Yeni doğulmuş uşaq

Vətəndaşların qorxusu əsassız çıxdı

310
(Yenilənib 16:53 24.01.2018)
Liya Bayramova: "Klinikaların doğum şöbələrində xüsusi sanitar-gigiyena normaları var"

Xudabaxşiyeva Təranə, Sputnik Azərbaycan

BAKI, 24 yanvar — Sputnik. Özəl klinikalarda xidmət səviyyəsi yüksək olsa da, son zamanlar bəzi narazılıqlar meydana çıxıb. Belə ki, bəzi analar özəl tibb mərkəzlərində doğuşdan sonra uşaqlara klinikaya məxsus geyimlərin geyindirilməsindən narazıdırlar.

Bununla bağlı sosial şəbəkədə müəyyən müzakirələr gedir. Səbəblər isə müxtəlifdir. Məsələn, analar həmin geyimlərin köhnə göründüyünü, həmçinin dəfələrlə istifadə edildiyini əsas gətirirlər, körpələrinin dərisinə hansısa infeksiyanın düşə biləcəyindən ehtiyat edirlər.

Təbii, klinikaların qaydalarına əsasən, həmin körpə geyimlərinin gigiyenik cəhətdən təmizliyi nəzərə alınır və hər istifadədən sonra geyimlər sterilizə olunur. Ancaq bəzi analar, ana olmağa hazırlaşan qadınlar, nədənsə buna inamsız yanaşırlar. Və elə bu səbəbdən də xəstəxana tərəfindən verilən geyimlər məsələsində çox narahatdırlar.

Sputnik Azərbaycan yeni ana olan və ana olmağa hazırlaşan qadınların bu narahatçılığının əsaslı olub-olmadığını araşdırıb. Dermatoloq Mahir Məmmədli analara doğum evlərində körpələrə geyindirilən geyimlərin nimdaş görünməsindən narahat olmamağı məsləhət görüb: "Doğum evlərində paltarlarının görünüşcə köhnə olması o demək deyil ki, geyimlər təmiz deyil".

"Ümumiyyətlə, uşaq geyimləri kətan parçadan tikilir. Kətandan olan uşaq paltarları xüsusi qaydada sterilizə olunur. Elə olur ki, bir paltar həftədə 3-4 dəfə sterilizə edilir. Ona görə də geyimlərin rəngləri gedir və nimdaş kimi görünür. Valideynlərin buna görə narahat olması əsassızdır" — mütəxəssis bildirib.

Dermatoloq indiyə qədər doğum evlərinin geyimlərindən körpə dərisində hər hansı problem yarandığı faktı ilə qarşılaşmadığını qeyd edib: "Bu günə kimi heç kim bu səbəblə mənə müraciət etməyib. Bir neçə belə xəstə müraciət edərsə, o zaman məsələ ciddiləşə bilər".

Doğuş şöbəsi
© Sputnik / Кирилл Брага

Pediatr Xəyalə Quliyeva da bu məsələdə anaların narahatlığına heç bir əsas olmadığını deyib: "Buna görə narahat olmağa dəyməz. Çünki, klinikalar buna ciddi nəzarət edir. Hər bir klinika uşaqlar üçün nəzərdə tutduğu geyimi sterilizə etdikdən sonra başqa körpələrə geyindirir. Bir pediatr kimi, bunun qorxulu olmadığını deyə bilərəm".

Səhiyyə Nazirliyinin mətbuat xidmətinin rəhbəri Liya Bayramova isə vurğulayıb ki, bütün tibb müəssisələrində, o cümlədən doğum evlərində, klinikaların doğum şöbələrində xüsusi sanitar-gigiyena normaları var: "Hər bir klinika bu normalara riayət edərək işləməlidir. Həmçinin respublikanın sanitar-epidemioloji xidmət orqanları tərəfindən həmin normalara hansı səviyyədə riayət olunduğu mütəmadi yoxlanılır".

310
Teqlər:
Xəyalə Quliyeva, pediatr, köhnə, özəl klinika, dermatoloq, Mahir Məmmədli, geyim, Liya Bayramova, Səhiyyə Nazirliyi, ana, uşaq
Əlaqədar
Bakıdakı klinikanın həkimlərindən balacalara xeyirxah Yeni il sürprizi
Bakıda yerləşən klinikada cinayət baş verib
Süni mayalanma klinikasında sperma qalmaqalı
Azərbaycanda da cinçıxarma klinikasının açılması təklif olunur
Klinika işçisinin "Oksigen"ini kəsir
 Türkiyə Prezidenti Rəcəb Tayyib Ərdoğan, arxiv şəkli

Ərdoğandan müjdə: "Ən geci aprel ayına qədər ..."

64
(Yenilənib 13:55 25.11.2020)
Türkiyə Prezidenti: İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik.

