Almaniyadakı Oktoberfest xalq şənliyində pivə paylayan adam, 20 sentyabr 2015-ci il

Pivəsevərlərə şad xəbər

1585
(Yenilənib 21:46 19.08.2017)
Bunlara riayət etdikdən sonra kökəlməyəcəksiz və pivə orqanizminizə mənfi təsir etməyəcək.

BAKI, 17 avgust — Sputnik. Məlum olduğu kimi alkoqol ən kalorili ərzaqlardandır. Üstəlik alkoqollu içkiləri karbohidrogenlərlə zəngin və yağlı qidalarla birlikdə qəbul etdikdə rasiondakı kalorinin miqdarı xeyli artır. Məhz bu səbəbdən də alkoqol artıq çəkinin əmələ gəlməsinə səbəb olur.

Sputnik Azərbaycan Vesti.ru-ya istinadən xəbər verir ki, pivəyə gəlincə, hətta yüksək keyfiyyətli xammaldan hazırlandıqda belə qarın piylərini artırır və uzunmüddətli perspektivdə ərinməyən piylərə çevrilir. Bu halla ən çox kişilər üzləşir və adətən iri qarını olan kişilərə "pivəqarınlar" deyirlər. Bu yazıda biz artıq çəki və qarın piyləri yığmamaq üçün pivəni düzgün qəbul etməyin yollarını izah edəcəyik.

Tələsməyin

 

"Böyük piyalə pivəni, bir stəkan çaxırı və bir qədəh arağı süzmək üçün qaraciyərə 1 saat vaxt lazımdır" deyə Medical Daily nəşrinə müsahibəsində dietoloq Keyt Ayob (Keith Ayoob) bildirib. Bu isə o deməkdir ki, azca içki bir saat ərzində metobolimz proseslərinə və orqanizmdə piyin əriməsinə dramatik təsir göstərir. Bunu öz növbəsində American Journal of Clinical Nutrition-da yayımlanmış tədqiqatın nəticələri də göstərir. Eyni alkoqollu içkidən bir saat ərzində bir piyalədən çox içən şəxslərin orqanizmində ikinci saatda piyin ərinməsi prosesi 73% azalır.

Diqqətlə seçin

 

"Yüngül" pivə, "az alkoqollu" pivə və "az karbohidratlı" pivə variantları öz fiqurasının qayğısına qalan insanlar üçün cəzbedici görünə bilər. Lakin onların bir-birilərindən nə ilə fərqləndiklərini bilmək lazımdır. Şəffaf pivə daha az spirtli və az kalorili olur. Aşağı karbohidratlı içkilərdə isə karbohidratların kütləsi bir qədər az olur.

Light adı altında təqdim olunan pivənin isə əsas xüsusiyyətləri bunlardır: а) marketinq fəndi; б) az alkoqollu pivə adətən daha çox istehlak edilir ki, bu da rasiondakı ümumi kalorini artırır. Eyni zamanda ekspertlər bildirirlər ki, tünd rəngli pivələr acı dada malik olduğu üçün yavaş-yavaş içilir. Eyni zamanda onların tərkibində alkoqol çox olduğundan, adətən tünd pivə az içilir.

Su için

 

Beyni ayıq saxlamaq və dietaya ziyan gətirməməyin ən yaxşı yolu hər stəkan alkoqollu içkidən sonra arada 1 stəkan su içməkdir. Əvvəla bu, mədəni tez dolduracaq və siz daha az yemək yeyəcək, içkini də az içəcəksiz. İkincisi, siz özünüzü daha yaxşı hiss edəcəksiz. Eləcə də səhər yuxudan oyananda yaxşı vəziyyətdə olacaqsız. Çünki su ilə qəbul olunduqda alkoqol orqanizmdən daha tez xaric olur. Nəticədə dəriniz yaxşılaşır və dəmliyiniz də tez keçir.

