Telefonda sms oxuyan adam

Gözünüz telefonda olsun: 39 manatlıq möcüzəli SMS bunlar başınıza gəlsə, nətərdi?

2181
(Yenilənib 11:28 20.06.2018)
Şəxsən sizə özəl təklif: 315 manatlıq çek-up müayinəsindən cəmi 39 manata keçmək fürsəti

BAKI, 20 iyun — Sputnik. Çox adamın bildiyi bir lətifə var, "olsa, nətərdi" söhbəti. Bilməyənlər üçün qısaca arayış:

Qurban ağanın qızına qonşu mahaldan elçi gəlir. Qıza talib olan oğlan özünü Əhməd ağa kimi təqdim edir. Təbii ki, ağa oğlanın var-halı ilə maraqlanır. Və gələcək kürəkəni ilə aralarında belə bir dialoq keçir:

— Ağa, obanın ən hündür yerində dəbdəbəli bir imarət olsa, nətərdi?

— Yaxşı.

— 50 hektarlıq fermer təsərrüfatı olsa, nətərdi?

— Çox yaxşı.

— O fermada 100 baş iribuynuzlu, 1000 baş xırda buynuzlu mal-qara olsa, nətərdi?

— Əla.

— Fermada nökər-naib qismində 20 ailə çalışsa, nətərdi?

— Əntiqə!

Beləcə, razılıq əldə olunur, şirinçay içilir, bir müddət sonra da toy edib gəlini köçürürlər. Nəhayət, Qurban ağa ailəsini də yığıb qızının evinə — qızgördüyə yollanır. Qonşu mahalın girişində dayanan adamdan Əhməd ağanın imarətinin yerini soruşurlar. Adam duruxur və deyir: "Bu mahalda Əhməd adlı ağa yoxdur, amma kəndin aşağısında "Yoluq Əhməd" adlanan bir kasıb yaşayır.

Qurban ağa ürəyində "Bu adam mənim kürəkənimi tanımır" deyə düşünür və yola davam edirlər. Yolboyu kimdən Əhməd ağanın malikanəsini soruşurlarsa, eyni cavabı alırlar: "Buralarda "Yoluq Əhməd"dən başqa Əhməd yaşamır".

Əlqərəz, məcbur olub "Yoluq Əhməd"in evinə üz tuturlar. Çatanda nə görsələr, yaxşıdır? Uçuq-sökük bir daxma… Həyətdə Qurban ağanın qızı çırpı yığıb ocaq qalayır, Əhməd də eşşək arabası ilə gətirdiyi ot-ələfi arabadan boşaltmaqla məşğuldur.

Qurban ağanın cin vurur beyninə. "Ayə şərəfsiz, bəs sən mal-mülk belə, nökər-naib belə danışırdın, məni aldadırdın?" deyib cumur oğlanın üstünə. Kürəkən də heç tövrünü pozmadan qayıdır ki, "Ağa, bəyəm mən sadaladığım var-dövlətə sahib olduğumu dedim? Dedim ki, olsa, nətərdi, sən də cavab verdin ki, əla. Daha gerisini soruşmadın deyə, mən də izahat vermədim"…

… Bizim səhiyyəmizdəki həkim-xəstə münasibətlərini necə də xatırladır, deyilmi? Belə ki: Həkim yanına gələn xəstənin yaşadığı bütün sıxıntıları (nəzəri kitablardan oxuduqlarını) sadalayır və soruşur: "Bu əlamətlər sizdə varmı?" Xəstə də sevincək (çox şükür, qurtulacam deyə) təsdiq edir. Və həkim müdrikcəsinə başını yelləyir, sonra yanındakı tibb bacısı ilə dünən "hörmət" etməyən "yaramaz" xəstənin "nankorluğunu" müzakirə edə-edə başlayır qarşısındakı A4 vərəqində anlaşılmaz xətlə nələrsə yazmağa.

Bir ay sonra xəstə yenə gəlir və "həkim, axı, siz mənim dərdimin nə olduğunu bildiniz, yazdığınız dərmanları da qəbul etdim, amma sağalmadım" deyir. Həkim yenə müdrik görkəm, bir az da incik sifət alıb cavab verir: "Mən sizdən filan əlamətlərin sizdə olub-olmadığını soruşdum, sağalacağınıza dair bir vəd verdimmi? Xeyr".

Ya da öz başıma gələndən misal çəkim. Dövlət xəstəxanalarının birindən SMS aldım ki, "Şəxsən sizə özəl təklif: 315 manatlıq çek-up müayinəsindən cəmi 39 manata keçmək fürsəti". Bilmirəm, mazaxizm əlamətindəndir, ya nədəndir aldadılmağa ehtiyac hiss etdim və getdim xəstəxanaya.

