Bakıda turistlər

Xaricdə bizi "soyanlar" ölkəmizdə vətəndaş hüquqları ilə dolaşırlar - AYRISEÇKİLİK

10219
(Yenilənib 15:05 02.10.2018)
Əcnəbi vətəndaş turist kimi gəlibsə, Azərbaycan vətəndaşına göstərilən hər bir xidmət ona da eyni qaydada göstərilir

İradə Cəlil, Sputnik Azərbaycan

BAKI, 2 oktyabr — Sputnik. Xarici ölkələrdə səhiyyə xidmətləri çox bahadır. Əgər sığortan yoxdursa və səfər zamanı başına hansısa bədbəxt hadisə gəlibsə, pulun olmasa, yəqin ki, həyatla vidalaşmalı olarsan.

İlham Əliyev, Azərbaycan Respublikasının Prezidenti
© Official website of President of Azerbaijan Republic

Çox uzağa getməyək, götürək elə qardaş ölkə Türkiyəni. Orada səhiyyə xidmətləri çox bahadır. Əgər əcnəbisənsə, bu qiymət 2-3 dəfə baha olur.

Bu barədə Sputnik Azərbaycan-a müraciət edən deyən Bakı sakini, 37 yaşlı İlahə Cəlilova bildirib: "Bir müddət əvvəl uşaqlarımla Antalyaya istirahətə getmişdim. Uşağın ayağı hovuzun kənarında sürüşdü və yıxıldı. Başı yerə dəydi. Bir müddət sonra qusmağa başladı. Biz səyahət sığortası etdirdiyimiz üçün şirkətlə əlaqə saxlayıb vəziyyəti dedik. Yarım saat sonra Təcili Yardım gəldi və uşağı xəstəxanaya apardılar. Həmin gün təkcə MRT və uşağın həkim tərəfindən müayinəsi 750 dollara başa gəldi. Bizə bildirdilər ki, əgər bir gün xəstəxanada qalmaq istəyiriksə, ümumilikdə 1200 dollar ödəməliyik".

Şikayətçi qeyd edib ki, yanında pul olmadığı üçün, onu xəstəxanaya gətirən sığorta şirkətinin nümayəndəsi pasportlarını alıb saxlayıb: "Bizə bildirdilər ki, sabah pulu ödəyib pasportunuzu ala bilərsiniz. Ertəsi gün Bakıdan mənə pul göndərdilər, borcumuzu ödəyib, pasportumuzu geri aldıq".

Maraqlıdır, Azərbaycanda da Türkiyədə və ya digər dövlətlərdə olduğu kimi əcnəbilər üçün səhiyyə xidmətləri bahadır? Sualımıza tapmaq məqsədilə kiçik araşdırma apardıq.

Miqrasiya məsələləri üzrə ekspert Azər Allahverənov bildirdi ki, Azərbaycanda da əcnəbilərə səhiyyə xidmətlərinin göstərilməsi digər ölkələrdəki vəziyyətdən kəskin şəkildə fərqlənmir: "Əsas məsələ odur ki, Azərbaycana istər turist, istərsə də başqa şəkildə gələn istənilən əcnəbinin səfər sığortası olmalıdır. Belə olan vəziyyətdə, əcnəbinin başına hər hansı pis hadisə gəldiyi zaman sığorta şirkətləri onun müalicəsi zamanı dəymiş zərəri ödəyir".

Ekspert təəssüflə qeyd etdi ki, xarici ölkələrə səfər edən insanlar çox zaman bu barədə düşünmürlər: "Məsələn, şengen viza verilən zaman sığorta sənədi tələb olunur və bu sənəd təqdim edilmədiyi təqdirdə viza verilmir. Xaricdə təhsil alan tələbələrə "yaşama icazəsi" o zaman verilir ki, həm tələbələr təhsil müddətində sığorta edilmiş olsunlar. Sığortası olmayan tələbələrə yaşamağa icazəsi verilmir".

"Çox zaman sığorta şirkətlərinə etibar olmadığı üçün insanlar sığorta etdirməyi düşünmürlər. Azərbaycana gələn əcnəbilərin də böyük əksəriyyəti ölkəyə gəldikləri zaman sığorta şəhadətnaməsi əldə etməyi düşünmürlər. Azərbaycanda əmək fəaliyyəti ilə məşğul olan əcnəbilər sığorta etdirməyə daha maraqlı olur və onlara daha bahalı sığorta paketlərini seçirlər" — deyə Allahverənov əlavə etdi.

Onun sözlərinə görə, xarici ölkələrdə səhiyyə xidmətləri bahadır: "Hər bir xidmətin formalaşmasını təmin edən şərtlər mövcuddur. Turizm şəhərlərində bütün xidmətlər baha olur. Bu səbəbdən də xarici ölkələrdə olduqda belə, dövlət səhiyyə müəssisələrinə müraciət etmək lazımdır".

Sualımıza Səhiyyə Nazirliyindən də cavab aldıq. Nazirliyin mətbuat xidmətindən məlumat verildi ki, ümumi qaydaya görə, əgər əcnəbi vətəndaş turist kimi gəlibsə, Azərbaycan vətəndaşına göstərilən hər bir xidmət ona da eyni qaydada göstərilir.

