Külək

Soyuq havada dərinizi belə qoruya bilərsiz

112
(Yenilənib 00:08 10.03.2018)
Qış aylarında çox isti vanna və duş qəbul etmək dəridəki təbii yağların ifrazını artırır, onun qorunmasını yaxşılaşdırır

BAKI, 10 mart — Sputnik. Soyuq aylarda külək, şaxta, rütubətli hava və yağıntılar öz gözəlliyinə biganə qalmayan xanımlar üçün arzuolunmaz hallar yaradır. Həmin havada üz və əl dərisi, göz ətrafı, dodaqlar quruyaraq kobudlaşır, saçlar öz təravətini və canlılığını itirərək solğunlaşır. Ona görə də qış fəsli bir çox qadınlar üçün quruyan və qaşınan dəri, çatlamış dodaqlar və elektrikləşmiş saclarla assosiasiya olunur.

Bunu nəzərə alaraq AZƏRTAC dermatoloq və kosmetoloqların məsləhətlərini təqdim edir. 

Qış aylarında çox isti vanna və duş qəbul etmək dəridəki təbii yağların ifrazını artırır, onun qorunmasını yaxşılaşdırır. Belə havada duş qəbul etmək dəri üçün çox xeyirlidir. Duş qəbul edərkən 15 saniyə soyuq suyun altında qalmaq lazımdır, daha sonra suyun istiliyi bir az da artırılır və azaldılır. Proseduru 2 dəqiqə ərzində aparmaq sadə hidroterapiya əməliyyatıdır. Həmin üsulla orqanizmin qan dövranını təmizləyərək dərinin təravətlənməsinə nail olmaq mümkündür.

Limon qatılmış isti su içmək pis görünüşlü dəriyə səbəb olan toksinlərin daha tez ifraz olunmasına və qanın təmizlənməsinə kömək edir. Masaj vasitəsilə dərinin əvvəlki parlaqlıq və təravətini qaytarmaq mümkündür. Masaj zamanı lazımi krem, lasyon və yağlardan istifadə etmək məsləhətdir. Bir qaşıq qarğıdalı ununu qatıqla qarışdıraraq əl, üz və ayaqlara sürtülüb masaj edilməsi dərinin təmizlənməsi və yumşaldılmasına səbəb olur.

Dermatoloqlar qarlı havada əks olunan şüaların dərini zədələdiyini söyləyirlər. Yay aylarında olduğu kimi, soyuq havalı günlərdə də qoruyucu kremlərdən istifadə edilməsi məsləhətdir. Soyuq havanın təsiri dəridə quruluğa səbəb ola bilər. Ona görə də quruluğun qarşısını almaq üçün tərkibində yağ olan və dərini qurutmayan şampunlara üstünlük verilməlidir. Hər dəfə vanna və duş qəbul ediləndən dərhal sonra dəri nəm olarkən nəmləndirici kremlərdən istifadə etmək faydalı təsir göstərir. 

Soyuq günlərdə üz dərisinə xüsusi diqqət göstərmək tələb olunur. Kosmetik vasitə həddindən artıq quru və ağır tərkibli olmamalıdır. Mütəxəssislərin dediyinə görə, makiyajı təmizlədikdən sonra mütləq qış fəsli üçün nəzərdə tutulan nəmləndirici krem çəkilməlidir. Kremin tərkibində qliserin, lanolin, mineral və yağ olması daha yaxşıdır. Qliserin dəri üçün qoruyucu rol oynayır və nəmi saxlayır, lanolin yağı isə onu yumşaldır və hamarlaşdırır. Üzü yuyandan dərhal sonra nəmləndirici krem çəkmək, daha sonra yüngül şəkildə masaj edərək nəmli dəriyə hopdurmaq lazımdır. Lakin bundan sonra ən azı 1 saat şaxtaya çıxmaq məsləhət deyil. Soyuq havaya çıxarkən üzü şal və ya şərflə örtmək çox vacibdir. Nəmliyini itirən üz dərisini buxar vannası ilə yenidən təravətləndirmək mümkündür. Sauna və hamama girmək imkanı olmayanda ev şəraitində aptek çobanyastığı dəmləməsi qatılmış qaynar sudan istifadə edilir. Üzü həmin qarışıq olan qaba tutaraq 10 dəqiqə saxlamaq lazımdır. Buxarın kənara yayılmaması üçün başı dəsmalla bürümək olar. Daha sonra üzü qurudaraq nəmləndirici krem çəkilməsi dərini təravətləndirir və yumşaldır. Üzə çəkilmiş makiyajı təmizləmədən yatmaq çox ziyanlıdır.