Qəbuluna düşdüyüm ilk həkim (ümumi müalicə həkimi) şikayətçi olduğum problemi dilə gətirməyimə belə, imkan vermədən buyurdu ki, "sənin problemini tam dəqiq öyrənsək, nətərdi?". "Nətər olacaq, əntiqə" dedim. Yerindəcə kağıza 9 sıra rəqəmli bir siyahı yazıb laboratoriyaya göndərdi. Arxamca da mülayim səslə ərz etdi ki, "narahat olma, ümumi qan analizi paketə daxildir". Bunun nə demək olduğunu qanammasam da, utandığımdan soruşmadım da. Amma sonra başa salacaqlarmış…

Bəli, laboratoriya otağında izah etdilər ki, o siyahıdakı 1-ci analiz paketə (yəni 39 manata) daxildir, lakin geri qalan 8 növ analiz üçün gərək ödəniş etməliyəm. Bu da cəmi-cümlətani 75 manat edirmiş.

Sıra növbəti otağa çatdı. İçəri girər-girməz qastroentroloq (mədə-bağırsaq həkim) barmağı ilə yan otağı göstərdi və işarə etdi ki, sonra bura gəlim (adam telelefonla danışırdı da, neyləsin). Yan otaqdakı yaşlı qadın da sanki mənim gəlişimi gözləyirdi. Sevincək qabağıma gəldi ki, "səni bir qəşəng UZİ-dən keçirsəm, sonra soldakı otaqda bir qəşəng rentgen olunsan, nətərdi?". "Yaxşıdır, amma paket…" demək istəyirdim ki, hər müayinəyə 20-cə manat ödəyəcəyimi söylədi. Ya Allah, bu da belə.

Növbədə kardioloq müayinəsi vardı. Otağa girdiyimdə burnuma "priyatnı" kartof qızartması iyisi gəldi. Həkim mətbəx kimi istifadə etdiyi yan otaqdan qışqırdı ki, "ürəyini "ot i do" yoxlasaq, nətərdi?" Cavab verdim ki, "pis olmaz, bəs 39?". Cavabımın ikinci — sual hissəsini eşitmədi deyəsən və əl-ağzını yaxalaya-yaxalaya (normal olaraq naharda adamın əlləri və ağzı yağlaşov olur) "Onda vaxt itirmə, qaç filan otağa, sonra bura qayıt" deyib məni otaqdan çıxardı.

Burada aparatın arxasında oturan həkim məsləhət gördü ki, əvvəl kardioqram etsin (bəzi problemlər bu aparatda bilinirmiş), ardınca exo-kardioqram etsin (birincidə görünməyənlər də burda görünürmüş), nəhayət ürəyimin ritmini nəzarətdə saxlamaq üçün xüsusi aparat qoysun, həmin cihazı bir sutka üzərimdə gəzdirim ki, ürəyimin necə döyündüyü tam dəqiqliyi ilə bəlli olsun. Ardınca da hesabladı: "Deməli, 20+30+50=100, hamısı birlikdə 100 manat edir".

Çek-up müayinə sırasında nevropatoloq yoxlanışına növbə çatdı. Zatən, siyahıda olmasa belə, artıq əsəblərimi müayinə etdirməyim şərt idi. "Gəl-gəl" dedi qapının arasından boylandığımı görən həkim. "Tak, belə edək…" barmaqlarını stola taqqıldada-taqqılda söhbətə başladı.

— Beynini bir qəşəng MRT etdirsək, nətərdi?

— …

— Gedirsən "…" klinikasına, bax bu kağızı verirsən onlara, aparatdan keçirsən və cavabı da götürüb qayıdırsan yanıma. "Xoroşo?"

— Ay həkim, bu paket, 39… "Voopşe" MRT etdirməsəm, nətərdi?

— Yox, onda bilmərik axı, nə var-nə yox. 100 manat canından artıq deyil ki.

— Hə də…

P.S.

"…" klinikasına gedə-gedə yolboyu elə hey "75+20+20+20+30+50=215-i başa düşdüm də, MRT-yə fəda olacaq 100-lüyün bu xəstəxanaya nə dəxli?" deyə düşündüm, amma cavab tapa bilmədim. Yəqin mənim qafam almır, hər halda bir bildikləri var.

