Xəstəxana. Arxiv şəkli

Xəstə yetim uşaqları yoluxan tələbələr şokda: Baş həkim isə gizli çəkilişdən qəzəblənib

21786
(Yenilənib 16:05 08.01.2019)
Sümük-vərəm xəstəlikləri sanatoriyasını ziyarət edən gənclər dəhşətli mənzərə ilə üzləşiblər, sanatoriya rəhbərliyi isə ittihamlara qəribə izah verir

Ramella İbrahimxəlilova, Sputnik Azərbaycan

BAKI, 8 yanvar — Sputnik. Bakı Dövlət Universitetinin Jurnalistika fakültəsinin ikinci kurs tələbələri Bakının Buzovna qəsəbəsində yerləşən Y.Gindes adına Uşaq və yeniyetmələr üçün sümük-vərəm xəstəlikləri sanatoriyasını ziyarət ediblər. Oradakı uşaqların Yeni il bayramlarını təbrik etmək məqsədilə gedən tələbələr gördüklərindən dəhşətə gəliblər.

Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası
© Lalə Nizam tərəfindən təqdim olunub
Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası

Bu barədə Sputnik Azərbaycan-a BDU-nun 2-ci kurs tələbəsi, "Gəl danış" tələbə kollektivinin nümayəndəsi Lalə Nizam məlumat verib. İnternatın sakinlərini - 3-7 yaşlı uşaqları yoxsulluq, antisanitariya, cəmiyyətin laqeydliyi və tərbiyəçilərin qəddar davranışları əhatə edib. Bu soyuq, qaranlıq və çirkli otaqlarda uşaqlar yaşayır.

"Mən indiyə qədər uşaqların vəziyyətini görərkən düşdüyüm şokdan özümə gələ bilmirəm. Biz hədiyyələr, geyimlər və şirniyyatlar alaraq, oradakı yetim uşaqları təbrik etmək üçün sanatoriyaya getmişdik. İstəyirdik ki, onları sevindirək. Amma orada gördüklərimizdən sonra sevincimiz üzümüzdə dondu. Və biz qərara gəldik ki, burada baş verən hər şeyi öyrənək və ictimailəşdirək. Uşaqlar elə vəziyyətdə yaşamamalıdırlar. Uşaqlarla yaxşı rəftar edilməlidir, yetim uşaqlarla isə xüsusilə" - deyə Lalə Nizam bildirib.

Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası
© Lalə Nizam tərəfindən təqdim olunub
Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası

Tələbənin dediyinə görə, bu müəssisənin hər yerində antisanitariya hökm sürür: "Uşaqların normal yaşaması üçün heç bir şərait yoxdur. Yataq otağının pəncərələri qırıqdır, divarları çirkli və cızılmış haldadır, qızdırıcı yoxdur, uşaqlar çirkli və mələfəsiz döşəklərdə yatırlar. Hətta bir çox uşağın yatmağa çarpayısı belə, yoxdur".

"Sanatoriyanın mətbəxi isə, demək olar ki, yoxdur. Uşaqlar çirkli boşqablarda yemək yeyirlər. Mətbəx avadanlıqları elə vəziyyətdədir ki, onları sadəcə atmaq daha doğru olar. Hamam və tualet haqqında isə, ümumiyyətlə, danışmağa dəyməz. Tualetdən və uşaqların paltarlarından ətrafa pis qoxu yayılır. Və uşaqlar bu şərtlər altında vərəmdən müalicə olunurlar" - deyə L.Nizam bildirib.

Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası
© Lalə Nizam tərəfindən təqdim olunub
Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası

"Uşaqlara qayğı dəhşətli vəziyyətdədir. Əgər onlara tərbiyəçi demək mümkündürsə, o adamlar uşaqlarla normativlərdən kənar leksikonla danışır, onlarla qəddar rəftar edir, qışqırır və onları döyürlər. Bir-biri ilə ünsiyyət quran uşaqlar da qeyri-ixtiyari təhqiramiz ifadələrdən istifadə edirlər. Bizim gəlişimizdən qorxuya düşərək özlərini itirən tərbiyəçilər uşaqlara qışqırır və onları söyürdülər" - o, əlavə edib.

Sputnik Azərbaycan bu müəssisədə tərbiyə olunan uşaqların gələcəyi və oradakı ümumi vəziyyətlə bağlı məlumat almaq üçün Y.Gindes adına Uşaq və yeniyetmələr üçün sümük-vərəm xəstəlikləri sanatoriyasının baş həkimi Sima Həmidzadə ilə əlaqə saxlayıb.

Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası
© Lalə Nizam tərəfindən təqdim olunub
Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası

Məlum olub ki, sanatoriyanın yerləşdiyi binanın 150 yaşı var. Onu təmir etmirlər, çünki prezident İlham Əliyevin sərəncamı ilə Buzovna qəsəbəsində yeni dördmərtəbəli bina tikilir. S.Həmidzadənin sözlərinə görə, hazırda orada tamamlama işləri gedir və ola bilsin ki, may ayında köhnə sanatoriyanın sakinləri və işçiləri yeni binaya köçsün.

Baş həkimin sözlərinə görə, prezident sanatoriyanın tikintisinə 3 milyon manat vəsait ayırıb: "Ora lazım olan bütün avadanlıq alınıb. Sadəcə yeni binanın açılışını gözləmək qalır". 

Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası
© Lalə Nizam tərəfindən təqdim olunub
Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası

Hazırda sanatoriyada 36 uşaq tərbiyə alır. Həmidzadənin sözlərinə görə, tələbələr sutkanın qaranlıq vaxtında, özü də xəbər vermədən gəliblər.

"Onlar elə yerlərdən şəkillər çəkiblər ki, sanki bunu qəsdən ediblər. Biz tələbələri müəssisəyə buraxan işçiləri cəzalandırmışıq, çünki onların tələbələri içəri buraxmaq ixtiyarı yoxdur. Bəli, burada vəziyyət çoxdandır yaxşı deyil, amma bunun izahı da var" - deyə Həmidzadə bildirib.

Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası
© Lalə Nizam tərəfindən təqdim olunub
Buzovna qəsəbəsində uşaq və yeniyetmələr üçün sümük-vərəm xəstəlikləri sanatoriyası

Baş həkim sanatoriyanın mətbəxinin hansı səbəbdən olmadığına da aydınlıq gətirib. Deyib ki, burada gündə dörd dəfə yemək verilir: "Bura mərkəzləşdirilmiş qaydada hazır yeməklər gətirilir".

Lalə Nizamın tərbiyəçilərin uşaqlarla kobud rəftarı barədə dediklərinə gəlincə, baş həkim bunun yalan olduğunu iddia edib: "49 ildir burada işləyirəm və indiyə qədər burada bir dəfə də olsun xoşagəlməz hal baş verməyib".

21786
Teqlər:
Sputnik Azərbaycan, antisanitariya, tələbə, vərəm, uşaq, yetim, xəstə
Əlaqədar
Vərəm tüğyan edir – “SOS” verildi
Azərbaycan vərəmlə mübarizədə bəzi Avropa ölkələrini qabaqlayır
Professor: "İctimai nəqliyyatda vərəm yayıla bilər"
Vərəmlə mübarizə gününə həsr olunmuş konfrans keçirilib
Roma Kolizeyi

Peyvənd olunmayanlar Avropaya gedə bilməyəcək?

26
(Yenilənib 17:26 01.03.2021)
Hazırda dünyada vaksin çoxdur, bundan sonra bir az da artacaq. Yaxşı bəs məhz hansı preparatla peyvənd olunanlara Aİ-nin sertifikatını əldə etmək imkanı veriləcək?

BAKI, 1 mart — Sputnik, Maksim Sokolov. Ancaq məsələ bununla bitmir. Hazırda dünyada vaksin çoxdur, bundan sonra bir az da artacaq. Yaxşı bəs məhz hansı preparatla peyvənd olunanlara Aİ-nin sertifikatını əldə etmək imkanı veriləcək?

Avropa İttifaqı (Aİ) diplomatik idarələrinin rəhbərlərinin iclasından sonra frau kansler Angela Merkel bəyan etdi ki, xarici işlər nazirlərinin iclasında peyvənd sertifikatının tətbiq olunması barədə razılığa gəliblər. Bu sənədsiz Aİ ölkələrinə səfər etmək mümkün olmayacaq. Düzdür, razılaşma hələlik prinsipial xarakter daşıyır, layihənin detalları üç aydan sonra açıqlanacaq. Amma doğrudan da, məsələnin təfərrüatlarına aydınlıq gətirməyə ehtiyac var. Hər şeydən əvvəl vaksinasiyaya əks-göstərişi olanların məsələsi aydın deyil.