"Optimal həcmdə nəmliliyi saxlamaq və orqanizmdəki su çatışmazlığını təmin etmək üçün siz alkoqollu içki qədər su içməlisiz" — deyə Keyt Ayob bildirir.

Stəkana diqqət edin

 

İçki içilən stəkanın forması da bizim alkoqolu qəbul etməyimizə təsir göstərir. 2015-ci ildə alimlər eksperiment nəticəsində bu qənaətə gəlmişdilər ki, əgər pivə əyri və müxtəlif rəngli stəkanlara tökülürsə, daha çox içilir. Həmçinin həmin stəkanlarda pivənin içilmə intensivliyi 10 dəqiqə artır.

Protein yeyin

 

Bu yaxınlarda aparılan tədqiqat göstərib ki, qazlı içkilərlə birlikdə proteinli qidalar qəbul etmək yaxşı ideya deyil. Amma söhbət alkoqollu içkilərdən gedirsə, burada vəziyyət tamamilə əksinədir. İş ondadır ki, protein tərkibli qidaların termik effekti 20-30%-dir. Məhz bu kalori həzmə yaxşı kömək edir. Bu mənada bol proteinli qidalar içki içilən zaman qanda alkoqolun səviyyəsinə nəzarət edir. Tədqiqat zamanı o da məlum olub ki, alkoqolun sorulma sürəti eyni zamanda onun parçalanmasını tezləşdirir.

Əgər siz içmək, yoxsa içməmək seçimi qarşısında qalmısızsa, yaxşı olar ki, ikincini seçəsiz. Məhz bu variant sizi alkoqollu içkinin gətirdiyi risklərdən xilas edəcək.

1585
Teqlər:
stəkan, qədəh, kalori, pivə
Əlaqədar
Bunu biləndən sonra pivə içməyəcəksiniz
"Həci pivəsi" heç də alkoqolsuz deyilmiş
Bir vaxtlar onun qiyməti pivədən baha idi
Görün pivədən nə hazırladılar
COVİD-19-da ölən şəxs, arxiv şəkli

Azərbaycanda koronavirusa yoluxma sayında azalma, ölüm sayında artım baş verib

672
(Yenilənib 18:21 08.03.2021)
İndiyədək ölkədə ümumilikdə 236 963 nəfərin koronavirus infeksiyasına yoluxması faktı müəyyən edilib, onlardan 229 789 nəfər müalicə olunaraq sağalıb, 3 247 nəfər vəfat edib. Hazırda 3 927 aktiv xəstə var.

BAKI, 8 mart - Sputnik. Azərbaycanda koronavirus infeksiyasına 195 yeni yoluxma faktı qeydə alınıb, 71 nəfər müalicə olunaraq sağalıb və evə buraxılıb.

Bu barədə Sputnik Azərbaycan-a Nazirlər Kabineti yanında Operativ Qərargahdan məlumat verilib.

Bildirilib ki, son sutkada 6 nəfər COVID-19-dan vəfat edib.

İndiyədək ölkədə ümumilikdə 236 963 nəfərin koronavirus infeksiyasına yoluxması faktı müəyyən edilib, onlardan 229 789 nəfər müalicə olunaraq sağalıb, 3 247 nəfər vəfat edib. Hazırda 3 927 aktiv xəstə var.

Son sutka ərzində yeni yoluxma hallarının müəyyənləşdirilməsi ilə əlaqədar 4 624, bu günə qədər isə ümumilikdə 2 657 999 test icra olunub.

672
Teqlər:
Nazirlər Kabineti yanında Operativ Qərargah, yoluxma, pandemiya, Koronavirus, COVID-19
Девушка во время обеда

Qadınlar üçün ən faydalı qidalar

9
Qadın sağlamlığı üçün estrogen hormonlarının yaranması şərtdir. Onun miqdarı isə soya bitkiləri, tofu pendiri, küncüt yağı, sarıkök, qırmızı üzüm, şaftalı və sarımsaq sayəsində artır

BAKI, 8 mart - Sputnik. Qadınlar kalsiumun D vitamini ilə birlikdə qəbuluna xüsusi diqqət ayırmalıdırlar. Bu normanı qorumaq üçün rasiona treska balığının qaraciyərini, kalsiumu almaq üçün isə pendir, qatıq, süd, kəsmik və portağal şirəsini əlavə etmələri məsləhətdir.

