Otaqda ilan, arxiv şəkli

Evimizə qədər girdilər, özünüzü qoruyun

3267
(Yenilənib 18:07 23.08.2017)
Rayonlarımızda təhlükəli vəziyyət hökm sürür

İradə Cəlil, Sputnik Azərbaycan

BAKI, 23 avqust — Sputnik. Son vaxtlar ilanların kütləvi şəkildə evlərə sığınması, hücum etməsi hallarının sayı artıb. Belə hadisələrdən biri də İmişli rayonunun Qaragüvəndikli kəndində baş verib. İlanlar kənd sakini Xanış Babayevə məxsus fərdi yaşayış evinə hücum edib. Evdə vəziyyət daha təhlükəli hal alıb.

Müxtəlif yerlərdən evə girən ilanlar hər kəsi qorxuya salıb. Xüsusilə də uşaqlar qoxudan evdə yata bilmirlər. Belə bir vəziyyətin olduğunu təsdiqləyən kənd icra və bələdiyyə nümayəndələri, evdə bir neçə dəfə dərmanlama işləri həyata keçirildiyini bildiriblər.

Oxşar hadisə Astarada da baş verib. Məlumata görə, Astaranın Şiyəkəran kəndində Ərəstun Baloğlan oğlu İmanova məxsus yaşayış evi son günlər ilanların hücumuna məruz qalıb. Ev sakinləri dəfələrlə ilanları öldürsələr də, onların ardı-arasının kəsilmədiyini deyirlər. Evdə ikisi azyaşlı olmaqla, altı nəfər yaşayır.

Bildirilir ki, əvvəllər ilanlar kənddə yaşayış olmayan bir evdə yuva salıb. Ehtimal olunur ki, ilanlar həmin evdən qonşu evə keçib.

Xatırladaq ki, bu il aprel ayından bu günə qədər 51 ilan sancma faktı qeydə alınıb. Bu barədə Sputnik Azərbaycan-a Klinik Tibbi Mərkəzin toksikologiya şöbəsinin müdiri Azər Maqsudov məlumat verib: "Bununla yanaşı, 11 əqrəb və 4 qaraqurd, hörümçək sancması ilə şöbəyə müraciət edilib. İlin əvvəlindən bu günə qədər heç bir ölüm hadisəsi baş verməyib. İlan zəhərinə qarşı lazımi qədər zərdab var. Belə hesab edirəm ki, sentyabr ayında da müraciətlər olacaq".

Zoologiya İnstitutunun aparıcı elmi işçisi, biologiya üzrə fəlsəfə doktoru Təvəkkül İsgəndərov Sputnik Azərbaycan-a açıqlamasında bildirib ki, hərarətin 16 C-dən yuxarı qalxması ilə ilanlar da oyanır: "Yəni, artıq may ayından ilanlar aktivləşməyə başlayır. İlanlar qışda torpağın müxtəlif dərinliklərində, süxurlarda, qaya künclərində, ağıla gələn və gəlməyən, soyuq havanın çatmadığı, qarın-yağışın tutmadığı, temperaturun 5-10 dərəcə olduğu yerlərdə qışlayır".

Müsahibimiz əlavə edib ki, yay vaxtı torpağın səthi daha çox qızdığından, ilanlar gündüz az görünür: "İlanlar soyuqqanlı heyvan olduqları üçün qaynar torpağın üstünə çıxıb bədənlərini yandırmazlar. Yay vaxtlarında ilanlar əsasən gecələr və səhər 11-ə qədər görünür".

İsgəndərovun sözlərinə görə, Azərbaycanda yayılan ilan növlərinin hamısı zəhərli deyil: "Azərbaycanda 26 növ ilan var və onlardan 6-sı zəhərlidir. İlanlarda özünümüdafiə instinkti var. Yəni ilanlar ancaq təhlükə hiss etdikləri zaman sancır". Elə ilanlar var ki, onu əlinə götürsən belə, sancmır".

"Azərbaycanda zəhərli ilanlardan ən çox yayilanı Livan gürzəsidir. Bu ilan daha çox Samur-Dəvəçi, Şirvan düzənliklərində, Abşeron yarımadasında, Kür-Araz ovalığında müşahidə edilir. Livan gürzəsi torpaq rəngində, başı yastı, üçbucaq şəkilli, nazik və qısa boyunlu, yoğun gövdəlidir. Üstündə şahmat formalı, tünd boz və ya açıq rəngli xalları var" — mütəxəssis vurğulayıb.

Onun sözlərinə görə, zəhərli ilanların sancmasının 95 faiz Livan gürzəsinin payına düşür: "Digər zəhərli ilan olan qalxansifət ilan isə yalnız cənub bölgəsində – Lənkəran, Masallı, Yardımlı, Lerikdə görünür".

İsgəndərov onu da diqqətə çatdırıb ki, ilanlar hücum etmir, yalnız bədənləri açılacaq qədər düşmənə tərəf tullanır və sancmağa çalışaraq özünü müdafiə edir: "İlanlar heç vaxt insana hücum etmir və onun arxasınca düşmür. Ona görə də, ilanla rastlaşanda insan sakitcə durmalı, ilanın qaçıb gizlənməsinə imkan verməlidir".

"İlanlar qıvrılmış bədənlərinin açılacağı qədər məsafəyə tullanır və ya sıçrayırlar. Bu səbəbdən də, ilanlara, xüsusilə də zəhərli ilanlara 1,5 metr məsafədən artıq yaxınlaşmaq təhlükəlidir. İlanlar təsadüfən ona çox yaxınlaşdıqda, ayaq altında qaldıqda, əllə toxunduqda özünü müdafiə etmək məqsədilə sancır" — fəlsəfə doktoru bildirib.

T. İsgəndərov qeyd edib ki, ilandan qorunmaq üçün yaşayış yeri səliqəli olmalıdır: "Ərazi təmiz olmalıdır ki, orada siçan-siçovul, müxtəlif gəmiricilər olmasın. Ətrafda ilanları gizlənə biləcəyi kol-kos, daş-kəsək qalağı olmasa, həmin əraziyə ilan gəlməz. İlandan qorunmaq istəyirsinizsə, ilanın gizlənməsi, yumurta qoyması, sərinlənməsi üçün şərait yaratmamalısınız. Əgər yaşadığınız ərazidə ilanların məskən salması üçün şərait varsa, ora kəskin iyli maye, yuyucu vasitə, kükürd, kerosin, mazut, kül töksəniz, yaxud da yarpız, sarımsaq kimi bitkiləri qoysanız, ilanlar sizin yaşadığınız ərazidən uzaq olar".

3267
Teqlər:
Livan gürzəsi, Təvəkkül İsgəndərov, sancma, Azər Maqsudov, Sputnik Azərbaycan, müdafiə, rayon, insan, ilan, hücum, ev
Əlaqədar
Azərbaycanda daha bir ilan sancması
Deputatdan açıqlama: İki gündür şəhərlərdə ilanlar dolaşır...
İlanlar bu bölgənin əhalisinə qənim kəsilib
İlanla kənd sakini arasında amansız mübarizə
İlanlar və əqrəblər insanlara qənim kəsilib
Paytaxtın mərkəzində üç metrlik ilan
Bakıda tibbi maska taxmış şəxs, arxiv şək

Azərbaycanda koronavirusa yoluxma niyə artır?

94
"Günəş şüalarının ekspozisiyasının azalması, havanın temperaturunun aşağı düşməsi və dəyişkən olması nəticəsində insanlar daha az hallarda açıq məkanlarda olurlar, toplaşdığı bağlı yerlərdə təmaslar artır, otaqlar soyuq olduğu üçün havalandırmaya riayət olunmur"

Zülfiyyə Quluyeva, Sputnik Azərbaycan

BAKI, 22 oktyabr — Sputnik. Koronavirusa yoluxmada yenidən artım müşahidə olunur. Azərbaycanda oktyabrın 21-də koronavirus infeksiyasına yeni 714 yoluxma faktı qeydə alınıb. Artıq bəzi rayonlarda koronavirusa yoluxma kəskin artdığından giriş-çıxış bağlanıb. Nazirlər Kabineti bir həftə öncə "Xüsusi karantin rejimi ilə bağlı əlavə tədbirlər barədə" qərarında dəyişiklik edib. Dəyişikliyə əsasən, xüsusi karantin rejimi dövründə operativ və xüsusi təyinatlı nəqliyyat vasitələrinin, habelə yükdaşıyan avtomobillərin hərəkəti istisna olmaqla, Sabirabad şəhərinə, Sabirabad rayonunun Cavad, Türkədi, Qalağayın və Kürkəndi kəndlərinə, Şəki şəhərinə və Kiş kəndinə giriş-çıxış dayandırılıb. Eyni zamanda Lənkəran rayonunun, Quba şəhərinin və Quba rayonunun bəzi kəndlərinə giriş-çıxışın dayandırılması ilə bağlı Nazirlər Kabineti tərəfindən Qərar qəbul edilib.

Sputnik Azərbaycan koronavirusa yoluxmanın kəskin artmasının səbəbini araşdırıb.

Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva bildirib ki, Şəkidə və Sabirabaddakı yeni yoluxma ocaqlarının yaranmasını mövsümlə əlaqələndirmək olmaz:

"Çünki havalar ciddi şəkildə soyumayıb, temperatur normal olaraq davam edir. Yeni ocaqlar daha çox ailə, müəssisə daxilində olur. Yeni yaranan ocaqların üzərinə düşüb, onu ləğv etməyə çalışırıq".

Səhiyyə Nazirliyinin baş infeksionisti Təyyar Eyvazov Sputnik Azərbaycan-a açıqlamasında bildirib ki, koronavirusla yoluxma hallarının artımı gözlənilən idi: "Buna hələ yay aylarında hazırlıq gedirdi. Əslində artımın özü yox, onun səviyyəsi bizi daha çox narahat etməlidir. Biz görürük ki, əhatə olunduğumuz ölkələrdə də hələ bir qədər əvvəl bu baş verib. Bu səbəbləri şərti olaraq iki qrupa ayırmaq olar.

Birinci qrup səbəblər təbiidir, yəni günəş şüalarının ekspozisiyasının azalması, havanın temperaturunun aşağı düşməsi və dəyişkən olması nəticəsində insanlar daha az hallarda açıq məkanlarda olurlar, toplaşdığı bağlı yerlərdə təmaslar artır, otaqlarda soyuq olduğu üçün havalandırmaya riayət olunmur. İnsanlar havaya uyğun düzgün geyim seçməkdə çətinlik çəkirlər, nəticədə tərləyir və ya soyuqlayırlar. Həmçinin soyuq havada yuxarı tənəffüs yollarının infeksiyalara qarşı müqaviməti bir qədər zəifləyir və s. İkinci qrup səbəblər isə bizim üçün daha əhəmiyyətlidir. Çünki bunlar korrektə oluna bilər və əhalinin davranışı ilə sıx bağlıdır. Yəni burada qeyd olunan maskanın taxılması, sosial məsafənin gözlənilməsi, təmasların azaldılması, respirator gigiyena qaydalarına əməl olunması, əllərin gigiyenası və s.-dir. Son zamanlar məhz bu qaydalara bir o qədər də ciddi riayət olunmur. Qeyd olunduğu kimi, neqativ dinamika izlənməkdədir. Bu özünü yoluxanların sayındakı artım və sağalanlarla nisbətdə üstünlük təşkil etməsi ilə göstərir".

Baş infeksionist bildirib ki, proses nəzarət olunandır və istənilən hallarda vəziyyətə uyğun adekvat qərarlar verilə bilər: "Bu qərarlar Operativ Qərargah tərəfindən qəbul olunaraq tətbiq edilir. Mənfi dinamikanın aradan qaldırılması ilə bağlı xeyli təcrübə toplanılıb. Hesab edirəm ki, son vaxtlarda yoluxanların sayının bir müddət az olması əhalidə arxayınlıq yaradıb. Maska taxanların sayı azalıb, əhalinin daha çox toplaşdığı yerlərdə sosial məsafə gözlənilmir. İctimai nəqliyyatda eyni hallar müşahidə olunur. Buna görə də bir daha əhali ilə maarifləndirmə işləri aparılmalı və bu qaydalara əməl olunmasına nəzarət ciddiləşdirilməlidir. İnsanlarımıza müraciət edərək onu da çatdırmaq istərdim ki, bu qaydalara birgə əməl etməklə biz yoluxmaların sayını azalda bilərik və bu da bizim dövlətimizə bütün səyləri Qarabağ istiqamətində cəmləşdirməyə imkan verər.