"Xarici vətəndaş işləyirsə, o zaman çox vaxt sığorta ilə müraciət edirlər. Sığortalı xəstələrə də eyni tibbi xidmət göstərilir" – deyə Nazirlikdən bildirildi.

Qeyd olundu ki, dövlət xəstəxanaları turistlərə yerli vətəndaşlarla fərq qoymadan pulsuz xidmət göstərir: "Özəl xəstəxanalarda da eyni qaydadır. Ödəniş Azərbaycan Respublikasının vətəndaşı və əcnəbi vətəndaş üçün eynidir".

10219
Teqlər:
xarici ölkə, bədbəxt hadisə, tibbi sığorta, əcnəbi, səfər, Azərbaycan, turist, xidmət
Əlaqədar
Prezident icbari tibbi sığorta ilə bağlı vacib sənəd imzaladı
Azərbaycanda tibbi sığorta qayqaları dəyişdi
İcbari tibbi sığortaya, tam olaraq keçiləcəyi tarix açıqlandı
İcbari tibbi sığorta üzrə avropalı ekspertlər Azərbaycana gəliblər
Sputnik V peyvəndi, arxiv şəkli

"Rusiya pul dalınca qaçmır": Avropada "Sputnik-V" peyvəndinin müdafiəsinə qalxdılar

13
(Yenilənib 17:59 18.01.2021)
Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

BAKI, 18 yanvar — Radio Sputnik. Rusiya koronavirus pandemiyasının qarşısını almağa qadir dərman hazırlayıb; "Monde diplomatique" fransız qəzetinin ispan nəşrinin yazdığına görə, Qərbdə rus elmi ilə bağlı cəhalət hökm sürür.

"Qərbin "Sputnik-V" peyvəndinin yaradılmasına laqeyd və şübhəli yanaşması Rusiyanın elmi ənənələri haqqında məlumatsızlıqdan irəli gəlir. "Dil, mədəni və siyasi fərqliliklərdən qaynaqlanan bu cəhalət Rusiyadakı təşəbbüslərə şübhə ilə yanaşır", – deyə jurnalist vurğulayır.

O qeyd edib ki, preparatın işlənib-hazırlanması Rusiyadakı elmi axtarışların bütöv bir tarixi elmi inkişaf zəncirinin nəticəsidir. Jurnalistin sözlərinə görə, Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

"ABŞ və Avropa Şurası kimi əczaçılıq laboratoriyalarının öz dərmanlarına astronomik qiymətlər qoyduğu ölkələrdən fərqli olaraq, Rusiya pul dalınca qaçmır", – deyə Federiko Kusko qeyd edir.

Onun sözlərinə görə, hazırda müxtəlif ölkələrdə "Sputnik-V" ilə bağlı geniş yayılmış bu cür şübhələr 50 ildən sonra heç kimin yadına düşməyəcək.

13

Koronavirusla mübarizənin yeni mərhələsi: Bakıda vaksinasiya necə başladı

24
(Yenilənib 17:02 18.01.2021)
Paytaxtın tibb müəssisələri koronavirusa qarşı hamıdan əvvəl peyvənd olunan şəxsləri qəbul etdi. Bunun necə baş verdiyini videoda izləyin.

Azərbaycanda vaksinasiya Çinin “CoronaVac” preparatından istifadə olunmaqla aparılır. Bu gün həmin preparat səhiyyə işçiləri və dövlət qurumlarında çalışanlar üzərində sınaqdan keçirildi. Daha sonra yaşı 65-dən yuxarı olan vətəndaşlar və hüquq-mühafizə orqanlarının pandemiyaya qarşı tədbirlərə cəlb olunmuş əməkdaşları peyvənd olunacaqlar.

Azərbaycanın tibb müəssisələrində peyvənd zonası yaradıldı - Reportaj >>

Qeyd edək ki, könüllü şəkildə peyvənd olunmaq istəyən vətəndaşlar bunun üçün elektron sistem vasitəsilə yaşayış yerlərinə ən yaxın tibb məntəqəsini və vaxtı seçməlidir. Lakin bundan əvvəl sahə həkiminin qəbulunda olmaq vacibdir.

24
Bakı məktəblərin birində, arxiv şəkli

Orta məktəbi vaxtından əvvəl bitirmək istəyənlər üçün imkan

0
(Yenilənib 17:57 18.01.2021)
İstedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

BAKI, 18 yanvar — Sputnik. Ümumi təhsilin hər hansı səviyyəsini vaxtından əvvəl bitirmək istəyən istedadlı şagirdlər üçün eksternat qaydasında imtahan keçiriləcək. Sputnik Azərbaycan-ın məlumatına görə, Bakı Şəhəri üzrə Təhsil İdarəsinin (BŞTİ) əmrinə əsasən, eksternat imtahanı yanvarın 19-da təşkil olunacaq.

Qeydiyyatdan keçmiş məktəblilərin biliyi test imtahanı vasitəsilə yoxlanılacaq. İmtahan hər fəndən 10 sual olmaqla, fənn proqramlarına uyğun hazırlanacaq və nəticələr müvafiq komissiya tərəfindən 100 ballıq şkala üzrə qiymətləndiriləcək. Test imtahanından uğurla keçən istedadlı şagirdlər müsahibəyə cəlb olunacaqlar.

Qeyd edək ki, istedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

0