2181
Teqlər:
çek-up, nətərdi, müayinə, otaq, şikayət, xəstə, qəbul, həkim, sual, xəstəxana, cavab
Əlaqədar
Paxlalı bitkilər daha çox hansı uşaqlara mənfi təsir göstərir- həkim məsləhəti
Məşhur həkimin başına iş gəldi, pasienti gözlənilmədən öldü – VİDEO
Həkimdən vətəndaşlara önəmli tövsiyə
Səhv həkim diaqnozu gəncin əl və ayağının kəsilməsinə səbəb oldu
İsti aylarda tərləmədən necə qurtulmalı - Həkim məsləhəti
Həkim, arxiv şəkli

Bir xəstəxanada altı nəfər yoluxdu, baş həkimi Bakıya gətirdilər

108
(Yenilənib 00:41 08.07.2020)
Beyləqan Mərkəzi Rayon Xəstəxanasından 5 tibb bacısının analizlərinin cavabı da pozitiv çıxıb. Onlar başqa xəstəxanalara yerləşdiriliblər

BAKI, 7 iyul — Sputnik. Azərbaycanda daha bir həkim COVID-19-a yoluxub.

Sputnik Azərbaycan APA-ya istinadən bildirir ki, Beyləqan Mərkəzi Rayon Xəstəxanasının baş həkimi Əli Məmmədovun koronavirus testinin nəticəsi müsbət çıxıb.

O, müalicə üçün Bakıdakı Mərkəzi Neftçilər Xəstəxanasına yerləşdirilib. Vəziyyətinin qənaətbəxş olduğu bildirilir.

Əli Məmmədov APA-ya açıqlamasında bildirib ki, bir həftə əvvəl onda COVİD-19 virusu aşkarlandıqdan sonra paytaxta aparılıb.

O, müalicənin nəticələrinin kafi hesab olunduğunu deyib: “Nəfəs almaqda bəzən çətinlik olur. Belə olduqda oksigen verirlər. Bəzən hərarətim olur, ancaq vəziyyətim stabildir. Ailə üzvlərimdən heç kimdə COVİD-19 aşkarlanmayıb. Lakin Beyləqan Mərkəzi Rayon Xəstəxanasından 5 tibb bacısının analizlərinin cavabı da pozitiv çıxıb. Onlar başqa xəstəxanalara yerləşdiriliblər”.

108
Teqlər:
tibb bacısı, həkim, Beyləqan, Koronavirus, COVID-19
Mövzu:
Azərbaycanda koronavirus: son xəbərlər
Əlaqədar
Koronavirus "gündəliyimiz": 537 yeni yoluxma, 7 nəfər vəfat edib
Azərbaycanda yenə həkim koronavirusdan dünyasını dəyişdi
Bu qurum əməkdaşlarını koronavirusa görə testdən keçirəcək
Bu əsl faciədir - ATU-da 57 həkim koronavirusa yoluxub
Azərbaycanın bu bölgəsi koronavirusdan qurtuldu?
Koronavirus testi, arxiv şəkli

Koronavirus "gündəliyimiz": 537 yeni yoluxma, 7 nəfər vəfat edib

175
(Yenilənib 19:13 07.07.2020)
İndiyədək ölkədə ümumilikdə 21 374 nəfərin koronavirus infeksiyasına yoluxması faktı müəyyən edilib, onlardan 12 635 nəfər müalicə olunaraq sağalıb, 265 nəfər vəfat edib

BAKI, 7 iyul — Sputnik. Azərbaycan Respublikasında koronavirus (COVID-19) infeksiyasına 537 yeni yoluxma faktı qeydə alınıb, 453 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

View this post on Instagram

A post shared by Sputnik Azərbaycan (@sputnik.az) on

İndiyədək ölkədə ümumilikdə 21 374 nəfərin koronavirus infeksiyasına yoluxması faktı müəyyən edilib, onlardan 12 635 nəfər müalicə olunaraq sağalıb, 265 nəfər vəfat edib, 8 474 nəfərin xüsusi rejimli xəstəxanalarda müalicəsi davam etdirilir.

175
Mövzu:
Azərbaycanda koronavirus: son xəbərlər
Əlaqədar
Azərbaycanın bu bölgəsi koronavirusdan qurtuldu?
Sonun başlanğıcı – Koronavirus vaksininin vurulduğu könüllülər ilk dəfə danışdılar
Bu qurum əməkdaşlarını koronavirusa görə testdən keçirəcək
Azərbaycanda yenə həkim koronavirusdan dünyasını dəyişdi
Bu əsl faciədir - ATU-da 57 həkim koronavirusa yoluxub
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar