Həkim müayinəsi

İcbari tibbi sığortanın tətbiqi ilə bağlı düşündürücü məqamlar ortaya çıxır

4882
(Yenilənib 18:50 20.05.2019)
"İcbari tibbi sığorta həkimlərin xaricə axınına səbəb ola bilər"

Təranə Xudabaxşiyeva, Sputnik Azərbaycan

BAKI, 22 may — Sputnik. Baş nazirin müavini, Yeni Azərbaycan Partiyasının sədr müavini - icra katibi Əli Əhmədov jurnalistlərə müsahibəsində bildirib ki, gələn ilin yanvarından başlayaraq Azərbaycanda hər kəsə ölkə miqyasında icbari tibbi sığorta xidməti göstəriləcək. Dövlət xəstəxanalarında tibbi xidmət illik icbari tibbi sığortanı ödəməklə pulsuz həyata keçiriləcək. 

Maraqlıdır, icbari tibbi sığorta ölkə səhiyyəsində nələri dəyişəcək, nə kimi mənfi təsirlər göstərəcək? Həmçinin belə olan halda könüllü tibbi sığorta bazarının aqibəti necə olacaq?

Sputnik Azərbaycan-ın əməkdaşı mütəxəssislərlə bu suallara cavab tapmağa çalışıb.

Sığorta üzrə ekspert Şahin İsmayılov deyib ki, bütün dövlət xəstəxanaları yanvar ayının 1-dən "Tibbi Ərazi Bölmələrini İdarəetmə Birliyi"nə (TƏBİB) tabe olacaq: "Yanvar ayından etibarən dövlət xəstəxanalarında icbari tibbi sığorta xidmətinə başlanacaq. Amma özəl klinikalara icbari tibbi xidmətin aid edilib-edilməməsi sual altındadır. Çünki özəl klinikaların hər birində tibbi xidmət fərqlidir. Zənnimcə, ona görə də onları bir yerə toplayıb icbari tibbi sığortaya yönləndirmək çətin olacaq".

"Digər tərəfdən, icbari tibbi sığorta tətbiq edilən aydan başlayaraq bütün tibbi personallara yüksək əmək haqqı veriləcək. Amma maraqlıdır ki, həkimlər üçün nəzərdə tutulacaq əmək haqqı onları qane edəcəkmi? Axı elə həkimlər var ki, onlar üçün nəzərdə tutulan əmək haqqını bir günə qazana bilirlər. Onların o maaşa qane olacaqları sual altındadır. Bu da həkimlərin xaricə axınına səbəb olacaq" – deyə Şahin İsmayılov əlavə edib.

O, eyni zamanda icbari sığorta tətbiq olunandan sonra xəstəxanalara kütləvi axın başlayacağını da qeyd edib: "Kütləvi axın da tibbi xidmətin keyfiyyətini aşağı salacaq. Növbələr çoxalacaq. Eyni zamanda, hər kəs 120 manat məbləğində sığortalanacaq. Uşaqlar, fiziki imkanları məhdud şəxslər, işsizlər, təqaüdçülər dövlət tərəfindən sığortalanacaqlar. 120 manat məbləğində olan icbari tibbi sığortanın keyfiyyətini isə zaman göstərəcək".

Sığorta üzrə digər bir ekspert Nicat Əlibəyli isə düşünür ki, icbari tibbi sığortanın ölkədə tətbiqi çox önəmli hadisədir: "Bu sistemin tətbiqi ilə həkimlə xəstə arasında "pul" söhbəti aparılmayacaq. Bu, çox vacib və önəmli məsələdir. Klinika göstərdiyi xidmətin sığorta haqqını sığorta şirkətindən alacaq. Bu səbəbdən rüşvət olmayacaq". 

N.Əlibəylinin qənaətincə, bu sistem əsasında tibb müəssisələri də öz xidmətləri ilə fərqlənəcək: "Pasientlər tibb müəssisələrində xidmətin aşağı və ya yüksək səviyyədə olduğunu daha yaxşı görə biləcəklər və onların seçim etmək imkanları artacaq. Nəticədə yaxşı xidmət göstərməyən tibbi müəssisələrinə gələnlərin sayı minimuma enəcək. Bu da müəssisələr arasında keyfiyyətli xidmət rəqabətini artıracaq".

"Hesab edirəm ki, icbari tibbi sığortanın tətbiqi ölkə əhalisinin sağlamlıq durumunun daha da yaxşı olmasında təsir edəcək" – deyə ekspert vurğulayıb.

