Əhliman Əmiraslanov

Səhiyyə sistemimizdə çoxdan gözlənilən yenilik reallığa yaxınlaşır

793
(Yenilənib 15:00 25.09.2018)
Komitə sədri: "İcbari tibbi sığortaya keçməyi asanlaşdırmaq üçün qanunvericiliyə dəyişikliklər edilməlidir"

BAKI, 25 sentyabr — Sputnik. "Hazırda Azərbaycanda müalicəsi mümkün olmayan bir xəstəlik, patologiya yoxdur". Sputnik Azərbaycan xəbər verir ki, bunu Milli Məclisin Səhiyyə komitəsinin sədri Əhliman Əmiraslanov komitənin bu gün keçirilən iclasında deyib.

Komitə sədrinin sözlərinə görə, ölkəmizdə hər cür texniki imkan, şərait yaradılır ki, bütün xəstəlikləri müalicə edək: "Bəzən insanlar arasında düzgün təbliğat getmir. Xəstələri düzgün istiqamətləndirmək lazımdır. Hazırda tibb müəssisələri bütün müasir texnologiyalarla təmin olunub. Elə xəstəliklər var ki, tibb elmi onun qarşısında acizdir. Belə xəstələrdən isə istifadə etmək vicdansızlıqdır".

Ə.Əmiraslanov bildirib ki, bu gün vərəm dünyanı ən çox narahat edən problemdir və böyük insan tələfatına səbəb olur: "Bu məsələyə mühüm önəm veririk və gələcəkdə də onu diqqətdə saxlayacağıq".

"Həmçinin, şəkərli diabet xəstəliyi dünya ictimaiyyətini narahat edir. Səhiyyə Nazirliyi ilə birgə şəkərli diabetə dair dinləmə keçirməyi planlaşdırırıq" — deputat vurğulayıb.

Komitə sədri cəmiyyətdə çoxdan gözlənilən məsələyə də toxunub. Qeyd edib ki, icbari tibbi sığortaya keçməyi asanlaşdırmaq üçün qanunvericiliyə dəyişikliklər edilməlidir.

793
Teqlər:
Milli Məclisin Səhiyyə komitəsinin sədri Əhliman Əmiraslanov, xəstəlik, xəstə, səhiyyə, tibb, Azərbaycan
Əlaqədar
Nazir kollegiya iclası keçirdi – 1 baş həkim və 10 tibb işçisi işdən qovulub
Qaxda tibb bacısı özünü asdı
Beyləqanda məhkəmə tibbi ekspertini niyə öldürmək istəyiblər: Şok təfərrüat
Prezident icbari tibbi sığorta ilə bağlı vacib sənəd imzaladı
Məktəblərin birində, arxiv şəkli

Azərbaycanda koronavirusa yoluxan müəllim şagirdlərin sayı açıqlandı

3
Yanvar ayının 1-də virusa yoluxan şagirdlərin sayı 20 nəfər olubsa, təhsil işçiləri arasında bu rəqəm həmin dövrdə 5 nəfər təşkil edib.

BAKI, 22 yanvar — Sputnik. Azərbaycanda sentyabr ayından bu günədək koronavirusa yoluxmuş müəllim və şagird kontinentinin sayı açıqlanıb. Sputnik Azərbaycan bildirir ki, bu barədə təhsil nazirinin müşaviri Rüstəm Ağayev xüsusi karantin rejimi dövründə təhsil müəssisələrinin fəaliyyətinin təşkilinə dair keçirilən brifinqdə məlumat verib. O bildirib ki, sentyabr ayından indiyədək 14 758 nəfər şagird koronavirusa yoluxub. Təhsil işçiləri arasında yoluxma sayı isə 7090 olub. I-IV siniflərin arasında yoluxan şagirdlərin sayı 2246 idi. Bu da ümumi virusa yoluxan şagirdlərin cəmi 15%-dir. V-IX siniflərdə 4411, X-XI 7525 olub. Bu da ümumi şagirdlərin 51%-dir" .