112
Tibbi sığorta

İşsizlərə şad xəbər: İcbari Tibbi Sığortadan onlar da yararlana bilərlər

4
(Yenilənib 22:05 21.04.2021)
İcbari Tibbi Sığortanın təminat verdiyi tibbi xidmətlərin toplusu da Xidmətlər Zərfidir. Xidmətlər Zərfində 2500 sayda tibbi xidmət mövcuddur ki, əhali bundan pulsuz istifadə edə bilər.

BAKI, 21 aprel — Sputnik. Hazırda ölkədə həm işləyən, həm də işsiz vətəndaşlar İcbari Tibbi Sığortanın tibbi xidmətlərindən istifadə edə bilərlər. Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin rəhbəri Aynurə Əhmədova deyib.

Onun sözlərinə görə, işsiz vətəndaşların sığorta haqqı dövlət tərəfindən ödənilir: "İcbrai Tibbi Sığorta əhalinin tibbi yardım almaq hüququnu təmin edən bir sistemdir. Hazırda əhali İcbari Tibbi Sığorta çərçivəsində tibbi xidmətlərdən istifadə edir. İcbari Tibbi Sığortanın təminat verdiyi tibbi xidmətlərin toplusu da Xidmətlər Zərfidir. Xidmətlər Zərfində 2500 sayda tibbi xidmət mövcuddur ki, əhali bundan pulsuz istifadə edə bilər.

Hazırda İcbrari Tibbi Sığortadan həm sığorta haqqı ödəyən, həm də ödəməyən hər bir vətəndaşın istifadə imkanı var. Belə ki, 2024-cü ilə qədər sığorta haqqı ödəməyənlərə güzəştlər edilib və onların sığorta haqqı dövlət tərəfindən ödənilir".

4
Akademik M.Ə.Mirqasımov adına Respublika Klinik Xəstəxanasının polikilinikası

Xəstəxanalardakı canlı növbələr təhlükə mənbəyidir

296
(Yenilənib 18:36 21.04.2021)
"Yəni 100 adamın birdən gəlib USM-i gözləməsi, xüsusən də belə bir şəraitdə düzgün deyil" - Adil Qeybulla.

Nigar İsgəndərova, Sputnik Azərbaycan

BAKI, 21 aprel — Sputnik. Xəstəxanalarda otaqların qarşısının dolu olması hər zaman xəstələr tərəfindən narazılıqla qarşılanıb. Səhər tezdən gəlib saatlarla növbə gözləyib həkimin qəbuluna düşmədən qayıdanlar da var. Sıxlıq, xəstəxana dəhlizlərinin havasızlığı isə vəziyyəti daha da acınacaqlı bir hala gətirir.

Həkim-ekspert Adil Qeybulla Sputnik Azərbaycan-a canlı növbənin ciddi fəsadlar törətdiyini bildirib. O qeyd edib ki, pandemiyanın olduğu bir vaxtda istənilən bir yerdə sıralamanın olması vacibdir. Xüsusən də xəstəxanalarda növbəlilik olmalı və sosial məsafə gözlənilməlidir.

"Bu səbəbdən növbələr onlayn olmalıdır ki, hər kəs lazım olan vaxtda gəlsin. Yəni 100 adamın birdən gəlib USM-i gözləməsi, xüsusən də belə bir şəraitdə düzgün deyil"- deyə Adil Qeybulla əlavə edib. 

Azərbaycan Tibb Universitetinin dosenti Ədalət Rüstəm də qısa zamanda xəstəxanalarda onlayn növbələrin təşkilinin vacibliyini qeyd edib.

