Xəstəxana dəhlizi, arxiv şəkli

Səhiyyə Nazirliyindən həyəcan təbili: Psixi xəstələr artıq heç kimə lazım deyil

9525
(Yenilənib 18:53 31.08.2018)
Azərbaycanlı həkimlər bu qənaətə gəliblər ki, psixi əlilliyi olan şəxslər artıq heç kəsə lazım deyil

Zarina Orucəliyeva, Sputnik Azərbaycan

BAKI, 31 avqust — Sputnik. Azərbaycanda psixiatrik xəstəxanaların 1165 pasientinin qohumları onlardan imtina edib. Bu barədə Sputnik Azərbaycan-a AR Səhiyyə Nazirliyi yanında Psixi Sağlamlıq Mərkəzinin direktoru Fuad İsmayılov məlumat verib.

Səhiyyə Nazirliyinin Psixi Sağlamlıq Mərkəzinin direktoru Fuad İsmayılov
© Sputnik / STR
Səhiyyə Nazirliyinin Psixi Sağlamlıq Mərkəzinin direktoru Fuad İsmayılov

O, qeyd edib ki, bu məlumatlar "Ümumdünya Səhiyyə Təşkilatının Avropa regionunda xəstəxanalarda psixiatrik əlilliyi olan şəxslərə xidmətlərin keyfiyyətinin qiymətləndirilməsi üzrə tədqiqatlar" çərçivəsində əldə edilib. Direktorun sözlərinə görə, bu gün ölkəmizdəki ən yaşlı psixiatrik xəstənin yaşı 70-dir: "O, 25 ildən artıqdır xəstəxanada qalır. Bu adamın qohumları yoxdur".

"Yaxud, görün nə baş verir? Misal üçün xəstənin valideynləri olub və onlar ölüblər. Qardaşı isə evi satıb və gedib. Yaxud bacısı ərə gedib, onun əri isə arvadının xəstə qardaşı ilə birlikdə yaşamaq istəmir" — deyə həkim bildirib.

İsmayılovun sözlərinə görə, bu adamların gedəcək yerləri yoxdur: "Qohumu olanların çoxunun qohumu isə onlarla əlaqələrini kəsib, yaxud da xəstəni evlərinə aparmaq istəmirlər. Psixiatrik xəstəxananın pasientlərinin 70%-i artıq 1 ildən çoxdur ki, burada müalicə alırlar. Eyni zamanda, 20% xəstəni 1 ildən 3 ilə yaxındır ki, heç kəs xəstəxanadan götürmür. 10% xəstə isə 3 ildən çoxdur ki, müalicə müəssisəsində yaşayır".

Müsahibimizin sözlərinə görə, bu, böyük problemdir: "Misal üçün, Maştağa qəsəbəsində yerləşən 1 saylı Psixiatrik Xəstəxanada xəstələr üçün 1,9 min çarpayılıq yer nəzərdə tutulub. Hazırda orada 2 mindən artıq pasient var. İl ərzində 12 minə yaxın adam orada müalicə alır. Yiyələri tərəfindən tərk edilmiş xəstələrin ucbatından həkimlər daha ağır xəstələrə çətinliklə yardım göstərə bilirlər. Xəstəxanada müalicə kursu orta hesabla il yarım nəzərdə tutulur".

Bununla yanaşı, İsmayılov etiraf edib ki, həkimlər tədqiqatlar nəticəsində özləri üçün maraqlı nəticələrə gəliblər: "Özünə tənqidi yanaşmasına baxmayaraq, bir sıra məqamlarda Azərbaycan psixiatriyası heç də Avropadan geri qalmır. Sadəcə inkişaf etmiş Avropa ölkələri psixi çatışmazlığı olan xəstələrin cəmiyyətə inteqrasiyasına daha çox diqqət ayırır. Misal üçün onları yaşayış yeri, iş, sosial xidmətlərlə təmin edirlər. İnkişaf etmiş Avropa ölkələrində ümumilikdə səhiyyə büdcəsinin 7%-dən çoxu psixi sağlamlıq məsələlərinə xərclənir. Azərbaycanda isə bu göstəricilər Şərqi Avropa ilə daha oxşardır".

9525
Teqlər:
psixiatrik xəstəxana, direktor, psixi xəstə, Fuad İsmayılov, qohum, müalicə, həkim, ailə, Səhiyyə Nazirliyi, Azərbaycan
Əlaqədar
Dəhşətli xəstəlik Avropaya geri qayıdıb, ölüm faktları qeydə alınıb
Zaqatala sakini özü də bilmədən xərçəng xəstəliyinin dərmanını yetişdirib
Azərbaycanlı Türkiyədə dəhşətli xəstəliyə düçar oldu, qohumlarını da xəstəxanalıq etdi
Şəkərli diabet xəstələrinə xoş xəbər - RƏSMİ
Koronavirus testi, arxiv şəkli

Azərbaycanda koronavirusa yeni yoluxanların sayında ciddi artım var

18
Son sutkada Azərbaycanda koronavirusa 988 yeni yoluxma faktı qeydə alınıb, 11 nəfər isə bu xəstəlikdən vəfat edib.

BAKI, 28 oktyabr — Sputnik.Azərbaycanda bu gün koronavirus infeksiyasına 988 yeni yoluxma faktı qeydə alınıb, 340 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 11 nəfər COVID-19-dan vəfat edib. Hazırkı dövrədək ölkəmizdə 52 min 137 nəfərin koronavirus infeksiyasına yoluxması faktı müəyyən edilib. Onlardan 42 min 033 nəfər müalicə olunaraq sağalıb, 699 nəfər vəfat edib. Aktiv xəstə sayı 9405 nəfərdir. Ötən müddət ərzində 1 milyon 319 min 474 test aparılıb. Bugünkü test sayı isə 11426-dır.

18
Teqlər:
Koronavirus, epidemiya, COVID-19
Əlaqədar
Alimlər koronavirus zamanı karantin rejiminin tətbiq olunmasına qarşı çıxdılar
Daha 20 şagirddə koronavirus aşkarlandı
Azərbaycanda koronavirus xəstəsi yaşayış yerini icazəsiz tərk etdi
Koronavirus daha tez öldürməyə başlayıb
Koronavirus da öz işindədir: Azərbaycanda bir sutkada 230 nəfərdə COVID-19 aşkarlandı
Qoca erməni

Astronomik rəqəmlər - Ermənistanda yoluxanların sayı artır

26
(Yenilənib 13:19 28.10.2020)
Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

BAKI, 28 oktyabr — Sputnik. Ermənistanda koronavirusa yoluxanların sayı 82651-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2241 nəfər artıb.

Ermənistanda son gündə daha 21 nəfər ölüb. Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 44 milyonu keçib, 1,17 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

26
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0