Onun sözlərinə görə, yanvar ayının 1-də virusa yoluxan şagirdlərin sayı 20 nəfər olubsa, təhsil işçiləri arasında bu rəqəm həmin dövrdə 5 nəfər təşkil edib.

3
Teqlər:
Koronavirus, şagirdlər, müəllimlər
Mövzu:
Azərbaycanda koronavirus: son xəbərlər
 Azərbaycanda koronavirus infeksiyasına qarşı vaksinasiya

Azərbaycanda müəllimlərin bir qismi peyvənd ediləcək

8
(Yenilənib 12:59 22.01.2021)
"Əgər bu yaş qrupunda müəllimlər koronavirusa yoluxarsa, bu, həm ənənəvi təhsilin keçirilməsi, həmçinin də onların hospitalizasiyası baxımından da çətin olacaq"

BAKI, 22 yanvar — Sputnik. "Azərbaycanda yaşı 50-dən yuxarı olan müəllimlərin vaksin olunmasını ciddi şəkildə tövsiyə edirik". Sputnik Azərbaycan-ın məlumatına görə, bu sözləri bu gün Təhsil naziri Emin Əmrullayev keçirdiyi brifinqdə söyləyib. Nazir bildirib ki, yaşı 50-dən yuxarı olan müəllimlərin virusa yoluxma riski daha çoxdur: "Əgər bu yaş qrupunda müəllimlər koronavirusa yoluxarsa, bu, həm ənənəvi təhsilin keçirilməsi, həmçinin də onların hospitalizasiyası baxımından da çətin olacaq".

E.Əmrullayev bildirib ki, Bakı, Sumqayıt və Abşeronda fəaliyyət göstərən 16 698, bölgələrdə isə 32 mindən çox təhsil işçisinin vaksinasiya olunması nəzərdə tutulur. Amma nazir COVID-19-a görə vaksinasiyanın könüllü olduğunu da vurğulayıb.

8
Teqlər:
Koronavirus, Azərbaycan, vaksinasiya, müəllimlər
Mövzu:
Azərbaycanda COVID-19 əleyhinə vaksinasiya
Bədən tərbiyəsi dərsi, arxiv şəkli

Bir fənnin əyani tədrisi dayandırılır

0
(Yenilənib 13:40 22.01.2021)
Emin Əmrullayev əlavə edib ki, valideynlər uşaqlarını məktəblərə göndərməkdən ehtiyat edirlərsə, teledərslərdən faydalana bilərlər

BAKI, 22 yanvar — Sputnik. "Tövsiyəmiz ondan ibarətdir ki, fiziki tərbiyə dərslərinin keçirilməsində fiziki təmasların çoxluğu nəzərə alınaraq bu dərslərin əyani keçirilməsi dayandırılsın".

Sputnik Azərbaycan-ın məlumatına görə, bunu bu gün keçirilən brifinqdə Təhsil Nazirliyinin Təhsildə məzmun, tədris və qiymətləndirmə şöbəsinin müdiri Vəfa Yaqubova bildirib. Onun sözlərinə görə, yoluxma ehtimalına görə fiziki tərbiyə dərslərinin əyani formada keçirilməsi müvəqqəti dayandırılır.

V.Yaqublu məktəblərdə mərhələli təhsilə başlanıldıqdan sonra virtual dərslərin davam etdirilməsi və teledərslərin keçirilməsi məsələsinə də toxunub. O bildirib ki, övladını əyani təhsilə göndərməyən valideynlər uşaqların teledərsləri izləməsini təmin etməlidirlər: "Qeyd edim ki, əgər valideynlər fevralın 1-dən övladlarını məktəbə əyani təhsilə göndərməyəcəklərsə, bu zaman onların təhsili ilə bağlı məsuliyyəti də öz üzərlərinə götürürlər".

Təhsil naziri Emin Əmrullayev isə əlavə edib ki, valideynlər uşaqlarını məktəblərə göndərməkdən ehtiyat edirlərsə, teledərslərdən faydalana bilərlər. Nazir təhsil ilinin sonuna kimi teledərslərin davam etdiriləcəyini bildirib.

0
Teqlər:
əyani, dərs, məktəb