Müvəqqəti əks-göstərişi olan, yəni yaxın vaxtlarda koronovirus infeksiyasına yoluxanların məsələsi az-çox başa düşüləndir. Digər yoluxucu xəstəliklərdə olduğu kimi bu halda da bir müddət gözləyəndən sonra peyvənd olunmaq mümkündür. Ancaq daimi xarakterli xroniki xəstəlikləri olanlar da var axı. Bəs həmin xəstəliklərdən əziyyət çəkənlər necə olsun? Yoxsa, xroniki xəstələrin onsuz da tezliklə öləcəyini nəzərə alıb heç narahat olmağa dəyməz? Necə deyərlər, insan yoxdursa, problem də yoxdur. Yaxud da xarici işlər nazirləri bu fikirdədirlər ki, ağır xronik xəstəliyi olanlar elə Avropaya gəlməsələr, yaxşıdır?!

Ancaq məsələ bununla da bitmir. Hazırda dünyada vaksin çoxdur, bundan sonra bir az da artacaq. Yaxşı bəs məhz hansı preparatla peyvənd olunanlara Aİ-nin sertifikatını əldə etmək imkanı veriləcək?

Yəqin ki, Pfizer/BioNTech", "Moderna", "AstraZeneca"-dan ibarət Avroatlantik üçlüyü ilə peyvənd olunanlar heç bir maneə ilə qarşılaşmayacaqlar. "Pfizer" peyvəndi ilə vaksinasiya olunmusansa, Avropaya buraxılış vərəqən hazırdır!

Rusiya istehsalı olan ("Sputnik V" və "EpivacCorona"), eləcə də Çinin ("Sinovac Biotech", "CanSino Biologics", CNBG — "Sinopharm") peyvənd prepatarları ilə bağlı vəziyyət isə daha qəlizdir. Çox güman ki, bu preparatlarla vaksinasiya olunanlar Brüsselin müvafiq orqanlarından Avropa sərhədini adlamaq üçün sertifikat ala bilməyəcəklər.

Qeyri-demokratik ölkələrin istehsal etdiyi peyvəndin faydası və ya zərəri yalnız tibbi deyil, həm də siyasi məsələdir. Bəs işə siyasət qarışanda nə baş verir? Biz bunun nəticələrini "Şimal axını-2" təbii qaz kəməri layihəsinin timsalında müşahidə etdik – guya Rusiyanın təbii qazı "Siklon-B"-dən yüz qat daha təhlükəlidir. Məlum məsələdir ki, həndəsi teoremlər insanların maraqlarına toxunarsa, onların uğrunda belə müharibələr aparılardı. Qeyri-demokratik ölkənin peyvəndini tanımamaqla həmin dövlət üçün xoşagəlməz hal yaratmaq mümkündürsə, bundan niyə istifadə etməsinlər ki?

Bu mənada Aİ Komissiyasının rəhbəri Ursula fon der Lyayenin bu yaxınlarda (fevralın 17-də) verdiyi açıqlamalar çox xarakterikdir: "Rusiyanın COVID-19-a qarşı peyvənd strategiyası şübhə doğurur. Niyə Rusiya nəzəri olaraq digər ölkələrə milyonlarla doza peyvənd təklif edir, lakin öz əhalisinin peyvənd olunması ilə bağlı kifayət qədər tərəqqiyə nail ola bilməyib? Bu suala cavab verilməlidir".

Onun "kifayət qədər tərəqqi" deyəndə nəyi nəzərdə tutduğunu söyləmək çətindir. Digər tərəfdən, avropalı məmurun bu mövzuya toxunması nə dərəcədə məqsədəuyğundur? Axı Avropanın özündə də bu sahədə "kifayət qədər tərəqqi" əldə olunmayıb. Yoxsa, Macarıstan "Sputnik V" peyvəndi almazdı, Çexiya, Avstriya, İtaliya bu barədə fikirləşməzdi. Əgər Avropada hər addımda "Pfizer" peyvənd köşkü olsaydı, onlar niyə Rusiyaya üz tuturdular ki?

