nazirliyinin Respublika Gigiyena və Epidemiologiya Mərkəzinin parazitologiya şöbəsinin müdiri Süleyman Məmmədov verib: "Hər il şəhər və rayonlar üzrə Ümumdünya Səhiyyə Təşkilatın (ÜST) tövsiyəsinə uyğun olaraq helmintozların profilaktikası məqsədilə 1 həb 400 mq-lıq "Albendazol" preparatı verilirdi. Artıq uşaqlarda qurd invaziyalarına yoluxma azaldığından dərmanlar verilmir".

S.Məmmədov bu gün özəl klinikalarında qurdla bağlı müayinələrin çoxunun düzgün aparılmadığını söyləyib. O, bildirib ki, qurd invaziyasının diaqnozunu qoymaq üçün ya qurdun özü tapılmalıdır, yaxud da onun yumurtası: "Bəzən immunoferment analiz yolu ilə qurdun təyinini təklif edənlər də var. Bu əsasən özəl klinikalardır. Bu düzgün, obyektiv müayinə üsulu deyil. Parazitlər insan orqanizmində əsasən bağırsaqlarda yaşayırlar. Qurdların hansısa aparatla təmizlənməsi mümkün olan bir şey deyil. Çox təəssüf ki, bu gün özəl klinikalar vətəndaşları aldadrlar".

166
Qoruyucu geyimdə olan tibb işçiləri, arxiv şəkli

Pandemiya beş ayını tamam elədi, alimlər hələ bir qərara gələ bilmədilər

327
(Yenilənib 19:10 05.08.2020)
"Sadəcə olaraq, maska nə zaman taxılmalıdır, ilk olaraq bunu dəqiqləşdirmək lazımdır. Adi hallarda qarşınızda he kim yoxdursa, yaxud da arada 2-3 metrdən artıq məsafə varsa, küçədə açıq havada gəzirsizsə, bu zaman maska taxmağa ehtiyac yoxdur" - Ədalət Rüstəm

Nigar İsgəndərova, Sputnik Azərbaycan

BAKI, 5 avqust — Sputnik. Alimlər maska, şərf və sipər arasındakı fərqi aşkarlayıblar. Belə ki, insanlar üzərində aparılan sınaq zamanı belə qənaətə gəlinib ki, maska və şərf sipərlə müqaysədə insan səhhəti üçün daha təhlükəlidir. Belə ki, maska taxarkən və şərflə ağzı bağlayarkən insan daha çox karbon qazı ilə təmasda olur, nəinki sipər taxarkən.

Bu səbəbdən də alimlər maska, şərf deyil, sipər taxmağı tövsiyə edirlər. Çünki maska və şərf karbon dioksidi yenidən ciyərlərə geri qaytarır ki, bu da insan səhhəti üçün təhlükəlidir. Uzun müddət maska taxmaq qandakı oksigenin həcminin azalması deməkdir. Eyni zamanda bu, həm də beyinə gedən oksigenin həcminin azalması deməkdir. Bu isə insanın özünü daha zəif hiss etməsinə səbəb olmaqla yanaşı ö lüm üçün də faktor ola bilər. Yəni, ölüm riski də yarada bilər.

Bu gün artıq təhsilin bərpa olunduğu bir çox ölkələrdə də şagirdlər maska deyil, sipər taxırlar.

Azərbaycan Tibb Universitetinin dosenti Ədalət Rüstəm Sputnik Azərbaycan-a açıqlamasında bu fikirlərlə raızlaşmadığını bildirib. O belə hesab edir ki, maska digərləri ilə müqayisədə mövcud vəziyyətdə daha effektivdir: "Üz sipəri də faydalıdır. Lakin bunların arasında ən faydalısı elə maskadır. Maskanın karbon qazını geri qaytarması boş söhbətdir. Çünki maska taxarkən hava kənarlardan çıxır".

Pandemiyadan belə qazanmaq olar: brilyantlarla bəzədilmiş qoruyucu maskalar satılır>>

"Sadəcə olaraq, maska nə zaman taxılmalıdır, ilk olaraq bunu dəqiqləşdirmək lazımdır. Adi hallarda qarşınızda heç kim yoxdursa, yaxud da arada 2-3 metrdən artıq məsafə varsa, küçədə açıq havada gəzirsizsə, bu zaman maska taxmağa ehtiyac yoxdur. Maskanı qısa məsafə oduqda taxmaq lazımdır. Xüsusən də qapalı məkanlarda taxmaq vacibdir.  Maska taxmaq müddəti 15-20 dəqiqədirsə, bu müddətdə karbon qazı ziyan verməyəcək. Karbon qazı ümumiyyətlə geri qayıtmır, maskanın kənarlarından xaric olunur", - deyə Ə.Rütəm əlavə edib.

327
Əlaqədar
Dünyanın koronavirus büdcəsi tükənir: xəstəliyə necə qalib gələcəyik?
Koronavirus öləcək: maskanı benzinə batırın...
Azərbaycan COVİD-19 infeksiyasının payız sıçrayışına hazır olmalıdır - rusiyalı həkim
Tramp əsəbiləşdi: "Hamı maska taxsa da, virus yox olmayacaq"
Bəla gələndə tək gəlmir: Payızı gözləyək, vəziyyət bir az da pisləşə bilər
TƏBİB-in İdarə Heyətinin sədri Ramin Bayramlı

TƏBİB sədri: "Açılan modul tipli xəstəxanalardan yalnız 5-dən istifadə etmişik"

15
(Yenilənib 18:06 05.08.2020)
Ramin Bayramlının sözlərinə görə, əlavə olaraq bura yeni xəstəxanalar cəlb edilib: "Eyni zamanda, FHN-in 800 çarpayılıq modul tipli xəstəxanası fəaliyyət göstərir"

BAKI, 5 avqust — Sputnik. “İyun-iyul aylarında koronavirusa yoluxmada təkrar artım müşahidə olundu, xüsusən Bakı şəhərində”.

Sputnik Azərbaycan xəbər verir ki, bunu TƏBİB-in İdarə Heyətini sədri Ramin Bayramlı deyib.

Onun sözlərinə görə, əlavə olaraq bura yeni xəstəxanalar cəlb edilib. “Bu tibb müəssisələrinin sayını təxminən 46-ya çatdırdıq. Burada hər biri 200 çarpayılıq olmaqla, 10 modul tipli xəstəxana var. Eyni zamanda, FHN-in 800 çarpayılıq modul tipli xəstəxanası fəaliyyət göstərir. Bu xəstəxananın əlavə 1200 yatağa çatdırılması gözlənilir. Açılan modul tipli xəstəxanalardan yalnız 5-ni istifadə etmişik”, - deyə R. Bayramlı qeyd edib.

15
Mövzu:
Azərbaycanda koronavirus: son xəbərlər
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0