O, icbari tibbi sığortanın könüllü tibbi sığortaya təsiri barəsində də danışıb: "İcbari tibbi sığorta könüllü tibbi sığortaya mənfi təsiri etməyəcək. Çünki şirkətlər öncədən nəzərdə tutulmuş paket əsasında xidmətlərini satacaqlar".

4882
Teqlər:
ekspert, həkim, xəstəxana, icbari tibbi sığorta
Əlaqədar
Dəhşətli xəstəlik minə yaxın insanı öldürdü
Soyuq və solğun ayaq ciddi xəstəliklərin əlamətidir
Ağstafada qadın qarnına bıçaq batmış vəziyyətdə xəstəxanaya gətirilib

Azərbaycanda son sutkada 543 nəfərdə COVID-19 aşkarlanıb

116
(Yenilənib 20:51 14.07.2020)
Son sutka ərzində yeni yoluxma hallarının müəyyənləşdirilməsi ilə əlaqədar 8217, ötən müddət ərzində isə ümumilikdə 584466 test aparılıb.

BAKI, 14 iyul - Sputnik. Azərbaycan Respublikasında koronavirus (COVID-19) infeksiyasına 543 yeni yoluxma faktı qeydə alınıb, 510 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 6 nəfər vəfat edib.

View this post on Instagram

A post shared by Sputnik Azərbaycan (@sputnik.az) on

İndiyədək ölkədə ümumilikdə 25 113 nəfərin koronavirus infeksiyasına yoluxması faktı müəyyən edilib, onlardan 16150 nəfər müalicə olunaraq sağalıb, 319 nəfər vəfat edib, 8644 nəfərin xüsusi rejimli xəstəxanalarda müalicəsi davam etdirilir.

Son sutka ərzində yeni yoluxma hallarının müəyyənləşdirilməsi ilə əlaqədar 8217, ötən müddət ərzində isə ümumilikdə 584466 test aparılıb.

116
Həkim, arxiv şəkli

“Semaşko”nun koronavirusa yoluxan həkimi tənəffüs cihazına qoşulub

18
(Yenilənib 16:03 14.07.2020)
Həkim iyunun 3-də mərkəzin infeksion xəstəliklər şöbəsinə təngnəfəslik, tənəffüs çatışmazlığı və saturasiyasının aşağı olması göstəriciləri ilə gecə saatlarında qəbul olunub.

BAKI, 14 iyul — Sputnik. Bakı Sağlamlıq Mərkəzi COVID-19 infeksiyasına yoluxan və orada müalicəsi davam edən 1 saylı Kliniki Tibbi Mərkəzin reanimatoloqu Kərəm Yaqubov durumu ilə bağlı məlumat yayıb.

Mərkəzdən Sputnik Azərbaycan-a verilən məlumata görə, həkim iyunun 3-də mərkəzin infeksion xəstəliklər şöbəsinə təngnəfəslik, tənəffüs çatışmazlığı və saturasiyasının aşağı olması göstəriciləri ilə gecə saatlarında qəbul olunub. 

Bildirilib ki, ayın 9-dan etibarən xəstənin təngnəfəslik və boğulmalarının artması səbəbi ilə o, reanimasiya şöbəsinə yerləşdirilib, intubasiya olunub və süni tənəffüs aparatına qoşulub: "Hazırda xəstə süni tənəffüs cihazındadır, müalicəsi davam etdirilir".

18
Mövzu:
Azərbaycanda koronavirus: son xəbərlər

Şəhid general-mayorla doğulduğu Qəbələdə izdihamlı vida

0
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan qəhrəman hərbçimiz, general-mayor Həşimov Poladın nəşi doğulduğu Qəbələnin Vəndam kəndinə gətirilib.

General-mayor Həşimov Polad İsrayıl oğlu qəhrəmanca şəhid olub. Onun nəşi doğulduğu Qəbələnin Vəndam kəndinə gətirilib. Məmləkətinə onunla vidalaşmaq imkanı yaradılıb.

Qeyd edək ki, şəhidimiz sabah paytaxtdakı İkinci Fəxri Xiyabanda son mənzilə yola salınacaq.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, baş leytenant Mahmudov Rəşad Rəşid oğlu, hərbi qulluqçumuz əsgər Daşdəmirov Xəyyam Məhəmməd oğlu, bu gün isə döyüş zamanı müdafiənin ön xəttində olan general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu, gizir Zeynallı İlqar Ayaz oğlu, gizir Babayev Yaşar Vasif oğlu və müddətdən artıq həqiqi xidmət hərbi qulluqçusu, əsgər Mustafazadə Elçin Arif oğlu şəhid olub.

0