Bəlkə də Frau Ursula 19-cu əsrin sonlarındakı taxıl ixracı təcrübəsinin yenidən canlandırılmasına görə qəzəblənib. Hazırkı Səhiyyə Nazirliyinin o zamankı maliyyə naziri Vışneqradskinin prinsiplərinə əməl edib-etmədiyini dəqiq söyləmək çətindir. Bunun Rusiya peyvəndinin effektivliyi məsələsi ilə nə əlaqəsi olduğunu anlamaq çətindir. Peyvənd ya effektlidir, ya da deyil, vəssalam. Rusiyanın öz əhalisinin peyvənd olunması sahəsində "kifayət qədər tərəqqi" əldə edib-etməməsi Brüsselin əsas problemi ola bilməz axı? Əgər siz nəyin bahasına olursa olsun, Rusiya peyvəndindən imtina etmək istəyirsinizsə, bu başqa məsələ!

Əlbəttə ki, hər şey Ursuladan və onun həmfikirlərindən asılı deyil. Avropada Rusiya ilə yolları bağlamaq istəyənlərlə yanaşı, başqa maraqları olan qruplar da var. Məsələn, gəlirləri kəskin şəkildə azalsa da, ruslar hələ də turist kimi xarici ölkələrə səfər edə biləcək maddi imkana sahibdirlər. Və pandemiya başlamazdan əvvəl turizmdən gələn gəlir bir çox Avropa ölkəsinin (İtaliya, Fransa, Yunanıstan və s.) Ümumi Daxili Məhsulunun 10-15 faizini təşkil edirdi. Bundan başqa, həmin ölkələrinin əhalisinin böyük bir hissəsinin məşğulluq problemi bu sahənin hesabına həll olunurdu. İndi bu ölkələrdə insanlar yatanda da yuxuda rus turistlərinin hesabına əvvəlki gəlirlərinin geri qayıtdığını görürlər. Ancaq ideoloji cəhətdən sabit fikirli xanım olan frau von der Lyaeyeni bu məsələ bir o qədər də maraqlandırmır, əsas odur öz pul kisəsi boş qalmasın...

 

26
Adil Qeybulla

Pandemiya zamanı toylara icazə verilsə, hansı şərtlərə əməl edilməlidir həkim şərhi

27
(Yenilənib 08:25 01.03.2021)
Professor, həkim Adil Qeybulla deyir ki, pandemiya dövründə toyların necə keçirilməsi ilə bağlı insanlarda düzgün fikir formalaşmalıdır
Adil Qeybulla: “Toylar bərpa ediləndə bir sıra şərtlər mütləq nəzərə alınmalıdır”

“Pandemiya dövründə toyların keçirilməsi formatından danışarkən təkcə say nəzərə alınmalı deyil”. Sputnik Azərbaycan xəbər verir ki, bunu ATV-yə pandemiya dövründə toyların keçirilmə qaydaları haqqında danışarkən professor, həkim Adil Qeybulla deyib.

Onun sözlərinə görə, toylar bərpa ediləndə bir sıra şərtlər mütləq nəzərə alınmalıdır:

“Toya gələn şəxslərin tempraturu ölçülməli, həmçinin xəstəliklərlə bağlı xəbərdarlıqların edilməsi vacibdir. İmmun zəifliyi olan insanlara belə şənliklərdə iştirak etməməklə bağlı tövsiyyələr edilməlidir. Yəni pandemiya dövründə toyların necə keçirilməsi ilə bağlı insanlarda düzgün fikir formalaşmalıdır”.

Adil Qeybullanın geniş şərhinə audiofaylda qulaq asa bilərsiniz

27
Qarda qəza, arxiv şəkli

Qarlı havada bir-birinə dəyən avtomobillərin zərərini kim ödəyəcək?

28
"Qarlı hava şəraitində isə sığorta təşkilatlarına bu sığorta növü üçün sığorta ödənişləri həyata keçirmək çox çətindir"

 

Zülfiyyə Quluyeva, Sputnik Azərbaycan

BAKI, 1 mart — Sputnik. Ötən həftə əlverişsiz hava şəraiti ilə əlaqədar olaraq sürücülərə qarlı havada şəxi avtomobilləri ilə yola çıxmamaq tövsiyyə olunsa da, respublikanın avtomobil yollarında 50-dən çox yol-nəqliyyat hadisəsi baş verdi. Qarlı-şaxtalı hava yol nəqliyyat hadisələri zamanı avtomobillərə dəyən ziyanın necə ödənilməsi məsələsini də gündəmə gətirib. Sputnik Azərbaycan bu vəziyyətdə avtomobillərə dəymiş ziyanın kim tərəfindən ödənilməli olduğunu araşdırıb.

