Xərçəngdən əməliyyat

Xərçəngdən ölümün qarşısını almağın yolu tapıldı

563
(Yenilənib 20:17 08.05.2019)
Tədqiqatçılar xərçəngin metastaz verməsinin qarşısını almaq üçün bir yol tapıblar

BAKI, 9 may — Sputnik. İsveçrədən olan tədqiqatçılar qrupu xərçəngin müalicəsini çətinləşdirən və xəstənin vəziyyəti barədə pis proqnozun verilməsinə səbəb olan metastazların meydana gəlməsinin qarşısını almaq üçün bir yol tapıb. Sputnik Azərbaycan xarici mediaya istinadla xəbər verir ki, bu barədə "Science Alert" nəşri məlumat yayıb.

Burada əsas rolu Aktivin B və ALK7 reseptoru kimi birləşmələr oynayır. Eksperimentlər zamanı tədqiqatçılar siçan modeli üzərində neyroendokrin mədəaltı xərçəngi və süd vəzinin xərçəngindən istifadə ediblər. Məlum olub ki, ALK7-nin varlığı şişlərin təkrarlanma ehtimalının daha az olmasını təmin edir. Bununla yanaşı, metastazların inkişafı reseptor konsentrasiyasının yüksək səviyyəsində tormozlanır.

Hər iki molekul sinir yolunda iştirak edir və xərçəng hüceyrələrini proqramlaşdırılmış hüceyrə ölümü mərhələsinə - apoptoza girməyə məcbur edir. Reseptorun aktivləşdirilməsi ligandın aktivin B-yə bağlanması zamanı baş verir.

Məlumdur ki, aktivinlər, başda B aktivini olmaqla, hüceyrənin böyüməsi və yayılmasında, metobolizmdə, immun cavabın verilməsində və menstrual dövrün tənzimləməsində rol oynayır.

Alimlərin sözlərinə görə, əldə edilən nəticələr əsasında xərçəngin yeni müalicə üsullarını inkişaf etdirmək üçün daha çox tədqiqat aparmaq lazımdır. Bu metodun inkişaf etdirilməsi ölümcül xərçəng şişlərinin metastaz verməsinin qarşını almağa, bu yolla ölümü əngəlləməyə gətirib çıxaracaq.

563
Teqlər:
alim, tədqiqat, xərçəng
Əlaqədar
Yuxusuzluq xərçəngə səbəb olur
Xərçənglə mübarizədə ən yaxşı vasitə açıqlandı – Hər evdə var
Xərçəngdən qorunmaq üçün bəzi qidaları artırın
"İtlər də insanlar kimi xərçəngdən, təzyiqdən, şəkərdən əziyyət çəkir"
Bakının mərkəzində tibbi maskada olan gənc, arxiv şəkli

Bakıda yoluxma niyə sürətlə artır? Həkim açıqladı

7
(Yenilənib 20:07 29.05.2020)
“Xəstəliyə inanmamaq insanın təkcə özü üçün deyil, ətrafı üçün də çox təhlükəlidir. Yoluxmanın artmasına səbəb belə insanlardır"

BAKI, 29 may — Sputnik. Koronavirusa yoluxanların sayı artıq üçrəqəmlidir. Virusa laqeyd yanaşdığımız üçün özümüz özümüzü yoluxdururuq. Sputnik Azərbaycan-ın məlumatına görə, bunu tanınmış pediatr Vaqif Qarayev son günlər koronavirusa yoluxmanın artmasından danışarkən deyib.

Həkim bildirib ki, yoluxmanın artmasına səbəb insanların xəstəliyə artıq laqeyd yanaşması, virusun olmasına inanmamasıdır: “Xəstəliyə inanmamaq insanın təkcə özü üçün deyil, ətrafı üçün də çox təhlükəlidir. Yoluxmanın artmasına səbəb belə insanlardır. Karantinin sərtliyindən hamı gileylənirdi. İstilər düşdüyü üçün anlaşılandır. Ancaq nəticə göz önündədir. Yoluxma dinamikası artır, vəziyyət belə davam etdikcə yoluxma daha da artacaq. Qonşu Gürcüstanda karantin tədbirləri bizdəkindən də sərt idi. Orada bu gün də ictimai nəqliyyat işləmir. Nəticədə də gündə 1-3 yoluxma var”.

