Laborator analiz

Azərbaycanda qorxulu xəstəliyin müalicəsi mümkündür - Vətəndaşlara müraciət

12365
(Yenilənib 13:34 16.03.2019)
Şöbə müdiri: "İİV-ə yoluxduğu andan keçən 72 saat müddətində hər bir adam sağlamlığını xilas edə bilər"

Zarina Orucəliyeva, Sputnik Azərbaycan

BAKI, 18 mart — Sputnik. Azərbaycan həkimləri insanları İİV-ə yoluxmaqdan qorumağa qadirdirlər, lakin çox adam bunu bilmir. Bunu Sputnik Azərbaycan-a açıqlamasında Respublika QİÇS-lə Mübarizə Mərkəzinin monitorinq və qiymətləndirmə şöbəsinin müdiri Natiq Zülfüqarov deyib.

Milli Məclisin Səhiyyə komitəsinin sədri Əhliman Əmiraslanov
© Sputnik / Murad Orujov

Onun sözlərinə görə, İİV-ə yoluxduğu andan keçən 72 saat müddətində hər bir adam sağlamlığını xilas edə bilər: "Post-kontakt (təmasdan sonrakı) profilaktikası üçün həkimə müraciət etmək lazımdır ki, o, antiretrovirus preparatlar təyin etsin. Bu halda müalicə kürsü 28 gün davam edəcək".

"Təəssüf ki, çoxu belə bir imkanın olduğunu bilmir. 2018-ci ildə cəmi 15 nəfər post-kontakt terapiya alıb. Onlar da tibb işçiləri olub" - deyə Zülfüqarov bildirib.

Şöbə müdiri qeyd edib ki, həmin tibb işçiləri, əsasən İİV-ə yoluxmuş xəstəyə iynə vurduğu şprisə səhvən toxunan tibb bacıları olub: "Bəzən QİÇS-lə Mübarizə Mərkəzinə oynayarkən küçəyə atılmış şprislərə toxunan uşaqların valideynləri də müraciət edirlər".

Bütün bunlarla yanaşı, həkim bildirib ki, Azərbaycanda hər il bir neçə yüz yeni xəstə qeydə alınır: "İl ərzində onların sayı 580-630 nəfər ətrafında dəyişir. Bir çoxları hesab edirlər ki, rəqəmlər dəyişməz qalır və bunun da səbəbi bizim insanları daha az yoxlamağımızdır. Halbuki bu, belə deyil. Misal üçün, biz əvvəllər 400 nəfəri yoxlayırdıq, indi isə 750-dən artıq adamı yoxlayırıq".

N.Zülfüqarov əlavə edib ki, hazırda Azərbaycanda İİV-lə yaşayan adamların sayı 6,193 nəfərdir: "1987-ci ildən indiyə qədər ölkəmizdə bu virusa yoluxmuş 969 nəfər xəstə ölüb. Həkimə tez-tez müraciət edən və qanında İİV tapılan əsas risk qrupu inyeksiya yolu ilə narkotik maddə qəbul edənlərdir. Onların 44%-ə qədərinə virus ümumi istifadə edilən şprislərdən yoluxur".

Müsahibimizin dediyinə görə, hazırda ölkəmizdə İİV xəstəsi olan 4,980 nəfər (70%) antiretrovirus terapiyasına qoşulub. QİÇS-lə Mübarizə Mərkəzinin planlarına görə, 2020-ci ilə qədər bu statistika 90%-ə çatacaq.

12365
Teqlər:
həkim, müalicə, xəstəlik, QİÇS, İİV, Azərbaycan
Əlaqədar
İynə vasitəsilə narkotik qəbul edənlərin QİÇS-ə yoluxması artır
QİÇS-in ilkin əlamətləri bəlli oldu – Özünüzü yoxlayın
Minlərlə QİÇS xəstəsinin məlumatları oğurlandı
Moskvada COVID-19 hospitalı, arxiv şəkli

Koronavirusun fəsadlarının dərmanı dənizdən “çıxdı”

25
(Yenilənib 00:49 25.05.2020)
COVID-19-dan sağalan insanların bərpası üçün komponentlərin düzgün proporsiyaları tapılmalıdır, bu isə kompleks tədqiqat tələb edir

BAKI, 25 may — Sputnik. Rusiyada, Murmansk Dəniz Biologiyası İnstitutunun alqologiya laboratoriyası koronavirusun fəsadlarını dəniz kirpiləri ilə müalicə etməyi təklif edib.

