Əməliyyat

Azərbaycanda xəstəyə süni ürək köçürüldü

83
(Yenilənib 14:51 11.02.2019)
İxtisaslı ürək-damar cərrahı Anar Əmrah və komandası tərəfindən süni ürək implantasiyası həyata keçirilib

BAKI, 11 fevral — Sputnik. Respublika Müalicəvi Diaqnostika Mərkəzində ağır ürək və ağciyər çatışmazlığı diaqnozu təyin edilmiş xəstə əməliyyat olunub. Sputnik Azərbaycan-a Səhiyyə Nazirliyindən daxil olan məlumata görə, ixtisaslı ürək-damar cərrahı Anar Əmrah və komandası tərəfindən süni ürək implantasiyası (ölkədə ilk dəfə olaraq, çəkisi 160 qram olan dünyanın ən kiçik süni ürəyi – HeartWare) uğurla həyata keçirilib.

"Azərbaycanda və bir sıra xarici ölkələrdə dəfələrlə müalicə alan və ağır vəziyyətdə olan 55 yaşlı xəstə Respublika Müalicəvi Diaqnostika Mərkəzinə müraciət edib. Kardioloqlar Abbasəli Abbasəliyev və Şahin Xəlilov tərəfindən maksimal tibbi müayinə aparıldıqdan sonra ürək-damar cərrahı Anar Əmrah və kardioloqlar tərəfindən qərara alınıb ki, xəstənin tək ümidi ürək transplantasiyası və ya süni ürək implantasiyasıdır" – deyə verilən məlumatda bildirilir.

Qeyd edək ki, süni ürək implantasiyası olunmuş xəstələr sağlam insanlar kimi əməliyyatdan sonra normal həyat tərzinə dönə bilirlər.

 

83
Teqlər:
Səhiyyə Nazirliyi, süni, ürək, əməliyyat, xəstə
Əlaqədar
Tibb Universitetində unikal əməliyyat keçirildi
Bıçaqlanan prezident əməliyyat olunacaq
Otuz beş yaşlı şəxs 62-ci dəfə əməliyyat olunub
Tibb Universitetində ağır əməliyyat gənci həyata qaytardı