Masazır Duz Zavodu

Ümümdünya həyəcan siqnalı Azərbaycanda təlaşla qarşılanmır

5614
(Yenilənib 16:38 25.10.2018)
Duz, yoxsa duzlu plastik material: Azərbaycanlılar qida ilə birlikdə nə qəbul edirlər?

Zarina Orucəliyeva, Sputnik Azərbaycan

BAKI, 25 oktyabr — Sputnik. Azərbaycanda istehsal edilən xörək duzunun tərkibində plastik qatqı yoxdur. Sputnik Azərbaycan-ın məlumatına görə, yerli duz istehsalçıları son vaxtlar istifadə etdiyimiz duzun tərkibi ilə bağlı səslənən ittihamlara cavab verərkən belə deyiblər.

Dünyanın hər yerində alimlər müntəzəm olaraq xörək duzunun tərkibində plastik hissəciklər aşkarlayırlar. Analoji tədqiqatı İnçxon Milli Universitetinin tədqiqat qrupu aparıb. Onlar planetimizin müxtəlif guşələrində istehsalçıların istehsal etdiyi xörək duzundən 39 nümunə götürüblər. Ekspertiza 36 nümunədə plastik hissəciklər aşkarlayıb. Ən çox plastik dəniz duzunun tərkibində tapılıb.

İndoneziya istehsalı olan duzun tərkibində anormal dərəcədə yüksək miqdarda mikroplastik hissəciklər var. Ekspertlər qeyd ediblər ki, Asiya plastiklərlə ən çox çirklənmiş regiondur. Bunu xörək duzunun ekspertizası təsdiqləyir.

Azərbaycan da plastik tullantılarla həddindən artıq çirklənmədə istisna təşkil eləmir. Ölkənin bütün şəhər və rayonlarında dünyaca məşhur olan istehsalçıların istehsal etdiyi içkilərin plastik qablarının tullantılarına rast gəlmək mümkündür.

Artıq plastiklərin təbiətdə 100 ildən artıq qaldığı sübuta yetirilib. Əgər diqqəti o fakta yönəltsək ki, Bakıda əsas duz yatağı Masazır gölüdür, onda Azərbaycanda da xörək duzunun tərkibinin plastik hissəciklərdən xali olmadığı qənaətinə gələrik. Bu gölün ətrafında uzun illər ərzində insanların yaşadığını nəzərə alsaq, oranın ərazisinin məişət tullantıları və kanalizasiya çirkabı ilə çirkləndirildiyi heç kəsə sirr deyil.

Bir neçə il əvvəl bu göl nəhayət ki, çəpərlənib. Həmin yataqda "Azersun Holding"-in duz emalı zavodu tikilib. Şirkətin İctimaiyyətlə əlaqələr departamentinin rəhbəri Afiq Səfərovun Sputnik Azərbaycan-a açıqlamasına görə, onların emal etdiyi duzun tərkibində plastik hissəciklər ola bilməz.

"Çünki xammal hərtərəfli təmizlənmə prosedurundan keçir. Bizim zavodda duz əvvəlcə suda həll edilir, sonra hovuzlara tökülür və bundan sonra su buxarlandırılır. Bu yolla duz 99,9% təmizlənir" — deyə Səfərov bildirib.

"Əgər söhbət duz şaxtalarından çıxarılmış duzdan gedirsə, onda hansısa plastik tullantılardan danışa bilərik. Lakin, natrium xlor buxarlanma yolu ilə alındığından, bu ehtimal sıfıra bərabərdir. Bundan əlavə, fabrikimiz ən son texnologiya ilə təchiz olunub" — deyə şirkətin əməkdaşı bildirib.

Bununla yanaşı, Azərbaycanda kirli duz problemini uzun illərdir hüquq müdafiəçisi, Azad İstehlakçılar Birliyinin sədri Eyyub Hüseynov qaldırır. O, məhz Masazır gölündən alınan duzun təmiz olduğunu, lakin bunu başqa duz yataqları barədə deməyin mümkün olmadığını bildirir.

Hüseynovun sözlərinə görə, duz yataqları yerin dərin qatlarındadır və yeraltı axınlar vasitəsilə duz yuyularaq yerin səthinə çıxır. Üstəlik gölün suyunun çirklənmiş dəniz suyu ilə heç bir əlaqəsi yoxdur.

Azərbaycanda duzun keyfiyyəti barədə danışarkən, Qida Təhlükəsizliyi Agentliyinin rolunu kölgədə qoymaq düzgün olmazdı. Agentlik bizə yaxın zamanlarda ölkədə satılan duzla bağlı ətraflı məlumatları təqdim etməyə söz verib.