Sputnik Azərbaycan RİA Novosti-yə istinadən bildirir ki, bu barədə laboratoriyanın müdiri Qriqori Voskoboynikov danışıb.

Alimin sözlərinə görə, COVID-19-dan sağalanlar dəniz kirpisinin kürüsü, yosunlar və bir sıra immun möhkəmlədici bitkilərin əsasında hazırlanmış preparatlar qəbul etməlidirlər. Bu cür preparatlar hələ iki il əvvəl kimya terapiyası keçmiş onkoloji xəstələrin reabilitasiyası üçün işlənilib hazırlanıb.

Dəniz kirpisinin kürüsü və bəzi bitkilər immun sistemini stimullaşdıran xüsusiyyətə malikdir. Ancaq COVID-19-dan sağalan insanların bərpası üçün komponentlərin düzgün proporsiyaları tapılmalıdır, bu isə kompleks tədqiqat tələb edir.

Mayın 24-də məlum olub ki, ABŞ hökuməti koronavirus vaksininin hazırlanması üçün Oksford Universitetinə 1 milyard dollardan çox vəsait ayırıb. Layihə uğurla yekunlaşacağı təqdirdə ABŞ 300 milyon doza vaksin əldə edəcək.

25
Mövzu:
Dünyanı cənginə almış bəla
Əlaqədar
Cərrah-onkoloq: Koronavirusa yoluxan xərçəng xəstələrini xilas etmək çox çətindir
Dörd həkimimizi koronavirus məhv etdi
Adil Qeybulla: "Vaksinasiya özü spekulyasiyadır"
İkinci mərhələ başlayır: Koronavirus əleyhinə peyvəndin bir addımlığında
Koronavirusdan ən çox belə xəstələr ölür
Moskvada xəstəxanada tibb işçiləri, arxiv şəkli

Koronavirusa yoluxanlar artdı: 47 nəfərin vəziyyəti ağırdır

282
Hazırkı dövrədək ölkəmizdə 4 122 nəfərin koronavirus infeksiyasına yoluxması faktı müəyyən edilib, onlardan 2 607 nəfər müalicə olunaraq sağalıb, 49 nəfər vəfat edib

BAKI, 24 may — Sputnik. Azərbaycanda 140 yeni koronavirus infeksiyasına yoluxma faktı aşkarlanıb, 101 nəfər müalicə olunaraq sağalıb və evə buraxılıb.

Sputnik Azərbaycan bildirir ki, bu barədə Azərbaycan Respublikası Nazirlər Kabineti yanında Operativ Qərargah məlumat yayıb.

Hazırkı dövrədək ölkəmizdə 4 122 nəfərin koronavirus infeksiyasına yoluxması faktı müəyyən edilib, onlardan 2 607 nəfər müalicə olunaraq sağalıb, 49 nəfər vəfat edib, 1466 nəfərin xüsusi rejimli xəstəxanalarda müalicəsi davam etdirilir.

Həmin şəxslərdən 47 nəfərin vəziyyəti ağır, 58 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 270 739 test aparılıb.

282
Mövzu:
Azərbaycanda koronavirus: son xəbərlər
Uesli Sneyder, arxiv şəkli

Holland ulduz yenidən "Qalatasaray"da

0
(Yenilənib 13:17 25.05.2020)
Uesli Sneyderin bu vəzifədə bu yaxınlarda istefa verən Hasan Şaşı əvəzləməsinin mümkünlüyü vurğulanıb.

BAKI, 25 may — Sputnik. Niderland millisinin sabiq futbolçusu Uesli Sneyder "Qalatasaray"a qayıda bilər. Sputnik Azərbaycan Türkiyə mətbuatına istinadən xəbər verir ki, onun İstanbul klubunda baş məşqçi Fatih Terimin köməkçisi təyin oluna biləcəyi iddia edilib. Sneyderin bu vəzifədə istefa verən Hasan Şaşı əvəzləməsinin mümkünlüyü vurğulanıb.

Qeyd edək ki, Uesli Sneyder 2013-2017-ci illərdə Türkiyənin "Qalatasaray" futbol klubunun şərəfini qoruyub. Türk klubunun heyətində 125 oyunda yaşıl meydançaya çıxan ulduz futbolçu 35 dəfə rəqib qapıçılarını məyus ediub.

0