Kosmetik məhsullar dükanının piştaxtaları

Həyatımıza təhlükə varmı - mütəxəssislər rəy verdilər

203
(Yenilənib 14:28 01.08.2017)
Günümüzün ən mühüm problemlərindən birinə aydınlıq gətirildi

Təranə Xudabaxşiyeva, Sputnik Azərbaycan

BAKI, 1 avqust — Sputnik. Yay fəslinin gəlişi insanların tər əleyhinə olan vasitələrdən, eləcə də ətirlərdən daha çox istifadə etməsinə səbəb olur. Ətir və tər əleyhinə vasitələrin orijinalları çox baha olduğundan, ölkəyə saxta kosmetik məhsulların gətirilməsi halları xeyli artıb. Bu da zay və saxta məhsullardan istifadə edilməsi səbəbindən zərər çəkənlərin sayının artmasına gətirib çıxarır.

Прилавок с мясом птицы, фото из архива
© Sputnik / Yevgeny Biyatov

Hətta orijinal ətirlər belə, bəzi allergik insanların istifadəsi üçün yaramır. Saxta və zay məhsullar isə nəinki onlarda, eləcə də allergiyası olmayan insanlarda da fəsadlara və xəstəliklərə səbəb ola bilər. Belə məhsullardan istifadə edərkən baş ağrılarının, allergiyaların yaranması, dəri xəstəliklərinin ortaya çıxması müşahidə edilir. Sputnik Azərbaycan tibb işçilərindən belə saxta kosmetik məhsulların insan orqanizminə nə qədər mənfi təsirinin olduğunu soruşub.

Həkim Rasif Bağırov bildirir ki, ətirlər orijinal olmayanda, saxta ətirlərin tərkibi düzgün qatılmayanda, dəridə çox yüngül, dərin olmayan xəstəliklər meydana çıxa bilər: "Orijinal ətirlərin tərkibi təbii olduğundan və düzgün qatıldığından, bu məhsullar insan orqanizmi üçün heç bir təhlükə törətmir. O ki qaldı allergik xəstəliklərə, hər hansı bir insanın ətrin tərkibindəki müəyyən qarışığa allergiyası varsa, ətir istər orijinal, istər saxta olsun, mütləq həmin insana pis təsir edəcək".

"Orijinal və saxta ətirlərin keyfiyyətinə gəlincə, doğrusu, mənə heç kimdən bu şikayətlə müraciət edən olmayıb. Düşünürəm ki, ətir satan firmalar öz aralarında rəqabət apardıqlarından, bir-birilərinə qarşı qara piar edərkən, rəqibin satdığı məhsulun insan sağlamlığına ziyanlı olduğunu qeyd edirlər və onların müştərilərini qorxudurlar. Bu məhsulların əhali üçün heç bir ciddi qorxusu yoxdur" – deyə həkim əlavə edir.

Bağırov onu da diqqətə çatdırır ki, antiperspirantlar orqanizm üçün heç bir qorxu yaratmır: "Bir həkim olaraq əminliklə deyə bilərəm ki, bu günə kimi heç bir xəstə bununla bağlı bizə müraciət etməyib. Kiminsə həssas dərisi varsa və onda buna reaksiya olubsa, kiminsə bu vasitələrin tərkibindəki qatqıya qarşı allergiyası varsa, bu zaman hansısa reaksiya ola bilər. Amma ümumilikdə belə vasitələr insan orqanizmi üçün ziyanlı deyil".

Dermatoloq Mahir Məmmədli söyləyir ki, təbiətdə 5 mindən çox allergen var: "Bunların içində müəyyən aromatizatorlar da olur. Ətirlərin hər hansı insana allergiya verməsi individualdır. Elə insanlar var ki, allergiyaya meyllidir, astması var. Belə insanlar kəskin iyli ətirlərə üstünlük verə bilməzlər".

"Bəzi insanlar var ki, sitrus meyvələrinə və ya hər hansı çiçəklərə allergiyası var. Onlardan hazırlanan ətirlər belə insanlarda allergiya verə bilir və bu da dəridə özünü göstərir" — mütəxəssis bildirir.

Dermatoloq tövsiyə edir ki, ətir alarkən diqqətli olmaq lazımdır: "Ətirləri brend dükanlardan almaq lazımdır. Əks halda mənşəyi bilinməyən ətirlər həqiqətən böyük problemlərə gətirib çıxara bilər. Belə yerlərdən ətir və kosmetik vasitələr almaq olmaz".

"Tər üçün olan antiperspirantlar həmişə istifadə olunub. Yaxşı olar ki, bunların tərkibi də təbii məhsullardan olsun. Amma belə halda da satışa çıxarılmadan öncə antiperspirantlar xüsusi testlərdən çıxarılır, daha sonra istifadəyə verilir. Mütəxəssis kimi deyə bilərəm ki, tər əleyhinə məhsullar və ətirlər təbii tərkibli olmalıdır. Bu halda heç bir problem yaranmaz" – deyə M.Məmmədli vurğulayır.