Sputnik Azərbaycan bildirir ki, bunu "Rossiya-1"in efirində həkim və teleaparıcı Aleksandr Myasnikov sağlamlığı qorumaq üçün qadınlara gərək olan ərzaqlardan danışarkən deyib.

Myasnikov qeyd edib ki, qadın sağlamlığı üçün estrogen hormonlarının yaranması şərtdir. Onun miqdarı isə soya bitkiləri, tofu pendiri, küncüt yağı, sarıkök, qırmızı üzüm, şaftalı və sarımsaq sayəsində artır. Həmçinin rasiona kifayət qədər doymamış yağ da daxil etmək gərəkdir. 

"Daha bir faydalı ərzaq brokkolidir. O, onkoloji xəstəlikləri önləyir, kifayət qədər də müxtəlif mikroelement və vitaminlər, xüsusən foliatları ehtiva edir. Bu, çox faydalı bir şeydir, özü də qadınlarım həmişə, xüsusən hamilə olarkən ehtiyacları olan qidadır", - Myasnikov deyib.

9
Teqlər:
qadınlar, sağlamlıq, ərzaq
Gürcüstanda etirazlar

Gürcüstanda yeparxiya davası dindarların balkondan yıxılması ilə nəticələnib - VİDEO

0
(Yenilənib 00:20 09.03.2021)
Balkonda davam edən dava zamanı taxta dirəklər sınıb və oradakılar yerə yıxılıb. Xəsarət alanların arasında Gürcüstan telekanallarının jurnalistləri və operatorları da olub.

BAKI, 9 mart - Sputnik. Gürcüstanın Martvili şəhərindəki Çkondid yeparxiyasında baş verən dava zamanı on nəfər eyvandan yıxılıb, onlardan altısı xəsarət alıb.

Sputnik Gürcüstan xəbər verir ki, Gürcüstan Daxili İşlər Nazirliyi hadisəni araşdırmağa başlayıb.

Məlumata görə, yeni hakim mitropolit Stefanın sədrliyi ilə keçirilən qapalı iclasda ruhanilər arasında yaranmış mübahisə dava ilə bitib.

Çkondid və Martvilinin yeni mitropoliti Stefan ata keçmiş mitropolitin tərəfdarı olan iki dyakonun ibadət etməsini qadağan edib.

Bundan sonra yeparxiya xadimləri arasında qarşıdurma yaranıb. Kilsə və pastva xadimləri münasibətlərə aydınlıq gətirmək istəyiblər. Qarşıdurma binanın ikinci mərtəbəsinin eyvanında davam edib. Nəticədə taxta dirəklər sınıb və oradakılar yerə yıxılıb. Xəsarət alanların arasında Gürcüstanın Formula-1, POSTV, TV Pirveli, Rustavi 2 telekanallarının jurnalistləri və operatorları da olub.

Xəsarət alanlar təcili yardım briqaları tərəfindən xəstəxanaya aparılıb. Gürcüstan Patriarxlığı hələlik Çkondid yeparxiyasında baş verənləri şərh etməyib.

Gürcüstanın Daxili İşlər Nazirliyi Martvili rayonundakı Çkondid yeparxiyasında baş verən dava faktı ilə bağlı cinayət işi qaldırıb. "Ehtiyatsızlıqdan sağlamlığa zərər vurma" maddəsi üzrə təhqiqat aparılır. Gürcüstan qanunvericiliyinə görə, bu maddə özündə inzibati cərimələri və yaxud iki ilə qədər islah işlərini nəzərdə tutur.

 

0