Qrip virusu, arxiv şəkli

Respublika Gigiyena Epidemiologiya Mərkəzindən çağırış: Gecikmədən peyvənd olunun

8005
(Yenilənib 18:41 02.11.2018)
Moskva sakinlərini avqustun sonlarında peyvəndə cəlb edirlər

Zarina Orucəliyeva, Sputnik Azərbaycan

BAKI, 2 noyabr – Sputnik. Mövsümi respirator xəstəliklər və qripdən peyvənd olunma mövsümü başa çatmaq üzrədır. Bunu Sputnik Azərbaycan-a Səhiyyə Nazirliyi yanında Respublika Gigiyena və Epidemiologiya Mərkəzinin direktor müavini Afaq Əliyeva deyib.

Афаг Алиева
© Sputnik / Murad Orujov
Афаг Алиева

Mövsümi xəstəliklərə yoluxmayan vətəndaşlara gec olmadan peyvənd olunmağı məsləhət görən A.Əliyevanın sözlərinə görə, qazanılan müvəqqəti immunitet yaza qədər kifayət edir: "Əgər peyvənd olunan şəxs respirator xəstəliklərə və qripə tutulsa belə, xəstəlik ağır formada deyil, yüngül formada keçəcək".

Eyni zamanda, Əliyeva izah edib ki, Azərbaycanda qrip virusuna qarşı planlı peyvəndləmə keçirilmir: "Lakin vətəndaşlar özəl tibbi müəssisələrinə müraciət edərək bu xidmətdən yararlana bilər. Adətən peyvəndləmə prosesi gec olmadan həyata keçirilməlidir. Lakin hələlik vaxt var".

Azərbaycanda epidemioloji vəziyyətə gəldikdə direktor müavini əmindir ki, vəziyyət sabitdir: "Bundan əlavə, 2017-ci ildən fərqli olaraq bu il insanlar bəzi respirator virusları daha asan formada keçirirlər. Hər həftə Səhiyyə Nazirliyi yayında Respublika Gigiyena və Epidemiologiya Mərkəzinə regional mərkəzlərdən məlumatlar daxil olur. Bu məlumatlar göstərir ki, Azərbaycan sakinləri arasında yalnız mövsümi soyuqdəymə xəstəlikləri müşahidə olunur".

"Xəstələrdə qrip şübhəsi olduğu vaxt laboratoriya tədqiqatları üçün yaxmalar götürülür. Oktyabrın 10-dan başlayan araşdırmalar zamanı 60-dan çox biomaterial tədqiq olunub. Lakin hələlik heç bir qrip virusu aşkarlanmayıb" — deyə mütəxəssis vurğulayıb.

Bakıda fəaliyyət göstərən özəl klinikalardan birinin həkim-infeksionisti Vasif Əliyev isə, Sputnik Azərbaycan-a bildirib ki, həm uşaqlar, həm də böyüklər peyvənd oluna bilər: "Qrip əleyhinə peyvənd hər il olunmalıdır. Peyvənd olunarkən bədənin temperaturu arta və iynə vurulan yerdə qızarmalar baş verə bilər, lakin digər ciddi əks göstərişi yoxdur".

Qeyd edək ki, bu gün özəl klinikalarda qrip əleyhinə peyvəndin qiyməti 30 manatdır.

Bu arada, ödənişsiz peyvənd olunma Rusiyada artıq ənənə halını alıb. Məsələn, Moskva sakinlərini avqustun sonlarında peyvəndə cəlb edirlər. 2018-ci ildə də belə olub. Bir neçə milyon insan "qış immunitetini" artıq alıb.

Həkimlər iddia edirlər ki, qripdən xəstələnmə halları daha çox peyvənddən imtina edən şəxslərdə görülür. Bu baxımdan, Rusiyada mövcud olan sözügedən praktikanın Azərbaycanda, xüsusilə də bir neçə milyon əhalinin sıx yaşadığı Bakıda tətbiqi təqdirəlayiq olardı.

8005
Teqlər:
peyvənd, qrip, virus, Afaq Əliyeva, Respublika Gigiyena və Epidemiologiya Mərkəzi, Səhiyyə Nazirliyi
Əlaqədar
Qripə qarşı peyvənd metroda vurulacaq
Qripdən 80 min insan ölüb
“Donuz qripi” onlarla insanı öldürdü
Azərbaycana yeni təyinat: O, həm də qrip və hepatit üzrə mütəxəssisdir
Sinovac CoronaVac peyvəndi, arxiv şəkli

Azərbaycanda COVID-19-a qarşı peyvəndin vurulacağı tarix açıqlandı

51
(Yenilənib 18:48 15.01.2021)
İbrahim Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

BAKI, 15 yanvar — Sputnik. Azərbaycanda vaksinasiyanın başlayacağı tarix açıqlanıb. Sputnik Azərbaycan-ın məlumatına görə, bu barədə Nazirlər Kabinetinin Mətbuat Xidmətinin rəhbəri İbrahim Məmmədov TRT Avaz-a müsahibəsində deyib.

O bildirib ki, gələn həftənin əvvəli Azərbaycanda vaksinasiyaya başlanılacaq: "Həm Türkiyə, həm də Azərbaycan Çin istehsalı peyvənd alıb. Azərbaycan Türkiyə ilə eyni vaksinləri alır. Bütün məsələlərdə olduğu kimi, bu məsələdə də Azərbaycan Türkiyə ilə həmrəylik nümayiş etdirdi".

İ.Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

51
Teqlər:
brifinq, Azərbaycan, peyvənd, Koronavirus, epidemiya, COVID-19
Koronavirus xəstəsi, arxiv şəkli

Şüa ilə koronavirusu müalicə etmək təhlükəlidir

8
(Yenilənib 01:13 15.01.2021)
"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür"

BAKI, 15 yanvar — Sputnik. Koronavirusun radiasiya dozaları ilə müalicəsi təhlükəli ola bilər. Radiasiya və ultrabənövşəyi şüalardan səthləri və havanı dezinfeksiya etmək daha yaxşıdır. Sputnik Azərbaycan Rusiya mətbuatına istinadla xəbər verir ki, bu barədə tibb elmləri doktoru, virusoloq Anatoli Altşteyn danışıb.

Rusiya və Özbəkistandan olan elm adamları zəif dozalı radiasiyanın koronavirusu və mutasiyalarını insana zərər vermədən məhv edə biləcəyini müəyyən ediblər.

Bu barədə əvvəllər Ural Federal Universitetinin mətbuat xidməti də məlumat vermişdi.

Universitetdən verilən məlumata görə, COVID-19-a radiasiya təsirinin tədqiqi Ural Federal Universiteti və Özbəkistan Respublikası Elmlər Akademiyasının alimləri tərəfindən aparılır. Birgə tədqiqatlar zamanı yumşaq rentgen və ultrabənövşəyi şüalanmanın koronavirusa təsirinin xüsusiyyətləri aşkar olunub.

"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür", - deyə Altşteyn bildirib.

Belə ki, bir insana içindəki koronavirusu öldürə biləcək dozada şüa verilərsə, onun özünə zərər vermək ehtimalı böyükdür.

Virusoloq buna alternativ olaraq qeyd edib: "Səthləri şüalandırmaq ən yaxşı dezinfeksiyadır. Havada bir virusu ultrabənövşəyi şüalarla öldürmək olar". 

8
Teqlər:
təhlükə, radiasiya, şüa, Koronavirus, epidemiya, COVID-19
Mövzu:
Yeni tip koronavirus pandemiyası
Distant təhsil, arxiv şəkli

Onlayn dərslərdən yayınan müəllimlərə xəbərdarlıq

0
Yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb.

BAKI, 15 yanvar — Sputnik. Onlayn dərslərə qoşula bilməyən müəllimlərin qeydiyyatı aparılır. Sputnik Azərbaycan-ın məlumatına görə, bunu "Pandemiya şəraitində tədrisin və imtahanların təşkili" mövzusunda vebinarda Azərbaycan Dövlət Pedaqoji Universitetinin tədris işləri üzrə prorektoru Eldar Aslanov deyib.

O bildirib ki, həmin müəllimlərin müqavilələrinin uzadılması zamanı bu məsələ nəzərə alınacaq: "Biz bu faktlar üzrə qeydiyyat aparırıq. Seçkilər və qeydiyyatlar zamanı bu amil nəzərə alınacaq. Bəzi tələbələr də yaranmış vəziyyətdən sui-istifadə edirlər. Amma bu, ən çox onların kadr kimi yetişməsində özləri üçün problem yaradacaq".

Xatırladaq ki, yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb. İmtahan sessiyası 4 həftə davam edəcək.

0