203
Teqlər:
ətir, saxta kosmetik məhsul, tər əleyhinə olan vasitələr, yay fəsli, dermatoloq, Mahir Məmmədli, insan orqanizmi, Sputnik Azərbaycan, Rasif Bağırov, həkim
Əlaqədar
İnsan orqanizmi barədə nələr bilirik
Bu robot canlı orqanizmlərlə qidalanır
İrandan Azərbaycana zərərli orqanizmlər daşınırmış
Meyvələrin insan orqanizminə xeyri
COVİD-19 xəstənin transpartirovkası, arxiv şəkli

Ermənistanda bir gündə 22 nəfər koronavirusdan öldü

5
Ermənistanda son gündə daha 22 nəfər ölüb. Ümumilikdə bu virusdan ölənlərin sayı 2090-a çatıb. Xəstəlikdən sağalanların sayı 105149 nəfər olub.

BAKI, 27 noyabr — Sputnik. Ermənistanda koronavirusa yoluxanların sayı 132346-ya çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 1476 nəfər artıb.

Ermənistanda son gündə daha 22 nəfər ölüb. Ümumilikdə bu virusdan ölənlərin sayı 2090-a çatıb. Xəstəlikdən sağalanların sayı 105149 nəfər olub. Hazırda bu ölkədə 24580 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 61 milyonu keçib, 1,43 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

5
Xaçmaz rayonun girişi, arxiv şəkli

Xaçmazda COVID-19 xəstəsi saxlanılıb

8
(Yenilənib 10:22 27.11.2020)
COVID-19 infeksiyasının daşıyıcısı olan şəxslə profilaktik söhbətlər aparılıb və tam sağalanadək evdən çıxmaması barədə ciddi xəbərdarlıq edilib.

BAKI, 27 noyabr — Sputnik. Xaçmaz Rayon Polis Şöbəsinin (RPŞ) əməkdaşlarının keçirdiyi müvafiq tədbirlərlə COVID-19 infeksiyasına yoluxmuş rayon sakininin yaşayış yerini tərk etdiyi müəyyən edilib.

Daxili İşlər Nazirliyinin Mətbuat Xidmətinin Quba regional qrupundan Sputnik Azərbaycan-a bildirilib ki, Xaçmaz rayon sakini Eldosi Quliyev COVID-19 infeksiyası testinin pozitiv nəticəsinə görə ev şəraitində müalicə təyin olunub.

Lakin polis əməkdaşlarının keçirdiyi müvafiq tədbirlərlə həmin şəxsin yaşayış yerini tərk etdiyi müəyyən edilib və o, rayon ərazisində aşkar edilərək yaşadığı ünvana qaytarılıb.

COVID-19 infeksiyasının daşıyıcısı olan şəxslə profilaktik söhbətlər aparılıb və tam sağalanadək evdən çıxmaması barədə ciddi xəbərdarlıq edilib.

Həmin şəxsin törətdiyi əmələ hüquqi qiymət verilməsi üçün RPŞ-nin İstintaq Bölməsində araşdırmalar aparılır.

8
Teqlər:
xəstə, xəbərdarlıq, Koronavirus, COVID-19, Xaçmaz
Kəlbəcərdə Azərbaycan hərbçiləri, arxiv şəkli

Ermənistan Xarici İşlər Nazirliyi Kəlbəcərdə baş verənlərlə bağlı məlumat yaydı

0
(Yenilənib 12:48 27.11.2020)
Delimitasiya və demarkasiya – uzun və kompleks prosesdir, o ölkələr arasında hökumətlərarası komissiya və işçi qrupları arasında dövlətlərarası danışıqlar əsasında həyata keçirilir, nəticədə isə müvafiq beynəlxalq sənəd imzalanır.

BAKI, 27 noyabr — Sputnik. Ermənistan Xarici İşlər Nazirliyi Kəlbəcərdə, Zod yatağında azərbaycanlı hərbçilərin iştirakı ilə baş verən insidenti şərh edib. Bu barədə Sputnik Ermənistan xəbər verir.

Ermənistan XİN-in mətbuat xidmətinin yaydığı məlumata görə, döyüş növbəsinin həyata keçirilməsi üçün noyabrın 27-si Ermənistan və Azərbaycan Silahlı Qüvvələri arasında danışqılar baş tutub və danışıqlar zamanı müvəqqəti döyüş mövqelərinin faktiki yerləri dəqiqləşdirilib.

"Delimitasiya və demarkasiya – uzun və kompleks prosesdir, o ölkələr arasında hökumətlərarası komissiya və işçi qrupları arasında dövlətlərarası danışıqlar əsasında həyata keçirilir, nəticədə isə müvafiq beynəlxalq sənəd imzalanır", - deyə məlumatda qeyd olunur.

Qeyd edək ki, daha əvvəl Ermənistan Silahlı Qüvvələrinin Baş Qərargah rəisinin birinci müavini Tiran Xaçatryan bildirib ki, Azərbaycan hərbçiləri Ermənistanla sərhədi keçməyib.

O izah edib ki, Kəlbəcər rayonu Azərbaycanın nəzarətinə keçəndən sonra iki ölkə arasında sərhəd Zod yatağının ortasından keçir.

Qeyd edək ki, ötən gün Azərbaycan, Ermənistan, Rusiya Silahlı Qüvvələrinin nümayəndələri xüsusi vasitələrdən (GPS) istifadə edərək Kəlbəcər rayonu ərazisində Azərbaycan və Ermənistan dövlət sərhədində demarkasiya işlərinə başlayıblar.

Xatırladaq ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0
Teqlər:
sərhəd, Ermənistan XİN, Kəlbəcər