Panik atak

Panik atakın əlamətləri müəyyən olunub

150
(Yenilənib 17:30 25.04.2019)
Panik atakı narahatlıq hissindən fərqləndirməyi bacarmaq lazımdır

BAKI, 25 aprel — Sputnik. Beylor Tibb Kollecinin (ABŞ) mütəxəssisləri panik atakın əlamətlərini müəyyən ediblər. Sputnik Azərbaycan xarici mətbuata istinadla xəbər verir ki, professor Asim Şahın sözlərinə görə, panik atakın əsas əlamətləri ürək döyüntülərinin artması, idarəetməni itirmə hissi, sinədə sıxılma, nəzarətin itməsi, titrəmə, boğazda tıxanma və tərləmədir.

"Panik tutmaları ürək tutmasını xatırlada bilər. Buna görə də panik atak yaşayan insanlar təcili yardıma müraciət edirlər. Burada onlara vəziyyət izah edilir. Panik tutmaları müalicəyə tez təslim olur. Buna görə də siz onu hiss etdiyiniz zaman kömək üçün həkimə müraciət edin" – deyə Şah bildirib.

O, eyni zamanda əlavə edib ki, panik atakı narahatlıq hissindən fərqləndirməyi də bacarmaq lazımdır: "Panik atak, adətən 30 dəqiqədən çox davam etmir, narahatlıq, həyacan hissini isə aylarla hiss etmək mümkündür".

Alimlərin fikrincə, panik atak genetik olmaqla yanaşı, həssaslıq və güclü stressdən də yarana bilər.

150
Teqlər:
həkim, əlamət, panik atak
Əlaqədar
Dörd yüz kiloqram xəstəliyə tutulmuş heyvan əti aşkarlanıb
İndi də qulaqdibi xəstəliyi yayılıb
Elektron siqaretlər ağciyər xəstəliklərinə səbəb olur
İnsan qanı ilə dolu paket, arxiv şəkli

Gəlin, qan verin! Koronavirusdan sağalanlara yeni müraciət

5
(Yenilənib 19:27 06.07.2020)
"Konvalesent plazma müalicə üsulu ilə həmin şəxslərin qanından alınmış plazma ağır xəstələrə köçürülür. Sənin mübarizən bitsə də, ölkəmizdə koronavirusla mübarizə davam edir"

BAKI, 6 iyul — Sputnik. Mərkəzi Qan Bankı koronavirusdan sağalan şəxslərə yenidən müraciət edib. Sputnik Azərbaycan-ın məlumatına görə, müraciətdə bildirilir ki, koronavirusdan sağalmış şəxslər hazırda ölkəmizdə müalicə alan ağır koronavirus xəstələrinə öz qanlarını hədiyyə edə bilərlər: "Konvalesent plazma müalicə üsulu ilə həmin şəxslərin qanından alınmış plazma ağır xəstələrə köçürülür. Sənin mübarizən bitsə də, ölkəmizdə koronavirusla mübarizə davam edir".

Qeyd edək ki, Mərkəzi Qan Bankı bir müddət əvvəl də koronavirus infeksiyasından sağalmış insanların ağır xəstələrə donor olmaları ilə bağlı müraciət etmişdi. Mərkəzi Qan Bankının əlaqə nömrələri:

907

+99412 440 65 86

+99412 440 78 50

+99412 441 66 52.

5
Prezident İlham Əliyev və birinci xanım Mehriban Əliyeva Bakının Xətai rayonunda modul tipli hospitalın açılışında

Prezident birinci xanım modul tipli hospitalın açılışında

15
(Yenilənib 16:38 06.07.2020)
Fövqəladə Hallar Nazirliyinin Tibb Mərkəzinin modul tipli hospitalı 10 korpusdan ibarətdir və burada 800 xəstəni qəbul etmək üçün hər cür imkan var.

BAKI, 6 iyul – Sputnik. İyulun 6-da Azərbaycan Respublikasının Prezidenti İlham Əliyev və birinci xanım Mehriban Əliyeva Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının açılışında iştirak ediblər.

Sputnik Azrbaycan xəbər verir ki, Fövqəladə Hallar naziri, general-polkovnik Kəmaləddin Heydərov dövlət başçısına raport verib.

© Official website of President of Azerbaijan Republic
Prezident İlham Əliyev Bakının Xətai rayonunda modul tipli hospitalın açılışında

Fövqəladə Hallar Nazirliyinin Tibb Mərkəzinin modul tipli hospitalı 10 korpusdan ibarətdir və burada 800 xəstəni qəbul etmək üçün hər cür imkan var. Modul tipli hospitalda yaradılan şərait müalicə işi ilə yanaşı, laborator müayinələri də qısa müddətə və keyfiyyətlə aparmağa imkan verir. Belə modul tipli xəstəxanaların istifadəyə verilməsi koronavirusa yoluxanların lazımi tibbi xidmətlərlə əhatə olunması üçün vahid idarəetmə və tibbi əlaqələndirmənin təmin edilməsində böyük rol oynayır.

© Official website of President of Azerbaijan Republic
Prezident İlham Əliyev və birinci xanım Mehriban Əliyeva Bakının Xətai rayonunda modul tipli hospitalın açılışında

Azərbaycan dövlətinin koronavirus pandemiyasının yayıldığı ilk günlərdən onunla mübarizə istiqamətində atdığı çox mühüm addımlar sırasında modul tipli xəstəxanaların yaradılması böyük əhəmiyyət daşıyır. Prezident İlham Əliyevin müvafiq tapşırıqlarına əsasən, ölkə ərazisində ümumilikdə 10 modul tipli xəstəxana kompleksinin quraşdırılmasına başlanıldı ki, onlardan da bir neçəsinin artıq açılışı olub. Ümumilikdə, yaradılacaq modul tipli xəstəxana kompleksləri ölkənin səhiyyə sisteminə əlavə 2000 çarpayılıq ehtiyat yaradır.

  • Prezident İlham Əliyev Bakının Xətai rayonunda modul tipli hospitalın açılışında
    © Official website of President of Azerbaijan Republic
  • Prezident İlham Əliyev və birinci xanım Mehriban Əliyeva Bakının Xətai rayonunda modul tipli hospitalın açılışında
    © Official website of President of Azerbaijan Republic
  • Prezident İlham Əliyev Bakının Xətai rayonunda modul tipli hospitalın açılışında
    © Official website of President of Azerbaijan Republic
  • Bakıda koronaviruslu xəstələr üçün tikilən yeni modul tipli hospital
    © Official website of President of Azerbaijan Republic
1 / 4
© Official website of President of Azerbaijan Republic
Prezident İlham Əliyev Bakının Xətai rayonunda modul tipli hospitalın açılışında

Tibb ocağında yaradılan şəraitlə tanışlıqdan sonra dövlətimizin başçısı Azərbaycan Televiziyasına, İctimai Televiziyaya və “Xəzər” Televiziyasına müsahibə verib.

15
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

0
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

0