Sığorta üzrə ekspert Əli Bayramov Sputnik Azərbaycan-a açıqlamasında bildirib ki, nəqliyyat vasitələrinin mülki məsuliyyətinin icbari sığortası mövcuddur: "Qarlı hava şəraitində isə sığorta təşkilatlarına bu sığorta növü üçün sığorta ödənişləri həyata keçirmək çox çətindir. Çünki burada günahkar tərəfi təyin etmək çox çətindir. Hətta deyərdim ki, mümkünsüzdür. Belə hallarda vətəndaşlar hərəsi öz avtomobillərini təmir etdirmək məcburiyyətində qalır. Çünki, burada icbari sığorta haqqında qanunun tələbləri işləmir. Könüllü sığortaya gəldikdə (kasko sığorta) belə qarlı hava şəraitlərində dəymiş zərər hər bir halda sığorta şirkətləri tərəfindən ödənilir və ödənilməlidir. Çünki, kasko sığortada qarlı hava şəraiti istisnası yoxdur".

Sığorta üzrə ekspert İlkin İbrahimov isə deyir ki, qarlı havada yol-nəqliyyat hadisələri zamanı bir neçə avtomobilin iştirakı ilə qəza baş verərsə bu zaman araşdırma üçün müəyyən vaxta ehtiyac yaranır. Bu vaxt itkisi isə narazııqlara gətirib çıxarır: "Hesab edirəm ki, bu hallarla bağlı Daxili İşlər Nazirliyində operativ qərərgah yaradılmalı hadisələrdə zərərçəkənin və zərərvuranın müəyyən olunması üçün tədbirlər görülə bilər. Eyni zamanda bu hallarda ekspertizanın aparılması da müəyyən vaxt aparır. Ekspertizanın aparılması uzun vaxt alır. Avtomobil qəzalarında icbari sığortası olanlar qarşı tərəfə vurduqları ziyanla bağlı daha rahat nəfəs ala bilirlər. Bu hal 5 min manata kimi dəyən ziyanla bağlıdır. Əgər qarşı tərəfə dəyən ziyan daha çoxdursa o zaman yenə də könüllü sığortanın olması arzuolunandır".

Sığorta şirkətləri isə sığortası olan avtomobillərə qarlı hava şəraitində dəyən ziyanın məbləğinin ödənildiyini söyləyirlər.

"Xalq Sığorta" Şirkətinin Hadisələr şöbəsindən Sputnik Azərbaycan-a bildirdilər ki, qar çoğunu, qar fıtınası olduğu havalarda avtomobilə dəyən ziyan təminata düşmür: "Yox əgər qışa xarakterik olan qarlı-buzlu havada idarəetməni kimsə itirib digər avtomobilə ziyan vurursa, bu halda məsuliyyət sığortası işləyir. Tam ödəniş olunur".

Bununla belə şirkətdən bildirdilər ki, mütləq yol polisinin hadisə ilə bağlı protokolu olmalıdır: "Bəzən yol polisi işçiləri də buzlu havada günahkarı müəyyən etməyə çətinlik çəkir. Amma günahkar müəyyən olunubsa, hansı sığorta şirkətinin sığortaladığ avtomobil günahkardırsa, dəyən ziyan mütləq ödəməyə borcludur. Bizim şirkətdə sığorta olunan avtomobillərdən 60-a yaxın avtomobil buzlu havada iki ügn ərzində qəzanın törənməsinə səbəb olub. Həmin avtomobillərə dəyən ziyan ödəniləcək".

O ki, qaldı dövlət orqanın günahkarı müəyyən etmədiyi qəzada sığortanın necə ödənilməsinə, şirkətdən bildirdilər ki, qaununla bu iş dövlət orqanın üzərinə düşür, sığorta şirkətinin yox!

Vətəndaşların ən çox maraqlandığı məsələlərdən biri də zəncirvari qəzalarda avtomobillərə dəyən ziyanın kim tərəfindən ödənilməsidir. Sığorta şirkətindən bildirdilər ki, ziyanın ödənilməsi bu zaman hadisədən asılı olaraq dəyişir: "Zəncirvari qəzalar hər biri öz xüsusiyyətləri ilə fərqlənir. Bir dəqiqədən sonra hadisə olursa, o artıq tamamilə ayrı hadisə kimi qeydə alınır".

Sığorta şirkətindən onu da bildirdilər ki, icbari məsuliyyət sığortasına görə 5 min manat ödənilir. Zərər 5 min manatdan çoxdura zərərçəkənlər arasında bu məbləğ bölünür.

28