Dərman həbləri, arxiv şəkli

Ölkə ərazisində qorxulu virus dolaşır: Qətiyyən antibiotik qəbul etməyin!

973
(Yenilənib 17:16 30.11.2017)
Həkim: "Bu xəstəliyin ən ağır fəsadı ölümlə nəticələnə bilməsidir"

BAKI, 30 noyabr — Sputnik. Havalar soyuyan kimi qripə yoluxanların sayı da artır. Hərarət, öskürək, burun tutulması günlərlə, hətta aylarla sağalmır. Əhali qrip virusundan əziyyət çəksə də, bəzən müalicə də kömək etmir.

Həkim Adil Qeybulla
MeydanTV
Səhiyyə eksperti Adil Qeybulla

Sputnik Azərbaycan səhiyyə işçilərindən qrip xəstəliyinin səbəbləri və niyə gec sağalmasını soruşub. Həkim Adil Qeybulla bildirib ki, insanlar tənəffüs yollarında baş verən istənilən iltihabi prosesi qrip adlandırırlar.

"Bu, qripəbənzər əlamətlərdir, amma qrip deyil. Həmin xəstəlik yuxarı tənəffüs yollarının kəskin respirator xəstəlikləri adlanmalıdır. Qrip isə karantin infeksiyadır. Qrip virusu yayılanda Ümumdünya Səhiyyə Təşkilatı bununla bağlı həyəcan təbili çalır. Sadəcə indi yayılan yuxarı tənəffüs yollarında kəskin respirator qripəbənzər xarakterlərə malik olduğu üçün insanların əksəriyyəti qrip kimi qəbul edir" — həkim bildirib.

A. Qeybullanın sözlərinə görə, yuxarı tənəffüs yollarında normada parazitlik edən çox sayda virus var: "Bunlar venaviruslar, paraviruslar və bu kimi viruslardır. Bu viruslar bədən immuniteti aşağı düşəndə, soyuqdəymə baş verəndə fəallaşır. Bu virusların məhv olması və orqanizmin xəstəlikdən bərpası xeyli zaman alır".

"Bu xəstəliklər zamanı bədənin müqaviməti də aşağı olur və digər insanlara da keçmə halları olur. Ona görə də hamı bu virusları qrip kimi tanıyır. İnsanlar zamanında bu xəstəliyə qarşı düzgün mübarizə aparmasalar, daha kəskin hallara gətirib çıxara bilər. Fəsadlar udlaq arxası apset, pnevmoniya, meningit kimi xəstəliklər törədə bilər" – deyə ekspert əlavə edib.

Həkim iddia edir ki, rəsmi statistika bunu gizlətsə də, keçən il yüksək hərarət və qripəbənzər əlamətlərlə xəstələnən bir neçə nəfər ölüb: "Deməli, bu xəstəliyin ən ağır fəsadı ölümlə nəticələnə bilməsidir".

Tibbi ekspert Rasif Bağırov
© Sputnik / Xalid Memmedov
Tibbi ekspert Rasif Bağırov

Həmsöhbətimiz bildirib ki, yayılan xəstəlik ciddiyə alınmalıdır, virusa tutulan şəxs xəstəlikdən qorunmaq üçün çoxlu maye qəbul etməlidir, vitamin B, C qəbul edilməlidir: "Yataq rejimində olmalıdırlar və mütləq həkimlərin nəzarəti ilə dərman qəbul edilməlidir".

"Əhali adətən həkim məsləhəti olmadan antibiotik qəbul edir, bu da sonradan daha böyük fəsadlara gətirib çıxarır. Qəti şəkildə antibiotik qəbul edilməməlidir. Bu daha da böyük fəsadlara gətirib çıxara bilər" — tibbi ekspert xəbərdarlıq edib.

Həkim Rasif Bağırovun sözlərinə görə isə, qrip virusu dəyişkən formaya malik olduğu üçün ona qarşı konkret peyvənd hazırlamaq mümkün olmur: "Ona görə də, yalnız müalicə etməklə bu xəstəliyin qarşısını almağa çalışırlar. Həmin dərmanlar müəyyən qədər kömək etsə də, tam kömək edə bilmir".

"Onu da unutmayaq ki, hər bir orqanizm fərqlidir və fərqli mübarizə apara bilir. Orqanizm var ki, qrip virusu onda tez məhv olur, orqanizm də var, zəifdir, virus daha gec ölür. Amma qrip bədəndə ən çox 3-10 gün arası qala bilir. Sadəcə qrip virusu ikinci infeksiyanı yaradır və özü məhv olur" — Bağırov vurğulayıb.

"Yuxarı tənəffüs orqanlarında və digər yerlərdə fəaliyyətini saxlamış infeksiyalar da qrip virusu zamanı bədənin zəifləməsi nəticəsində münbit şərait olduğu üçün inkişaf edir. Bir sözlə, çalışmaq lazımdır ki, qrip virusuna tutulmayasan" — o, əlavə edib.

973
Teqlər:
yuxarı tənəffüs yolları, Rasif Bağırov, qrip, Adil Qeybulla, həkim, orqanizm, dərman, xəstəlik
Əlaqədar
Qeybulla: “Stresli həyat tərzi xəstəliklərin yayılmasını sürətləndirir”
Dostun ölümündən sonra tapılan dərman, xilas edilən uşaq, dünyanı ağuşuna alan xəstəlik
Bəşəriyyəti ağuşuna alan xəstəlik: 15 il sonra 500 milyon olacaq...
Bu mühitdə həddən artıq dayandıqda, qorxulu xəstəliklərə düçar olacaqsınız
Uşaqlarda boy qısalığı bir sıra xəstəliklərin göstəricisi ola bilər
Körpə, arxiv şəkli

TƏBİB cəbhəyanı ərazilərdə yeni layihəyə başlayır

15
(Yenilənib 02:07 31.10.2020)
Dünyanı bürüyən pandemiya və müharibə şəraitində yeni doğulan körpələrin və anaların sağlamlığı bizim üçün prioritetdir

BAKI, 31 oktyabr - Sputnik. Tibbi Ərazi Bölmələrini İdarəetmə Birliyi (TƏBİB) cəbhəyanı bölgələrdə yeni layihəyə start verib.

Sputnik Azərbaycan-ın məlumatına görə, qurum cəbhə boyu bölgələrdə yerləşən riskli hamiləlik ilə qeydə alınan şəxslər üçün "Sağlam doğuş" layihəsini həyata keçirəcək.

"Bu gün TƏBİB-in tabeliyində olan tibb müəssisələri COVID-19 pandemiyası ilə mübarizə aparmaqla bərabər, ərazi bütövlüyümüzün bərpa olunmasında qəhrəmancasına döyüşərək yaralanmış əsgərlərimizə də yüksək keyfiyyətli tibbi xidmət göstərir. Mövcud vəziyyətdə diqqət ayıracağımız ən mühüm sahələrdən biri də antenatal xidmətdir. Dünyanı bürüyən pandemiya və müharibə şəraitində yeni doğulan körpələrin və anaların sağlamlığı bizim üçün prioritetdir", - deyə TƏBİB-in məlumatında bildirilir.
Layihə çərçivəsində cəbhəboyu ərazilərdə yaşayan, hamiləliyinin 38-ci həftəsində olan və riskli hamiləlik keçirən qadınlara müvafiq tibb müəssisələrində xidmətlərin göstərilməsi (riskli hamilələrin tibb müəssisəsində doğuşa qədər və 2 həftə doğuşdan sonra nəzarət altında saxlanılması), hamilələr üçün təlimlərin təşkili, ana südü ilə qidalandırmanın mühafizəsi, təşviqi və dəstəklənməsi, yenidoğulmuşa qulluq, analara psixoloji dəstəyin göstərilməsi nəzərdə tutulur.
“Sağlam doğuş” layihəsində iştirak etmək üçün cəbhəyanı rayonlarda yaşayan, riskli hamiləliyi olan şəxslərin TƏBİB-ə müraciət etməsi xahiş olunur. Qaynar xətt nömrəsi 1542-dir.

15
Əlaqədar
Biz şiddətli soyuqları görməmiş xəstəlik bizi "görə" bilər - yenidən qapanma mümkündür
TƏBİB-dən xəstələrə antibiotiklərlə bağlı xəbərdarlıq
Azərbaycanda koronavirusa yoluxma niyə artır?
Bölgə xəstəxanalarında tibb işçiləri arasında yoluxmalar artır
TƏBİB gənclərə xəbərdarlıq etdi
Özünü müalicə edən şəxs, arxiv şəkli

Koronavirus sağalır, fəsadları qalır

38
(Yenilənib 23:44 30.10.2020)
İndiyədək dünyada 44.9 milyon insan koronavirusa yoluxub. 1.178 milyon insan isə bu virusun səbəb olduğu COVID-19 xəstəliyindən dünyasını dəyişib

BAKI, 30 oktyabr - Sputnik. Ümumdünya Səhiyyə Təşkilatının (ÜST) rəhbəri Tedros Adhanom Gebreyesus birfinqdə çıxışı zamanı koronavirusdan sağalanları xəstəliyin qalıcı fəsadları barədə xəbərdar edib.

"Vaxt keçdikcə dəyişən və bir çox hallarda güclənən geniş spektrdə simptomlar var", - o qeyd edib.

Bunlara Gebreyesus əzginlik, öskürək, nəfəs darlığı, əsas orqanların, o cümlədən ürək və ağciyərlərin iltihabı və zədələnməsini göstərib.

Son sutka ərzində dünyada 505756 nəfərdə COVID-19 aşkarlanıb. Bu, ÜST-ün məlumatına görə, pandemiya başlayandan rekord göstərici olub.

İndiyədək dünyada 44.9 milyon insan koronavirusa yoluxub. 1.178 milyon insan isə bu virusun səbəb olduğu COVID-19 xəstəliyindən dünyasını dəyişib.

38
Teqlər:
simptom, fəsad, ÜST, dünya, Koronavirus, epidemiya, COVID-19
Əlaqədar
Rusiyada rekord sayda koronavirusa yoluxma qeydə alınıb
ABŞ "anticisim kokteyli"nin sınağını qismən dayandırdı
Azərbaycanda son sutkada 1022 nəfər COVID-19-a yoluxub
Dünya Turizm Təşkilatı ondan şikayətçidir: 730 milyard dollar ziyana düşüb
Putin koronavirus peyvəndlərinin effektivliyindən danışdı: "Sovet məktəbi sağdır"

Ermənistan silahlı qüvvələri qəsdən Şuşa meşələrində yanğın törədir - PA

0
(Yenilənib 14:19 31.10.2020)
Azərbaycan Respublikası Müdafiə Nazirliyi kəşfiyyat məlumatlarına əsasən Ermənistanın böyük həcmdə fosfor tərkibli yükü Xocavənd istiqamətinə gətirdiyi barədə məlumat vermişdi

Eldar Tanrıverdiyev, sputnik Azərbaycan

BAKI, 31 oktyabr — Sputnik. "Ermənistan silahlı qüvvələri tərəfindən qəsdən Şuşa meşələrində yanğın törədilir. Ermənistanın məqsədi ekoloji terror vasitəsilə Azərbaycan silahlı qüvvələrinin istifadə etdiyi pilotsuz uçuş vasitələrinin görüntüləri üçün maneələrin yaradılmasıdır".

Sputnik Azərbaycan xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

O qeyd edib ki, Ermənistanın Şuşa meşələrində yanğının törədilməsi üçün qadağan olunmuş ağ fosfordan istifadə etməsi istisna deyil: "Azərbaycan Respublikası Müdafiə Nazirliyi kəşfiyyat məlumatlarına əsasən Ermənistanın böyük həcmdə fosfor tərkibli yükü Xocavənd istiqamətinə gətirdiyi barədə məlumat vermişdi".

0
Teqlər:
Xocavənd rayonu, Şuşa, Azərbaycan Respublikası Prezidenti Administrasiyasının xarici siyasət şöbəsinin müdir müavini Hikmət Hacıyev, Hikmət Hacıyev, fosfor bombası, fosfor, Ermənistan
Əlaqədar
Azərbaycan XİN ermənilərin Şuşa ilə bağlı iddialarına cavab verdi
Azərbaycan Şuşa və Xankəndini raket atəşinə tutmur - Müdafiə Nazirliyi
Ermənilər Xocavənd istiqamətinə fosfor tərkibli yük gətiriblər