Qızılcaya qarşı peyvənd

Dünyada sürətlə yayılan yoluxucu xəstəliklə bağlı Azərbaycanda son durum

5428
Baş pediatr: "Qızılcaya qrup şəklində yoluxma halları müşahidə olunur"

İradə Cəlil, Sputnik Azərbaycan

BAKI, 17 aprel — Sputnik. Ötən gün Ümumdünya Səhiyyə Təşkilatı (ÜST) dünya üzrə qızılcaya yoluxma faktları ilə bağlı hesabatını açıqlayıb. Hesabata görə, bütün dünyada qızılca xəstəliyi bu ilin ilk 3 ayında keçən illə müqayisədə 4 dəfə artıb. Və hazırda dünyanın bir çox ölkələrində qızılca sürətlə yayılır.

Bəs Azərbaycanda bu sahədə vəziyyət necədir?

Ölkənin baş pediatrı Nəsib Quliyev
© Sputnik / Irade JELIL
Ölkənin baş pediatrı Nəsib Quliyev

K.Fəracova adına Elmi-Tədqiqat Pediatriya İnstitutunun direktoru, baş pediatr, tibb elmləri doktoru, professor Nəsib Quliyev Sputnik Azərbaycan-ın bu sualına cavabında bildirib ki, Azərbaycanda qızılcaya qrup şəklində yoluxma halları müşahidə olunur.

"Qızılcaya daha çox peyvənd edilməyən uşaqlar və gənclər yoluxurlar. Ölkədə qızılcanın endemik ocağı yoxdur. Qızılca Azərbaycana Gürcüstandan, Orta Asiyadan, Ukraynadan gətirilir. Hazırda qızılcaya yoluxanlar var, amma ölkədə epidemiya həddinə çatan heç bir xəstəlik yoxdur" - baş pediatr vurğulayıb.

Onun sözlərinə görə, Azərbaycanda xəstələrin sayı tək-tək xəstələnmələrlə xaraktezirə edilir: "Ötən ilin noyabr ayından bu ilin yanvarına qədər Azərbaycanda 55 belə hal qeydə alınıb. Yanvar ayından bu günə kimi 85 nəfər qızılcaya yoluxub".

N.Quliyev diqqətə çatdırıb ki, ölkədə milli peyvənd kampaniyasına başlanıb: "Kampaniya körpə uşaqlarla yanaşı, 20-40 yaşlı vətəndaşları da əhatə edəcək. Hazırda lazımi qədər vaksin ölkəyə gətirilib. Vaksinasiya dövlət hesabına həyata keçirilir".

"Ötən 10-15 il ərazində vaksinasiya yüksək səviyyədə aparıldığı üçün ölkədə epidemiya təhlükəsi yoxdur. 95-97 faizə qədər uşaqlar peyvəndlənib. Ancaq 5 faiz peyvənddən kənarda qalıb ki, yoluxma probemi də onlarda yaranır. Azərbaycanda vəziyyət Gürcüstan, Tacikistan, Qırğızıstanla müqayisədə dəfələrlə yaxşıdır" - deyə professor əlavə edib.

Qeyd edək ki, qızılca xəsətliliyi halsızlıq, öskürək, burun axması, gözlərdə qızartı ilə başlayır. Sonra xəstənin bədəni incə qızartılarla örtülür. Qızılca qulaq infeksiyasına, ishala, sətəlcəmə səbəb olaraq ölümlə nəticələnə bilər.

5428
Teqlər:
pediatr, xəstəlik, qızılca, Azərbaycan, dünya
Əlaqədar
Təngnəfəslik ciddi xəstəliyin xəbərçisidir
Həyəcan siqnalı: Təhlükəli xəstəlik sürətlə yayılır
Xəstənin dişlərini müayinə edən stomatoloq gözlərinə inanmayıb
"Ana ölümlərində hemofiliya xəstəliyinin də rolu danılmazdır" - Ayaz Hüseynov