"Xəstələr poliklinikaya gələnədək avtobusda sıxlıqda olurlar. Yəni, həm də bu səbəbə görə xəstəxanalarda sıxlıqlar çox təhlükəlidir. Virusun bu cür ərazilərdə alovlanmasının qarşısını almaq üçün təcili olaraq onlayn növbəyə keçilməlidir. Xüsusilə də Bakıda, Sumqayıtda, Gəncədə buna daha çox ehtiyac var. Çünki xəsətələrin əksəriyyəti Bakıya üz tutur və sonradan bu virusu rayonlara daşıya bilirlər", - deyə Ə.Rüstəm bildirib.

Qeyd edək ki, pandemiya dövründə nə dövlət, nə də özəl xəstəxanalar onlayn növbə rejiminə keçid etməyiblər. Hər gün xəstəxanaların qarşısında və dəhlizlərində yüzlərlə adamın canlı şəkildə həkim növbəsini gözlədiyinin şahidi ola bilərik. Ən acınacaqlı hal isə Milli Onkologiya Mərkəzində müşahidə edilir. Xüsusi risk qrupunda olan onkoloji xəstələr bu xəstəxananın koridorlarında saatlarla növbə gözləyirlər. Onları yaxınları da müşayiət edir. Bu zaman sosial məsafəyə və maskadan düzgün istifadəyə heç bir riayət olunmur.     

 

296
Mazda CX-30

"Mazda" şirkəti CX-30 modelini elektromobilə çevirib

0
(Yenilənib 23:03 21.04.2021)
Yeni avtomobil "Changan Automobile" və "Mazda Motor"un birgə müəssisəsində yığılacaq. Onun satışına ilin ikinci yarısında başlanacaq.

BAKI, 21 aprel — Sputnik. "Mazda" şirkəti Şanxaydakı avtomobil sərgisində CX-30 modelinin elektrik mühərrikli variantını - CX-30 EV versiyasını nümayiş etdirib. Sputnik Azərbaycan Rusiya mediasına istinadən xəbər verir ki, daxili yanma mühərriki əvəzinə e-SkyActiv tipli elektrik mühərriki ilə təchiz olunmuş yeni model tanınmış yapon markasının Çin bazarına təqdim olunmuş ilk elektrokarıdır.

Elektrik mühərrikli CX-30 şirkətin ilk kütləvi istehsal olunan Mazda MX-30 elektrokarı ilə eyni SVA (SkyActiv Vehicle Architecture) platforması əsasında qurulub. Hələ ki şirkət "yaşıl" krossoverin mühərriki barədə məlumatı açıqlamayıb. Lakin yəqin ki, onda da MX-30 modeli ilə yeni mühərrikdən istifadə olunacaq.

143 at gücündə olan elektrik mühərriki həcmi 35,5 kilovatt/saat olan və həm sabit, həm də dəyişən cərəyan şəbəkəsindən doldurula bilən litium-ion batareyasından qidalanır.

Lakin bu batareya birbaşa cəmi 200 km məsafə qət etmək üçün bəs edir. "Mazda"nın mütəxəssisləri avtomobili qəsdən kiçik batareya ilə təchiz etdiklərini bildiriblər. Belə ki, daha iri batareyalar ətraf mühitə ciddi ziyan vurur.

Qeyd olunur ki, yeni CX-30 EV öz yanacaqla işləyən sələfindən təkcə mühərriki ilə fərqlənmir. Belə ki, krossoverin zahiri görünüşündə də dəyişikliklər baş verib. Avtomobilin banı bir qədər daha hündürdə durur, qabaq bamperdə əlavə "dodaq", ayaqaltılar və təkər kəsiklərinin daha da relyefli olması krossoveri bir az da cazibədar edir.

Mazda CX-30 EV bu şirkətin Çin bazarna təklif olunan ilk elektrokarıdır. Yeni avtomobil "Changan Automobile" və "Mazda Motor"un birgə müəssisəsində yığılacaq. Onun satışına isə cari ilin ikinci yarısında başlanacaq.

0