Ümumdünya vərəmlə mübarizə gününə həsr olunmuş konfrans

Vərəmlə mübarizə gününə həsr olunmuş konfrans keçirilib

52
Çoxsaylı dərmanlara davamlı vərəmdən sağalma 2016-cı ildə 59% təşkil edib

BAKI, 6 aprel — Sputnik. "Sağlamlığa Xidmət" İctimai Birliyinin təşəbbüsü ilə Ümumdünya vərəmlə mübarizə gününə həsr olunmuş konfrans keçirildi.

Konfransı giriş sözü ilə açan "Sağlımlığa Xidmət" İctimai Birliyinin sədr müavini Pərvanə Vəliyeva bildirdi ki, Ümumdünya Səhiyyə Təşkilatının məlumatına görə, 2000-2016-cı illər ərzində dünyada 53 milyon insanın həyatı bu xəstəlikdən xilas olsa da, hər gün 28500 insan vərəmlə xəstələnir, hər gün 4500 insan vərəmdən vəfat edir: "2016-cı ildə 1 milyon uşaq vərəmlə xəstələnib. 210 min uşaq isə vərəmdən vəfat edib. 2016-cı ildə vərəmə tutulmuş 10.4 milyon insandan yalnız 6.3 milyonu aşkar edilib və qeydiyayata alınıb. Vərəm daha çox Hindistan, İndoneziya, Çin, Filippindədir. Çoxsaylı dərmanlarla davamlı vərəmdən sağalma 2016-cı ildə 59% təşkil edib".

Daha sonra İctimai Birliyin sədri Elçin Muxtarlı çıxış edərək layihənin əhəmiyyətindən danışdı. O, bildirdi ki, vərəm bəşəriyyət yaranandan dünyada ən çox ölümə səbəb olan yoluxucu xəstəlikdir: "Vərəm hava vasitəsilə yayılır. Vərəm əlamətləri hiss edilən zaman həkimə müraciət etmək lazımdır".

E. Muxtarlı qeyd etdi ki, vərəmlə xsətələnmiş şəxs vərəm müəssisəsində qeydiyyata götürüldükdən sonra o öz faktiki yaşadığı ünvana və yacud iş yerinə yaxın məsafədə yerləşən tibb məntəqəsinə gedərək, tibb işçisinin nəzarəti altında müalicə ala bilər. Vərəm müalicəsinə başlayan şəxsdə müalicənin ilk günlərində başqalarını yoluxdurma təhlükəsi aradan qalxır.

Tədbirdə çıxış edən İctimai Birliyin layihə üzrə koordinatoru həkim Çingiz Ramazanlı bildirdi ki, vərəm xəstələri çox zaman bunu etiraf etməkn çəkinir. Əslində vərəm əlamətləri müşahidə edilən kimi dərhal həkimə müraciət etmək, müalicəyə erkən başlamaq bu xəstəliyin tez sağalmasına səbəb olur: "Həkimin təyin etdiyi müalicə sxeminə ciddi riayət edin. Müalicə sxeminə uyğun olaraq tələb olunan müddətədək müalicəni davam etdirin. Dərman preparatlarını təyin olunmuş dozada qəbul edin. Unutmayın ki, vərəm müalicəsinə başlayan şəxsdə, müalicənin ilk günlərində başqalarını yoluxdurma təhlükəsi aradan qalxır".

Tədbirdə Ədliyyə Nazirliyi Tibb Baş İdarəsi Müalicə işinin təşkili idarəsinin rəisi Füzuli Hüseynov çıxış edərək, vərəmin fəsadlarından və layihənin əhəmiyyətindən danışdı.

Konfransda Qlobal Fondun maliyyə dəstəyi ilə Azərbaycanda ilk dəfə olaraq çəkilmiş vərəm haqqında maarifləndirici qısa metrajlı film təqdim oludu və fevral ayında elan olunmuş "Vərəm haqqında ən yaxşı məqalə" jurnalist yazıları müsabiqəsinin qaliblərinə mükafatlar təqdim olundu.

Qeyd edək ki, Azərbaycanda vərəmə effektiv nəzarətin gücləndirilməsi sahəsində vərəm üzrə çalışan QHT-lərin əməkdaşlığını təmin etmək, bu sahədə vətəndaş cəmiyyəti təşkilatlarının potensialını artırmaq məqsədilə İİV/QİÇS, Vərəm və Malyariya ilə Mübarizə üzrə Qlobal Fondun tövsiyəsi və Azərbaycanda Səhiyyə Sahəsində Beynəlxalq Proqramlar üzrə Ölkə Əlaqələndirmə komissiyasının (ÖƏK) tələbi ilə 2011-ci ilin sentyabrında müxtəlif qeyri-hökümət təşkilatlarının (QHT) Vərəm əleyhinə Koalisiyası yaradılıb.

Koalisiyanın tərkibinə "Həyat" İB, Azərbaycan Qızıl Aypara cəmiyyəti, "Sağlamlığa Xidmət" İB, "Ftiziatrlar və Pulmonoloqlar" İB və vərəmin təsirinə məruz qalmış icma nümayəndələri daxildir. Ölkədə DD vərəmin geniş vüsət aldığı və bu sahədə əhali arasında stiqmanın yüksək səviyyədə olması, vərəm müalicəsinə sadiqliyin artırılması məqsədilə vərəmin təsirinə məruz qalmış insanların maarifləndirilməsi və onlar arasında psixo-sosial dəstəyə ehtiyac, Azərbaycan vərəm əleyhinə QHT Koalisiyasının yaranmasını zəruri edən amillərdən idi. Koalisiya üzvləri vərəmə qarşı həssas olan müxtəlif əhali qruplarının mənafeyini təmsil edərək, onlara sosial, maddi-mənəvi, psixoloji yardım göstərir.

Şərqi Avropa və Mərkəzi Asiya ölkələrinin regional vərəm proqramı TB REP-in Azərbaycan üzrə vətəndaş cəmiyyəti əlaqələndiricisi "Sağlamlığa Xidmət" İctimai birliyinin təşəbbüsü və Vərəm əleyhinə Koalisiyanın dəstəyi ilə 6 aprel 2018-ci il tarixində Ümumdünya vərəmlə mübarizə gününə həsr olunmuş konfrans keçiriləcək.

52
Bakıda sərtləşdirilmiş xüsusi karantin rejimi

Tibbi maska infeksiya mənbəyinə çevrilərsə...

7
(Yenilənib 16:00 20.04.2021)
Azərbaycan Həkimləri İctimai Birliyinin idarə heyətinin üzvü Ədalət Rüstəm bildirib ki, tibbi maskadan istifadə müddəti 2 saatdan artıq ola bilməz.

Zülfiyyə Quluyeva, Sputnik Azərbaycan

BAKI, 20 aprel — Sputnik. Azərbaycanda koronavirus pandemiyası dövründə açıq və qapalı şəraitdə maskadan istifadə məcburi olduğundan, maskadan virusdan qorunmaq məqsədilə deyil, cərimə olunmamaq üçün istifadə edənlər də az deyil. Məlumata görə, keçən ilin mart ayından bu ilin martına qədər ölkədə 77 mln. 600 min tibbi maska satılıb. Statistikanı şərh edən tanınmış iqtisadçı Natiq Cəfərli tibbi maskadan istifadə ilə bağlı hesablama aparıb: "Ölkə əhalisinin 10 yaşa qədər olan vətəndaşlarının maska taxmadığını (amma məktəblər açıq olanda taxırdılar) nəzərə alsaq, deməli, təqribən, 8,5 mln. əhali il ərzində maska taxmalı idi. Tibbi maskaların hər 2-3 saatdan bir dəyişmək lazım olduğu deyilir. Ölkədə 1 il ərzində hər vətəndaş gün ərzində ən azı 3 maska dəyişməli idi. Deməli, gün ərzində 8,5x3= 25,5 mln. ədəd, ay ərzində 765 mln. ədəd, il ərzində isə 9 milyard 180 mln. ədəd maska istifadə edilməli idi. Bizdə isə 1 ilə 77,6 mln. maska satılıb, ilə 1 nəfərə 9 maska düşür. Deməli, orta statistik vətəndaş 40 günə 1 maska istifadə edib".

İqtisadçı bildirib ki, maskadan belə istifadə nəinki virusdan qorumur, hətta yeni xəstəliklər üçün şərait yaradır. O qeyd edib ki, əhaliyə pulsuz maska paylanılmalıdır ki, qapalı məkanlarda, nəqliyyatda maska taxmaq həm zəruri, həm də sağlamlıq üçün təhlükəsiz olsun: "Hər vətəndaşa, heç olmasa, aya 10 maska pulsuz verilməlidir, camaat polisin, cərimənin qorxusundan və pulsuzluqdan 1 maskanı 40 gün taxır, bu zülmdür, gələcək böyük sağlamlıq problemlərinin təməlidir".

Həkimlər də tibbi maskadan uzun müddət istifadənin düzgün olmadığını söyləyirlər.

Azərbaycan Həkimləri İctimai Birliyinin (AHIB) idarə heyətinin üzvü Ədalət Rüstəm Sputnik Azərbaycan-a açıqlamasında bildirib ki, tibbi maskadan istifadə müddəti 2 saatdan artıq ola bilməz. Onun sözlərinə görə, tibbi maska həmin müddətdən sonra keyfiyyətini itirir: "Tibbi maskanın əsas funksiyası qorumaqdır. İnsanlar pandemiya dövründə maskanı virusdan qorunmaq üçün istifadə edirlər. Amma bəzən bir maskanı bir gün və yaxud bir neçə gün istifadə edən insanlar var. Həmin şəxslər bilməlidirlər ki, bu zaman maska onları virusdan qorumayacaq. Əksinə, uzun müddət istifadə edilmiş maska infeksiya mənbəyinə çevriləcək".

Ə.Rüstəm xüsusilə yay fəslində bir tibbi maskadan iki saatdan artıq istifadənin düzgün olmadığını söyləyir. Onun sözlərinə görə, havalar isindikcə tərləmə nəticəsində maska daha tez çirklənir. Bu zaman maskanı tez-tez dəyişmək lazım gəlir".

Qeyd edək ki, N.Cəfərli açıq havada maska taxmaq tələbinin ləğv edilməsinin vacibliyini də qeyd etmişdi.

7
Koronavirus testi, arxiv şəkli

Koronavirusa yoluxma sayı azaldı

14
Son sutka ərzində yeni yoluxma hallarının müəyyənləşdirilməsi ilə əlaqədar 5955, bu günə qədər isə ümumilikdə 3114879 test icra olunub.

BAKI, 19 aprel — Sputnik. Azərbaycanda koronavirus (COVID-19) infeksiyasına 995 yeni yoluxma faktı qeydə alınıb, 1136 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 29 nəfər vəfat edib.

İndiyədək ölkədə ümumilikdə 301661 nəfərin koronavirus infeksiyasına yoluxması faktı müəyyən edilib, onlardan 265539 nəfər müalicə olunaraq sağalıb, 4169 nəfər vəfat edib. 31953 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 5955, bu günə qədər isə ümumilikdə 3114879 test icra olunub.

14
İstanbula mənzərə, arxiv şəkli

Türkiyədən Fransa Yunanıstana sərt xəbərdarlıq

0
(Yenilənib 16:19 20.04.2021)
Hər iki səfirin diqqətinə bənzər hadisə baş verəcəyi təqdirdə Türkiyə Silahlı Qüvvələrinin ünsürlərinin lazımi cavabı vermə haqqının olması mesajı xüsusilə çatdırılıb.

BAKI, 20 aprel — Sputnik. Fransa və Yunanıstanın Türkiyədəki səfirləri bu ölkənin Xarici İşlər Nazirliyinə çağırılıb. Sputnik Türkiyə xəbər verir ki, Türkiyə Aralıq dənizindəki sərhədinin pozulması ilə bağlı diplomatik yolla reaksiya vermək qərarı alıb.

XİN-ə dəvət olunan Yunanıstanın səfiri Michael-Christos Diamessis ilə Fransa səfiri Herve Magro ilə üz-üzə baş tutan görüşlərdə onlara sərt şəkildə etiraz edilib. Hər iki səfirin diqqətinə bənzər hadisə baş verəcəyi təqdirdə Türkiyə Silahlı Qüvvələrinin ünsürlərinin lazımi cavabı vermə haqqının olması mesajı xüsusilə çatdırılıb.

Qeyd edək ki, ötən şənbə günü bölgəyə göndərilən Türkiyə freqatı həm Fransanın araşdırma gəmisinə, həm də Yunanıstanın "Elli" adlı freqatına bölgəni tərk etməsinə dair xəbərdarlıq edib. Xəbərdarlığın ardından hər iki gəmi bölgəni tərk edib.

 

0
Teqlər:
Aralıq dənizi, xəbərdarlıq, Yunanıstan, Fransa, Türkiyə