Vərəm xəstəsi

"Məhkumlar özlərini qorxunc xəstəliyə yoluxdururlar ki, pul alsınlar"

450
(Yenilənib 18:27 27.02.2018)
Nazirlik: "Vərəm xəstələrinə qısamüddətli yardımların edilməsi nəzərdə tutulmayıb"

Xudabaxşiyeva Təranə, Sputnik Azərbaycan

BAKI, 27 fevral — Sputnik. Azərbaycanda bir çox xəstəliklərdən, o cümlədən vərəmdən əziyyət çəkən insanlar var. Yoluxucu xəstəlik olan vərəmin müalicəsi ağırdır və uzun müddət tələb edir. Həmçinin vərəmə yoluxan insanların işləmə qabiliyyətləri də azalır, bəzən tamamilə itir.

Millət vəkili, Milli Məclisin Səhiyyə komitəsinin üzvü Sədaqət Vəliyeva "Qlobal çağırışlar və öhdəliklər: Azərbaycanda vərəmlə mübarizə" mövzusunda dinləmədə təklif edib ki, Əmək və Əhalinin Sosial Müdafiəsi Nazirliyi belə insanların həyat şəraitini yaxşılaşdırmaq üçün onlara qısamüddətli yardımların verilməsi məsələsinə baxa bilər.

Deputat bildirib ki, vərəm xəstələrinə həyat şəraitlərini yaxşılaşdırmaq üçün, heç olmazsa, kurs müddətində yardım verilməlidir: "Bununla da çox ailələrə kömək etmiş olarlar".

Əmək və Əhalinin Sosial Müdafiəsi Nazirliyinin mətbuat xidmətindən Sputnik Azərbaycan-a bildirilib ki, bu məsələ hazırda gündəmdə deyil: "Çox ağır vəziyyətdə olan vərəm xəstələrinə müalicə kursu müddətində Əmək və Əhalinin Sosial Müdafiəsi Nazirliyi tərəfindən qısamüddətli yardımların edilməsi qanunvericilikdə nəzərdə tutulmayıb".

Sosio-psixoloq Cavid Şahmalıyev isə Sputnik Azərbaycan-a deyib ki, ilk olaraq vərəm xəstəliyinin qarşısının alınması üçün bir sıra tədbirlər görülməlidir: "Yoxsulluq dərəcəsi yuxarı olan ölkələrdə vərəm xəstəliyinə tutulanların sayı çoxalır. Pis şərait, natəmizlik vərəmə tutulma riskini artırır".

"Biz vərəmin Azərbaycanda artmasının qarşısını almaq üçün işlər görməliyik. Belə xəstələrin sayını azaltmalıyıq. Vərəmin yayılmaması üçün münbit şəraiti olan yerləri abadlaşdırmalıyıq. Eyni zamanda, vərəm xəstəliyinə gətirib çıxaran digər amilləri də yox etmək lazımdır. Məsələn, narkoloji asılılığın və digər xəstəliklərin nəticəsi olaraq da vərəm xəstəliyi yarana bilir", — mütəxəssis vurğulayıb.

C.Şahmalıyevin sözlərinə görə, belə risk faktorlarının azalmasına cəhdlər edilməlidir: "Daha sonra müdaxilə lazım olarsa, vərəmdən əziyyət çəkən ağır xəstələrə dəstək xarakterli layihə çərçivəsində köməklik məqsədi ilə yardım etmək olar. Bu zaman öyrənmək olar ki, edilən bu layihə müsbətə doğrudur, yoxsa yox. Bu, layihə şəklində həyata keçirilməlidir, qısamüddətli olmalıdır və izlənməlidir. Birmənalı olaraq bu, yardıma çevrilməməlidir".

"Dünya təcrübəsində belə bir praktika mövcuddur. Bəzi ölkələrdəki həbsxanalarda məhkumlar bilərəkdən özlərini QİÇS xəstəliyinə yoluxdururlar, çünki hər bir QİÇS-li məhkuma aylıq maddi yardım göstərirlər. Ona görə də insanlar bilərəkdən bu xəstəliyə özlərini yoluxdururlar. Belə yardım edilməsi bizdə də tətbiq edilsə, bəzi insanlar eyni üsula əl ata bilər. Bu da qorxunc nəticəyə gətirib çıxara bilər", — deyə sosioloq əlavə edib.