Vətəndaşlar qeyd olunan qaydalara ciddi əməl etməli, təmasları, xüsusilə hərbçilərlə sıx təmasları minimuma endirməlidir. Özünü narahat hiss edən insan müvafiq şikayətlər olarsa, tibbi yardım üçün vaxtında müraciət etməlidir. Başa düşmək lazımdır ki, Ordumuzun döyüş qabiliyyəti əsgər və zabitlərimizin sağlamlığından bilavasitə asılıdır. Bu baxımdan onlara maddi və mənəvi dəstək olaq, lakin koronavirusu unutmayaq".

Qeyd edək ki, Şəki-Zaqatala üzrə koronavirusa yoluxma 2,0, Aran bölgəsi üzrə 10,5 faizdir. Azərbaycanda 2 noyabr saat 06:00-dək xüsusi karantin rejimi tətbiq olunub.

94
Teqlər:
infeksionist, Azərbaycan, yoluxma, Koronavirus, epidemiya, COVID-19
Əlaqədar
Azərbaycanda son sutkada 714 nəfər koronavirusa yoluxdu - Yenə rekord
Gürcüstanda vəziyyət pisləşir: Bir gündə 15 nəfər koronavirusdan öldü
Azərbaycanda koronavirusa ən çox qadınlar yoluxub -statistika
Vasif Əliyev: “İnsanlar son günlər sanki koronavirusu unudublar”
Bu gündən Azərbaycanda karantin rejimi yenidən sərtləşdirilib
Tibb işçisi Dövlət Gömrük Komitəsinin hospitalında, arxiv şəkli

Bölgə xəstəxanalarında tibb işçiləri arasında yoluxmalar artır

30
Bir çox bölgə xəstəxanalarımızda tibb işçiləri arasında da yoluxmalar artır. Onların xəstəliyə yoluxmaması bizim üçün önəmlidir.

BAKI, 22 oktyabr — Sputnik. "Biz bilirdik ki, payız-qış aylarında virusa yoluxma sayında artım gözlənilir. Lakin 714 yoluxma bizim üçün də yeni rəqəmdir. Sağalanların sayı 176 nəfərdir. Havalar hələ çox soyumadığı üçün insanlar da bizimlə razılaşar ki, mövcud artım dinamikasını bununla əlaqələndirə bilmərik. Deməli burada başqa məqamlar var. Sentyabr ayında yoluxmaların sayının azalması insanları bir qədər rahatlaşdırdı. Artıq yenidən həyəcanlı məqamlar yaşayırıq".

Sputnik Azərbaycan-ın məlumatına görə, bu barədə AzTV-nin "Hədəf" proqramında qonaq olan TƏBİB-in departament rəhbəri Yaqut Qarayeva məlumat verib.

O bildirib ki, qarşıda bizi daha soyuq havalar gözləyir və hər kəs ehtiyatlı davranmalıdır, sağlamlığının qeydinə qalmaq üçün məsuliyyətli olmalıdır: "Yanvar ayının sonlarından Operativ Qərargah xüsusi planlar hazırlayıb və bəzi rayonlarda modul tipli xəstəxanalar tikilib. Lakin hazırkı vəziyyətlə əlaqədar bir çox şey dəyişib və son hadisələrlə bağlı biz çarpayı fondumuzun bir hissəsini bəlli istiqamətdə istifadə edirik. Bu gün biz maraqlıyıq ki, tibb işçilərimiz də qüvvətli olsunlar, hərbçilərimizə kömək etsinlər. Bir çox bölgə xəstəxanalarımızda tibb işçiləri arasında da yoluxmalar artır. Onların xəstəliyə yoluxmaması bizim üçün önəmlidir. Bu gün tibb bacıları yaralı hərbçilərimizə ana qayğısını əvəz edəcək qədər diqqətlə baxırlar, onların qulluğunda dururlar. Təəssüf ki, xəstəlik, virus insanın peşəsinə baxmır, tibb işçilərimiz də virusa yoluxa bilir. Hazırda bizdə əsas problem ağır xəstələr, yaşlılar, xroniki xəstəliyi olanlarla bağlıdır. Çünki onlara adi stasionar çarpayı yox, intensiv-terapiya çarpayısına ehtiyac var. Bu, o deməkdir ki, həmin xəstə azı iki həftə orada müalicə olunur. Yəni, bir intensiv-terapiya çarpayısından iki həftə ərzində yeni xəstə istifadə edə bilməyəcək. Bu, ciddi problemdir".

30

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

0
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

0
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək