Aptek

Soyuqdəymə dərmanları Türkiyədə həyəcan yaratdı, bəs bizdə durum necədir?

415
(Yenilənib 16:40 06.04.2018)
Narkoloq: "Həmin dərmanların tərkibindəki narkotik maddənin həcmi o qədər azdır ki, asılılıq yarada bilməz"

Təranə Xudabaxşiyeva, Sputnik Azərbaycan

BAKI, 6 aprel — Sputnik. Türkiyədə bu ilin 1 iyun tarixindən etibarən tərkibində narkotik istehsalında istifadə edilən psevdoefedrin maddəsi olan soyuqdəyməyə qarşı dərmanlar nəzarətə götürüləcək. Xəbərdə deyilir ki, narkotik alverçilərinin narkotik maddə istehsalında, tərkibində psevdoefedrin və efedrin olan dərmanlardan istifadə etməsi Türkiyədə müvafiq qurumları hərəkətə gətirib. Qonşu dövlətdə artıq bu dərmanlar həkim resepti olmadan satılmayacaq.

Nəzərə alaq ki, Azərbaycanda da bu tip dərmanlar apteklərdə reseptsiz satılır və geniş istifadə olunur. Bu zaman belə bir sual meydana gəlir: Azərbaycanda da bu dərmanlar nəzarətə alınmalıdır? Yoxsa buna ehtiyac yoxdur?

Sputnik Azərbaycan bu suala cavab tapmaq üçün tibb ekspertlərinə müraciət edib. Tibb elmləri doktoru, professor Adil Qeybulla bildirib ki, dərman maddələrinin dövlət reysteri olmalıdır və bütün dərman preparatlarının tərkibi, əsas maddələr, dərman əlavələri haqqında məlumat yazılmalı və qutusuna qoyulmalıdır.

"Bəzi dərman maddələrinin tərkibində dərman əlavələri olur. Hansılar ki, normalda dərman kimi istifadə olunmur. Məsələn, dərmana ancaq dad verir. Bu dərman əlavələrinin içində zərərli maddələr də ola bilər. Müxtəlif boyayıcı maddələr də, ağır metal duzları və sair də. Bunlar isə orqanizmə çox zərər verir", — deyə professor əlavə edib.

A.Qeybulla zərərli dərmanlardan da danışıb: "Bunlar, əsasən, parasetamol əsaslı dərmanlardır. Bu dərmanları həkim nəzarəti olmadan uzun müddət istifadə etmək olmaz. Çünki onlar nəinki insanı xəstəlikdən qoruyur, əksinə bir müddət daimi istifadə olunanda mədə qanamasına, böyrək problemlərinə və digər xəstəliklərin yaranmasına səbəb ola bilər".

Ekspertin fikrincə, Türkiyədəki qanundan ölkəmizdə də nəticə çıxarılmalıdır: "Ağrıların əksəriyyəti adətən xroniki olur. Xüsusilə bel ağrıları, revmatizm ağrıları və s. Bu tip xəstəliklərin tam sağalması heç də mümkün olmur. Bu dərmanların təyinatı da, yaxşı olar ki, həkim nəzarəti ilə edilsin. Yəqin ki, Türkiyədə olan qanundan biz də nəticə çıxaracağıq".

Ə.Əliyev adına Azərbaycan Dövlət Həkimləri Təkmilləşdirmə İnstitutun Psixiatriya və narkologiya kafedrasının assistenti Eldar Haqverdiyev isə sualımıza fərqli cavab verib. Bildirib ki, həmin dərmanların tərkibindəki narkotik maddənin həcmi o qədər azdır ki, asılılıq yarada bilməz.

"Narkotika ümumi anlayışdır. Psixotrop dərman siyahısında bu gün bir dərman qeyd edilə bilər, sabah isə siyahıdan çıxarıla bilər. Bu dərmanlar isə asılılıq yaradır. Ümumiyyətlə asılılıq yaradan dərmanlar çoxdur. Məhz bu problemə görə normal və bəzi xəstəliklərin müalicəsi üçün lazım olan dərmanları qadağan edirlər. Bu da sonradan bəzi xəstəliklərin sağalmasına problem yaradır", — deyə ekspert əlavə edib.

E.Haqverdiyev vurğulayıb ki, soyuqdəymə dərmanlarının tərkibində narkotik maddə o qədər zəifdir ki, zərərli olması üçün çox sayda qutu istifadə etmək lazımdır: "O səbəbdən də, həmin dərmanlar tam təhlükəsiz hesab olunur".

Haqverdiyev onu da deyib ki, narkotik maddələrlə mübarizəni dərman qadağası ilə aparmaq doğru deyil: "Narkotik vasitəni istehsal edən bu qadağaya da məhəl qoymayacaq, başqa üsullar axtaracaq, digər maddələrdən istifadə edəcək. Nəzərə almalıyıq ki, tək dərmanla deyil, adi yapışqandan belə, uyuşdurucu maddə kimi istifadə edirlər. Bu vəziyyətdən çıxış yolunu qadağalar tətbiq etməkdə görmək olmaz. Bunun üçün maarifləndirmə aparmaq, mübarizəyə düzgün insanları yönəltmək lazımdır".

415
Teqlər:
Eldar Haqverdiyev, soyuqdəymə, tibb, narkotik maddə, Adil Qeybulla, həkim, professor, Türkiyə, dərman, Azərbaycan
Əlaqədar
Aptekə girdi, dərman əvəzinə pul apardı
Türkiyədə elmi inqilab: Qanaxmanı dayandıran dərman tapıldı
Alkoqolizm müalicə olunacaq: Xəstəliyin dərmanı tapıldı
Min dərdin dərmanı olan sehrli içki
Azərbaycanlıları zəhərləyən dərman alverçisi saxlanıldı
Baxmadan keçməyin: Bu məhlul hər dərdin dərmanıdır

Azərbaycanda son sutkada 543 nəfərdə COVID-19 aşkarlanıb

119
(Yenilənib 20:51 14.07.2020)
Son sutka ərzində yeni yoluxma hallarının müəyyənləşdirilməsi ilə əlaqədar 8217, ötən müddət ərzində isə ümumilikdə 584466 test aparılıb.

BAKI, 14 iyul - Sputnik. Azərbaycan Respublikasında koronavirus (COVID-19) infeksiyasına 543 yeni yoluxma faktı qeydə alınıb, 510 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 6 nəfər vəfat edib.

View this post on Instagram

A post shared by Sputnik Azərbaycan (@sputnik.az) on

İndiyədək ölkədə ümumilikdə 25 113 nəfərin koronavirus infeksiyasına yoluxması faktı müəyyən edilib, onlardan 16150 nəfər müalicə olunaraq sağalıb, 319 nəfər vəfat edib, 8644 nəfərin xüsusi rejimli xəstəxanalarda müalicəsi davam etdirilir.

Son sutka ərzində yeni yoluxma hallarının müəyyənləşdirilməsi ilə əlaqədar 8217, ötən müddət ərzində isə ümumilikdə 584466 test aparılıb.

119
Həkim, arxiv şəkli

“Semaşko”nun koronavirusa yoluxan həkimi tənəffüs cihazına qoşulub

19
(Yenilənib 16:03 14.07.2020)
Həkim iyunun 3-də mərkəzin infeksion xəstəliklər şöbəsinə təngnəfəslik, tənəffüs çatışmazlığı və saturasiyasının aşağı olması göstəriciləri ilə gecə saatlarında qəbul olunub.

BAKI, 14 iyul — Sputnik. Bakı Sağlamlıq Mərkəzi COVID-19 infeksiyasına yoluxan və orada müalicəsi davam edən 1 saylı Kliniki Tibbi Mərkəzin reanimatoloqu Kərəm Yaqubov durumu ilə bağlı məlumat yayıb.

Mərkəzdən Sputnik Azərbaycan-a verilən məlumata görə, həkim iyunun 3-də mərkəzin infeksion xəstəliklər şöbəsinə təngnəfəslik, tənəffüs çatışmazlığı və saturasiyasının aşağı olması göstəriciləri ilə gecə saatlarında qəbul olunub. 

Bildirilib ki, ayın 9-dan etibarən xəstənin təngnəfəslik və boğulmalarının artması səbəbi ilə o, reanimasiya şöbəsinə yerləşdirilib, intubasiya olunub və süni tənəffüs aparatına qoşulub: "Hazırda xəstə süni tənəffüs cihazındadır, müalicəsi davam etdirilir".

19
Mövzu:
Azərbaycanda koronavirus: son xəbərlər
Quşçuluq ferması

Quşçuluq təsərrüfatları çətin dönəmdə - Yeməyə toyuq tapmayacağıq

0
"Quş yemi idxalı bahalaşıb. Yemin qiyməti artsa da, quş ətinin yerli istehsalında qiymət artımı yoxdur"

Zülfiyyə Quluyeva, Sputnik Azərbaycan

BAKI, 15 iyul — Sputnik. "Quşçuluq təsərrüfatlarında çətinlik var. İşçilərin sayının azalması istehsala təsir edir".  Bu sözləri Sputnik Azərbaycan-a açıqlamasında Azərbaycan Quşçular Cəmiyyətinin sədri Aydın Vəliyev söyləyib. O bildirib ki, quş yeminin xaricdən gətirilməsi pandemiya dövründə istehsala təsirsiz ötüşməyib: "Quş yemi idxalı bahalaşıb. Yemin qiyməti artsa da, quş ətinin yerli istehsalında qiymət artımı yoxdur".

A.Vəliyev qanunsuz quş əti istehsalı məsələsinə də toxunub. O bildirib ki, belə gizli sexlərin aşkarlanması vacibdir: "Nəzarətsiz istehsal edilən quş ətləri, onlara vurulan maye araşdırılmalıdır. Bunu edənlər cinayətkardır. Quş əti istehsalı ilə qanuni məşğul olan şirkətlərin istehsal etdikləri məhsulun üzərində zəruri qeydlər olur. Məhsulun harada, nə vaxt istehsal edildiyi əks olunur. Amma bu gün gizli sexlərdə quş ətinə vurulan mayenin tərkibi məlum deyil".

0