Ekspert məsələ ilə bağlı başqa təklif edib: "Məsələnin həssaslılığını nəzərə alaraq bu yardımı öncə layihə kimi etmək olar. Amma daimi etmək dünyadakı praktikanın Azərbaycanda da tətbiq edilməsi ilə nəticələnə bilər. Sadəcə insanlar çalışmalıdır ki, belə xəstəliklərə tutulmasınlar. Qurumlar isə belə xəstəlikdən insanları qorumağa çalışmalıdır".

450
Teqlər:
vərəm, Sputnik Azərbaycan, Cavid Şahmalıyev, vətəndaş, Əmək və Əhalinin Sosial Müdafiəsi Nazirliyi, insan, xəstəlik, Azərbaycan
Əlaqədar
Azərbaycanda vərəm xəstələrinin sayı açıqlandı
Möcüzə: Vərəm diaqnozu qoyan siçovullar
Azərbaycanda vərəmə yoluxma səviyyəsi azalıb
Koronavirus testi, arxiv şəkli

Azərbaycanda COVID-19-dan daha 41 nəfər vəfat edib

6
(Yenilənib 15:06 01.12.2020)
Son sutka ərzində yeni yoluxma hallarının müəyyənləşdirilməsi ilə əlaqədar 17 621, ötən müddət ərzində isə ümumilikdə 1 746 198 test aparılıb.

BAKI, 1 dekabr — Sputnik. Azərbaycan Respublikasında koronavirus (COVID-19) infeksiyasına 4426 yeni yoluxma faktı qeydə alınıb, 1995 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 41 nəfər vəfat edib.

İndiyədək ölkədə ümumilikdə 125 602 nəfərin koronavirus infeksiyasına yoluxması faktı müəyyən edilib, onlardan 76 897 nəfər müalicə olunaraq sağalıb, 1 433 nəfər vəfat edib, aktiv xəstə sayı 47 272 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 17 621, ötən müddət ərzində isə ümumilikdə 1 746 198 test aparılıb.

6
Teqlər:
Koronavirus, COVID-19, yoluxma, Vəfat
Xəstəxana, arxiv şəkli

Azərbaycanda İİV xəstələrinin sayı açıqlandı

11
Bir dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb.

BAKI, 1 dekabr — Sputnik. "1 dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb, onlardan 1 864 nəfər QİÇS mərhələsindədir. İİV infeksiyasından ölənlərin sayı 1 082 nəfərdir".

Sputnik Azərbaycan xəbər verir ki, bunu Respublika QİÇS-lə Mübarizə Mərkəzinin direktoru vəzifəsini icra edən Esmira Alməmmədova deyib.

O bildirib ki, bu ilin ilk 11 ayı ərzində Azərbaycanda 494 yeni yoluxma halı təsdiqlənib: "484 nəfər (98.0%) Azərbaycan vətəndaşı, 10 nəfər (2.0%) əcnəbidir. Azərbaycanın yoluxmuş 316 (65,3%) vətəndaşı kişi, 168-i (34,7%) isə qadındır".

11
Vurulmuş erməni tankı, arxiv şəkli

Ermənistanın məhv edilən qənimət götürülən texnikaların siyahısı açıqlandı

0
Prezident: "Bunlar deməyə əsas verir ki, Ermənistan ordusu yoxdur, məhv etmişik. Bu ordu onilliklər ərzində yaradılırdı"

BAKI, 1 dekabr — Sputnik. Azərbaycan Prezidenti İlham Əliyev İkinci Qarabağ müharibəsi zamanı Ermənistan ordusunun məhv edilmiş və qənimət kimi götürülən texnikalarının siyahısını açıqlayıb. Sputnik Azərbaycan həmin siyahını təqdim edir:

Məhv edilmiş Ermənistan ordusunun texnikaları:

Tank əleyhinə vasitələr - 53 dənə, "Smerç" - dörd dənə, "Qrad" - 97 dənə, "Uraqan" - 2, "YARS" - 1, TOS odsaçan - 1, "S-300" zenit-raket kompleksləri - 7 atıcı qurğusu məhv edildi. İndi əgər təkcə bunun qiymətini hesablasalar, görərlər ki, biz Ermənistan ordusuna nə qədər böyük zərbə vurduq. Beləliklə, 7 atıcı qurğu, bir "S-300" radiolokatoru və iki "S-300" aşkaretmə stansiyası məhv edildi. "Oborona" radiolokasiya stansiyası - 1 dənə, "TOR" zenit-raket kompleksi - 5 dənə, "Osa" zenit-raket kompleksi - 40 dənə, "KUB" zenit-raket kompleksi - 4 dənə, "KRUQ" zenit-raket kompleksi - 1 dənə, zastava - 14 dənə, "S-125" zenit-raket kompleksi - 2 dənə, pilotsuz uçuş aparatları - 22 dənə, "Elbrus" əməliyyat-taktiki raket kompleksi - 2, ballistik raket - 1, "Toçka-U" raket kompleksi - 1, radioelektron mübarizə vasitələri - 5 dənə, "R-142" komanda qərargah maşını - 2 dənə, "Nebo-M" radiolokasiya stansiyası - 1 dənə, müxtəlif radiolokasiya stansiyaları - 7 dənə, "Reppelent" radio-texniki maneə vasitəsi - 4 dənə.

Düşmənin məhv edilmiş və qənimət götürülmüş texnikaları:

Özüyeriyən artilleriya qurğuları "Akasiya" və "Qvozdika" – 28-i məhv edilib, 5-i qənimət götürülüb. Müxtəlif çaplı toplar – 315-i məhv edilib, 37-si hərbi qənimət kimi götürülüb. Minaatanlar – 63-ü məhv edilib, 62-si qənimət götürülüb. Xüsusi avtomobillər – 10-u məhv edilib, 93-ü qənimət götürülüb. Qumbaraatan – 178-i qənimət götürülüb. Traktor – 10, "Şilka" zenit qurğusu – 5 ədəd qənimət götürülüb. Atıcı silahlar – 1380 atıcı silah qənimət götürülüb. 7 komanda məntəqəsi, 11 sursat anbarı dağıdılıb. Tank – 287-si məhv edilib, 79-u qənimət götürülüb, toplam 366 tank. Siyahı davam edir. Piyadaların döyüş maşını – 69-u məhv edilib, 47-si qənimət götürülüb. "Su-25" təyyarəsi – 5-i məhv edilib. Yük avtomobilləri – 252-si məhv edilib, 270-i hərbi qənimət kimi götürülüb.

"Bunlar deməyə əsas verir ki, Ermənistan ordusu yoxdur, məhv etmişik. Bu ordu onilliklər ərzində yaradılırdı. Bu orduya silahlar, sursatlar, ən müasir texnika verilirdi, özü də pulsuz, bunu hər kəs bilir. İndi mütəxəssislər getsinlər hesablasınlar, sadaladığım bu texnikanın qiyməti bəlkə də bir neçə milyarddır. Bəziləri deyirlər ki, 3 milyarddan çox, bəziləri daha çox. İndi hesablayarlar. Haradandır bu kasıb ölkədə bu qədər pul? Ermənistanın xarici dövlət borcu 8 milyard dollardır. Valyuta ehtiyatları təqribən 1 milyardın üstündədir. Bu ölkə borc içindədir. Xarici dövlət borcu ümumi daxili məhsulun 60 faizini təşkil edir. Bu ölkədə indi bütün iqtisadiyyat məhv olub gedir. Müharibədən sonra milli valyuta kəllə-mayallaq getdi. Haradandır bu? Bu, bankrotdur. Bu, iflasa uğramış ölkədir. Bu qədər pulu haradan ödəyib? Bir də ki, göstərsin görüm, bu pulköçürmələrini necə həyata keçirib. Biz beynəlxalq qurumlara da müraciət edəcəyik, desinlər bizə, hansı kontraktlar əsasında bu pullar ödənilib. Ödənilibmi? Ödənilməyibsə, deməli, pulsuz alıb. Otuz il ərzində yığdıqları texnikanı 44 gün ərzində məhv etdik. Yoxdur Ermənistan ordusu, yoxdur. İndi onlar canlı qüvvəsinin də məhv edilməsi ilə bağlı saxta rəqəmlər verirlər. Bizdə məlumat var. Lazım olanda biz o məlumatı səsləndirəcəyik, işğalçı dövlət nə qədər canlı qüvvə itirib. Biz məhv etmişik Ermənistan ordusunu. Məhz buna görə məcbur olub, diz çöküb bizim qabağımızda və kapitulyasiya aktına imza atıb. Hər kəs üçün bu, dərs olmalıdır," - deyə İlham Əliyev qeyd edib.

0
Teqlər:
Ermənistan ordusu, siyahı, texnika, hərbi qənimət