5614
Teqlər:
Sputnik Azərbaycan, xörək duzu, istehsal, hissəcik, plastik, duz, Azərbaycan
Əlaqədar
Bakıda yollara duz səpiləcək
Duzla müalicə. Təəccüblü faktlar!
Dünyanın ilk və yeganə duz mumiyası Azərbaycanda tapılıb
Bakıda maska taxmış şəxs

Yoluxanların sayı artdı, sərtləşməyə hazır olun!

60
Azərbaycanda koronavirus xəstələrinin 40 min 272 nəfəri müalicə olunaraq sağalıb, 635 nəfər vəfat edib. Aktiv xəstə sayı 4972 nəfərdir.

BAKI, 20 oktyabr — Sputnik. Azərbaycanda bu gün koronavirus infeksiyasına 584 yeni yoluxma faktı qeydə alınıb, 128 nəfər müalicə olunaraq sağalıb və evə buraxılıb.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada 5 nəfər COVID-19-dan vəfat edib. Hazırkı dövrədək ölkəmizdə 45 min 879 nəfərin koronavirus infeksiyasına yoluxması faktı müəyyən edilib. Onlardan 40 min 272 nəfər müalicə olunaraq sağalıb, 635 nəfər vəfat edib. Aktiv xəstə sayı 4972 nəfərdir.

Ötən müddət ərzində 1 milyon 241 min 664 test aparılıb. Bugünkü test sayı isə 9028-dir.

60
Koronavirus testi, arxiv şəkli

Yoluxma azalsa da, ölənlərin sayı artdı

21
(Yenilənib 17:48 19.10.2020)
Azərbaycanda indiyədək ümumilikdə 45295 nəfər koronavirus infeksiyasına yoluxub. Onlardan 40144 nəfər müalicə olunaraq sağalıb, 630 nəfər vəfat edib, aktiv xəstə sayı 4521 nəfərdir.

BAKI, 19 oktyabr — Sputnik. Azərbaycan Respublikasında koronavirus (COVID-19) infeksiyasına 331 yeni yoluxma faktı qeydə alınıb, 107 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 4 nəfər vəfat edib.

Azərbaycanda indiyədək ümumilikdə 45295 nəfər koronavirus infeksiyasına yoluxub. Onlardan 40144 nəfər müalicə olunaraq sağalıb, 630 nəfər vəfat edib, aktiv xəstə sayı 4521 nəfərdir.

Ölkədə son sutka ərzində 4612, hazırkı dövrədək isə 1232636 test aparılıb.

21
OPEC-in mənzil-qərargahı, arxiv şəkli

OPEC neftin bir barelinin qiymətinin 40 dollardan aşağı düşməməsini hədəfləyir

0
OPEC-in prezidenti Əbdülməcid Əttar 2021-ci ilin əvvəlindən etibarən neft qiymətlərində artım gözlənildiyini bildirib.

BAKI, 21 oktyabr — Sputnik. Neft İxrac Edən Ölkələr Təşkilatı (OPEC) və bu quruma üzv olmayan neft istehsal edən digər ölkələrdən ibarət OPEC+ qrupunun üzvləri 2020-ci ilin sonuna qədər neftin bir barelinin qiymətinin 40 dollardan aşağı düşməməsini hədəfləyir.

Sputnik Azərbaycan Türkiyə mediasına istinadla xəbər verir ki, bu barədə Əlcəzairin Energetika naziri və OPEC-in müvəqqəti prezidentliyini icra edən Əbdulməcid Əttar məlumat verib. O, OPEC+ qrupunun neft bazarını və qiymət sabitliyini qorumaq üçün bütün lazımi addımları atmağa qərar verdiyini deyib.

Yeni növ koronavirus (COVID-19) epidemiyası səbəbiylə dünyada neftə olan tələbatın gündəlik 9 milyon bareldən çox azaldığını bildirən Əttar 2021-ci ilin əvvəlindən etibarən neft qiymətlərində artım gözlənildiyini də bildirib.

Qeyd edək ki, aprel ayında OPEC+ qrupu ölkələri may ayının əvvəlindən iyulun sonuna qədər gündəlik neft hasilatını 9,7 milyon barelə, avqustdan ilin sonuna qədər isə 7,7 milyon barelə endirmək barədə qərar qəbul etmişdi.

0
Teqlər:
neft, OPEK, OPEC