7
Mövzu:
Azərbaycanda koronavirus: son xəbərlər
Əlaqədar
Bu "rekordu" heç gözləmirdik: yenə ölənlər var
Azərbaycanda xüsusi karantin rejiminin müddəti uzadıldı
Azərbaycanda COVID-19-dan vəfat edən ən gənc adamın yaşı açıqlandı
Ölkədə koronavirusa ən çox yoluxma haradadır?
Azərbaycanda "COVID 19" pasportunun tətbiqi ilə bağlı müzakirələr aparılır
COVİD-19 xəstəsi, arxiv şəkli

Azərbaycanda COVID-19-dan vəfat edən ən gənc adamın yaşı açıqlandı

25
(Yenilənib 19:02 29.05.2020)
Ümumilikdə vəfat edənlərdən 1 nəfər 30-39 yaş arasında şəxs olub. Ən çox ölüm faizi isə 60-69 yaş arası şəxslərin payına düşüb

BAKI, 29 may — Sputnik. Koronavirusdan ölənlərin yaş faizi açıqlanıb.

Sputnik Azərbaycan bildirir ki, bu barədə Nazirlər Kabineti yanında Operativ Qərargahın mətbuat konfransında TƏBİB-in İdarə Heyətinin sədri Ramin Bayramlı danışıb. Onun sözlərinə görə, vəfat edənlərin 20 nəfəri 60-69 yaşdadır: “Bu isə ölənlərin 34 faizini təşkil edib. Ümumilikdə vəfat edənlərin 2 faizi, yəni 1 nəfər 30-39 yaş, 3 faizi, yəni 2 nəfəri 40-49 yaş, 13 nəfəri, yəni 22 faizi 50-59 yaş, 17 nəfəri, yəni 29 faizi 70-79 yaş, 5 nəfəri, yəni 9 faizi 80 yaşdan yuxarı şəxslərdir”.

TƏBİB rəsmisi qeyd edib ki, kütləvi yoluxma halları əsasən yas mərasimlərində baş verir: “Yoluxma baş verdikdən sonra analizlər aparılır. Analizlər göstərir ki, yoluxmaların əksəriyyəti yas yerlərində baş verir. Xüsusən, yaşlı insanların və qadınların yas yerlərində toplaşması yoluxmaya səbəb olub. Vətəndaşları qaydalara riayət etməyə dəvət edirik”.

25
Mövzu:
Azərbaycanda koronavirus: son xəbərlər
Əlaqədar
Azərbaycanda xüsusi karantin rejiminin müddəti uzadıldı
30 qəpiklik maskaya 100 manat ödəmək istəmirsiniz?
Bu "rekordu" heç gözləmirdik: yenə ölənlər var
Uçuşlar nə zaman bərpa olunacaq?
Ölkədə koronavirusa ən çox yoluxma haradadır?
Polis əməkdaşları, arxiv şəkli

Nazirlikdən koronavirusa yoluxan polislərlə bağlı açıqlama

0
(Yenilənib 20:10 29.05.2020)
"Hazırda bir neçə əməkdaşımız virusa yoluxub. Onlardan sağalıb evə buraxılanları da, müalicəsi davam etdirilənlər də var".

BAKI, 29 may — Sputnik. Polis əməkdaşları fiziki cəhətdən sağlam olduqları üçün koronavirusa yoluxduqda bu xəstəliyi yüngül keçirirlər. Sputnik Azərbaycan-ın məlumatına görə, bu sözləri koronavirusa yoluxan polis əməkdaşlarının səhhəti barədə danışan Daxili İşlər Nazirliyinin mətbuat katibi, polis polkovniki Ehsan Zahidov deyib. O bildirib ki, koronavirusa yoluxan polis əməkdaşlarından bəziləri artıq müalicə olunaraq evə buraxılıblar: "Ölkədə koronavirusla əlaqədar karantin rejimi başlayandan polis əməkdaşları buna nəzarəti həyata keçirirlər. Xidməti fəaliyyətlə əlaqədar gün ərzində çox sayda insanla ünsiyyətdə olduqları üçün onların virusa yoluxması qaçılmaz idi. Hazırda bir neçə əməkdaşımız virusa yoluxub. Onlardan sağalıb evə buraxılanları da, müalicəsi davam etdirilənlər də var. Polis sıralarına fiziki cəhətdən sağlam gənclər qəbul edilir deyə, onların müalicəsi də həm effektiv olur, həm də tez başa çatır".

0
Mövzu:
Azərbaycanda koronavirus: son xəbərlər
Əlaqədar
Azərbaycanda xüsusi karantin rejiminin müddəti uzadıldı
Azərbaycanda COVID-19-dan vəfat edən ən gənc adamın yaşı açıqlandı
Bu "rekordu" heç gözləmirdik: yenə ölənlər var
Ölkədə koronavirusa ən çox yoluxma haradadır?
Azərbaycanda "COVID 19" pasportunun tətbiqi ilə bağlı müzakirələr aparılır