BAKI, 25 noyabr — Sputnik. Türkiyə Prezidenti Rəcəb Tayyib Ərdoğan koronavirus əleyhinə Türkiyə istehsalı olan peyvəndlə bağlı önəmli mərhələyə gəlindiyini açıqlayıb. Sputnik Azərbaycan "Anadolu" agentliyinə istinadən xəbər verir ki, bunu Ərdoğan hakim partiyanın parlament qrup toplantısında çıxışı zamanı bildirib.

"İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik. Maska, məsafə, təmizlik qaydalarına riayət edərsək, digər tədbirlərə ehtiyac qalmaz", - deyə Ərdoğan qeyd edib.

O, həmçinin koronavirus əleyhinə Türkiyə istehsalı olan peyvəndin yaradılmasında da önəmli irəliləyişə nail olunduğunu bildirib:

"Ən gec aprel ayında öz peyvəndimizi tətbiq etmə səviyyəsinə qədər inkişaf etdirməyi planlaşdırırıq. Öz istehsal etdiyimiz peyvəndi bütün insanlığın xidmətinə təqdim etmək düşüncəsindəyik".

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

64
Teqlər:
Ərdoğan, Rəcəb Tayyib Ərdoğan hakimiyyəti, Türkiyə prezidenti Rəcəb Tayyib Ərdoğan, Rəcəb Tayyib Ərdoğan, korona virusu, Koronavirus, epidemiya, COVID-19
Koronavirusа qarşı peyvənd, arxiv şəkli

Koronavirus peyvəndi işə yarayacaq?

9
Mütəxəssisin fikrincə, peyvəndən bir gün sonra belə insanda aktiv immunitet olur və infeksiyanın orqanlara keçməsinə mane olur.

BAKI, 25 noyabr — Sputnik. "Heç bir peyvənd insanı virusdan 100 faiz qorumur. Koronavirusa qarşı olan peyvənd insana infeksiyanın yüngül formasını evdə televizor qarşısında keçirməyə kömək edir",

Sputnik Azərbaycan RİA Novosti-yə istinadla xəbər verir ki, bu barədə infeksionist, vaksinoloq Yevgeni Timakov danışıb.

Onun sözlərinə görə, ağırlaşma güclü olarsa, istənilən peyvənd buna qarşı müqavimət göstərə bilməz: "Peyvənd ona görə edilir ki, infeksiya gələn zaman immun sistem müdafiəyə hazır olsun. Əks halda infeksiya gələn zaman bu müqavimət 5-7 günə formalaşmış olur ki, bu müddətdə də, infeksiya ağırlaşır".

Mütəxəssisin fikrincə, peyvənddən bir gün sonra belə insanda aktiv immunitet olur və infeksiyanın orqanlara keçməsinə mane olur.

"Beləliklə, peyvənddən sonra infeksiya prosesi başalayarsa, heç bir fəsad, ölüm olmayacaq. Orqanlarda heç bir problem yaranmayacaq. Xəstə xəstəxanaya yerləşdirilməyəcək, mexaniki ventilyasiyaya qoşulma olmayacaq və insan infeksiyanı yüngül asimptomatik formada, evdə televizorun qarşısında oturaraq keçirəcək. Və sağalmaq üçün əlavə dərmanlardan da istifadə edilməyəcək"-, Timakov bildirib.

9
Teqlər:
Koronavirus, COVID-19
Bakıda parkomat, arxiv şəkli

Parklama probleminin həlli üçün Bakıya beynəlxalq şirkət dəvət edilib

0
BNA nümayəndəsi: Azərbaycana beynəlxalq məsləhətçi şirkət dəvət olunub və o, parklanma məsələlərini təhlil edir.

BAKI, 25 noyabr — Sputnik. Bakı şəhərində avtomobillərin parklanması ilə bağlı baş plan və tarif siyasəti hazırlanacaq.

Sputnik Azərbaycan xəbər verir ki, bunu "Caspian Energy Club"un təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, bu plan ilk növbədə ictimaiyyətə təqdim olunacaq və daha sonra onun tətbiqinə başlanacaq:

"Hazırda bu istiqamətdə görülən işlər çərçivəsində beynəlxalq məsləhətçi şirkət dəvət olunub, hansı ki, parklanma məsələlərini təhlil edir. Təbii ki, parkanmanın idarə edilməsi ümumiyyətlə şəhər nəqliyyat infrastrukturunun ən vacib amilidir. Çünki bu, həm sahibkarların fəaliyyətinə təsir göstərir, həm də tıxaca təsir edir. Bu gün demək olar ki, Bakı şəhərində parklanma pulsuzdur və ona görə də tıxac problemi mövcuddur".

0
Teqlər:
pullu parklama, parklama, Bakı Nəliyyat Agentliyi, BNA