Пилот Red Bull Racing Макс Ферстаппен

“Formula 1" Azərbaycan Qran-prisi yarışına dair yeni əmr imzalandı

31
Səhiyyə naziri “Formula 1" Azərbaycan Qran-prisi yarışına dair əmr imzalayıb

BAKI, 1 aprel - Sputnik. Səhiyyə naziri Oqtay Şirəliyev aprelin 21-dən 28-dək Bakıda “Formula 1" Azərbaycan Qran-prisi yarışının keçirilməsi ilə bağlı tədbir iştirakçılarına və qonaqlara tibbi yardımın təmin edilməsi məqsədilə əmr imzalayıb.

Nazirlikdən Sputnik Azərbaycan-a verilən məlumata görə, əmrdə müvafiq şöbə və qurum rəhbərlərinə yarışın keçiriləcəyi ərazilərdə təcili tibbi yardım xidmətinin növbətçiliyini təmin edilməsi, yarışın keçiriləcəyi müddət ərzində ehtiyac olduğu halda idmançıların və qonaqların hospitalizasiyasının müvafiq olaraq Mərkəzi Neftçilər Xəstəxanasına və Bakı şəhər Kliniki Tibbi Mərkəzə yerləşdirilməsi, tədbir iştirakçılarının və qonaqların müraciəti zamanı onlara yüksək səviyyəli tibbi yardımın göstərilməsinə dair tapşırıqlar verilir.

Respublika Gigiyena və Epidemiologiya Mərkəzinin rəhbərliyinə nümayəndə heyətləri üçün ayrılan mehmanxana və iaşə müəssislərində sanitariya–gigiyena qaydalarına əməl olunması məsələlərinin ciddi nəzarətə götürülməsi tapşırılır.

31
Əlaqədar
““Formula 1”in müqaviləsini daha da uzada bilərik”
İlham Əliyev: "Formula 1 ölkəmizə böyük iqtisadi mənfəət qazandırır"
Azərbaycanda "Formula 1" ilə yanaşı daha bir beynəlxalq idman yarışı keçiriləcək
Prezident İlham Əliyev Formula 1 ilə bağlı sərəncam imzaladı
Formula 1-ə maraq nə yerdədi - Nigar Arpadarainin şərhi